افلام تستحق المشاهدة

12:55 PM March, 27 2023

سودانيز اون لاين
النصرى أمين-كالغرى, كندا
مكتبتى
رابط مختصر

الفيلم الرهيب العجيب

All Quiet on the Western Front

عن الحرب العالمية الأولى
تصوير خيالى و ديكور مكياج out of this world

اذا ما عندك تلفزيون HD او 4K انسى الموضوع وشوف ليك ليالى الحلمية
الأفلام دى عظمتها فى دقة التصوير و المؤثرات الصوتية و الملابس و الخدع السينمائية

الفيلن التانى ما بينفع مع اى زول خاصة ناس الاكش و الدوكشمان
الفيلم من ستيفن سبيلبيرق( بتاع الفك المفترس و افلام الديناصورات و ET)
اسم الفيلم
The Fabelmans

الفيلم عن طفل من اسرة يهودية وقع فى غرام كاميرا التصوير من اول مرة مشى السينما مع والديه.
الفيلم عميق للناس العمقا و مافيهو احداث كتيرة ...
واحد نصح بيه فى تيك توك ، مشيت شاهدته ولم اندم

السلام النصرى,
رمضان كريم.
المرة السابقة تابعت ليستة المسلسلات حقتك و بناءا عليها شاهدت المسلسل الاسبانى (مونى هايست) و ما ندمت علي مشاهدتها, كانت قمة الفن.
ان شاءالله المرة دى برضو نتابع و ان شاءالله ما ح يخيب الظن, بس فيلم الحرب ده بخليهو للنهاية ربما.

اهلا الهبيب
والله يا محجوب تتابعنى ما بتندم
انا زول مرضان تلفزيون و افلام و مسلسلات
عدم وجود حياة اجتماعيه سمح لى بزمن خرافي للاستمتاع بيها.

شاهد فيلم الحرب فى رمضان فى اول ويكند، حيكون سهرة ممتعة
بس حاول كل مرة اتذكر ان الفيلم ده مصنوع صناعة وليس حقيقة، انتبه لملابس الممثلين
و الديكور و ارض المعركة ....انتبه للتفاصيل دى و حتكون amused

الفيلم الثالث شاهدته اليوم
اسمه

Luther the Fallen Sun
بطولة ادريس البا


الفيلم من نوع الجريمة و الاثارة
ممتاز جدا لتقضية نهار رمضان الطويل.

انصح بشدة بمشاهدته فى نيتفليكس.
الفيلم طويل حوالى ساعتين لكن لن تشعر بالملل .
الفيلم انجليزي ، كنت خايف من اللهجة بتاعتهم لكن الحوار غير معقد .



https://ibb.co/6yChDpd

الفيلم الكوميدي May cousin vinny
ستضحك حتى تستغيث

فيلم اوول كوايت... افضل موسيقى تصويرية لعازف البيانو"فولكر بيرتلمان"
فعلا في يوم ١٢ مارس الفات كان يستحق الجائزة..يا لها من موسيقى ويا لها من مؤثرات
عارف يا النصري.... مرات قاعد تبالغ عديل كدة بتجيب حاجات تستحق عليها جائزة الدب الذهبي

اهلا ترهاقا
My Cousin Vinny
فيلم ظريف جدا لكن قديم خالص اوائل التسعينات...
طبعا مشهد المحاكمة فى نهاية الفيلم يعتبر اسطورة فى السينما الأمريكية

اهلا احمد يسن

فيلم all quiet on the western front
فيلم عجيب ، للأسف لم انتبه للموسيقى التصويرية ، كنت مشدوه
طوال الفيلم بدقة تفاصيل المشاهد
بذكرنى مسلسل Breaking Bad فى اهتمامه بالتفاصيل

رمضان لازم نعمل استثناءات
لعشاق المسلسلات
مسلسل من عشرة اجزاء فقط
من النوع البوليسى ناس FBI و CIA
يحكى عن شاب يعمل فى بدروم basement البيت الابيض و مهمته فقط الرد على مكالمات نادرة جدا
المسلسل اسمه

The Night Agent

ظريف و مسل و ممكن يعدى بيك يوم صيام كامل

شاهدت مسلسل جديد فى نيتفليكس (نزل قبل يومين فقط) من عشرة حلقات
اسمه


BEEF

وهنا لاتعني الكلمة لحم البقر بل تعنى الغضب من شخص ما.


المسلسل كوري أمريكي ، يحكى عن حادثة صغيرة Road rage بين رجل و امراة ، تطور الى وصل الى مرحلة قلب حياتهم راسا على عقب ...

اعتقد الحلقات الاولى بطيئه نوعا ما لكن بتسخن فى النصف الثانى من المسلسل.

7.5 من عشرة

Personally I enjoyed it

نصري يا جميل يا رايق ..

من اجمل المسلسلات الحضرتها Billions
انصحك بالمشاهدة ..

امس اخيرا اتفرجت على Avatar, the shape of water

اهلا يحى
للاسف المسلسل Billions غير متوفر فى منصة نيتفليكس الكندية .
احتمال يكون فى IPTV SMARTERS البرنامح العربى اياه. لسه ما فتشته

والله ما قدرت اشاهد افاتار فى السينما. مشاهدته فى التلفزيون تفقد كثير من بهاءهو و رونقه

بالمناسبه يا قبانى
لقيت مسلسل بيليون فى الساتلايت لكن لم يعجبني التقييم بتاعه
لو داير تستمتع بالدراما السياسية الأمريكية و خبايا البيت الابيض
لازم لازم لازم لازم تشاهد
House of Cards

تحفة فنية ؛ يحكى عن رجل استغلالى يتسلق سلم السياسة الأمريكية على جماجم ضحاياه


البطل هو kevin Spacey ، تم الخلص منه بعد عدة مواسم لاتهامه بتحرش جنسى.

المسلسل رهيب يا قباني
على مسؤوليتي لو ما عجبك

Quote: بالمناسبه يا قبانى لقيت مسلسل بيليون فى الساتلايت لكن لم يعجبني التقييم بتاعه

انسى التقييم و شاهد المسلسل .. ابداع حقيقي ..

اوع يكون التقييم البختو النمر فوق المسلسل و الافلام في الساتلايت ؟ ده كلام فاضي انا بقيت مل شغال بيهو و ما عارف البقيم منو اساا ..

عموما اتفرج و لو ما عجبك لومني ..
لو اتفرجت على succession و عجبك
billions اجمل منه بي كتير

تعرف يا يحى نويت اشاهد Billions لكن اليومين الفاتو عتر لى مسلسل اسمه Concession
شاهدت تلاته حلقات بس و ادمنتو ...
مبالغة ..يحكى عن اسرة مثل Rogers عندنا فى كندا ..تمتلك قنوات رياضية و اندية و ملاعب و مسارح الخ...

صاحب الشركة لديه ثلاثة اولاد و بنت ...كل شخصية منهم حكاية لوحدها..
الوالد يمرض و تتعرض الشركة لهزة شديدة....
مسلسل رهيب انصح بمشاهدته

Quote: عرف يا يحى نويت اشاهد Billions لكن اليومين الفاتو عتر لى مسلسل اسمه Concession شاهدت تلاته حلقات بس و ادمنتو ... مبالغة ..يحكى عن اسرة مثل Rogers عندنا فى كندا ..تمتلك قنوات رياضية و اندية و ملاعب و مسارح الخ... صاحب الشركة لديه ثلاثة اولاد و بنت ...كل شخصية منهم حكاية لوحدها.. الوالد يمرض و تتعرض الشركة لهزة شديدة.... مسلسل رهيب انصح بمشاهدته

اسمه succession
ما concession
بتكلم عن قصة روبرت ميردوخ تقريبا
انا شفت ٣ اجزاء و لسة ما كملته

في ردي الفوق ليك طوالي قلت ليك لو شفت succession و عجبك .. Billions اجمل منه بي مراحل
Succession جميل لكن نوع الكوميدي الفيها عوارة خاصة من الولد الصغير و من الاخت
زوجة الاب الفلسطينية تمثيلها حلو .. و طبعا لوقان خطير

Quote: اسمه succession ما concession

اتخيل
النصري بالنسبة لينا دكشنري والمرجع الوحيد لاهم الافلام والمسلسلات
يقوم يطلع ما عارف اسم المسلسل؟
اها يا نصوري تعال رد
كونسيشن قال

الصيام يا يحى و احمد ...
ياخ انا اكتر زول بجاهد فى رمضآن.
بفطر و بنوم بعد ساعة من الإفطار و بصحى تلاته صباحا للشغل .

بعدين المسلسل يادوب بديتو من يومين شاهدت الحلقات الثلاثة فى العصر قبل المغرب ، يعنى فى أضعف حالاتى.

الابن الأصغر ده شاهدت ليه حلقة فى Saturday Night Live و ماكنت عارف وقتها اى عمل فنى شارك فيه ( ودى غلطة لانه ضيف SNL عادة بيكون بيعمل دعاية لعمل فنى، ما انتبهت انه كان Succession )

طبعا انا كنت عارف انو هو اخو بطل
Home alone بس من الشبه .

بالمناسبة يا النصري قاعد توفر لينا وقت كبير في البحث
يعني انا واحد من الناس بحضر حسب اختياراتك وتقريبا كلها ناجحة
ومن خلال البوست دا ..اليوم شفت اول حلقة من Billions.. وبدأ ب "تشاك"
راقد ارضا ومربط بالحبال وقامت مرتو walks around him, wearing high heels
تشتو بى سجارة طويلة في صدره و لمن قال اح قالت ليهو now i will fix it
طبعا انت عارف عملت شنو

Quote: ومن خلال البوست دا ..اليوم شفت اول حلقة من Billions.. وبدأ ب "تشاك" راقد ارضا ومربط بالحبال وقامت مرتو walks around him, wearing high heels تشتو بى سجارة طويلة في صدره و لمن قال اح قالت ليهو now i will fix it طبعا انت عارف عملت شنو

هههههههههه

مسلسل خطير يا احمد
تشاك عجيب و مرتو عجيبة
و اكسلرود اعجب

المسلسل ده ادمان
حتشوف براك