الفيلن التانى ما بينفع مع اى زول خاصة ناس الاكش و الدوكشمان الفيلم من ستيفن سبيلبيرق( بتاع الفك المفترس و افلام الديناصورات و ET) اسم الفيلم The Fabelmans
الفيلم عن طفل من اسرة يهودية وقع فى غرام كاميرا التصوير من اول مرة مشى السينما مع والديه. الفيلم عميق للناس العمقا و مافيهو احداث كتيرة ... واحد نصح بيه فى تيك توك ، مشيت شاهدته ولم اندم
03-27-2023, 07:04 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8953
السلام النصرى, رمضان كريم. المرة السابقة تابعت ليستة المسلسلات حقتك و بناءا عليها شاهدت المسلسل الاسبانى (مونى هايست) و ما ندمت علي مشاهدتها, كانت قمة الفن. ان شاءالله المرة دى برضو نتابع و ان شاءالله ما ح يخيب الظن, بس فيلم الحرب ده بخليهو للنهاية ربما.
اهلا الهبيب والله يا محجوب تتابعنى ما بتندم انا زول مرضان تلفزيون و افلام و مسلسلات عدم وجود حياة اجتماعيه سمح لى بزمن خرافي للاستمتاع بيها.
شاهد فيلم الحرب فى رمضان فى اول ويكند، حيكون سهرة ممتعة بس حاول كل مرة اتذكر ان الفيلم ده مصنوع صناعة وليس حقيقة، انتبه لملابس الممثلين و الديكور و ارض المعركة ....انتبه للتفاصيل دى و حتكون amused
فيلم اوول كوايت... افضل موسيقى تصويرية لعازف البيانو"فولكر بيرتلمان" فعلا في يوم ١٢ مارس الفات كان يستحق الجائزة..يا لها من موسيقى ويا لها من مؤثرات عارف يا النصري.... مرات قاعد تبالغ عديل كدة بتجيب حاجات تستحق عليها جائزة الدب الذهبي
فيلم all quiet on the western front فيلم عجيب ، للأسف لم انتبه للموسيقى التصويرية ، كنت مشدوه طوال الفيلم بدقة تفاصيل المشاهد بذكرنى مسلسل Breaking Bad فى اهتمامه بالتفاصيل
رمضان لازم نعمل استثناءات لعشاق المسلسلات مسلسل من عشرة اجزاء فقط من النوع البوليسى ناس FBI و CIA يحكى عن شاب يعمل فى بدروم basement البيت الابيض و مهمته فقط الرد على مكالمات نادرة جدا المسلسل اسمه
بالمناسبه يا قبانى لقيت مسلسل بيليون فى الساتلايت لكن لم يعجبني التقييم بتاعه لو داير تستمتع بالدراما السياسية الأمريكية و خبايا البيت الابيض لازم لازم لازم لازم تشاهد House of Cards
تحفة فنية ؛ يحكى عن رجل استغلالى يتسلق سلم السياسة الأمريكية على جماجم ضحاياه
البطل هو kevin Spacey ، تم الخلص منه بعد عدة مواسم لاتهامه بتحرش جنسى.
المسلسل رهيب يا قباني على مسؤوليتي لو ما عجبك
04-09-2023, 03:59 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
تعرف يا يحى نويت اشاهد Billions لكن اليومين الفاتو عتر لى مسلسل اسمه Concession شاهدت تلاته حلقات بس و ادمنتو ... مبالغة ..يحكى عن اسرة مثل Rogers عندنا فى كندا ..تمتلك قنوات رياضية و اندية و ملاعب و مسارح الخ...
صاحب الشركة لديه ثلاثة اولاد و بنت ...كل شخصية منهم حكاية لوحدها.. الوالد يمرض و تتعرض الشركة لهزة شديدة.... مسلسل رهيب انصح بمشاهدته
04-14-2023, 09:58 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: عرف يا يحى نويت اشاهد Billions لكن اليومين الفاتو عتر لى مسلسل اسمه Concession شاهدت تلاته حلقات بس و ادمنتو ... مبالغة ..يحكى عن اسرة مثل Rogers عندنا فى كندا ..تمتلك قنوات رياضية و اندية و ملاعب و مسارح الخ...
صاحب الشركة لديه ثلاثة اولاد و بنت ...كل شخصية منهم حكاية لوحدها.. الوالد يمرض و تتعرض الشركة لهزة شديدة.... مسلسل رهيب انصح بمشاهدته
اسمه succession ما concession بتكلم عن قصة روبرت ميردوخ تقريبا انا شفت ٣ اجزاء و لسة ما كملته
في ردي الفوق ليك طوالي قلت ليك لو شفت succession و عجبك .. Billions اجمل منه بي مراحل Succession جميل لكن نوع الكوميدي الفيها عوارة خاصة من الولد الصغير و من الاخت زوجة الاب الفلسطينية تمثيلها حلو .. و طبعا لوقان خطير
04-14-2023, 12:18 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
الصيام يا يحى و احمد ... ياخ انا اكتر زول بجاهد فى رمضآن. بفطر و بنوم بعد ساعة من الإفطار و بصحى تلاته صباحا للشغل .
بعدين المسلسل يادوب بديتو من يومين شاهدت الحلقات الثلاثة فى العصر قبل المغرب ، يعنى فى أضعف حالاتى.
الابن الأصغر ده شاهدت ليه حلقة فى Saturday Night Live و ماكنت عارف وقتها اى عمل فنى شارك فيه ( ودى غلطة لانه ضيف SNL عادة بيكون بيعمل دعاية لعمل فنى، ما انتبهت انه كان Succession )
طبعا انا كنت عارف انو هو اخو بطل Home alone بس من الشبه .
04-14-2023, 02:54 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
بالمناسبة يا النصري قاعد توفر لينا وقت كبير في البحث يعني انا واحد من الناس بحضر حسب اختياراتك وتقريبا كلها ناجحة ومن خلال البوست دا ..اليوم شفت اول حلقة من Billions.. وبدأ ب "تشاك" راقد ارضا ومربط بالحبال وقامت مرتو walks around him, wearing high heels تشتو بى سجارة طويلة في صدره و لمن قال اح قالت ليهو now i will fix it طبعا انت عارف عملت شنو
04-15-2023, 02:23 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: ومن خلال البوست دا ..اليوم شفت اول حلقة من Billions.. وبدأ ب "تشاك" راقد ارضا ومربط بالحبال وقامت مرتو walks around him, wearing high heels تشتو بى سجارة طويلة في صدره و لمن قال اح قالت ليهو now i will fix it طبعا انت عارف عملت شنو
هههههههههه
مسلسل خطير يا احمد تشاك عجيب و مرتو عجيبة و اكسلرود اعجب
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Mahjob Abdalla
ترهاقا
Ahmed Yassin
يحي قباني
فيس بوك
تويتر
انستقرام
يوتيوب
بنتيريست