لا أنوي لا من قريب او من بعيد ان اغادر هذا المنبر ..
المنبر الذي صادقت فيه العيد و عرفت فيه العديد ..
هذا المنبر لا يعوضه اي منبر آخر ..
و لكن لي فتره اشعر بشي غريب ..
نعم انا مشغول منذ فترة و اصبح صعبا علي المتابعة حتى على ما اكتب انا من بوستات .. و لكني كنت دائما مشغولا و لكني وجدت الوقت ..
الآن هناك شي ما يمسك يدي او اجده يعطيني العذر و الحيلة حتى لا اكتب !!
اكرر .. هذه ليست دعوه لان اغادر .. فانا لن اغادر و لا افهم لماذا يغادر بعض الاعضاء ..
اعرف ان هناك شخصيات لا تحتمل النقد و تحب ان ترسم صورتها البهية كاملة و كأنهم ليسو بشر .. هؤلاء لا يهموني في شي ..
من يهمني هم من انتابهم هذا الشعور الخفي و اختفوا بعدها و لم يذهبوا الى منصات اخرى لكي يعرضوا بضاعتهم ..
فما الذي دفعهم للذهاب ؟
الشعور الغريب الذي سأتخلص منه سواء شاء ام ابى .. هو شعور غريب لا اجد له تفسير ..
المنبر لم يتغير .. نفس الكتابات .. فيها الجميل و فيها السخيف و الممل .. و لكنه هو .. هو ..
فلماذا اذاً هذا الشعور ..
الأيام (بينما) .. و هذه مجرد فضفضة ليس الا ..
Post: #2 Title: Re: هل هو شعور ما قبل مغادرة المنبر ؟ Author: Ali Alkanzi Date: 03-26-2023, 10:03 PM Parent: #1
يا الف مرحب بيك يا قبقب شريان المنبر وقلبه النابض ورمضان كريم وخليك هنا هنا ما بلاش تغادر مع مودتي لكندا وسكانها سؤال خارج النص صحي انت كندا دي لسا تحت التاج البريطاني؟
Post: #3 Title: Re: هل هو شعور ما قبل مغادرة المنبر ؟ Author: امتثال عبدالله Date: 03-26-2023, 10:24 PM Parent: #2
نعم يا علي الكنزي كندا واستراليا واظن كمان نيوزيلندا تحت التاج البريطاني وقرأت ان مواطني تلك الدول يقسمون كانوا يقسمون بالولاء للملكة اليزابيث والان سوف يقسمون بالولاء للملك شارل... ... ود قباني زمان كان ينتابني نفس الشعور بالمغادرة وبالفعل غادرت ولكن رجعت بتحفيز من كندا ...وجزاه الله خيرا ....وبعد داك حلفت ما اغادر ...ولكن عندما ارجع السودان نهائيا ربما نضطر للتوقف من حين لاخر لاسباب كثيرة ولكن السيب الاول حيكون عدم النت...
Post: #4 Title: Re: هل هو شعور ما قبل مغادرة المنبر ؟ Author: Ali Alkanzi Date: 03-26-2023, 10:36 PM Parent: #3
امتثال صح صيامك والسودان يفتح زراعية لذراريه بس نسيتي الكهرباء في قولك:
Quote: ولكن السيب الاول حيكون عدم النت.
اليوم قاطعة عندنا من سبع ونص صباحا وعادت قبل قليل في الحادية عشر مساء يعني قاطعة اكتر من ١٥ ساعة
Post: #5 Title: Re: هل هو شعور ما قبل مغادرة المنبر ؟ Author: Abureesh Date: 03-26-2023, 10:54 PM Parent: #4
Welcome to our exclusive senior citizens' club
Post: #6 Title: Re: هل هو شعور ما قبل مغادرة المنبر ؟ Author: مصطفى نور Date: 03-26-2023, 11:09 PM Parent: #4
الاخ الغالى يحيى القبانى تحيه طيبه وكل عام وانت والاعضاء الكرام بخير والله وبحق سودانيز اون لاين منبر وموقع رائع انا شخصييا كنت بكتب فى حوالى 40 موقع سودانى من بدايه الركوابه ومرور سودانيز اوف لاين وسودانيز اوت لاين ومانجو96 والنيل الازرق والنيل الابيض ومنتدى رفاعه ومنتدى دار جعل ومنتدى اولاد امدرمان وموقع ابن السودان وموقع عكس الريح وموقع الاذاعه السودانيه وعشرات المواقع الاخرى وسبحان الله اعرف الاخ بكرى ابوبكر صاحب الحوش منذ اكثر من 20 عام التقيت معه فى بروكلن كثيرا فى نيويورك ولكن كل شى له موعد وكل شى له توقيت والله المهم منذ حوالى عام بدات مع الركب بتاع سودانيز اون لاين وانا بالجد سعيد جدا وبالحق منذ انضمامى لسودانيز اون لاين اكتفيت فقط بالكتابه فى سودانيز اون لاين والتقيت بعدد من الاخوه الرائعين وسعيد جدا بان انضممت للركب الجميل ومن اليوم الاول اطلقت على اعضاء القروب اسم العقد الفريد التحيه والاحترام لكل الاعضاء الموقع الجميل من قائد الركب الاخ الغالى الصديق بكرى ابوبكر الى اخر عضو سجل فى الموقع
Post: #7 Title: Re: هل هو شعور ما قبل مغادرة المنبر ؟ Author: Biraima M Adam Date: 03-27-2023, 00:16 AM Parent: #4
Post: #8 Title: Re: هل هو شعور ما قبل مغادرة المنبر ؟ Author: النصرى أمين Date: 03-27-2023, 00:36 AM Parent: #7
شعور طبيعى يا يحى زهج مؤقت و بيروح المشكلة ما معروف متين الزهجة دى بتهاجم ، مرات اثناء كتابة البوست و مرات بعده. انا بقفل الفيسبوك عشرة شهور وبرجع افنجط و كان شء لم يحدث.
اغيب من المنبر ولمن اشتاق ليه برجع و لمن ازهج منه بسبب عدد من الاعضاء المملين بتخارج و برجع لاحقا
Post: #9 Title: Re: هل هو شعور ما قبل مغادرة المنبر ؟ Author: osama elkhawad Date: 03-27-2023, 01:21 AM Parent: #8
اهلا باشمهندس يحيى
ستعرف قيمة المنبر العام لو شاركت في الفيسبوك.
فهو ممل جدا. والمشاركات لا تعدو سوى ان تكون اعجابا او وجها مبتسما او زهرة ضاحكة ههه والاخيرة من عندي.
وقد عبّرت عن مللي هناك فاجابني استاذ من السودان، بان الفيسبوك يناسب السودان ووضعه من حيث انشغال الناس وقطع الكهرباء .
ولذلك فالنقاشات الطويلة كما هنا في المنبر لا تناسب -حسب وصفه- الفيسبوك.
شخصيا استفدتُ كثيرا جدا من النقاشات التي شاركت فيها، وأغلبها نقاشات ماراثونية. واستمتعتُ كثيرا بالتعليقات المرحة.
وفي أحيان قليلة أغيب عن عمد لمحاربة الادمان الاسفيري. أو أكتفي بالقراءة فقط.
Post: #10 Title: Re: هل هو شعور ما قبل مغادرة المنبر ؟ Author: Ahmed Yassin Date: 03-27-2023, 04:10 AM Parent: #9
الحالة دي طبيعية وبتصيب اي واحد حتى المحتلين المنبر واعادة تدوير بوستات قديمة واحتمال سبب هذه الزهجة وحالة الملل هي وقوع العين على عتاوين ثابتة واصبحت محفوظة وهس،سبب رئيس للملل وحالة الاكتئاب المزاجي Cyclothymic خاصة للناس العايشين في اماكن باردة وعندهم شغف كبير بالتغيير في القراءة او المشاهدة او الاستماع لمختلف الاعمال سواء،ادبية وفنية وهندسية
Post: #11 Title: Re: هل هو شعور ما قبل مغادرة المنبر ؟ Author: يحي قباني Date: 03-27-2023, 04:35 AM Parent: #10
Quote: يا الف مرحب بيك يا قبقب شريان المنبر وقلبه النابض ورمضان كريم وخليك هنا هنا ما بلاش تغادر مع مودتي لكندا وسكانها سؤال خارج النص صحي انت كندا دي لسا تحت التاج البريطاني؟
شيخ علي سلامات .. لا توجد نية للمغادرة على الاطلاق من ناحيتي .. لربما المنبر هو الذي يغادرني .. ؟ قد يكون هذا هو تفسير الشعور الغريب ..
بالنسبة للتاج البريطاني شكليات بس يا عمك .. هم الانجليز نفسهم قربو يتخارجوا من التاج البريطاني ..
Post: #12 Title: Re: هل هو شعور ما قبل مغادرة المنبر ؟ Author: يحي قباني Date: 03-27-2023, 04:44 AM Parent: #11
Quote: Welcome to our exclusive senior citizens' club
و الله الظاهر هي كده يا عمو .. 🙂
Post: #13 Title: Re: هل هو شعور ما قبل مغادرة المنبر ؟ Author: Osman Musa Date: 03-27-2023, 06:18 AM Parent: #12
سلامات ولا على كيفك . وتاني اوعك تجيب سيرة الكلام دا . وزي ما قال عمك . تانى ما تقول إنتهينا ولا دبرسنا من طول مشوار الكتابة. المتابعين في المنبر بانين أمالهم وطموحهم ومعتمدين أبداً عليك( كلام عمك ) وبعدين ياخ انت قلب المنبر دا وانت عز تورينتو ديا . تانى اوعك تقول إنتهينا نحن يا دوب إبتدينا . ومن منبر بكري الي مقابر البكري بعد ما نكش الجنجويد . هههههها
Post: #14 Title: Re: هل هو شعور ما قبل مغادرة المنبر ؟ Author: osama elkhawad Date: 03-27-2023, 07:03 AM Parent: #13
شعار جديد ومدوزن لاعضاء المنبر، من تأليف صديقنا عثمان موسى:
Quote: من منبر بكري
الي مقابر البكري
ويمكن التعامل معه باعتباره "ورد" العضوية:
يُردّد مرّتين في اليوم:
مرّة في الصباح عند الاستيقاظ من النوم،
ومرّة في المساء قبل النوم ههههه
Post: #15 Title: Re: هل هو شعور ما قبل مغادرة المنبر ؟ Author: عبدالمنعم الطيب حسن Date: 03-27-2023, 08:00 AM
شوفة حرفك هنا تفرح يا هندسة .. خليك قريب المنبر زي موية النيل يعاودك ليها الحنين مهما تعاظمت المشغوليات واستحكمت الزهجة.. .. تسلم يا كبير
Post: #16 Title: Re: هل هو شعور ما قبل مغادرة المنبر ؟ Author: Abureesh Date: 03-27-2023, 08:55 AM Parent: #15
Quote: الله الظاهر هي كده يا عمو .. 🙂
نعم يا باشمهندس يحيى.. والسناير لبعضيها
Post: #17 Title: Re: هل هو شعور ما قبل مغادرة المنبر ؟ Author: adil amin Date: 03-27-2023, 09:10 AM Parent: #16
مسقط راسك يؤلمك يا قبة زي كل السودانيين في كل العالم بالبقى سخيف جدا جدا لابد من ام درمان وان طال السفر تابع CGTN الصينية شوف الديناصورات عندما تعود الى مسقط راسها بتعمل شنو وردي قال كل الارض منفى ولن ازيد
Post: #18 Title: Re: هل هو شعور ما قبل مغادرة المنبر ؟ Author: بدر الدين الأمير Date: 03-27-2023, 09:23 AM Parent: #16
قبانى يابتاع حب الكلاب حالتك سعبة فكي بريمة بلل عندو كادوك اسمو كرهو المنبر قطع شك رسلو لك في مداخلة مهببة
Post: #19 Title: Re: هل هو شعور ما قبل مغادرة المنبر ؟ Author: Abureesh Date: 03-27-2023, 10:15 AM Parent: #18
Quote: وردي قال كل الارض منفى ولن ازيد
عادل أمين إينال أبو شكلك.. مالك علينا ياخ!! قلت ارحل دى كانت أوراد بالنسبة لى فى فرانكفورت عام 1980!! كانت أغنية الوحيدة فى المسجل، وأنا أول مرة أخرج وأعيش خارج السودان لفترة طويلة نسبياً.. حوالى عام. يا سلام ياخ.. عارف الذكريات لما تفجر فجأة بتزوغ منك دمعة بدون ما تشعـر. يا الله ياخ. كنت ساكن فى شارع اسمه بيتهوفن Beethovenstraße ما كان بعيد من جاومعة جوتة.. واغنية قلت ارحل دى مرقت كل الذكريات فى فرانكفورت.. حاجة عجيبة ان مخزن الذاكرة مفتاحه فى إغنيـة.. بنية الإنسان عجيبة للمتأمل. شكرا ليك يا سيدى الفاضل..
Post: #20 Title: Re: هل هو شعور ما قبل مغادرة المنبر ؟ Author: ANWAR SAYED IBRAHIM Date: 03-27-2023, 10:53 AM Parent: #19
سلام يا هندسة
كل سنة انت والجميع بالف خير
Quote: لا أنوي لا من قريب او من بعيد ان اغادر هذا المنبر ..
هذا هو المهم
لا تفكر فى ذلك امكن السبب لانه كله سياسة × سياسة ( اتجاه واحد ) زى الزول اللى رقبتو معسّمة ههههههه
المهم قول ( بسم الله ) لمن تجى تكتب
لو تتذكر كيف كان المنبر منذ ايام لؤى شمّت - المسنوح بتاع العنكوليب ( الطيب شيقوق ) وكثيرون عيييييييييييييييييييييك كلهم فرتقوا والله كل يوم اتمنى يرجعوا
شوف ود الامير قال ليك شنو ههههههههههه
لك كل الود
Post: #25 Title: Re: هل هو شعور ما قبل مغادرة المنبر ؟ Author: adil amin Date: 03-27-2023, 01:57 PM Parent: #19
Quote: عادل أمين إينال أبو شكلك.. مالك علينا ياخ!!
سلام ابوريش فعلا نحن نعيش حالة نوستالجيا رهيبة والسبب ما معروف هل لحال الوطن الابا يستعدل ده ولى عامل السن ذاتو ايوه اي اغنية ترتبط بي مكان وناس وذكريات واحداث في عمر الانسان
قبة ده راجل كلس وزول اخو اخوان والله رغم معرفتي بيه هنا بس بتفاقدني طوالي لمن اغيب وطبعا المعط البمعطو ليه حالة استنثائية عشان كده برفع ليه بوست بس قديم ونستانف المعارك تحت شعار نحن راجعين في المغيرب يا ابوريش في فلم بنصحك انت وقبة مشاهدتو ا سمو راح علي بتاع مورقان فريمان وجاك نكلسون اسمو فاتورة listشنو كده ما عارف عن قصة رجيلين مسنين في مستشفى اسرطان باقي ليهم سنة وويرحلو اتخدو قرار عجيب قالو ننتظر النهاية هنا ليه بس؟ بالله كتبو ليهم لستة كده عجيبة انهم يشردو من المستشفى ويلفو العالم كلو وانطلقو فعلا فلم منعش جدا ومضحك جدا وانساني جدا ايضا وارجع اقول ليه نحن السودانيين نستسلم للاوضاع والكابة وحتى في اي عمر مش مفروض نصفر العداد ووننتقل لي بداية جديدة هسة قبة حبيبنا ده برد وصقيع كندا زهجو يمشي مطار تورنتو بس وينط ليه في طيارة حبشية يجي اديس ومنها يركب القطر الجديد لي جيبوتي وهناك يتملي شمس وحر ويقعد في البحر الاحمر ام فكو ويقول قال كندا قال شهر بس ويرجع ببقى كويس
لحدي ما ناس السودان الجوة ديل يلعبو لينا الكورة بي الارض ونرجع مع الانتحابات بس وتنتهي حجوة ام ضبيبنة دي ونرجع مرة واحدة نقعد ونرجع لي كااااارنا القديم وحياتنا بالنعرفا يا اخ كل العال م ده مادي ونحن ناس قيم ما بنرتاح في اي بلد اطلاقا
Post: #21 Title: Re: هل هو شعور ما قبل مغادرة المنبر ؟ Author: أبوذر بابكر Date: 03-27-2023, 11:07 AM Parent: #1
ازيك يا قباني
السبب زي ما أنا شخصيا عرفت من كتيرين جدا من الأصحاب والأصدقاء ال اتوقفو عن الكتابة هنا في سودانيزاونلاين
وأنا برضو كمان بتفق معاهم تماما وتقريبا توقفت او على وشك التوقف بالتحديد كدا باقي لي موضوع ختامي واحد بتكون من اربعة كلمات فقط
الموضوع التمهيدي للمغادرة كتبته أمس هنا بعنوان
في البدء كان المداد
وهو تحية للمنبر وحضورنا من 2002 وحضور الباقين فيه
وباقي موضوع المغادرة ابو 4 كلمات فقط
نرجع للسبب أو الأسباب الخلت ناس كتار وفيهم عدد مقدر كمان من المؤسسين، انهم يفوتو
السبب الرئيسي الأجمعو عليه هو انه المنبر بقى يعاني من الضحالة في الطرح والسطحية في الرؤى والعمومية في التناول وعدم العمق وغلبة وكثرة غير المتخصصين وكمان ضعف قدرات وملكات الكتابة اللغة وغياب تميز الموقع ال بدأ بيه ومعاه اضافة لنقل المواضيع، سواء مواد مكتوبة أو مسموعة أو مرئية، من مواقع تانية ولصقها هنا في المنبر علي الرغم من انها بتكون متاحة ومتوفرة اساسا في مكان نشرها ومافي داعي ولا لزوم لاعادة نشرها هنا المنبر بقى قريب من الجرائد الحائطية في المدارس الوسطى والمواضيع بقت شبيهة بمواضيع الجمعيات الأدبية في ليالي المدارس الأولية
بعد موضوع ال 4 كلمات الختامي بنقيف من الكتابة والمشاركة في المنبر
ولو الوضع اتحسن شويه، ولو قليلا، أنا شخصيا برجع اشارك اكراما ومحبة وتقديرا للمنبر، بحكم اني أنا واحد من الناس الأسسوه وبنوه وعملوه مع بكري وثلة من الأولين السمحين من سنة 2002
ما عارف طبعا ولا بقدر اتكلم نيابة عن الباقين عن انهم حيرجعو يشاركو أو ما يرجعو
Post: #22 Title: Re: هل هو شعور ما قبل مغادرة المنبر ؟ Author: علي عبدالوهاب عثمان Date: 03-27-2023, 11:20 AM Parent: #21
حبيبنا قباني تحياتي يا جميل يا سلام على سودانيز عرفنا فيه اجمل ناس صعب جداً وصف الشعور قبل المغادرة نفس شعوري عندما اغادر ضواحي الدنيا بعد الاجازة الى الخليج شيء صعب جدا تحياتي يا جميل
ياتي
Post: #23 Title: Re: هل هو شعور ما قبل مغادرة المنبر ؟ Author: Ali Alkanzi Date: 03-27-2023, 12:14 PM Parent: #22
يا زول طرحا جاب ابوعلوة الحاجة حلوة (مو هين) عشان كدا خليك شبه حردان يا قبقب مودتي وتحية خاصة للاخ على عبدالوهاب ورمضان كريم
Post: #24 Title: Re: هل هو شعور ما قبل مغادرة المنبر ؟ Author: Ahmed Yassin Date: 03-27-2023, 01:06 PM Parent: #23
بالمناسبة نسيت.. اهم سبب لاحساس المغادرة اذا في عضو(متلحك) ومتشاكل معاك .. وبخوت ليك ال(عوقد) في البوست بتاعك واحيانا يتطور الامر الى نقاش غير ودي وسباب و يا . و. يا ويا... دا بديك شعور سلبي جدا وغضب وشعور بالمغادرة والتوقف عن الكتابة. .. . بالنسبة لاخوانا العزاء القالوا "ضعف الطرح" وخيافة البوستات وهي ليست على المستوى المطلوب....: طيب. .. نحن لو قلنا الكلام زي دا معناتا نحن لازم نجيب مواضيع قوية الطرح. عشان الزبد يذهب جفاء وانا ما ينفع الناس فيتصدر المنبر
Post: #26 Title: Re: هل هو شعور ما قبل مغادرة المنبر ؟ Author: علي عبدالوهاب عثمان Date: 03-27-2023, 04:36 PM Parent: #23
حبيبنا الكنزي يا سلام يا جميل تدوم الاخوة مشكلتي ما اعرف اكتب من الموبايل سودانيز ما يفتح معاي في الابتوب.. صيام مقبول ان شاء الله.. تدوم الأخوة يا جميل
Post: #27 Title: Re: هل هو شعور ما قبل مغادرة المنبر ؟ Author: كمال عباس Date: 03-27-2023, 04:57 PM Parent: #26
بشاشا كسح ! بس بشاشا قاعد يكسح مؤقتا
Post: #28 Title: Re: هل هو شعور ما قبل مغادرة المنبر ؟ Author: Amira Hussien Date: 03-27-2023, 07:20 PM Parent: #1
قبانى ….الزهج نحن قايلنو فى السودان بس ربنا يخفف عليكم وعلينا
Post: #29 Title: Re: هل هو شعور ما قبل مغادرة المنبر ؟ Author: يحي قباني Date: 03-28-2023, 11:08 AM Parent: #28
Quote: اهلا باشمهندس يحيى
ستعرف قيمة المنبر العام لو شاركت في الفيسبوك.
فهو ممل جدا. والمشاركات لا تعدو سوى ان تكون اعجابا او وجها مبتسما او زهرة ضاحكة ههه والاخيرة من عندي.
تحياتي استاذنا الخواض
اولا و قبل كل شي و في سبيل محاولة كسر الروتين المتبع و الملل الآسر سوف لن التزم بالرد المرتب حسب المداخلات ..
اما بالنسبة للفيسبوك .. فانا لست من رواده و قد خسرت و افتقدت العديد من الاصدقاء في انزلاقهم داخل اروقة الفيسبوك الكثير منهم خلق لنفسه منبره الخاص هناك و احاط نفسه بالمعجبين الذين يقولونها نعم .. ففقدوا دون ان يشعروا من يبكيهم و يبكي عليهم ..
ياخي كتر خير على مشاركتي الهم ..
Post: #30 Title: Re: هل هو شعور ما قبل مغادرة المنبر ؟ Author: يحي قباني Date: 03-29-2023, 02:12 AM Parent: #29
الكنديين بقولوا Age is just a number اها رايك شنو ؟
Post: #31 Title: Re: هل هو شعور ما قبل مغادرة المنبر ؟ Author: يحي قباني Date: 03-29-2023, 02:14 AM Parent: #30
Quote: شوفة حرفك هنا تفرح يا هندسة .. خليك قريب المنبر زي موية النيل يعاودك ليها الحنين مهما تعاظمت المشغوليات واستحكمت الزهجة.. .. تسلم يا كبير
منعم يا جميل .. كتر خيرك ياخ .. و زي ما قلت قبيل النية مافي .. لكن الشي البمسك اليد ده شي غريب ..
Post: #32 Title: Re: هل هو شعور ما قبل مغادرة المنبر ؟ Author: يحي قباني Date: 03-29-2023, 02:17 AM Parent: #31
Quote: قبة ده راجل كلس وزول اخو اخوان والله رغم معرفتي بيه هنا بس بتفاقدني طوالي لمن اغيب وطبعا المعط البمعطو ليه حالة استنثائية عشان كده برفع ليه بوست بس قديم ونستانف المعارك تحت شعار نحن راجعين في المغيرب يا ابوريش في فلم بنصحك انت وقبة مشاهدتو ا سمو راح علي بتاع مورقان فريمان وجاك نكلسون اسمو فاتورة listشنو كده ما عارف
اووو صاحبي الممل احيانا كثيرة .. :)
تسلم ياخ على الكلام البشبهك يا حلو ..
الفلم اسمه The Bucket List انا شفته اربعة مرات .. جاك نكيلسون و مورغان فريمان من احب الممثلين لي ..
Post: #33 Title: Re: هل هو شعور ما قبل مغادرة المنبر ؟ Author: Ahmed Yassin Date: 03-29-2023, 10:22 AM Parent: #32
كدى خلينا من شعورك الماقبل دا..prefeeling او PRESENTIMENT فكر شعور الناس التانين الذين يحبونك.. وواحد منهم زي ما قلت ليك "فيصل مايسترو" قال: انا اكتر زول في الدنيا دي متابع سودانيزاونلاين من ٢٤ سنة وبعرف الناس كلها واحد واحد لكن في واحد دا ما بقوت ليهو كلمة زول راقي،وفاهم بشكل .. قلت اكيد العبد لله القدامك دا رفع ايده و عمل حركة في الهواء في شكل (اتلهي) و " يا رااااااجللللل" . قلت دا منو القاعد تصحى ليه دا؟ قال: اسمه" يحي قباني" واتبعها... بى(يا.. اللللللللللللاه)
Post: #34 Title: Re: هل هو شعور ما قبل مغادرة المنبر ؟ Author: Awad Omer Date: 03-29-2023, 12:47 PM Parent: #33
تحيات رمضانية خالصة..وصياما مقبولا .. انا ادمنت التكتوك الجميل ..لغاية ما جراني بعيد من عادة القراءة ..
ابالاضافة انه : الثريشولد قصرت شديد للقصص الطويلة والديالوق الطويل الممطوط في الموضوع الواحد ... والكلام الانشاء الكتير ا
ما عارف... دة علرض عصر او عارض عمر
Post: #35 Title: Re: هل هو شعور ما قبل مغادرة المنبر ؟ Author: هدى ميرغنى Date: 03-29-2023, 02:33 PM Parent: #34
أخى المحترم باشمهندس قبانى~ تغادر وين! * بعدك منو "البينصفنا" ( من معنى عدالة). *بعدك منو " البيعلمنا" معلومات قيمة يتجاهلها مؤرخو تاريخ السودان ، حتى لو الأحداث كانت قريبة! — قلنا ما ممكن تغادر لا لا ما بنقبل نسيبك المغادرة ملحوقة ولازم انت تجبر بالخواطر *لك التحية والتقدير أخى قبانى ودائما حضور!
Post: #36 Title: Re: هل هو شعور ما قبل مغادرة المنبر ؟ Author: يحي قباني Date: 03-29-2023, 09:25 PM Parent: #35
Quote: كدى خلينا من شعورك الماقبل دا..prefeeling او PRESENTIMENT فكر شعور الناس التانين الذين يحبونك.. وواحد منهم زي ما قلت ليك "فيصل مايسترو" قال: انا اكتر زول في الدنيا دي متابع سودانيزاونلاين من ٢٤ سنة وبعرف الناس كلها واحد واحد لكن في واحد دا ما بقوت ليهو كلمة زول راقي،وفاهم بشكل .. قلت اكيد العبد لله القدامك دا رفع ايده و عمل حركة في الهواء في شكل (اتلهي) و " يا رااااااجللللل" . قلت دا منو القاعد تصحى ليه دا؟ قال: اسمه" يحي قباني" واتبعها... بى(يا.. اللللللللللللاه)
ابو حميد يا فنان ..
تسلم ياخي و يسلم معاك استاذنا فيصل مايسترو ..
و الله يا احمد انا شخصيا اصلي ما فكرت يوم اغادر ..
بس زي ما بقولوا الكيبورد ليهو رافع ..
و الليد تقيييله ما بعرف ليه .. شكلو المنبر هو الناوي يفوت محطتي .. :)
Post: #37 Title: Re: هل هو شعور ما قبل مغادرة المنبر ؟ Author: Hassan Farah Date: 03-30-2023, 09:15 AM Parent: #1
الاخى يحى قبانى رمضان كريم وكل عام وانتم بخير بدرى عليك......
start at 0:02
Post: #38 Title: Re: هل هو شعور ما قبل مغادرة المنبر ؟ Author: محمد عبد الله الحسين Date: 03-30-2023, 10:50 AM Parent: #37
عزيزي قباني تحية وسلام أولا معذرة على التأخير...لكن السايقة واصلة.. بمناسبة التفكير في المغادرة...انت ياخوي ما عندك طريقة ..ياك مربوط معانا هنا .. بعدين انت رمانة ضمن فاكهة المنبر المتنوعة...فلا فكاك منه ولا فكاك منك.. طبعا الزهجات دي بتجي لافحة طبيعي زي لفحة الصيف... لكن بنخليها تعدي...
لانها مهمة ..فهي بتعيد التازن و تعدل المزاج ثم تعود بعزم جديد وقوة دفع شديدة ..ولضيضة أكتر من الأول.
المهم شكرا على البوح ومشاركتنا لبعض من تلوّن المزاجات.. طبعا هي ظاهرة فريدة
دمت يا صديقي على البروفة الجميلة دي وأؤكد لك إنها ما حتكون الأخيرة... بل ستكون واحدة ضمن سلسلة من البروفات.
