يا الف مرحب بيك يا قبقب شريان المنبر وقلبه النابض ورمضان كريم وخليك هنا هنا ما بلاش تغادر مع مودتي لكندا وسكانها سؤال خارج النص صحي انت كندا دي لسا تحت التاج البريطاني؟
نعم يا علي الكنزي كندا واستراليا واظن كمان نيوزيلندا تحت التاج البريطاني وقرأت ان مواطني تلك الدول يقسمون كانوا يقسمون بالولاء للملكة اليزابيث والان سوف يقسمون بالولاء للملك شارل... ... ود قباني زمان كان ينتابني نفس الشعور بالمغادرة وبالفعل غادرت ولكن رجعت بتحفيز من كندا ...وجزاه الله خيرا ....وبعد داك حلفت ما اغادر ...ولكن عندما ارجع السودان نهائيا ربما نضطر للتوقف من حين لاخر لاسباب كثيرة ولكن السيب الاول حيكون عدم النت...
03-26-2023, 10:36 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
الاخ الغالى يحيى القبانى تحيه طيبه وكل عام وانت والاعضاء الكرام بخير والله وبحق سودانيز اون لاين منبر وموقع رائع انا شخصييا كنت بكتب فى حوالى 40 موقع سودانى من بدايه الركوابه ومرور سودانيز اوف لاين وسودانيز اوت لاين ومانجو96 والنيل الازرق والنيل الابيض ومنتدى رفاعه ومنتدى دار جعل ومنتدى اولاد امدرمان وموقع ابن السودان وموقع عكس الريح وموقع الاذاعه السودانيه وعشرات المواقع الاخرى وسبحان الله اعرف الاخ بكرى ابوبكر صاحب الحوش منذ اكثر من 20 عام التقيت معه فى بروكلن كثيرا فى نيويورك ولكن كل شى له موعد وكل شى له توقيت والله المهم منذ حوالى عام بدات مع الركب بتاع سودانيز اون لاين وانا بالجد سعيد جدا وبالحق منذ انضمامى لسودانيز اون لاين اكتفيت فقط بالكتابه فى سودانيز اون لاين والتقيت بعدد من الاخوه الرائعين وسعيد جدا بان انضممت للركب الجميل ومن اليوم الاول اطلقت على اعضاء القروب اسم العقد الفريد التحيه والاحترام لكل الاعضاء الموقع الجميل من قائد الركب الاخ الغالى الصديق بكرى ابوبكر الى اخر عضو سجل فى الموقع
شعور طبيعى يا يحى زهج مؤقت و بيروح المشكلة ما معروف متين الزهجة دى بتهاجم ، مرات اثناء كتابة البوست و مرات بعده. انا بقفل الفيسبوك عشرة شهور وبرجع افنجط و كان شء لم يحدث.
اغيب من المنبر ولمن اشتاق ليه برجع و لمن ازهج منه بسبب عدد من الاعضاء المملين بتخارج و برجع لاحقا
03-27-2023, 01:21 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20543
الحالة دي طبيعية وبتصيب اي واحد حتى المحتلين المنبر واعادة تدوير بوستات قديمة واحتمال سبب هذه الزهجة وحالة الملل هي وقوع العين على عتاوين ثابتة واصبحت محفوظة وهس،سبب رئيس للملل وحالة الاكتئاب المزاجي Cyclothymic خاصة للناس العايشين في اماكن باردة وعندهم شغف كبير بالتغيير في القراءة او المشاهدة او الاستماع لمختلف الاعمال سواء،ادبية وفنية وهندسية
03-27-2023, 04:35 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: يا الف مرحب بيك يا قبقب شريان المنبر وقلبه النابض ورمضان كريم وخليك هنا هنا ما بلاش تغادر مع مودتي لكندا وسكانها سؤال خارج النص صحي انت كندا دي لسا تحت التاج البريطاني؟
شيخ علي سلامات .. لا توجد نية للمغادرة على الاطلاق من ناحيتي .. لربما المنبر هو الذي يغادرني .. ؟ قد يكون هذا هو تفسير الشعور الغريب ..
بالنسبة للتاج البريطاني شكليات بس يا عمك .. هم الانجليز نفسهم قربو يتخارجوا من التاج البريطاني ..
03-27-2023, 04:44 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
سلامات ولا على كيفك . وتاني اوعك تجيب سيرة الكلام دا . وزي ما قال عمك . تانى ما تقول إنتهينا ولا دبرسنا من طول مشوار الكتابة. المتابعين في المنبر بانين أمالهم وطموحهم ومعتمدين أبداً عليك( كلام عمك ) وبعدين ياخ انت قلب المنبر دا وانت عز تورينتو ديا . تانى اوعك تقول إنتهينا نحن يا دوب إبتدينا . ومن منبر بكري الي مقابر البكري بعد ما نكش الجنجويد . هههههها
03-27-2023, 07:03 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20543
مسقط راسك يؤلمك يا قبة زي كل السودانيين في كل العالم بالبقى سخيف جدا جدا لابد من ام درمان وان طال السفر تابع CGTN الصينية شوف الديناصورات عندما تعود الى مسقط راسها بتعمل شنو وردي قال كل الارض منفى ولن ازيد
03-27-2023, 09:23 AM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 22994
عادل أمين إينال أبو شكلك.. مالك علينا ياخ!! قلت ارحل دى كانت أوراد بالنسبة لى فى فرانكفورت عام 1980!! كانت أغنية الوحيدة فى المسجل، وأنا أول مرة أخرج وأعيش خارج السودان لفترة طويلة نسبياً.. حوالى عام. يا سلام ياخ.. عارف الذكريات لما تفجر فجأة بتزوغ منك دمعة بدون ما تشعـر. يا الله ياخ. كنت ساكن فى شارع اسمه بيتهوفن Beethovenstraße ما كان بعيد من جاومعة جوتة.. واغنية قلت ارحل دى مرقت كل الذكريات فى فرانكفورت.. حاجة عجيبة ان مخزن الذاكرة مفتاحه فى إغنيـة.. بنية الإنسان عجيبة للمتأمل. شكرا ليك يا سيدى الفاضل..
03-27-2023, 10:53 AM
ANWAR SAYED IBRAHIM ANWAR SAYED IBRAHIM
تاريخ التسجيل: 12-02-2014
مجموع المشاركات: 900
Quote: لا أنوي لا من قريب او من بعيد ان اغادر هذا المنبر ..
هذا هو المهم
لا تفكر فى ذلك امكن السبب لانه كله سياسة × سياسة ( اتجاه واحد ) زى الزول اللى رقبتو معسّمة ههههههه
المهم قول ( بسم الله ) لمن تجى تكتب
لو تتذكر كيف كان المنبر منذ ايام لؤى شمّت - المسنوح بتاع العنكوليب ( الطيب شيقوق ) وكثيرون عيييييييييييييييييييييك كلهم فرتقوا والله كل يوم اتمنى يرجعوا
شوف ود الامير قال ليك شنو ههههههههههه
لك كل الود
03-27-2023, 01:57 PM
adil amin adil amin
تاريخ التسجيل: 08-01-2002
مجموع المشاركات: 37029
Quote: عادل أمين إينال أبو شكلك.. مالك علينا ياخ!!
سلام ابوريش فعلا نحن نعيش حالة نوستالجيا رهيبة والسبب ما معروف هل لحال الوطن الابا يستعدل ده ولى عامل السن ذاتو ايوه اي اغنية ترتبط بي مكان وناس وذكريات واحداث في عمر الانسان
قبة ده راجل كلس وزول اخو اخوان والله رغم معرفتي بيه هنا بس بتفاقدني طوالي لمن اغيب وطبعا المعط البمعطو ليه حالة استنثائية عشان كده برفع ليه بوست بس قديم ونستانف المعارك تحت شعار نحن راجعين في المغيرب يا ابوريش في فلم بنصحك انت وقبة مشاهدتو ا سمو راح علي بتاع مورقان فريمان وجاك نكلسون اسمو فاتورة listشنو كده ما عارف عن قصة رجيلين مسنين في مستشفى اسرطان باقي ليهم سنة وويرحلو اتخدو قرار عجيب قالو ننتظر النهاية هنا ليه بس؟ بالله كتبو ليهم لستة كده عجيبة انهم يشردو من المستشفى ويلفو العالم كلو وانطلقو فعلا فلم منعش جدا ومضحك جدا وانساني جدا ايضا وارجع اقول ليه نحن السودانيين نستسلم للاوضاع والكابة وحتى في اي عمر مش مفروض نصفر العداد ووننتقل لي بداية جديدة هسة قبة حبيبنا ده برد وصقيع كندا زهجو يمشي مطار تورنتو بس وينط ليه في طيارة حبشية يجي اديس ومنها يركب القطر الجديد لي جيبوتي وهناك يتملي شمس وحر ويقعد في البحر الاحمر ام فكو ويقول قال كندا قال شهر بس ويرجع ببقى كويس
لحدي ما ناس السودان الجوة ديل يلعبو لينا الكورة بي الارض ونرجع مع الانتحابات بس وتنتهي حجوة ام ضبيبنة دي ونرجع مرة واحدة نقعد ونرجع لي كااااارنا القديم وحياتنا بالنعرفا يا اخ كل العال م ده مادي ونحن ناس قيم ما بنرتاح في اي بلد اطلاقا
03-27-2023, 11:07 AM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
السبب زي ما أنا شخصيا عرفت من كتيرين جدا من الأصحاب والأصدقاء ال اتوقفو عن الكتابة هنا في سودانيزاونلاين
وأنا برضو كمان بتفق معاهم تماما وتقريبا توقفت او على وشك التوقف بالتحديد كدا باقي لي موضوع ختامي واحد بتكون من اربعة كلمات فقط
الموضوع التمهيدي للمغادرة كتبته أمس هنا بعنوان
في البدء كان المداد
وهو تحية للمنبر وحضورنا من 2002 وحضور الباقين فيه
وباقي موضوع المغادرة ابو 4 كلمات فقط
نرجع للسبب أو الأسباب الخلت ناس كتار وفيهم عدد مقدر كمان من المؤسسين، انهم يفوتو
السبب الرئيسي الأجمعو عليه هو انه المنبر بقى يعاني من الضحالة في الطرح والسطحية في الرؤى والعمومية في التناول وعدم العمق وغلبة وكثرة غير المتخصصين وكمان ضعف قدرات وملكات الكتابة اللغة وغياب تميز الموقع ال بدأ بيه ومعاه اضافة لنقل المواضيع، سواء مواد مكتوبة أو مسموعة أو مرئية، من مواقع تانية ولصقها هنا في المنبر علي الرغم من انها بتكون متاحة ومتوفرة اساسا في مكان نشرها ومافي داعي ولا لزوم لاعادة نشرها هنا المنبر بقى قريب من الجرائد الحائطية في المدارس الوسطى والمواضيع بقت شبيهة بمواضيع الجمعيات الأدبية في ليالي المدارس الأولية
بعد موضوع ال 4 كلمات الختامي بنقيف من الكتابة والمشاركة في المنبر
ولو الوضع اتحسن شويه، ولو قليلا، أنا شخصيا برجع اشارك اكراما ومحبة وتقديرا للمنبر، بحكم اني أنا واحد من الناس الأسسوه وبنوه وعملوه مع بكري وثلة من الأولين السمحين من سنة 2002
ما عارف طبعا ولا بقدر اتكلم نيابة عن الباقين عن انهم حيرجعو يشاركو أو ما يرجعو
03-27-2023, 11:20 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12483
حبيبنا قباني تحياتي يا جميل يا سلام على سودانيز عرفنا فيه اجمل ناس صعب جداً وصف الشعور قبل المغادرة نفس شعوري عندما اغادر ضواحي الدنيا بعد الاجازة الى الخليج شيء صعب جدا تحياتي يا جميل
ياتي
03-27-2023, 12:14 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
بالمناسبة نسيت.. اهم سبب لاحساس المغادرة اذا في عضو(متلحك) ومتشاكل معاك .. وبخوت ليك ال(عوقد) في البوست بتاعك واحيانا يتطور الامر الى نقاش غير ودي وسباب و يا . و. يا ويا... دا بديك شعور سلبي جدا وغضب وشعور بالمغادرة والتوقف عن الكتابة. .. . بالنسبة لاخوانا العزاء القالوا "ضعف الطرح" وخيافة البوستات وهي ليست على المستوى المطلوب....: طيب. .. نحن لو قلنا الكلام زي دا معناتا نحن لازم نجيب مواضيع قوية الطرح. عشان الزبد يذهب جفاء وانا ما ينفع الناس فيتصدر المنبر
03-27-2023, 04:36 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12483
حبيبنا الكنزي يا سلام يا جميل تدوم الاخوة مشكلتي ما اعرف اكتب من الموبايل سودانيز ما يفتح معاي في الابتوب.. صيام مقبول ان شاء الله.. تدوم الأخوة يا جميل
03-27-2023, 04:57 PM
كمال عباس كمال عباس
تاريخ التسجيل: 03-06-2009
مجموع المشاركات: 17155
فهو ممل جدا. والمشاركات لا تعدو سوى ان تكون اعجابا او وجها مبتسما او زهرة ضاحكة ههه والاخيرة من عندي.
تحياتي استاذنا الخواض
اولا و قبل كل شي و في سبيل محاولة كسر الروتين المتبع و الملل الآسر سوف لن التزم بالرد المرتب حسب المداخلات ..
اما بالنسبة للفيسبوك .. فانا لست من رواده و قد خسرت و افتقدت العديد من الاصدقاء في انزلاقهم داخل اروقة الفيسبوك الكثير منهم خلق لنفسه منبره الخاص هناك و احاط نفسه بالمعجبين الذين يقولونها نعم .. ففقدوا دون ان يشعروا من يبكيهم و يبكي عليهم ..
ياخي كتر خير على مشاركتي الهم ..
03-29-2023, 02:12 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: قبة ده راجل كلس وزول اخو اخوان والله رغم معرفتي بيه هنا بس بتفاقدني طوالي لمن اغيب وطبعا المعط البمعطو ليه حالة استنثائية عشان كده برفع ليه بوست بس قديم ونستانف المعارك تحت شعار نحن راجعين في المغيرب يا ابوريش في فلم بنصحك انت وقبة مشاهدتو ا سمو راح علي بتاع مورقان فريمان وجاك نكلسون اسمو فاتورة listشنو كده ما عارف
اووو صاحبي الممل احيانا كثيرة .. :)
تسلم ياخ على الكلام البشبهك يا حلو ..
الفلم اسمه The Bucket List انا شفته اربعة مرات .. جاك نكيلسون و مورغان فريمان من احب الممثلين لي ..
03-29-2023, 10:22 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
كدى خلينا من شعورك الماقبل دا..prefeeling او PRESENTIMENT فكر شعور الناس التانين الذين يحبونك.. وواحد منهم زي ما قلت ليك "فيصل مايسترو" قال: انا اكتر زول في الدنيا دي متابع سودانيزاونلاين من ٢٤ سنة وبعرف الناس كلها واحد واحد لكن في واحد دا ما بقوت ليهو كلمة زول راقي،وفاهم بشكل .. قلت اكيد العبد لله القدامك دا رفع ايده و عمل حركة في الهواء في شكل (اتلهي) و " يا رااااااجللللل" . قلت دا منو القاعد تصحى ليه دا؟ قال: اسمه" يحي قباني" واتبعها... بى(يا.. اللللللللللللاه)
03-29-2023, 12:47 PM
Awad Omer Awad Omer
تاريخ التسجيل: 12-26-2005
مجموع المشاركات: 760
أخى المحترم باشمهندس قبانى~ تغادر وين! * بعدك منو "البينصفنا" ( من معنى عدالة). *بعدك منو " البيعلمنا" معلومات قيمة يتجاهلها مؤرخو تاريخ السودان ، حتى لو الأحداث كانت قريبة! — قلنا ما ممكن تغادر لا لا ما بنقبل نسيبك المغادرة ملحوقة ولازم انت تجبر بالخواطر *لك التحية والتقدير أخى قبانى ودائما حضور!
03-29-2023, 09:25 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: كدى خلينا من شعورك الماقبل دا..prefeeling او PRESENTIMENT فكر شعور الناس التانين الذين يحبونك.. وواحد منهم زي ما قلت ليك "فيصل مايسترو" قال: انا اكتر زول في الدنيا دي متابع سودانيزاونلاين من ٢٤ سنة وبعرف الناس كلها واحد واحد لكن في واحد دا ما بقوت ليهو كلمة زول راقي،وفاهم بشكل .. قلت اكيد العبد لله القدامك دا رفع ايده و عمل حركة في الهواء في شكل (اتلهي) و " يا رااااااجللللل" . قلت دا منو القاعد تصحى ليه دا؟ قال: اسمه" يحي قباني" واتبعها... بى(يا.. اللللللللللللاه)
ابو حميد يا فنان ..
تسلم ياخي و يسلم معاك استاذنا فيصل مايسترو ..
و الله يا احمد انا شخصيا اصلي ما فكرت يوم اغادر ..
بس زي ما بقولوا الكيبورد ليهو رافع ..
و الليد تقيييله ما بعرف ليه .. شكلو المنبر هو الناوي يفوت محطتي .. :)
03-30-2023, 09:15 AM
Hassan Farah Hassan Farah
تاريخ التسجيل: 08-29-2016
مجموع المشاركات: 9199
عزيزي قباني تحية وسلام أولا معذرة على التأخير...لكن السايقة واصلة.. بمناسبة التفكير في المغادرة...انت ياخوي ما عندك طريقة ..ياك مربوط معانا هنا .. بعدين انت رمانة ضمن فاكهة المنبر المتنوعة...فلا فكاك منه ولا فكاك منك.. طبعا الزهجات دي بتجي لافحة طبيعي زي لفحة الصيف... لكن بنخليها تعدي...
لانها مهمة ..فهي بتعيد التازن و تعدل المزاج ثم تعود بعزم جديد وقوة دفع شديدة ..ولضيضة أكتر من الأول.
المهم شكرا على البوح ومشاركتنا لبعض من تلوّن المزاجات.. طبعا هي ظاهرة فريدة
دمت يا صديقي على البروفة الجميلة دي وأؤكد لك إنها ما حتكون الأخيرة... بل ستكون واحدة ضمن سلسلة من البروفات.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
يحي قباني
Ali Alkanzi
Abureesh
مصطفى نور
Biraima M Adam
osama elkhawad
Ahmed Yassin
Osman Musa
عبدالمنعم الطيب حسن
adil amin
بدر الدين الأمير
ANWAR SAYED IBRAHIM
أبوذر بابكر
علي عبدالوهاب عثمان
كمال عباس
Amira Hussien
Awad Omer
هدى ميرغنى
Hassan Farah
محمد عبد الله الحسين
فيس بوك
تويتر
انستقرام
يوتيوب
بنتيريست