الى كل ام فى المنبر كل سنه وانتم بالف خير

مرحبا Guest
اخر زيارك لك: 05-30-2024, 12:27 PM الصفحة الرئيسية

منتديات سودانيزاونلاين

مكتبة الفساد

ابحث

مدخل أرشيف اراء حرة و مقالات

News and Press Releases

اتصل بنا

Articles and Views

English Forum

ناس الزقازيق

مدخل أرشيف للعام 2020-2023م

نسخة قابلة للطباعة من الموضوع ارسل الموضوع لصديق اقرا المشاركات فى صورة مستقيمة

« | »
اقرا احدث مداخلة فى هذا الموضوع »

03-22-2023, 10:15 AM

مصطفى نور

مصطفى نور
تاريخ التسجيل: 05-13-2022
مجموع المشاركات: 4975

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: andlt;iframe width=andquot;1220andquot; height=andquot;686andquot; src=andquot;https:/ (Re: Ali Alkanzi)
هشام الجخ - طبعا ماصليتش العشا --------------------------------------- القصيده من 5 مشاهد ------------------------ المشهد الأول --------------- أول سبت من العام الدراسي 1981-82 كانت ككل نخيل بلدتنا تطل عليا من أعلى سماء و أنا اجمع لعبتي سراً و أعيد تشكيل البناء و قد اصطففنا في طابور الصبح ألهانا الغناء في الطابق العلوي وقفت هيبةٌ كفنان بحر يرتدي زي النساء و تراقب الطابور في صمت و حزمً بارعين فتستقيم ظهورنا يعلوا الهتاف تحية العلم المرفرف في الفناء بإشارة منها يقود مدرس الألعاب ذو الصوت الجهور الصف نحو فصولنا و بنظرةً منها يدق العامل الجرس ابتداء الحصة الأولى من أين يأتي كل هذا الحزم في نظراتها ؟ و أنا آرها كل ليلة تطفئ الأنوار من حولي و تصنع خيمة من حبها و تحيك دفئ حنانها فوقي غطاء و عَلَماَ يخشى الأساتذة الكبار نزولها يعُدلون من هندامهم و يراقبون الصف عند ظهورها أنا لا أراها مثلهم ما زلت لم أفهم حقيقة كونها أمي و ناظرةً بمدرستي فأنا كطفلٍ لا أفرق بين أحداث الصباح و بين أحداث المساء لكنني لا زلت أذكر جيداً غضبي و ضجري كل ليلً حين يغلبني النعاس تهزني تهزني و تتهمني دائماً أني سهيت عن العشاء و قد سهت هي أنها ما تزال على يديها من وضوئي آثار ماء بعدما صليت يا أمي العشاء المشهد الثاني ---------------- 6 أكتوبر 1985 يوم أجازه لمت خلاتي عندنا أو عند ستي كلام حريم انتِ خدتي و انتي جبتي أبويا كان يحس بلمة العيال علطول يطير و أجواز خلاتي هكذا يوصلوهم عند بير السلم بالكتير ماعرفش ليه بيقولوا على باب العماره إنه بير المهم ، عيال خلاتي يجولنا بدري و أبويا ينزل و أنا الكبير أنا اللي أقول مين اللي يوقف و أنا اللي أقول مين اللي يلعب و أنا اللي أقول مين اللي ياكل و أنا اللي أقول مين اللي يشرب كنت أكبرهم و هما عيال يا عيني صغيرين أنا كنت أرخم طفل عنده عشر سنين لما أغيب عن عين خالاتي يا اما تلقاني في مصيبه يا اما بعمل مُشكله كنت عايش طول حياتي أسئله ماما بنصلي ليه ؟ ماما مين بابا حسني ؟ ماما يعني أيه (عابر سبيل) ؟ ماما يعني (راجل أصيل) ؟ عيل " فصيل " كنت بسأل أسئله لا ليها رد ولا ليها عازه بس السؤال اللي سألته وقتها كان مهم إحنا ليه وخدين أجازه ؟ لمعت عينيها ساعتها لمعه بحبها اللمعه دي علطول بتظهر لما بعمل حاجه أمي تحبها لما بنجح ، لما بسأل لما بتنرفز على اخواتي البنات لو حد كركر لما بعمل أي حاجه تحس بيها إني بكبر لفت على الكرسي اللي عمًر عندينا 20 سنه و بدأت حكاوي و دندنه ساعتين حكاوي و دندنه عـ اللي انضرب و اللي اتفني و اللي اتهدم و اللي اتبنى أبطال هنا شهداء هنا و أنا ودني أصلاً مش هنا كات ماما نجوى بتبتدي و أنا إلا ديه أنا هقعد أسمع حرب و أكتوبر و خط برليف و أرض سينا و مين حماها و مين خطفها دي حكاوي تافهه كلام تقيل و كلام مجعلص و نجوى جت و أنا عاوز ( أبقلظ ) هربت من نص الكلام لكني فاكروه أنا كنت عيل آه صحيح لكني فاهم الكلام من أوله و لحد آخره إن اسرائيل سرقت سلامنا و إن اسرائيل قتلت عمامي و إننا زي النهارده خدنا تارنا داقوا نارنا عرفوا طعم جند مصر في المعارك و إن سوريا و الجزاير و العراق و الخليج و كلوا كلوا كلوا شارك و اننا بعد أما فزنا بعد أما شافوا وحدتنا بتوسع نفوذنا و علمنا بيرفرف عليهم تحت عينا دبوا نار الفُرقه بينا كنت عيل بس فاكر كنت بلعب بس شاطر كنت بحضر ماما نجوى و بابا ماجد كنت أنام أحلم بـ (جونجر) و إني هكبر أبقى مارد يجمع العرب اللي تايهين صف واحد و أبقى قائد كنت أنام أحلم بموقعة حطين و إني الأمير هشام الدين و معايا جيش وسع المكان مالوش لا أول في الشمال ولا في اليمين بإشاره من إيدي الحصون مدشدشه و إشاره من سيفي الجموع متفركشه و إشاره من أمي اللي جت بتقولي طبعاً نمت قبل ما تصلي العشا المشهد الثالث ---------------- 1 اكتوبر 1989 مين يا اخويا ؟ مين يا نضري ؟ عيد ميلادك و الله خلفت و علفت و انتَ أطول مني و عاوز عيد ميلاد أمشي ياض فـ أعداديه و لسه بتفكر يا شحط فـ عيد ميلاد روح لأبوك كلموا في الشغل قول له و انتَ جاي عدي هات لي نُفاخه شوف العيال لما تكبر تتملي مساخه ثم آيه اللي خلى يوم ميلادك اسمه عيد ، هه ؟ ياكش فاكر يوم ميلادك إختفت نار المجوس ولا حد قال لك احنا لقينا يومها شوال فلوس دحنا كان العيش يادوبك و الغموس كنا مش لقيين نجيبلك هِدمتين آيه ياد السعاده اللي انتَ فيها دي ؟ جياك منين ؟ دا احنا أفقر فتره عشناها فـ حياتنا حاملي بيك كانت البلد لا فيها زيت ولا فيها سكر و الجو بينا و بين كل العرب كان شان و عكر و السادات كان كل يوم شدوا الحزام شدوا الحزام و الإعارات اللي كانت فـ الخليج رجعولنا تاني و الجنيه لا كان يجيب لا جوز حمام ولا نص ضاني كنا دايرين نستلف من القريب و من البعيد خليتوا عيد بس عارف لما قالوا جه ولد ضهري اتسند رغم إني كنت مخلفه قبلك بنات كنت انتَ بِكري أبوك حريمه كلهم جابوا الولاد بدري و جدتك فـ غياب أبوك كانت تلقح بالكلام و انا طبعاً أهري و حتى لو مقلتش حاجه احنا ستات أوعر كلام بنقوله بنقوله بسكات مكنش أبوك يعرف يا ولدي إنهم سموني بينهم أم البنات و مكنتش أعرف حظي الأغبر إن خلفة الولاد هتجيبلي نطع عايز عيد ميلاد اسمع يا ولد اسمع و ركز فـ الكلام النبي عليه الصلاة و السلام كان يحتفل بعيد ميلاده زيك تمام إزاي ؟ بالصيام يعني انتَ بكره تجيني صايم مش عيد ميلادك ؟ عيد ميلادك يعني تقوى مش جاتوه و باتوه و عزايم ولا أقول لأبوك على الدرجتين اللي نقصوا فـ التاريخ عايز تعلق ملصقات ؟ أجيب لك النَفِخه أيوه و اتغوز و خبط فـ البيبان يعني هو أبوك مسافر بس يجي و كل ده هيوصلوه حاضر تاني يوم و انا نازل رايح المدرسه لقيت على السفره كيكه مقطعه و مكيسه قالت لي خد طفح صحابك ما انتوا جيل العيد ميلاد جيل ميعرفش الخشى قولي صح ؟ انتَ نمت الساعه كام ؟ شكلك مصلتش العشا المشهد الرابع ---------------- 24 ديسمبر 2004 الليله عرس هه ؟ مش خطوبه مش كله رقص رقص رقص و ألبس فنلتك مقلوبه الليله عرس مش خطوبه و مطلعش حد تاني شقتك مفتاح حماتك تاخده و انتَ فـ سكتك و انده لي ولد اختك يغير صندوقين حسن سألني عـ السجاير قلت له معرفش فين كلمت خالك ؟ آخر مكالمه قالوا لي وصلوا المنيا خلي بالك بعت حد عـ المحطه طب بوص طيب أنا كنت ناويه الليله أعشيكم بـ بط بس بصراحه لقيت حماتك جايبه أكل أسبوعين إفترى و فرتيك فلوس و هتخدوا عين قلت أشيلها لك فـ الفرازير عندي حبتين حلوه بدلتك عليك مش الله بدر و هل ضيوه شبه أبوك بس انتَ فين هو أبوك كان حد زايوه عارف يا ولدي الوحده فينا بتبقى فاكره يوم ما بتجوز ولدها بتبقى فرحه و الحماميم تبقى سارحه و الجناين تبقى طارحه فين يا ولدي ؟ ليا اسبوع شيل و حط و سلب بط حتى ولا غيرت طرحه جوازات البنات كانت أسهل البنات جوازتهم أسهل عـ الأقل كنت وسط عيلتنا قبلي كنت لاقيا اللي يساعدني اللي يلافيني اللي يجاوبني كان نفسي أجوزك هناك و أتباهى بيك و كلهم يجوا الفرح و يباركوا ليك بس انت طفشان من زمان و ملكش صُحبه زي جدك الكابير كان غاوي غُربه كان يختفي شهرين تلاته لكان يقول بلاده فين ولا كنا نعرف خط سيره لف أرض الله بطولها و عرضها و لإن ستك ست صانت عرضها ربك مبهدلهاش مخدش روحه إلا فـ سَرِيرُه أصل يا ابني أصعب حاجه لما الست بتبقى تايهه عن راجلها المرض و الفكر و الأحزان تجيلها اسمع يا ولدي أصعب لحظه هتعيشها فـ حياتك لو بعدت عن مراتك البعاد يا ولدي مش فـ المكان البعاد لو جات فـ حضنك و أنتَ بخلان بالحنان أفرح يا واد و أفرد دراعك عـ الرجال ولم عيلتك الليله ليلتك و الله ما مانعني أرقص كالعيال غير بس هيبتك ليقولوا أمه اتجننت ولا جاهه مس مين هيفهم إن عمري راح عشانه بس اضحك يا واد افرح يا واد الليله ليلة فرفشه بس أوعى يخدك الكلام و الدردشه و النغنشه و الوشوشه و الفجر يتسحب عليكم قبل ما تصلوا العشا المشهد الخامس ------------------- 25 مارس 2009 كل الدكاتره قالوا خير معندهاش ولا أي حاجه ولا حتى محتاجه لدوا مـ احنا عارفين شهر مارس و الهوا السن بردوا ماتنسهوش شوية برد ما يستهلوش أول مره أشوف حبيبتي بتتوجع و بتتلوي و انا عارف أمي ما تشتكيش غير مـ القوي عجزتي يا أمه عجزتي يا أمه و شاخ جرديك دا انتي لسه ماسحه الشقه بإيدك عجزتي فجأه دا احنا كل جمعه نبوس إيديكي عشان نوضب شقتك و تقولي لأه عجزتي فجأه و مالك إبيضيتي ليه إياك حطه بودره مش كنتي زيي سمره الدكاتره مش بيحكوا حاجه بينا و انا قلبي متوغوش و حاسس ان أمي فيها إنَ لأول مره أحس دماغي بيشقق و تفكيري بيعمل صوت مصدقدش ولا اتخيلت و انا واقف فساعتها إنه الموت رسمت الضحكه بزياده دخلت عليها عارفاني أنا الكداب كالعاده و مين يقفشني غير أمي إلـ عجناني و خبزاني و خالعه بيدها سناني فـ عرفت بس من عيني إنها شهاده و شهدت يجي 100 مره سعتها كل إحساسي إلـ كان محبوس طلع بره و هاجت ذكريات عبت عينيا دموع و إحساس الطريق اللي ملهوش رجوع حاولت أخدعها و أستهبل بقالك عُمر بتمثل و هيَ معيشاك فـ الدور و صدقت إنها بتتخم يا راجل خلي عندك دم دي حافظه عينيك و تقطيعك و تهتهك و ألعيبك مش هاين عليك الويل عايزها منين تجيبلك حيل عشان مايبنش فـ عينيها العذاب و الهم يا راجل خلي عندك دم كانت بصه لي فـ عينيها السنين بتفوت و جويا كلام من كتره عدى سكوت كان نفسي أقول آسف أقول ندمان أقول خجلان و أقولك إني و الله بحبك حب مش معقول معرفتش ساعتها الحلق كان مقفول لكن القلب كان مفروط على قلبك و كان بيقول بحق حروف آيات الله اللي حافظها على يدك و من أيام مـ كنت بَعِدّ على يدك و على عدك و فرحة خدي يا أمايا و أنا نايم على خدك و قسماً باللي قام حدي و قام حدك ما حبيت فـ الوجود قدك جاي دلوفتي تتنغود و تستعجل فـ وقت الموت و تتلهوج مابنحسش بقيمة الثانيه غير بعدين و تسرقنى الحياه و منفوقش غير و الموت مبكي العين يا شاقه القلب و مسافره خادتني الغربه من حضنك سنين كافره نسيت نفسي أنا آسف قالولي الغربه بتعلم دروس و حياه و إن الغربه يا أمايا دي طوق و نجاه أتاريها حزام ناسف أنا آسف ميعادنا يا أما فـ الآخره و هي الدنيا يا أما فـ إيه ما حقا مناهده و معافره خلاص خلينا فـ الآخره و حتى تكوني محلوه و عليكي العين و أوريكي العيال يا أما بقوم بتّين و جبت الواد يا ستي علشان ماتدايقيش هوصيهم هوصيهم خلاص يا أما متخنقونيش هوصيهم أفراد عيلة هشام المدهشه دي تعليمات جدتكم المفتشه ممنوع تناموا فـ أي يوم أي يوم قبل ما تصلوا العشا

العنوان	الكاتب	Date
الى كل ام فى المنبر كل سنه وانتم بالف خير	مصطفى نور	03-21-23, 06:53 PM
Re: الى كل ام فى المنبر كل سنه وانتم بالف خير	مصطفى نور	03-21-23, 06:55 PM
Re: الى كل ام فى المنبر كل سنه وانتم بالف خير	مصطفى نور	03-21-23, 06:56 PM
Re: الى كل ام فى المنبر كل سنه وانتم بالف خير	مصطفى نور	03-21-23, 06:57 PM
Re: الى كل ام فى المنبر كل سنه وانتم بالف خير	مصطفى نور	03-21-23, 06:58 PM
Re: الى كل ام فى المنبر كل سنه وانتم بالف خير	مصطفى نور	03-21-23, 06:58 PM
Re: الى كل ام فى المنبر كل سنه وانتم بالف خير	مصطفى نور	03-21-23, 07:02 PM
Re: الى كل ام فى المنبر كل سنه وانتم بالف خير	مصطفى نور	03-21-23, 07:24 PM
Re: الى كل ام فى المنبر كل سنه وانتم بالف خير	مصطفى نور	03-21-23, 07:25 PM
Re: الى كل ام فى المنبر كل سنه وانتم بالف خير	مصطفى نور	03-21-23, 07:26 PM
Re: الى كل ام فى المنبر كل سنه وانتم بالف خير	مصطفى نور	03-21-23, 07:27 PM
Re: الى كل ام فى المنبر كل سنه وانتم بالف خير	مصطفى نور	03-21-23, 07:28 PM
Re: الى كل ام فى المنبر كل سنه وانتم بالف خير	مصطفى نور	03-21-23, 07:29 PM
Re: الى كل ام فى المنبر كل سنه وانتم بالف خير	مصطفى نور	03-21-23, 07:29 PM
Re: الى كل ام فى المنبر كل سنه وانتم بالف خير	مصطفى نور	03-21-23, 07:30 PM
Re: الى كل ام فى المنبر كل سنه وانتم بالف خير	مصطفى نور	03-21-23, 07:31 PM
Re: الى كل ام فى المنبر كل سنه وانتم بالف خير	مصطفى نور	03-21-23, 07:32 PM
Re: الى كل ام فى المنبر كل سنه وانتم بالف خير	مصطفى نور	03-21-23, 07:32 PM
Re: الى كل ام فى المنبر كل سنه وانتم بالف خير	مصطفى نور	03-21-23, 07:19 PM
Re: andlt;iframe width="1220" height="686" src="https://www.youtube.com/embed/uUxSwapuWQQ" title="بكاء ا	Ali Alkanzi	03-22-23, 09:27 AM
Re: andlt;iframe width=andquot;1220andquot; height=andquot;686andquot; src=andquot;https:/	مصطفى نور	03-22-23, 10:15 AM
Re: الى كل ام فى المنبر كل سنه وانتم بالف خير	Amira Hussien	03-22-23, 03:13 PM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]