Post: #1
Title: أما آن لهؤلاء أن يعتزلوا الكتابة في المنبر؟
Author: طلحة عبدالله
Date: 02-21-2023, 06:08 AM
Parent: #0
05:08 AM February, 21 2023 سودانيز اون لاين
طلحة عبدالله-
مكتبتى
رابط مختصر
أقصد جلهم أو كلهم
المنبر دا ليهو أكتر من 23 سنة الناس ديل بكتبوا فيهو
تنظير بلا هوادة وفصاحة لا يشق لها غبار وقلاصة من أمها وابوها
سياسة، رياضة، فن، اقتصاد، فلك، الخ الخ الخ
ولا يزال الوضع على ما هو عليه
لا بل الوضع في كل القطاعات دي ماشي متدهور
متدهور متدهور بل ووصل إلى أدنى مراحل التدهور
شخصيا بدأ ينتابني شعور شيطاني جدا بانو البنظروا في المنبر
دا وغيرو هم سبب الكفوة الواقع فيها البلد
أرجو والله أن ينقطونا بسكاتم أو بالكتير يكتبوا بوستات
فيها شموع وورود وقلوب ويتبادلوا المجاملات الرقيقة
من عينة يا مدهش ويا رائع والدنيا ربيع والجو بديع الخ الخ الخ
ركزوا على الرومانسيات والمجاملات وان كانت كذوبة ففيها
غذاء للمعنويات وحاولوا اقضوا اوقات فراغكم في حاجات
مفيدة اشتغلوا تجار مينيفاتورة أو أمشوا ازرعوا
بصل وسيبكم من النقة واللوك لوك دا .. زهجتونا
............
البوست دا معنى بيهو السابقين والحاليين واللاحقين ظاتم
كلهم حنك بيش ساي خخخخخخخخ
|
Post: #2
Title: Re: أما آن لهؤلاء أن يعتزلوا الكتابة في المن�
Author: صديق مهدى على
Date: 02-21-2023, 06:12 AM
Parent: #1
حباب عمنا طلحة سكت دهرا ونطق كفرا والله حبابك ديل هم سبب تأخر البلد
|
Post: #3
Title: Re: أما آن لهؤلاء أن يعتزلوا الكتابة في المن�
Author: طلحة عبدالله
Date: 02-21-2023, 06:21 AM
Parent: #2
يا صديق عمكم بتاع الساعة كم ياخ ؟؟
أنا ما عايز أكون عم زول أنا مخاصم الناس كلها
وزهجان منهم
خخخخخخ
|
Post: #4
Title: Re: أما آن لهؤلاء أن يعتزلوا الكتابة في المن�
Author: محمد أبوجودة
Date: 02-21-2023, 08:30 AM
Parent: #3
سلام وتحايا
وإيه أدراك بأنه لولا هذي الحنوكة آل.بيش..
لتفاقمت علينا التلاطيش؟
يا عزيزنا زعلك جميل زي ضحكتك..
.إزايك يا أبالطلوح النصوح..
|
Post: #5
Title: Re: أما آن لهؤلاء أن يعتزلوا الكتابة في المن�
Author: طلحة عبدالله
Date: 02-21-2023, 09:29 AM
Parent: #4
هلا يا أبوجودة حبابك
طلاطيشنا تزيد أكتر من كد كيف يا حبيب ؟؟
صدقني خيالي عجز عن تصور ملطشة أكتر
من النحن بنتعرض ليها هسة دي خخخخخخ
|
Post: #6
Title: Re: أما آن لهؤلاء أن يعتزلوا الكتابة في المن�
Author: عبدالمنعم الطيب حسن
Date: 02-21-2023, 10:17 AM
Parent: #5
كلامك صاح
ساعدنا بالاسماء بالله
...
الوضع في البلد وصل مواصيل غاية في السوء والانحدار
الوطن نفسه كفكرة وكذكري على كف كبريت
وينفجر...
..
طلحة انت واحد من القلايل الذين احبهم
دائما متسق مع ضميرك وفكرتك..
ولا قاعد تنجر وراء الخم حين يعم الجدب والقحط والانحطاط
..
كل الود يصحبي؛
|
Post: #7
Title: Re: أما آن لهؤلاء أن يعتزلوا الكتابة في المن�
Author: طلحة عبدالله
Date: 02-22-2023, 05:10 AM
Parent: #6
شكرا وتحياتي يا منعم لي الشرف والله
Quote: ساعدنا بالاسماء بالله
|
جهلم أو كلهم
خخخخخخخخ
|
Post: #8
Title: Re: أما آن لهؤلاء أن يعتزلوا الكتابة في المن�
Author: osama elkhawad
Date: 02-22-2023, 05:23 AM
Parent: #7
Quote: أو بالكتير يكتبوا بوستات
فيها شموع وورود وقلوب ويتبادلوا المجاملات الرقيقة
من عينة يا مدهش ويا رائع والدنيا ربيع والجو بديع الخ الخ الخ |
ههه
لم يتم تطبيق اقتراحك،
ولكن ظلاله واضحة في عكس اقتراحك:
أي إعطاء "هؤلاء" حروفا لانهم شموع ...ههه
وهنالك تبادل للمجاملات الرقيقة ، ويمكن حصرها بالرجوع لبوست الشموع.
|
Post: #9
Title: Re: أما آن لهؤلاء أن يعتزلوا الكتابة في المن�
Author: طلحة عبدالله
Date: 02-22-2023, 05:31 AM
Parent: #8
سلام يا خواض
والله بصراحة أنا مجاملات المنبر الرومانسية دي
بتعمل لي حساسية وبعتقد جازما انها نفاق اجتماعي (اسفيري)
وسوء اتساق وتصالح مع النفس ليس إلا.
شموع وورود بتاعت الساعة كم ياخ هي فضلت فيها ورود وشموع
وبطيخ ؟؟ خخخخخخخخ
|
Post: #10
Title: Re: أما آن لهؤلاء أن يعتزلوا الكتابة في المن�
Author: osama elkhawad
Date: 02-22-2023, 05:37 AM
Parent: #9
اهلا طلحة
الكاتب لا يحتاج الى مجاملات فهي تدمّره لانها تعطيه احساسا زائفا بالكمال والنبوغ.
وحتى لو كانت هنالك اشادة فينبغي الاشارة اليها بشكل محدد وواضح وإثباتها.
وكذلك القدح، يجب التدليل عليه لا الاكتفاء بالاكليشيهات المعلبة مثل لايوجد ابداع، ما من جديد إلخ
|
Post: #11
Title: Re: أما آن لهؤلاء أن يعتزلوا الكتابة في المن�
Author: محمد عبد الله الحسين
Date: 02-22-2023, 07:04 AM
Parent: #10
سلامات الأخ طلحة و ضيوفك الأعزاء
والله ليك حق يا طلحة
أتفق معك....
الوضع العام في المنبر وفي البلد ...وفي كل شيء
فعلا يثير السأم والملل...والكدر....
الله يفرجها......
ولا ننيأس من روح الله...
|
Post: #12
Title: Re: أما آن لهؤلاء أن يعتزلوا الكتابة في المن�
Author: Osman Musa
Date: 02-22-2023, 07:47 AM
Parent: #11
الأخ استاذ طلحة
سلام .
لكن يا يا طلحة يا ود الخال شن نسو ؟
وهاك نفس سؤال عمك .
السؤال القديم الجديد .
......
من القصص الشعبية التي يتغنى بها الكابلى
"شن اسو حى أنا الجنيت و قت هو"
و يقول حدباى أن ناظمها هو بابكر ود مضوى ود حاج بابكر، خليفة الشيخ ادريس ود الارباب
و كان والده قد ابتعثه للقاهرة لتلقى علومه في الجامع الازهر و كان متيما بفتاة قبل ذهابه
غير انه سافر و مكث هناك 5 سنوات و عاد اثر و فاة والده.
و عند رجوعه وجد محبوبته على وشك الزواج و فى "الفاش"
( مكان يخصص لجلوس العروسة في حوش المنزل )
و حزن لعدم قدرته على الحضور لان ذلك لم يكن ممكنا.
وعندها قال له اصحابه سوف ندخلك و ذلك بان تتنكر في زى امرأة لترى معشوقتك ...
ولكن عندما تخرج تقول لنا قصيدة بعد مشاهدتك لرقيص العروس و صويحباتها في اللعبة (الحفلة) ..
فوافق فالبسوه ثياب امراة و دخل و رآها ترافقها وزيراتها اللآتى كن يحملن المباخر
وهي في كامل زينتها و عطرها... و عند خروجه قال هذه القصيدة:
شن اسو انا الجنيت و قلت هو
حى انا المرضان شن اســــــو
انبهم بى الراى و الدليل *** النجوع يا ناس الفليل
من هوى المو حايق قليل *** كيف حالى راقد مليل
جمعن مفتوت الخمر *** عنكبنّو النادى عــــــــمر
صقلوا المفقول و انضمر *** اب محيا يخفى القمر
يانديم ارجوك كون فهيم *** يوت بنوح للماهن واهيم
كونى نصف الليل البهيم *** صعبهن لى صاير قهــيم
السلام للحم الف كر *** فاق على المشنون ما عكر
من عشوقا قر ما نكر *** يا عذول مغرم مو ســـكر .
...
يا طلحة يا ود الخال .
انقطعت الينابيع وجفت المحابر .
والمكتبات في بلدنا قفلت ثم فتحت لقيمات وشاي.
فتحت جامعات كتيرة بلا طعم وبلا شطارة.
والتلفزيون البيديك جرعة معرفة كلو انقلب دعايات عدس الوابل
واخبار 9 طويلة وبردلوبة البرهان . وكتل كتل.
انشاءالله ربك يجعل للجوطة دي حد .
تحياتي
|
Post: #13
Title: Re: أما آن لهؤلاء أن يعتزلوا الكتابة في المن�
Author: طلحة عبدالله
Date: 02-22-2023, 08:23 AM
Parent: #12
تحياتي ود العمة عثمان موسى ( ردا على ود الخال)
فعلا يا حبيب اهو شفت الشعراء من لدن ود مضوى دا
هم فعلا المفروض يتقال عليهم شموع تحترق لتنير مشاعر
الآخرين بالحب والوفاء، انا ما معترض على الإشادة من حيث
المبدأ لكن زي ما قال الخواض يجب أن تكون بطريقة مقننة
وإلا تصبح مجرد مجاملة كذوية لا تخلو من النفاق الاجتماعي
أما بالنسبة للحاجة البنسويها فيما يخص موضوع البوست فعلى
الأقل ياخ نغير ما بانفسنا .. مثلا ناخد اجازة من التنظير والتحليل
والتعليل ونشوف البحصل شنو بدل شغالين لوك لوك لوك والحال
ما شي حاتل ؟
............
Quote: خليفة الشيخ ادريس ود الارباب
|
يا ود العمة أنت منو عندي احساس انو بعرفك ؟
|
Post: #14
Title: Re: أما آن لهؤلاء أن يعتزلوا الكتابة في المن�
Author: طلحة عبدالله
Date: 02-22-2023, 08:31 AM
Parent: #13
سلام صديقي محمد عبدالله الحسين
بالمناسبة موضوع البوست دا أن قصدت بيهو
الجزء وأردت الكل يعنى يشمل (بتوع ) الصحافة وديل
المفروض أول كائنات يكشوهم على مناطق الانتاج عسى
ولعل يستفيد منهم البلد بدل قاعدين عالة كدا يورجغوا
الليل والنهار لا فكرة ولا خبرة .
وان نسيت فلن انسى الخبراء الأصطراطيين بتاعين أنا
اعتقد وانا اقترح وأنا افتكر وربما وقد يكون ولعل وبلا بلا
بلا .. عملوا لينا تلوث سمعي حاد ياخ .. خخخخخ
|
Post: #15
Title: Re: أما آن لهؤلاء أن يعتزلوا الكتابة في المن�
Author: طلحة عبدالله
Date: 02-22-2023, 08:33 AM
Parent: #14
Quote:
الكاتب لا يحتاج الى مجاملات فهي تدمّره لانها تعطيه احساسا زائفا بالكمال والنبوغ.
وحتى لو كانت هنالك اشادة فينبغي الاشارة اليها بشكل محدد وواضح وإثباتها.
وكذلك القدح، يجب التدليل عليه لا الاكتفاء بالاكليشيهات المعلبة مثل لايوجد ابداع، ما من جديد إلخ
|
أيواااتك يا الخواض دا بالضبط القاصدو أنا وخاني
التعبير عنو .. أكرمك الله
|
Post: #16
Title: Re: أما آن لهؤلاء أن يعتزلوا الكتابة في المن�
Author: جلالدونا
Date: 02-24-2023, 06:02 AM
Parent: #15
طلحتوف
سلامات ياخي شكلو هيّجتك شمعجة الشموع
انا اصلا اعتزلت و اكراما ليك و تقديرا لي البوست ده ح امشي ازرع مكرونا
و نصيحة اخوية مني ليك
انت تمشي تشتغل ترزي
عامل كرعيك الما بعرفو يشوتو كورة ديل
الوش الضاحك ده عشان ما ترشني
|
Post: #17
Title: Re: أما آن لهؤلاء أن يعتزلوا الكتابة في المن�
Author: طلحة عبدالله
Date: 02-24-2023, 08:28 AM
Parent: #16
هلا يا جلالدونا
انت ما مقصود خخخخخخخخخ
تصدق أبوي ربنا يديهو الصحة كان ترزي وانا
قدر ما حاولت اتعلم منو غلبني؟؟ ما في ابلد من كدا أظن
بالنسبة ليك انت شكلك تجيد زراعة الفجل خخخخ
بالنسبة لكرعي صدقني شويت بقوة ودقة ولغاية هسة
بالنسبة لمناسبة البوست فأبدا والله الفكرة ما عندها علاقة
ببوست الشموع واصلا كان المفروض اكتبو قبل فترة
لكن ربنا ما هون إلا هسة
...........
البوست دا يا جلالدونا لا يعنى ان (جلهم أو كلهم) ديل هم السبب
المباشر في الحالة التعيسة دي .. أبدا ؟؟ هم في الحقيقة عامل
من العوامل أو سبب من الأسباب ولو بطريقة غير مباشرة ( كج) مثلا
خخخخخ
الله يسهل
|
|