|
Re: صحة وعافية …دكتور عمر محمود خالد شفاك ال (Re: مصطفى نور)
|
يا سيده لا ياسيده لا فايتانا وين مستعجله شرط امتحان ما انتي كملتي الحلا لازم علوم ما بالسماحه مؤهله ياساحره نايره ومذهله دار النشاط الليله صبحت قاحله حزنت لياليها وصبيحاتها و تبٍكي أصائله ما كنت نورها ونسيمها وبلبله وكنت الضياء البرشح سناها مجمًله وكنت الندي الحاضن زهورها مدلله فايتانا وين مستعجله فوتك منو العاد بقبله كل القلوب تخضع تجيك متوسله تتبع خطاك في ابتهال ،وتزرع دروبها وتشتله فايتانا وين مستعجله السله ،تبكي مولوله الليله صبحت أرمله جفت دروبها وبهجتها وبنت العناكب مدخله ما كان عشانك ياملاك نحن بنجيبها وندخله كنا بنصفق للجمال وكنا بنصفق للحلا لكن يمين واقفين وراك لا نجيها يوم لا ندخلها حادين عليك يا مذهله فايتانا وين مستعجله القمره وكتين خنقت، روحنا ليها بنسأله قلنا ليها ايه سبب الغياب ساعات ظلامنا الطولا قالت خلاص بي ارضكم مالي صله انا كنت مشتاق للعيون البطبيعه مكحله بفدي الديار واجمله،، فايتانا وين مستعجله غلطات كثيره الكمبيوتر بعمله، يمكن سهي ويمكن نسي وجاط النمر بي اكملها، ماقالو بعرف كل شئ ليه ماعرف ست الحلا لوكان عرف كان النتائج عدله وعشان عيونك يا قمركان خت اسمك اوله الجامعه بعدك كوم رماد لاتنفع اداب لا اقتصاد ولا فيها طب لا صيدله وحقوق كمان حقوق شنو والله اكبر مهذله مالو العميد مالو البليد،مالو لورفد المصحح والمعيد لو خلا ست الناس تعيد نومه الظهر تبقي له ضر ،الجاهله كيفن ما بتمر عمر خالد
|
|
|
|
|
|
|
العنوان |
الكاتب |
Date |
صحة وعافية …دكتور عمر محمود خالد شفاك الله 🌹 | مصطفى نور | 12-17-22, 07:36 AM |
Re: صحة وعافية …دكتور عمر محمود خالد شفاك ال | مصطفى نور | 12-17-22, 07:42 AM |
Re: صحة وعافية …دكتور عمر محمود خالد شفاك ال | مصطفى نور | 12-17-22, 07:47 AM |
Re: صحة وعافية …دكتور عمر محمود خالد شفاك ال | مصطفى نور | 12-17-22, 07:49 AM |
Re: صحة وعافية …دكتور عمر محمود خالد شفاك ال | مصطفى نور | 12-17-22, 08:19 AM |
Re: صحة وعافية …دكتور عمر محمود خالد شفاك ال | مصطفى نور | 12-17-22, 08:27 AM |
Re: صحة وعافية …دكتور عمر محمود خالد شفاك ال | مصطفى نور | 12-17-22, 08:34 AM |
Re: صحة وعافية …دكتور عمر محمود خالد شفاك ال | مصطفى نور | 12-17-22, 01:18 PM |
رد | احمد حماد ادريس | 12-18-22, 06:41 AM |
Re: رد | Ali Alkanzi | 12-18-22, 09:08 AM |
Re: رد | مصطفى نور | 12-22-22, 08:28 AM |
|
|
|