Quote:
الاخ دفع الله ودالاصيل تحيه طيبه وكلامك سمح تب ولكن الرسول صلى الله عليه وسلم قال الخير فى امتى الى يوم القيامه ونحن نعرف ان الدنيا بقت صعبه والصدق اصبح عمله نادره ولكن مازالت الدنيا فيها الخير وانت ياود الاصيل ممكن تراجع مع نفسك كم مره لقيت ناس كويسه وكم مره لقيت ناس ما كويسه فى الزكن الصعب ده امس ويشهد الله العظيم كنت فى محادثه عبر الماسنجر اتحدث مع اخ غالى ودفعه من الزمن السمح وقلت ليه عملت شنو فى البيت قال لى بعت البيت واشتريت شقه سيوبر ديلوكس فى مصر ودخلت فى شراكه مع اخ غالى وصديق لسنوات طويله المهم دخل معاه فى شراكه فى عمل كبير بمبلغ يكاد يكون كضب ولكن اعلم ومتيقن انو صديقى لايكذب دخل فى شراكه بمبلغ 400 الف دولار وقال والله حتى ماكتبت مع الزول ده اى مكتابه ولا ايصال امانه ولا شهود وقال انو الكلام ده قبل 8 شهور وبدا من اول شهر يستلم ارباح تكفيه حيث يعيش فى مصر وممكن بالمبلغ يعيش ملك والطريف فى الامر انو كان موجر البيت لشخص اعرفه وعايز منو حوالى 35 الف دولار متاخرات ايجارات وسالتو من الزول قال الزول ده فى مصر وانا ما عايز منو شى لانو سمعت انو مريض وعايش فى مصر اخى ودالاصيل ذكرت ليك القصه دى فقط عشان اوريك انو الدنيا مازالت بخير ونحن قلنا لو فى شغل يكون بطريقه احترافيه محامين تسجيل شركه رسمى حسابات فى البنوك وكل شى بكتابه وما اظن انو الناس سيئه لدرجه انو ممكن يكون فى تلاعب فى زمن صار كل شى ممكن يكون بطريقه احترافيه وانا متاكد انو فى ناس حتى معانا هنا وهم الاف يعرفوا بعضهم البعض وفى ثقه بينهم وفى الاساس انا افتكر ومتاكد انو القرش الحلال صعب انو يضيع والله المستعان الموضوع مازال مجرد فكره وممكن تجهض فى اى لحظه ولكن العشم انو يكون في مشروع صغير حتى لو تجربى ولو كان النجاح حليف المشروع الصغير ممكن الناس تتوسع فى الشغل والكل يشارك مع تحياتى مصطفى نور . |
حيَّ الله ود رعيتنا،
ماعارف غايتو حكايتك شنو زي ما
ربنا خالقك على نياتك كدا، و لا من
كتر نجعيك في بلاد الله الواسعة بقيت
ماخد من بستان كل شعب زهرة ، فهنيالك ياخ.
طبعن أخوك صادفت و عايشت نماذج خيرة كتيرة
والخير في أمتي حتى تقولم الساعة ، و لو دار من
تجاربي الذاتية، مشكلتي موش النصب والاحتيار
و لا ضياع اللذمة المالية وبس. لكن في أسلوب إداة
الأعمال . معاي قريبي شديد شديد ، دكتور متخصص من
برطانيا، جاء راجع فتح عيادة على قدر حالو قمنا للشلاقة
طورناها لمستوصف تخصصي فاعل تاركن على أساس شركة
مساهمة قايم على عمارتن لصق بي كبري كل واحدة 04 طوابق
و فضلنا شغلالين في أمان الله من 2099 ، لكن تصدق هدا ليوم
الللية دي آخر دفعة كانت ما فايتة 240000 (فقط مائتين واربعين
ألف جنيهاً سودانياً لا غير) في السنة!! و قس على ذلك ،
( نحن شعبٌ سلحفائي الخطاوي فولاذي المشاعر)