Quote: كان تبدأ بهذه.. الثقة عند السودانيين مع الأسف فى الحضيض فيما يتعلق بالشراكات.. ولم تأت من فراغ ولكن بعد تجارب
مريرة.. يعنى لو رسلت قروش لأخوك (أخوك تحتها خطين) عشان يشترى أمجاد يشتغل بيها بدل ترسل ليه كاش كل مرة..
يعمل بيها شنو؟ وأترك الإجابة ليك..
|
أولن تحية لودرعية، و نرحب بود الدَّقَم و إجابتك
يابريش معاي باللختسار المُمِل لكن مفيد مع خت ختين
تحت "أخوك"بتذكرني بفالتي بيشكي لأخوه :"وجع أم باتاي ،
ندسو في حشاي و لانفتو لأقرباي ؟!" داك بيفتيه :" أقرباك
عقرباك " يعني أحسن ليك تموت ببيه في الللُّبُّاد وتنسى!! .
+ الشاهد أنو : إنو أمجادك دي يابريش حتفضل تتبخر و
تتمخض إلى أن تلد لنا جر ذا ناً فطيساً و هاك تجربة من
بيت الكلاوي ،كنت شاهداً عياناًعلى مجريات أحداثها:
+ و احد من عروبنا أهل العوض ليهو أخويين وحد شقيق
و التاني ود أمو و هذا الأخيرخلينا نسميه مسلن (البهاي) ،
لأنو كان باهياً بكل المواصات والمقاييس، و الأولاني
نسمه (الطيب) غير أنه كان اسماً على غير مسىى .
+ و صاحبنا قاعد يرسل ليهم الاتنين حتى آخر يده، و قد كلفني
في إحدى نزلاتي بالتوسط لحل خلافٍ نشب بيههما ، كان دافعه
نار الحسد و التي تنهش في قلب الطيب الشقيق تجاه نجاحات الباهي
في ظل تقاعسه عن أي نشاط تصريف عطايا (صاحبنا)كلا، بل كان
يعمد إلى أهدارها في أشياء لا تمد غلى العقل و منظق بي بصلة.
+ ولما ذهبتُ إليهم بصفتي محضر خير و خلال مشاكل ،
استقبلني الباهي بحفاوةٍ باذخةٍ و فتح لي دفاتر حساباته لكنتين
عامر بكل ما يلزم من بضائع كان فتحه لاستثمار أموال ابن امه.
وأما الرجل الشقيق الرجل(االطيب ، فقد شهر في وجهي سلاحاً
أبيضَ ، في رسالة غاضبة موجهة إلى صاحبنا أخيه في غربته المجيدة.
بأنو القروش الكانت مرسلة لشراء لوي حج منها هو و أم عياله لي بيت الله ,
و الباقي منها هديك بقرة (بني إسرائيل) مجدوعة في مشروع الرهيد جيهة
الخياري ، وحالف طلاق البقرب منها علا سكيني دي تاباه. وبي موناصبة
الثقة المفقدوة ( ودا بيد القصيد) ، فأخوك راجع لي 10 شهور بعد أطول
إجازة لي هناك ، كان حصادها " حكمة و الله و حكايةجهشتني منذ البداية"
و على غرار إنو العفض داخل الدفار على مسعولية صاحبه ، فأي تعريفة
حمراء تمرق من جيبك لتأخذ مكانها في كائناً من كان غيرك ، فلو مديت
ليه يدك بعد ثانية بتلقى أفعى كوبرا سامة برأس أملسَ نزلت هناك
ل" تتمرترس " في حراستها، يلا أنت تكال نيم و تحلي قرض،
فاشنو ياخي خلي ابـــــــــــنك في حُضـــــــــنك
و " قرشـــــن تودعو أودعـــــــو"
دفع الله ود الأصيل
فيس بوك
تويتر
انستقرام
يوتيوب
بنتيريست