|
Re: قصص واقعيه من سودان العز كل يوم قصه (Re: مصطفى نور)
|
الحظ لما يضرب... *قصه حقيقيه حدثت في الخرطوم *...
💤💤💤💤💤💤 يقول عمنا ابراهيم يسكن اركويت سنة 1980 كان عندي سياره موسكوفيتش 8 وكنت اعاني من اعطالها الكثيره فهي شبه تالفه وتحتاج عمرة مكنه واربعه لساتك وتنجيد فرش وسمكره وبوهيه وترخيص... كنت لا املك المال لاصلاحها نسبة لكبر اسرتي فانا لي والحمد لله عايله كبيره تحتاج مصروفات لا اقدر عليها وكل م اعمله يذهب للمصاريف...
يقول عمنا ابراهيم ذات صباح اردت الذهاب الي العمل ولم نكن نملك حق شاي الصباح وعندما هممت بتدوير السياره رفضت القيام لان البطاريه ضعيفه وكبس المكنه ضعيف.. احترت اعمل شنو والبيت خالي من اي شي... الجيران دفروها لي ودورت بعد تعب فقلت اجاسف بيها وانا اعلم انها لن تمكنني من توصيل مشوار واحد... اتجهت نحو شارع المطار وانا افكر كيف سنعيش مع هذه السياره التالفه... ولما وصلت مدرسة حلويات سعد اذ بسياره اخر موديل تجتازني وتاشر لي بالوقوف... افتكرتو مشوار وقلت الحمد لله نستفتح من الصباح... نزلو شخصين من السياره اخر موديل وتفحصو سيارتي من الامام والخلف وانا ظننتهم من المباحث ولكن من لون بشرتهم طلعو اقباط.. سلمو علي وانا محتار... واحد فيهم قال لي ي حاج تبدل سيارتك دي بسياره تاكسي كورولا اخر موديل.. تعجبت من كلامو وبقيت اضحك.. قال لي انا جاد في كلامي... 🤔🤔🤔🤔🤔 🤔 قلت لـ اعرف السبب.. قال لي في واحد نحن دايرين منو 100 مليون وهو كان واضع سياره نفس نوع سيارتك دي بس بدون لوحات لانو لوحاته بطرفه والسياره احترقت... وهو لما عرف انو السياره احترقت ونحن رفعنا عليه قضيه بواسطة الشرطه الدوليه لانو خارج السودان.. كلف محامي يسلمنا القروش بعد نسلمو السياره وقام بارسال صوره للمحامي .. ونحن ظللنا نبحث عن نوع السياره شهور ولم نجد لها شبيه الا سيارتك هذه.. 📍📍📍📍📍📍📍 يقول عم ابراهيم كان تمن سيارتي في ذلك الوقت ألفان من الجنيهات...
سكت عم ابراهيم بعد ان وجد الفرصه في الزمن الاغبر وان المبلغ المرهون 100 مليون... 🌻🌻🌻🌻🌻🌻🌻 عم ابراهيم طمع وحب يلعب بـ اعصاب الاقباط وقال ليهم السياره دي ورثه وانا م بقدر اتصرف فيها الا بعد اشاور ..
الاقباط قالو لـ عم ابراهيم ح نديك عرض مغري... سياره كورولا اخر موديل ومعاها عشره مليون حالا ...
عم ابراهيم ضحك وبرم شنبو وقال ليهم يلاكم علي المحامي لكن عربتي دي مابدور... قالو ليو خليها في محلها ده بنجيب ونش يجرها انت بس اركب معانا... ومشينا لـ محامي في الصحافه كتبت ليهم وكتبو لي وسلموني القروش والكورولا الكرت.. يقول عم ابراهيم من الفرح سجدت لله عشرين مره بعد مشيت منهم بعيد.. وطوالي علي السوق المركزي اشتريت اي حاجه لقيته قدامي وفلللي علي البيت والكورولا تنهب في الظلط نهب..... لما وصلت البيت لقيت سيد البيت عامل جوطه مع اولادي علي انو داير يبيع البيت والزبون اشترطت عليو الاخلاء من السكان..
🤔🤔🤔🤔🤔 قلت ل سيد البيت انت بايع البيت ب كم للزبون؟ قال لي بـ خمسه مليون.. قلت ليو انا اولي بالبيت لاني ساكن فيو.. قال لي خلاص ادفع.. قلت ليو شيل ورقك ويلاك علي المحامي .. اولادي مستغربين وسيد البيت متعجب وم مصدق.. قال لي الدفع كااااش..
قلت ليو في محلك ده بديك قروشك ودخله بيتك واركب معاي نمشي المحامي.. وفعلا اشتريت البيت وبقت عندي كورولا كرت اخر موديل وخمسه مليون احتياطي... نسيت اقول ليكم نحن لسه م شربنا شاي الصباح لانو السكر والشاي معاي في الكورولا وم لقيت طريقه انزلم ...
هسي والله محتاجين لي معجزه زي دي لاصلاح حال البلد وينكم يا اقباط السودان 😂😂😂😂😂
|
|
|
|
|
|
|
العنوان |
الكاتب |
Date |
قصص واقعيه من سودان العز كل يوم قصه | مصطفى نور | 10-04-22, 06:55 AM |
Re: قصص واقعيه من سودان العز كل يوم قصه | مصطفى نور | 10-04-22, 08:06 AM |
Re: قصص واقعيه من سودان العز كل يوم قصه | Biraima M Adam | 10-05-22, 00:31 AM |
Re: قصص واقعيه من سودان العز كل يوم قصه | مصطفى نور | 10-05-22, 10:17 AM |
Re: قصص واقعيه من سودان العز كل يوم قصه | مصطفى نور | 10-05-22, 10:25 AM |
Re: قصص واقعيه من سودان العز كل يوم قصه | مصطفى نور | 10-05-22, 10:45 AM |
Re: قصص واقعيه من سودان العز كل يوم قصه | مصطفى نور | 10-06-22, 07:15 AM |
Re: قصص واقعيه من سودان العز كل يوم قصه | مصطفى نور | 10-06-22, 07:18 AM |
Re: قصص واقعيه من سودان العز كل يوم قصه | مصطفى نور | 10-06-22, 07:19 AM |
Re: قصص واقعيه من سودان العز كل يوم قصه | مصطفى نور | 10-06-22, 07:35 AM |
Re: قصص واقعيه من سودان العز كل يوم قصه | مصطفى نور | 10-06-22, 07:39 AM |
Re: قصص واقعيه من سودان العز كل يوم قصه | مصطفى نور | 10-06-22, 07:40 AM |
Re: قصص واقعيه من سودان العز كل يوم قصه | مصطفى نور | 10-11-22, 07:41 AM |
Re: قصص واقعيه من سودان العز كل يوم قصه | مصطفى نور | 10-11-22, 09:32 AM |
Re: قصص واقعيه من سودان العز كل يوم قصه | علي عبدالوهاب عثمان | 10-11-22, 10:44 AM |
Re: قصص واقعيه من سودان العز كل يوم قصه | علي عبدالوهاب عثمان | 10-11-22, 11:03 AM |
Re: قصص واقعيه من سودان العز كل يوم قصه | مصطفى نور | 10-12-22, 06:31 AM |
Re: قصص واقعيه من سودان العز كل يوم قصه | مصطفى نور | 10-12-22, 07:37 AM |
Re: قصص واقعيه من سودان العز كل يوم قصه | مصطفى نور | 10-12-22, 08:12 AM |
Re: قصص واقعيه من سودان العز كل يوم قصه | مصطفى نور | 10-12-22, 09:11 AM |
Re: قصص واقعيه من سودان العز كل يوم قصه | الوليد محمد | 10-12-22, 01:39 PM |
Re: قصص واقعيه من سودان العز كل يوم قصه | مصطفى نور | 10-13-22, 10:52 AM |
|
|
|