نكتة الملك تشارلز

05:07 PM September, 14 2022

سودانيز اون لاين
محمد جمال الدين-The Netherlands
مكتبتى
رابط مختصر

بمناسبة النكتة الحايمة اليومين دي انو في واحد بعد سمع خطاب الملك تشارلسز قال انجليزيه ما كويس.
اول مرة امشي انجلترا سواق التاكسي انجليزي عجوز بدون مناسبة قال لي واضح انك جديد في البلد دي.. قلت ليه عرفت كيف؟
قال لي لان انجليزيك كويس.. وهو يقصد اني بتحدث وفق القواعد.. يعني زي ناس جامعة افريقيا العالمية لما يلقاك واحد في الشارع ويسالك من حاجة: انني اريد التبضع فهل تدلني على مول بهذه البقعة يا صاح😄.

فتشارلز بتكلم بلهجة الرباطاب الانجليز

---
ودا عشان تعرفوا إنو أخوكم الدرويش ما ثقيل كل الوقت (يعني في أمل) 😀

فضيحة الدراويش أو نقد العقل السحري بمناسبة رحيل الملكة البريطانية إليزابيث

https://sudaneseonline.com/board/510/msg/1662753059.html

---
ما دروشة مني ساي... الرابط يحوي نكات إنجليزية/سودانية بعضها مبكي والآخر محزن (معليش)

سودانى فى لندن عايز يوقف عربيتو فى الشارع وما متأكد مسموح واللا لا.. ..سال البوليس: Can I bark here؟1
البوليس قال ليه.. You can bark anywhere, Sire, but you can't leave your car here

ترجمة.. معظم السودانيين عندهم مشكل ال P ينطقوها B.. وعبارة Can I bark here معنا هل ممكن أنبح هنا!!
والصحيح كان يقول ليه Can I park here
البوليس قال ليه ممكن تنبح فى أى حتة يا سيدى ولكن لا تستطيع ان تترك عربيتك هنا

Park تعنى وقوف العربية
Bark تعنى نباح الكلب

(فتشارلز بتكلم بلهجة الرباطاب الانجليز)
هوى اعمل حسابك ......تسمعك بنتنا زينب بدوى والله شيخ كدباس ما يحلك منها
تحياتى

Quote: ودا عشان تعرفوا إنو أخوكم الدرويش ما ثقيل كل الوقت (يعني في أمل) 😀

سلامٌ على معشرٍ غير ثُقلاءٍ البَتَّة، وإنْ ثقُلت موضوعاتهم في نظرِ البعض أحيانا لسبب ضيق البراح الزمني آل.مُتاح ..

تحياتي عزيزي محمد جمال الدين..
متابعينك ولكن! عين بصيرة وإيد لا تجدع إلّآ قريب قريب (هههه)..