|
Re: π واجب العزاء في حبوبة أليزا\بيص¢ (Re: دفع الله ود الأصيل)
|
انا زي بكا الملكة ده لا راكب ليهو طيارة ، لا سمعت بيهو من وكالات الانباء ، ولا من المهتمين بالشأن الملكي ، بيت البكا هدا و أزيدكم من الشعر بيت ؛ قلعة بالمورال فى المرتفعات الأسكتلندية محل ماتت دا ، ركشة بي 11جنيه بتختني قدامو زط ، شرف ليكم؟… ف يلا كلام انها كانت تعبانة ، و من ما طقتها كرونا المرة الفاتت (قبل ٧ شهور) ما شافت عافية، و في الاحتفالات الفاتت كانت بتتكل في عصاية، دي كلها كلامات وهمية ساي … (عمرها ٩٦ سنه دايرنها ما تتكل كمان؟ … (الله يأذآهم قابلوها ) حبوبتنا دي كانت شديييدة و لضيضة لحد ما "أم وش" رئيسة الوزراء الجديده (ليز تراس) لاقتها يوم التلات و باركت ليها مريسة الوزراء ، لكن النصيحة لاقتها فى قلعة بالمورال لانها هي من جات من سوق الخدار يوم الاحد كانت بتشكي (قالت مسخنة و جسمها مكسر "بالانجليزي طبعًا ") لكن كويسة، المهم قامت قابلت رئيسه الوزراء الجديدة هنا ما في باكنجهام هناك ، و ده طبعًا خارق للبرتكول (العملتو هي بي انها خلال فترة حكمها ال٧٠ سنه عينت ١٤ رئيس وزراء ، "جت" عليهم إحتفالاتهم بالمريسة كانت في قصر باكنجهام ، و خلي بالكم الاحتفال ده بكون فيهو غمتة عشان كده "أم وش" دي ما صبرت) … قالت ليها انا والله تعبانة ومافي ولا واحد من الاولاد عشان يرجعني قصر باكينغهام و دفع الله عربيتو بايظة ،،،،،، والمهم إعتذرت ليها ، أها "أم وش" قصة حفل تنصيبها الطرشق ده اكل معاها جمبه و لمن رجعت قالت للصحافة و المهتمين بالشان الملكي : بري اليزابيث دي وشها ده مختوف و عندها كدمه في يدها ، و انا ماااا مطمنه … (الله يأذاك كلو من وشك ده)… بس الدنيا دي قامت و ما قعدت ، طوالي قصر باكنجهام رسل الفريق الطبي مشي عليها ، والمرحومه يا حليلها لسه عندها باقي فاصوليا داير تقوم عليها الجماعه جو كابسنها ، خلعوها و وهموها في راسها ، شالوها و ختوها في السرير و ركبوا ليها الاجهزه و بخبخوا الغرفه ، و طردوا الناس … و هي يا حليلها تقول ليهم : يا اخواني طيب ادوني حُقتي بتاعت السعوط دي ،، و يا ريت لو ما كلمتهم ؛ من ما جدعوا الحُقه دي و الدخلت فيها ما مرقت تاني)… يلا في الوقت ده الدُنيا و العالمين ديل إتقلعوا و جو علي قلعة بالمورال بعد ما تم أخطارهم رسميًا بجديه الامر من قِبل قصر بكنجهام: تشارلز ولدها و مرتو كاميلا جو أووول ناس لى بالمورال ، كاميلا كان مفروض تفتتح مركز جديد للنسيج فى جالاشييل (على الحدود الاسكتلندية) يوم الجمعة الجايه اصلاً ، لكن لمن عرفت انو نسيبتها تعبانه خلت الوراها و القدامها و ركبت مع تشالز في العربيه قدام (كل سفنجة من بلد) و قالوا من وصلت و شافت وش الحبوبة رسلت رسالة لي مدير أعمالها قالت ليهو : الغي كل إرتباطاتي و كلم جاراتي اني ما دايره معاهم في الصندوق (النجيضة عرفت وش الموت. " توبي كونتنيو"
|
|
|
|
|
|
|
العنوان |
الكاتب |
Date |
π واجب العزاء في حبوبة أليزا\بيص¢ | دفع الله ود الأصيل | 09-09-22, 02:40 PM |
Re: π واجب العزاء في حبوبة أليزا\بيص¢ | دفع الله ود الأصيل | 09-09-22, 03:04 PM |
Re: π واجب العزاء في حبوبة أليزا\بيص¢ | الشيخ سيد أحمد | 09-09-22, 06:58 PM |
Re: π واجب العزاء في حبوبة أليزا\بيص¢ | دفع الله ود الأصيل | 09-09-22, 07:37 PM |
Re: π واجب العزاء في حبوبة أليزا\بيص¢ | الشيخ سيد أحمد | 09-09-22, 08:00 PM |
Re: π واجب العزاء في حبوبة أليزا\بيص¢ | دفع الله ود الأصيل | 09-09-22, 09:10 PM |
Re: π واجب العزاء في حبوبة أليزا\بيص¢ | دفع الله ود الأصيل | 09-09-22, 10:41 PM |
Re: π واجب العزاء في حبوبة أليزا\بيص¢ | دفع الله ود الأصيل | 09-09-22, 11:39 PM |
Re: π واجب العزاء في حبوبة أليزا\بيص¢ | صديق مهدى على | 09-10-22, 06:06 PM |
Re: π واجب العزاء في حبوبة أليزا\بيص¢ | Ahmed Yassin | 09-10-22, 07:16 PM |
Re: π واجب العزاء في حبوبة أليزا\بيص¢ | دفع الله ود الأصيل | 09-11-22, 03:07 AM |
Re: π واجب العزاء في حبوبة أليزا\بيص¢ | Ahmed Yassin | 09-11-22, 04:22 AM |
Re: π واجب العزاء في حبوبة أليزا\بيص¢ | Ahmed Yassin | 09-11-22, 04:29 AM |
Re: π واجب العزاء في حبوبة أليزا\بيص¢ | دفع الله ود الأصيل | 09-12-22, 07:56 PM |
Re: π واجب العزاء في حبوبة أليزا\بيص¢ | صديق مهدى على | 09-12-22, 09:32 PM |
Re: π واجب العزاء في حبوبة أليزا\بيص¢ | Gaafar Ismail | 09-13-22, 07:11 AM |
Re: π واجب العزاء في حبوبة أليزا\بيص¢ | دفع الله ود الأصيل | 09-13-22, 07:45 AM |
Re: π واجب العزاء في حبوبة أليزا\بيص¢ | Biraima M Adam | 09-13-22, 01:42 PM |
Re: π واجب العزاء في حبوبة أليزا\بيص¢ | Biraima M Adam | 09-14-22, 05:12 PM |
|
|
|