صاحبنا مقيم في دولة اوربية لبى دعوة احد السودانيين في المدينة ال هم متواجدين فيها .. صاحب الدعوة متزوج من مواطنة البلد .. والسوداني انجب من الخواجية وعندو بنت شويتين تبقي مرة لازمة.. صادف ان تمت دعوة عديلهُ سنغالي طويل عريض المنكبين شلولح. 😅 والسنغالي ده عنده ولده عمر الطاشراااات .. اول ما جو داخلين هاك يا سلام و عمِت بالطريقية الافرويدية .. بعد ان وضعت حمى السلام والكيف تمام اوزارها ..الشبل السنغالي سلّم علي بت خالتو سلااااام ولا سلام جوبا 😂 ثم انسربا دخل غرفة الاميرة.. هاك ي ضحك وقرقراب ويمكن يكون فوكّا جدّيع مخدّات. بعد اقل من ساعة طلعوا مع تغيير بعض ملامح الوجه الطفولي الكان قبل السلام من الخارج. انتهت قصة سفيه النوايا الحسنة. طيب لو سلّمنا واستسلمنا وامنا انه في زواج زي ده وين دور الاب؟ هل للحكومة المنزلية سلطات اوسع؟ هل الوالد ده (والد اليابا والتابا) نسي حاجاتو الاتربي وقام عليها؟ وللا خوف من قانون البلد التي يدين بقدسية حضارتها وقانونها النشاز. مع التحية للاسر المحافظة اللسة مازالوا محافظين علي عاداتنا السمحة وهم ما وراء البحار في تلك المهاجر.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة