ابتدار غريب وعجديب وذكي لقصيدة غنائية أو قصيدة شعرية بحتة..
حتى الأغنية فيها ما فيها من التعبيرات المبيتكرة ...ومن الإحساس بشيء من الندم
بل ولعله يقول ذلك وهو في منعطف من منعطفات وأزمة العلاقة..نسيان ..تجاهل...هجر الخ
مبتدأ غير مسبوق في استهلال قصيدة... لكنه وهو مجرد بيت وحجيد لكنه يلخص الوضع STATUS وضع العلاقة..
Post: #2 Title: Re: حاولت أديك من روحي شوية Author: محمد عبد الله الحسين Date: 08-27-2022, 12:05 PM Parent: #1
عرضحال عاطفي
وحاجة كده زي كشف الحسابstatement of account :
حاولت اديك من روحي شويه من ادبي وفني ونهار عينيا حاولت كتير ما لقيت من حبك غير كل اسيه
ثم : ما يأتي ليس امتنان و لكنه شيء بمثابة كشف الحساب للذكرى فقط:
خليت الدنيا لرضاك ورميتا والكلمه النادره في هواك غنيتا وشموع ايامك بدماي ضويتا
وهو لا أعتقد أنه أسفأو ندم ولكنه نوع من الحسرة مع الرجاء..
Post: #3 Title: Re: حاولت أديك من روحي شوية Author: محمد عبد الله الحسين Date: 08-27-2022, 12:57 PM Parent: #2
الغيرة عندما تحرق: (شفتك متهني ما سائل عني ...)
وكان يا ما كان ودموع الحسرة: (كان عشك قلبي وكان قلبي غريبك في سوق عشاقك اصبحت نصيبك )
ليس تهديد بفقده ولكن يخشى أن يرجع ويفقده: (وأنا خايف انساك والدنيا تصييبك ترجع تتندم ما تلقى حبيبك )
جرد حساب وسرد للي كان وعتاب خفيف وملطَّف:
(لو تذكر مره انك حبيتني من قبل سنين وهواك اهديتني عطف وحنيه و موده يا حبيبي ماكان يا غرامي حصل وسليتني)
وختاما رجاء وتمني: ( لكني اقول واقول عسى قلبك لو نسى ايامي ما ينسى هيامي )
الأغنية من الأغاني التي أجد فيها نفسي تنسرح فيها الأحاسيس للسماء كلمات و لحن وأداء..
فقط أتمنى ألا أكون قد أفسدت روح القصيدة بالتقطيع..
Post: #4 Title: Re: حاولت أديك من روحي شوية Author: adil amin Date: 08-27-2022, 05:07 PM Parent: #3
سلام يا محمد عبد الله الحسين
عثمان حسين ده اكسير السعادة في الغربة شعراء صعبين شديد لا يتبعهم الغاوين يكتبون اغانيه بالله زمان تركب برينسة الدامر عطبرة تلقي توقيع السايق في ركن البرينسة "عشرة الايام" هسة شوف بكتبو في الركشات شنو
Post: #5 Title: Re: حاولت أديك من روحي شوية Author: محمد عبد الله الحسين Date: 08-27-2022, 07:11 PM Parent: #4
الأخ العزيز عدولت عِمتَ مساء يا صديقي
مرحب بتشريفك لنا في البوست ده بتاع الأغاني والقصائد المعتقة و الحائزة على قريد ون..
شكرا على تنزيل الأغنية الجميلة دي و متعتنا بصوت عثمان حسين العذب بالعود..
Quote: عثمان حسين ده اكسير السعادة في الغربة شعراء صعبين شديد لا يتبعهم الغاوين يكتبون اغانيه بالله زمان تركب برينسة الدامر عطبرة تلقي توقيع السايق في ركن البرينسة "عشرة الايام" هسة شوف بكتبو في الركشات شنو
ياخ انت راجل فنان كما إنك صاحب رؤية سياسية ...
شكرا ليك يا زول يا ظريف
Post: #6 Title: Re: حاولت أديك من روحي شوية Author: محمد الأمين موسى Date: 08-27-2022, 07:58 PM Parent: #5
ورد في هذه القصيدة، أجمل تهديد عاطفي: خايف أنساك والدنيا تصيبك ترجع تتندم ما تلقى حبيبك
وطبعا المبدع عثمان حسين ما قصّر في تنغيم كلمة "خايف".
Post: #8 Title: Re: حاولت أديك من روحي شوية Author: قسم الفضيل مضوي محمد Date: 08-27-2022, 11:43 PM Parent: #7
تحياتي اخونا محمد .. بتذكر مرة في الغربة واحد صديقنا جاب سيرة اغنية شجن لعثمان حسين .. لي متين ؟ لي متين ؟ لي متين يلازمك في هواك مر الشجن .. ونظر تنظير كتير وختمه بالمقطع : لكني اخشى عليه من جور (غدر) الليالي .. بكا عجيب ياخ و لوحة سريالية تنافس رسومات بيكاسو وتقول لها ها انا ذا .. بالذات المقطع الاخير .. وتعود مراكب ريدنا .. مصحوبة باللحن الساحر .. ترا را ياخ الشاعر الكتب الكلام دا مفروض يدوه جائزة نوبل في البكا وينصب سلطانا للعشاق كما قال الفلتة الفيتوري .. . . . اسم الاغنية : شجن
غناء : عثمان حسين . . لى متين يلازمك في ... هواك مر الشجن ويطول بايامك سهر ... ويطول عذاب يا قلبى لوكانت ... محبته .. الثمن يكفيك هدرت عمر ... حرقت عليه شباب لكن هواه أكبر ... وما كان ليه ثمن والحسرة ما بتنفع ... وما بجدى العتاب أحسن .. تخليه ... لى الليالى والزمن
لكنى اخشى عليه ... من غدر الليالى وأخشى الامانى تشيب ... وعشّنا يبقى خالى وهو لسع في نضارة ... حسنه فى عمر الدوالى ما حصل فارق عيونى ... لحظة او بارح خيالى اغفر له يا حنيِّن ... وجاوز لو ظلم ما اصلها الأيام مظالم والعمر غمضة ثواني واصبر على جرحك ... وإن طال الألم بى جراحنا بى أشواقنا ... بنضوى الزمن انا عارفه بكره بيعود ... فى رعشة ندم ننسى الحصل بيناتنا ... والسهر اللى كان تصبح حياتنا نغم ... وعشنا يبتسم وتعود مراكب ريدنا ... لى بر الأمان
Post: #9 Title: Re: حاولت أديك من روحي شوية Author: adil amin Date: 08-28-2022, 03:14 AM Parent: #8
Quote: تصبح حياتنا نغم ... وعشنا يبتسم وتعود مراكب ريدنا ... لى بر الأمان
https://www.0zz0.com
Post: #10 Title: Re: حاولت أديك من روحي شوية Author: محمد عبد الله الحسين Date: 08-28-2022, 11:49 AM Parent: #9
مرحبا بالأحباب الكرام عشاق الكلمة الراقية و روعة اللحن و المعاني والمشاعر السامية..
التحية لكم :
محمد الأمين
أمير حسين
قسم الفضيل
والأخ عادل... اتحفنا بالفيديوهات له الشكر
Post: #11 Title: Re: حاولت أديك من روحي شوية Author: دفع الله ود الأصيل Date: 08-28-2022, 02:23 PM Parent: #9
∆ هاكم ابتدارات ما خطرت بقلب بشر ،إاا تمليها عليه الشياطين گعمر الدوش حين يصحو من عيلولة«تعسيلة عصرية» على وجه عروسه و هي قادمة لتوها لليلة دخلتها معه، فمن فرط فجاؤته لم بجد ما يبادرها به سوى صرخة معطوفة على مجهول « ... ولا الحزن القديم.. إنتي.. ولا الشوق المشيت ليهو»
Post: #12 Title: Re: حاولت أديك من روحي شوية Author: محمد عبد الله الحسين Date: 08-29-2022, 06:43 AM Parent: #11
صباح الود ...صباح النور والزهور و العطور والخاطر المجبور...
الغريبة نفس المعاني والمشاعر في كلمات بازرعة ( حاولت أديك من روحي شوية)..........
و في كلمات الدوش( ولا الحزن القديم إنت)...
في كلمات الدوش تحس أكثر بشيء من اليأس و الضجر والسأم ... حسب وجهة نظري..
