سلام يا محمد عبد الله الحسين عثمان حسين ده اكسير السعادة في الغربة شعراء صعبين شديد لا يتبعهم الغاوين يكتبون اغانيه بالله زمان تركب برينسة الدامر عطبرة تلقي توقيع السايق في ركن البرينسة "عشرة الايام" هسة شوف بكتبو في الركشات شنو
08-27-2022, 07:11 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10907
مرحب بتشريفك لنا في البوست ده بتاع الأغاني والقصائد المعتقة و الحائزة على قريد ون..
شكرا على تنزيل الأغنية الجميلة دي و متعتنا بصوت عثمان حسين العذب بالعود..
Quote: عثمان حسين ده اكسير السعادة في الغربة شعراء صعبين شديد لا يتبعهم الغاوين يكتبون اغانيه بالله زمان تركب برينسة الدامر عطبرة تلقي توقيع السايق في ركن البرينسة "عشرة الايام" هسة شوف بكتبو في الركشات شنو
ياخ انت راجل فنان كما إنك صاحب رؤية سياسية ...
شكرا ليك يا زول يا ظريف
08-27-2022, 07:58 PM
محمد الأمين موسى محمد الأمين موسى
تاريخ التسجيل: 10-30-2005
مجموع المشاركات: 3470
تحياتي اخونا محمد .. بتذكر مرة في الغربة واحد صديقنا جاب سيرة اغنية شجن لعثمان حسين .. لي متين ؟ لي متين ؟ لي متين يلازمك في هواك مر الشجن .. ونظر تنظير كتير وختمه بالمقطع : لكني اخشى عليه من جور (غدر) الليالي .. بكا عجيب ياخ و لوحة سريالية تنافس رسومات بيكاسو وتقول لها ها انا ذا .. بالذات المقطع الاخير .. وتعود مراكب ريدنا .. مصحوبة باللحن الساحر .. ترا را ياخ الشاعر الكتب الكلام دا مفروض يدوه جائزة نوبل في البكا وينصب سلطانا للعشاق كما قال الفلتة الفيتوري .. . . . اسم الاغنية : شجن
غناء : عثمان حسين . . لى متين يلازمك في ... هواك مر الشجن ويطول بايامك سهر ... ويطول عذاب يا قلبى لوكانت ... محبته .. الثمن يكفيك هدرت عمر ... حرقت عليه شباب لكن هواه أكبر ... وما كان ليه ثمن والحسرة ما بتنفع ... وما بجدى العتاب أحسن .. تخليه ... لى الليالى والزمن
لكنى اخشى عليه ... من غدر الليالى وأخشى الامانى تشيب ... وعشّنا يبقى خالى وهو لسع في نضارة ... حسنه فى عمر الدوالى ما حصل فارق عيونى ... لحظة او بارح خيالى اغفر له يا حنيِّن ... وجاوز لو ظلم ما اصلها الأيام مظالم والعمر غمضة ثواني واصبر على جرحك ... وإن طال الألم بى جراحنا بى أشواقنا ... بنضوى الزمن انا عارفه بكره بيعود ... فى رعشة ندم ننسى الحصل بيناتنا ... والسهر اللى كان تصبح حياتنا نغم ... وعشنا يبتسم وتعود مراكب ريدنا ... لى بر الأمان
08-28-2022, 03:14 AM
adil amin adil amin
تاريخ التسجيل: 08-01-2002
مجموع المشاركات: 36987
∆ هاكم ابتدارات ما خطرت بقلب بشر ،إاا تمليها عليه الشياطين گعمر الدوش حين يصحو من عيلولة«تعسيلة عصرية» على وجه عروسه و هي قادمة لتوها لليلة دخلتها معه، فمن فرط فجاؤته لم بجد ما يبادرها به سوى صرخة معطوفة على مجهول « ... ولا الحزن القديم.. إنتي.. ولا الشوق المشيت ليهو»
08-29-2022, 06:43 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10907
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد عبد الله الحسين
adil amin
محمد الأمين موسى
Amira Hussien
قسم الفضيل مضوي محمد
دفع الله ود الأصيل
فيس بوك
تويتر
انستقرام
يوتيوب
بنتيريست