|
|
 Re: كلمات من دهب تستحق التامل (Re: مصطفى نور)
|
حياتك ليك انت"
اختار تعيشها زي م انت حابي "داخل حدود الدين والعرف طبعاً"
حاول تستمتع باأي لحظة فيها مهما كانت.
دايماً كن حريص على انك تخلي هالة من السعادة في اي حتة تطأها قدماك.
اوعَ تقول لي من وين ممكن اجيب السعادة؟ اصحابي نكديين وماف شي حلو أساساً يستحق الزول يفرح عشانو 😑
دقيقة يا حَبوب دقيقة!
خلينا اول شي نتفق على حاجة وحدة..
انو ماف زول إطلاقاً ممكن يمد ليك سعادة على طبق من دهب، أو يقول ليك اتفضضل! هاك <سعادة> 🤲
نهاائياً دي ما بتحصل
ولو حاولت تفتش السعادة عند الناس مستححححيل تلقاها
لأنو السعادة طفلة صغيرة عايشة جواك
وانت بيدك تخليها تكبر جواك او بااهمالك ليها تقتلها!
لازم تحس بالقناعة والإمتنان ثم السعادة باابسط شي يحصل ليك في يومك، تحس بيه ما عادي و انو دا هو الجنة ❤️
المهم، خلاصة الحكاية، عايزة اقول ليكم ومن واقع تجاربي البسيطة في الحياة.. انكم حالو تتجاوزو اي شي ممكن يعكر صفوكم
"حتى لو كان انسان".
عيشو حياتكم ببساطة وجمال شديد
اتذكرو انو الحياة قصيرة
واليوم البمشي تاني ما بجي
ف اتبسطو يخوانا
عليكم الله اتبسطو ♥️.
|
|
 
|
|
|
|
|
| |
مصطفى نور
فيس بوك
تويتر
انستقرام
يوتيوب
بنتيريست