|
Re: كارثة اجتماعية- لماذا ترتفع معدلات الطلاق (Re: زهير ابو الزهراء)
|
لماذا ترتفع معدلات الطلاق في السودان؟ الاجابه كما ذكرت اخي الغالي زهير الظروف الصعبه التى يمر بها العباد والناس فى السودان الشي الثاني قصه التفاخر وشوفوني لو تمه الزواج ممكن يكون فى الف دين على عاتق الرجل لانو اهل العروس طلعوا الزيت منو عصروه عصر الجن جيب وجيب وقلانه ديك وعلانه ديك ودي جابوه ليها وكلام فارغ طيب الزوج مرات كثيره خاصه الشباب بيكون زول غير مسئول عليز ينوم وعايز وماعايز يشتغل وزول غير مسئول وفجاه يجد نفسه امام مليون مشكله ووامام مليون طلب جيب الكهرباء - جيب الغاز - جيب السكر - امشي اقيف فى صف العيش - عندنا عرس بت خالتى جيب توب - عايزه لى قروش ماشه الكوافير عندنا قيدومه ماشه اتحنن - عندنا بكاء عايزه لى قروش موجب فجاه الزول اساسا هو الاكل والشراب فى الله الله يقعد يفكر فى المخارجه ويقرر الهروب بجلده ويقوم بدل يتحمل ويتحرك ويبقى زول مسئول يقوم اقصر الطرق واسرع شي الطلاق وتكون المصيبه ويتهدم البيت وتكون محسوبه على البت المسكينه ان عرست وبقت عزبه وتكون دى النهايه المحزنه عشان كده لو عندك بت تاكد انو الولد يتقي الله وزول عندو صبر وزول مسئول شوف اول شي شغال كم سنه فى نفس المكان لو زول بنطط من شغل لي شغل اوعك تديه بتك اعمل حسابك ده مابكون زول مسئول ومابقدر يفتح بيت وبرضو وصي بتك انها لو تزوجت عن قناعه انها تكون تعرف متي تتطلب ومتي تسكت ومتي تتكلم وده برضو مشكله اغلب بنات الزمن ده لاتعرف كيف ومتى تتطلب ولا تعرف ظروف الرجل ولاتعرف كيف تحافظ على بيتها واهم شي بتك ما تكون امعه وتسمع كلام النات والنسوان التانيات لانو البنات البايرات والمطلقات لما يشوفوا بت فى حالها والدنيا كويسه معاها وماعندها مشاكل بجوا ويعكروا عليها الدنيا وشي تحريش وشي وصايا وشي نبذ فى الزوج المسكين والبت لو هبله ووامعه بتمشي نخرمج القصه مع الرجل وواصلوا الرجال خاصه الشباب قاعدين على الهبشه والله لانو ظروفهم فى السودان وفى اغلب بلاد الغربه زي الزفت وما عايزين اى كلام كتير ووجع راس غايتو الله يكون فى عون الاسر وخاصه البنات والرسول قال الكثير والايات قال الله تعالى في سورة الرّوم: {وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لآيَاتٍ لِّقَوْمٍ يَتَفَكَّرُون}.[٧] قال الله تعالى في النّجم: {وَأَنَّهُ خَلَقَ الزَّوْجَيْنِ الذَّكَرَ وَالْأُنْثَى}.[٨] قال الله تعالى في سورة النّور: {وَأَنْكِحُوا الْأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ وَاللَّهُ وَاسِعٌ عَلِيمٌ}.[٩] قال الله تعالى في سورة الرّعد: {وَلَقَدْ أَرْسَلْنَا رُسُلًا مِنْ قَبْلِكَ وَجَعَلْنَا لَهُمْ أَزْوَاجًا وَذُرِّيَّةً} روى البخاري ومسلم في صحيحيهما عن أبي هريرة ـ رضي الله عنه ـ أن رسول الله ـ صلى الله عليه وسلم ـ قال: «استوصوا بالنساء خيراً، فإن المرأة خلقت من ضلع، وإن أعوج ما في الضلع أعلاه، فإذا ذهبت تقيمه كسرته، وإن تركته لم يزل أعوج، فاستوصوا بالنساء خيراً
مع تحياتى
مصطفى نور
|
|
|
|
|
|