امدرمان حبي الكان من واقع حياتي فيها

03:43 PM May, 20 2022

سودانيز اون لاين
مصطفى نور-مصر
مكتبتى
رابط مختصر

البوست لي فى كثير من المواقع السودانيه
21-04-2008, 02:49 PM
بسم الله الرحمن الرحيم
الاخوة والاخوات القراء فى المنبر العام
اليوم وطوال الايام الماضية كنت افكر ان اكتب عن مسقط راسى مدينة
ام درمان مابين امس واليوم
وماهى ام درمان وما تمثل لى وهى تلك العاصمة الاثنى التى احبها الكثير من الناس ولم ترفض كل من احبها وكانت دائما مفتوحة الاحضان لكل عاشق وكل محب وكل ضائع وكل مريض وكل طالب علم وكل طالب علاج من القري والمدن المختلفه فى السودان ولذلك كانت احضان ام درمان هى الماؤى للكل
وهى الواحة والراحة لكثير من التائهين والهاربين من جحيم الحياة الصعبة وعدم وجود العمل ولقمة العيش فى الريف والاقاليم وكانت قبلتهم هي احضان معشوقتى ومحبوبتى ام درمان
ام درمان اثنى لها رائحة ومذاق وطعم ولون وحياء وغيرة من الصفات الرائعه قد لا تجدة فى كل المدن السودان و ان كانت امدرمان قد تغيرت كثيرا بفعل الهجرة من الريف والاقاليم وشتى بقاع السودان اليها ولكن هناك الكثير من المعالم الشامخة التى لم ولن تتغير حتى قيام الساعة فهناك بوابة عبد القيوم وهناك الطابية التى بنيت منذ المهدية وهناك قبة الامام المهدى وميدان الخليفة عبدالله التعايشى وهناك مستشفى ام درمان التعلميى الشامخ والصامد صمود الرجال من اولى الباس والقوة وهناك الاذاعة السودانية واجمل مافى الاذاعة انة بين الحين والحين انك تسمع المذيع ويقول ويذكرك بانك فى ام درمان وان كانت فى نظرى ان الاذاعة هى الوحيدة التى حفظت الود والحب والجميل الى ام درمان حينما تنكر ورحل عنها كثير من الاسر ومواليد امدرمان سواء خارج السودان او ذهبوا الي المدن الجديده فى الخرطوم وبحري
ولكن اغلب من رحل منها فى الغالب لو رجعت الى تاريخة الطويل تلقى ان جذورة الحقيقية جاءت الى ام درمان بعد الثورة المهدية بكثير
ولكن اغلب الناس والاسر التى جاءت مع المهدية الى الان فى تلك المحبوبة ويعيشون فى احضانها وفيها لانني ان هناك مدن تعيش ومدن تعيش فيك هناك الكثير من الاشياء والثوابت فى امدرمان الاحياء الى سميت باسماء بعض ابطال المهدية مثل ابوروف وخور ابوعنجة وحوش الخليفة وبيت المال
وحى الامراء و حى السيد ا لمكى وفريق العبابدة والاحياء الاخرى مثل حى الاسبتالية وحى السوق وحى المسالمة وحى المظاهر وحى العرب وحى العرضة والعبا سية وحى الهاشماب وحى الموردة وحى الملازمين وبيت المال وابى روف وودنوباى وحى ود اللدر وحى الدباغة والاحياء الجديدة
زى الثورات وحى المهندسين وحى الواحة و تعويضات بيت المال الفتحياب وابوسعد من الاحياء القديمة وامبدة والكثير من الاحياء فكل هذه الاحياء هم ابناء وبنات امدرمان
وتلك محبوبتى الانثى انجبت الكثير من الرجال والنساء الذين صنعوا تاريخ امة وقد انجبت وربت اعظم من حكموا السودان وانجبت من سطروا تاريخ امة السودان
امدرمان التى انجبت السيد عبدالرحمن المهدى والسيد الصديق المهدى والسيد الامام الهادى والسيد الصادق المهدى والسيد فضل بن خليفة المهدى وكل نساء ورجال واطفال ال المهدى وام درمان هى التى كان فيها الكثير من الذين ولدوا فيها ومن تربوا فيها و منهم الزعيم اسماعيل الازهرى
واغلب ال الازهرى وال وعائلة السيد مولى كرار وال الشبلى وال بدرى وال عبدالله خليل وال شبيكة و كل افراد وعائلة الشيخ امد الله فى عمرة الشيخ
صادق عبدالله عبدالماجد من حى ودنوباى و عائلة ال ابو بحى الملازمين وعائلة سليمان صالح خضر بحى الملازمين الان وقبل ذلك كانوا فى حى الشهداء وعائلة الشيخ الطاهر الشبلى مؤسس مدرسة الهداية وهى اول مدرسة اولية فى ام درمان فى حى السيد المكى وجوار بيت الزعيم الوطنى عبدالله
خليل واحييى السادة ابناء الاستاذ الجليل الطاهر الشبلى وعلى راسهم الدكتور صديقى الدكتور علم الدين الشبلى والدكتور الفاتح الشبلى وكل العائلة الكريمة ولا انسى عائلة ابو العلاء وكل ال ابوالعلاء وهناك الالاف من العوائل التى عاشت وتربت فى ام درمان وان كنت سوف اكتب عنهم فى المواضيع القادمة لو امد الله فى العمر
ومن العوائل الكريمة فى ام درمان عائلة الاستاذ المرحوم عبدالخالق محجوب وهم من حى السيد عبدالله خليل ولكن جوار طلمبة جكسا سابقا وقصاد مركز اسيا الطبى الان ومن العوائل عائلة با بكر بدرى اول من ادخلوا التعليم النسائى فى السودان فى مدينة رفاعة ثم انتقلوا الى امدرمان و قامت على ااكتافهم
مدراس الاحفاد بنات وبنين والان جامعة الاحفاد واحييى الاستاذ قاسم بدرى والدكتور اشرف محمد بدرى والمهندس ايمن بدرى وكل عائلة ال بدرى
ومن العوائل المعروفة عائلة محمد عبدالرحمن كبيده وهم بحى الاسبتالية جوار محلات عاصم وعاصم للموبيل الان وان يطلق على هذا الحى حى الشهداء ويطلق علية ايضا
فريق الاسبتالية ويطلق علية ايضا فريق العبابدة ويطلق علية ايضا حى الملازمين شرق ومن هذة العائلة احييى الاخوان د- كمال محمد عبدالرحمن كبيدة والاخ فيصل محمد عبدالرحمن كبيدة وكان هناك عائله العم طه الوكيل وبعدهم وجوراهم تسكن عائله العم سليمان صالح خضر والكل يعرف عنة انة صاحب مصنع رائحه الفلير دمور واحييى الاخوه محمد سليمان وصالح سليمان وجوارهم منزل المرحوم المدرب الكبير المعروف مدرب المريخ منصور رمضان الذى توفى اثناء تدريب فريق احد فى السعوديه
وجوراهم منزل جدي احمدنور الشيخ ووالداي هو عبدالرحمن احمدنور الشيخ الملقب با الانصارى وعمي يعقوب احمدنور الشيخ وعمي محمداحمد احمدنور وهنا كان مسقط راسى منز لنا من ثم كان منزل العم بخيت مبروك ومن ثم منزل الشيخ دكة وبعدنا مصحة عبدالمنعم التى صار فيها مستشفي اسيا الان ومن ثم مركز الختميية سابقا ومن خلفنا كل عائلة الاحيمر واخوانة ومن خلف منزلنا كان منزل عائلة طة عبد السيد وهناك عائلة فريجون وهناك عائلة
ال محجوب باشرى والاخوه فيصل محجوب باشري وعزالدين باشري وهناك عائلة سراج عبداللطيف وهناك الكثير من العوائل المعروفة فى ام درمان وهناك عائله ال قيلي وعائله ابونائب وعائله الاخ امين النقر وعائله موسي هاشم والاخوه دفعه المدرسه الابتدائيه كمال موسي هاشم وهاشم موسي هاشم وعائله الاخوه منصور باب الله وكابتن طيار ميسره باب الله وهناك عائله الفنان صلاح مصطفي والاخوه عاصف مصطفي والاخ محمجوب مصطفي ولاننسي عائله الاخ حسن عبدالله المقلب بحسن كديس وهناك عائله الاخ دكتور عطيه القباني وعائله ال قباني الاعمام صديق القباني وعبداللطيف واسماعيل والريح القباني
ام درمان حببتى التى غنى لها وتغزل فيها كثير من الشعراء والفنانين وقد انجبت ام درمان منهم على سبيل المثال وليس الحصر انجبت امدرمان من
الشعراء سيف الدين الدسوقى محجوب سراج خالد ابو الروس صالح عبد السيد ابوصلاح الذى غنى لة محمد الامين الامين العيون النوركن بجهرة وهى فى فتاة من ام درمان وليس فى قاردن سيتى والشعراء على شبيكة وصلاح احمد ابراهيم ومحمد المكى ابراهيم ومنهم من ولد فيها ومنهم من تربى فيها وترعرع ومنهم فراج الطيب ومصطفى سند عبدالله النجيب شاعر العيون الذى كتب صدقت العيون وكلام المحنة قال لى كلمة طيبة كانت منو حلوة
ومنهم الشا عر محجوب شريف ومنهم عمر الطيب الدوش الذى قال بناديها وبعزم كل زول يرتاح على نظرة عيون فيها بناديها
ومنهم المرحوم عثمان حميدة تور الجر ومنهم الشاعر الكبير
احمد محمد صالح الذى قال ولما نالوا مرماهم جافونى وقالوا حبى جنون
ومنهم الكثير والكثير
امدر مان تلك العاصمة الانثى التى انجبت وتربى فيها وسكن فيها وعاش فيها وعشقها من الفنانين مثل ابراهيم الكاشف ابراهيم عوض احمد الجابرى صلاح محمد عيسى محمد الامين عبدالقادر سالم صديق عباس عبدالوهاب الصادق عثمان الشفيع صلاح مصطفى خليل اسماعيل اسماعيل حسب الدائم كما ترباس نادر خضر
سامى المغربى محمداحمد عوض ولاانسى الالفرجوني العائلة المعروفة منهم الفنان احمد الفرجوني ... والكثير من الفنانين والعازفين
و ام درمان التى انجبت من فرق الكورة تلكم المجنونة احسن فرق السودان حتى الان وهى فريق المريخ وفريق الهلال وفريق الموردة فى الدرجة الاولى ومن الفرق المعروفة فريق ابوروف وبيت المال والعباسية والهاشماب وابوسعد وودنوباى والاصلاح وحى العرب والتاج والكثير من الفرق
وا نجبت تلك الانثى ام درمان التى انجبت اغلب لعبية الكورة فى السودان انجبت وربت صديق منزول وجقدول وماجد وجكسا ومنصور رمضان وقرعم وعبدالبعزيز حارس المريخ وكمال عبدالوهاب الدحيش سليمان عبدالقادر فوزى المرضى قاسم عطية وسيكا حمدى قون التاج وكامل العرضى
قون التاج والزهرة مصطفى النقر والفاتح النقر د-- هاشم عجيب الحفيان لاعب ودنوباى الدولى عزالدين خورشيد لاعب المريخ صلاح ابوروف
والكثير من الدوليين من ناس الكورة
ام درمان التى انجبت وربت من رجال السياسة والوزاء الكثير ومن حكموا السودان على امتداد قرون من الزمن ومنهم
عبدالرحمن المهدى الصديق المهدى احمد المهدى الصادق المهدى والامام الهادى المهدى واسماعيل الازهرى وعبدالله خليل والنميرى وايضا عبدالخالق محجوب وهاشم العطا واحمد سليمان وزير العدل السا بق وابوالقاسم محمد ابراهيم وزين العابدين محمد احمد عبدالقادر وخالد حسن عباس
والكثير من الر وسا ء والوزراء
ومن الاغانى التى تعزل فيها الشعراء فى محبوبتى ام درمان الكثير من الاغانى والشعر ولكن اكثر ما تغزل فيها حتى ابكتة هذة المحبوبة هو
سيف الدين الدسوقى فى قصائدة الكثيرة عن ام د رمان واجملها قصيدة ام درمان تلك العاصمة الاثنى المنشورة فى منتدى الشعر فى ا لموضوع الذى كتبتة انا عن صديقى سيف الدين الدسوقى ولكن هناك الكثير والكثير منمن كتبوا وغنوا الى المعشوقة ام درمان ومنهم على سبيل المثال
الفرجوني حين غنى انا ام درمان انا ام درمان
ومنهم احمد المصطفى حين غنى عن ام درمان
وهناك اغننية انا بيك سعادتى موكدة وبلا حياتك منكدة ياجميل ما بصحة ليك تعمل كدة والتى يقول عبدالعزيزا لمبا رك فيها وفى النص
ماعندى مانع حتى لو ضيعنى ساكن الموردة
وهناك الاغننية المعروفة التى يتغنى بها ترباس
يا الماشى لى ام درمان جيب معاك امان
وهناك الاغانى ا لكثيرة والغزل الكثير فى احياء ام درمان مثل
لى فى المسالمة غزال نافر بسمى عليهو
وهناك
زمان الناس هدواة بال وانت زمانك الترحال وفيها يقول الشاعر عيون امدر فى بيت المال
وهناك اغننية احمد المصطفى التى يقول فيها
فى الحى الامامى جوار الاسبتالية
والكثير والكثير من الابداع والمبدعيين فى بلادى من امدرمان وان اجمل ماسمعت من القول عن حب ام درمان للغر باء وفى اكرمهم ماقالة الشاعر الامدرمانى
العبادى
حيث قال فى كرم ام درمان امدرمان القامت بجهلة ادت الغريب وابت اهلها
فان كنت من ام درمان فستفهم القولة دى بحق وحقيقة وهى حقيقة قولة ويمكن ان نقول انها حكمة بجد ففكر وانظر من حولك من الذين هاجروا الى امدرمان وانظر الى نفسك فاين انت واين هم الان
وانا مهما اقول فيكى يامدرمان لن اشفى غليلى وما فى صدرى وقلبى من حب وهيام وشوق وحننين فلك العتبى يامن اكلنا وشربنا من خيرتك وترعرنا فى حبك وحضنك ولكن كتب علينا الاغتراب والخروج منكى
وقسمة غايتو نعيش بدونك لابا يدى ولابايدك وهكذا الدنيا يا محبوبتى ويا عشقى امدرمان هكذا الدنيا تجمع وتفرق وانا فى كل نسمة عليلة اتذكر رائحة العنبر والمسك وهى رائحة بيوت الطين والتى كانت تمثل لى رائحة العنبر والمسك
ومسك الختام ان فى بيوت الطين وبيوت الزبالة وبيوت اغرف كانت مفروشة برملة ومرشوشة بموية فيها اجمل بنات بلدى واجمل الغيد الحسان واجمل الامهات وكل القصائد الغزااليه تقريبا كتبت فى حسان امدرمان بلا منازع كان لهم نصيب الاسد فى قصائد الغزل واجمل الاباء واجمل الاخوان واجمل ا لاصدقاء اجمل المدراس واجمل التعليم والفن والذوق والادب وكلوا دة موجود فيكى يامدرمان والباقى فى نظرى
ووالله العظيم الكريم مجرد وهم وسراب ونفاق اجتماعى ومظاهر خداعة وتقليد اعمى ومظاهر من نوع شوفنى وانا شخصييا لى اخوان وواخوات فى المعموره وفي الرياض شارع مكه ولكن ماعارف هل الناس ديل سودانين ولا رابطين ماكينات اجانب لو عايز تعرفغ كلامي ده شوف فى الافراح ووالاتراح فى المعموره والرياض وقاردن سيتي والعمارات
سوف احكي لكم قصه واقعيه احد الناس وهو شاعر معروف كان يسكن العمارات وتوفت والداته وهو فى الاساس من حي السوق امدرمان وكان وقت الوفاه فى الليل والمهم مافي زول اشتغل بالموضوع خالص المهم الصباح اتصل على ناس بيتهم الحوش الكبير وقال ليهم انا جايب الجثمان والدفن فى مقابر البكري وعندما وصل الجثمان الي حوش العائله فى امدرمان كان الصيوان جاهز ومفروش رمله وكل ناس الحله منتظرين والجاب شاي والجاب مويه والمهم قال الي الولد الكبير امشي شوف لوري وجيب العفش وسكن امدرمان حتى توفي العام الماضي
والمعروف عن اهل امدرمان انهم ناس كلهم شهامه وكرم وكلهم حياء صدقوني فى غربتي طوال ال 45 عام فى اكثر من 8 دول كنت بمجرد اجد سوداني هاش باش يرحب بيك يحب يساعدك كنت وبلا ادني شك اقول ليه انت من ووين فى امدرمان والحمدلله احساسي لم يخيب فى اي زول قلت ليه انت من امدر وطلع من مكان تاني
ربما يكون البيت من زبالة فى ام درمان ولكن الداخل البيت ربما يكون فى عفافة وفى علم وادب اهلة وكرمهم وبشاشة الوجوة الطيبة التى ترحب بكل زول فى كل وقت
وناس امدرمان فى الذوق ذوقهم و حبهم وفى قلوبهم اكبر بكثير من ما فى تلك الشقق الفاخرة والبيوت الراقيه و العربات الفارهة ودة كلوا فشخرة الامن رحم الله ربى من الناس والعوائل
فان خيرت انا شخصيا بين بيت فى اي مكان فى السودان الاماكن الراقيه المعموره قادن سيتي المنشييه و ركوابه فى امدرمان سوف اسكن فى الركوابه والله العظيم رغم انني عشت فى بوسطن ونيويورك وفلوردا وكاليفورنيا ونياغرا فولز كندا وسان كاترين كندا ودبي والشارقه ووابوظبي والصين قوانزو والكويت ومصراته وجزيره باربدايس وزرت اغلب مدن العالم سويسرا السعوديه لندن المانيا ماليزيا والحق يقال تعجبني ركوابه فى امدرمان فى مــن عــلايــل ابـروف
او سوف اختار امبدة والاالقماير لانو فيها الطيبة هيم سوف تفهم كلامى وعشان كدة كانت ام درمان ماوى الى كل الناس واتمنى انو كل واحد يكتب لينا عن قريتة ومدينتة و مسقط راسة لان السودان بلد مترامى الاطراف والمساحة
مع تحياتى
مصطفي نور

السلام عليكم اخونا مصطفى
متابع معاك حكيك عن الحبيبة ام درمان

تحياتي

21-04-2008, 02:51 PM تاريخ فى البوست فى كثير من المنتديات السودانيه
اخواني واخواتى الاعزاء فى المنبر العام فى سودانيز ان لاين
كما ذكرت لكم اننى ساكتب عن ام درمان معشقوتى ومحبوبتى الرائعة ساكتب عند الكثير من الشخصيات من ام درمان الذين اثروا وجدان الشعب السودانى فى شتى ضروب الحياة فى الفن فى الرياضة فى الحكم وفي الشعر وفى الطب وفي القضاء وفي التعليم وفي التجاره وفي الاقتصاد وفي العمل الدبلومسي وارجو من الجميع المشاركة معى بما يعرفون وبما كتبوا عن تلكم المحبوبة الرائعة ام درمان وسابدا بصديقى المرحوم الفنان الذري ابراهيم عوض الفنان الاسطورة وسيم الطلعه وصاحب اجمل الحان خالده
احبائى الاعزاء الكلام قد يطول ويطول عن الفنان الذرى الكبير ابراهيم عوض الفنان الذى اثرى وجدان الكثير من الناس منمن يعشقوا فن ابراهيم
عوض
ذلك الفنان الانسان المرهف الاحساس الحلو المعشر الكريم السخى الرجل بمعنى الكلمة وان قدر لك ان تعاشر الفنان ابراهيم عوض وتعرفة
عن قرب ستتمنى ان لاتفارقة ابدا وان تقضى جزء كبير من وقتك معة وتتمتع بفنة وقصصة الظريفة عن الفن واهل الفن ومجتمع الفن فى السودان
جمعتنى الظروف والاقدار والدنيا بذلك الرجل الشهم البشوش البهى المحيى والطلعة
جمعتنى بة الظروف فى امريكا عام 1993 ومعة الشاعر الكبير سيف الدين الدسوقى وقضينا معا اجمل الاوقات فى هذة الدنيا الفانية التى فى بعض المرات الكثيرة تتلتقى ببعض الناس وتتمنى ان لاتفارقهم ابدا وان كان ابراهيم عوض والاخ سيف الدين الدسوقى من هذة النوعية من الناس الذين تتمنى ان تقضى معهم بقية حياتك ولان طبيعه الدنيا و الحياة تجمع لتفرق وتفرق لتجمع وهكذا الدنيا
قضى بيننا الاخوان الفنان الذري ابراهيم عوض وسيف الدين الدسوقى ما يقارب من الستة اشهر فى امريكا وتجولنا معاهم فى اكثر من خمسة وعشرين ولاية
امريكية مابين نيويوك ووشنطون وكاليفورنيا وبوسطن وفلا دلفيا والبانى وجورجيا ولوس انجاوس ونيوجرسى وفلوردا وسان فرانسسكوا والكثير
من المدن والولايات الامريكية
وكان الكل فرح والكل مقدر هذة الزيارة التى كم اسعدت الاخوة والاخوات المغتربين فى بلاد العم سام
والكل يعرف احساس الانسان المغترب عندما يسمع حتى شريط الفنان سودانى فى غربة وبعد معاناة يوم من العمل ومن التفكير فى الاهل والسودان
والاصدقاء فان كان الشريط يدخل البهجة والسرور فى نفسك فما بالك بفنان مثل ابراهيم عوض شخصيا ومعة شاعر بمثل الشاعر الفذ الكبير
سيف الدين الدسوقى فاى فرح واى بهجة واى سعادة تكون وانت تتستمع الى ابراهيم عوض فى وصلة غنانئية وبعدة يتحفك سيف الدين الدسوقى
بددرر شعرة الرزين الظريف الساهل الهضم والذى كل ما نهات منة وسمعت منة لاتملة ولا تزهج منة ابدا
وكان لى شرف ان اكون انا من يقدم الاخوة ابراهيم عوض وسيف الدين ا لدسوقى الى الاخوة والجمهور من المغتربين فى اغلب الحفلات التى اقيمت
فى امريكا وكانت ضربه البدايه هي اجمل ليله فى اول يوم فى عيد رمضان فى صاله صبحي الودي فى بروكلن حيث كان لي شرف تقديم الفنان الذري ابراهيم عوض وشرف تقديم الشاعر الرائع سيف الدين الدسوقي وكانت حفله فى منتهي الجمال وغني فيها الفنان ابرهيم عوض اجمل الاغاني اتذكر منها - ياسلوي - هيجنتي الذكري - ليه بنهرب من مصيرنا واستجاب الفنان الذري لكل الطلبات التى كتبت له فى اوراق صغيره وكانت كل حفله اجمل من الثانيه وكانت الجاليه السودانيه فى كل ولايه تفرح وتبتهج بقدوم العملاقين الفنان الذري ابراهيم عوض والشاعر عاشق امدرمان سيف الدين الدسوقي
ومن اجمل الحفلات الخاصة التى اقامها واحيياها ابراهيم عوض وسيف الدين الدسوقى كانت حفلة خاصة وبدعوة كريمة وخاصة من الانسان
الفنان ايضا ولكن فى مجال اخر والذى ذاعت شهرتة فى امريكا ولعدة سنوات السودانى الطيب جدا الكريم جدا اللاعب الدولى والعالمى فى الباسكت بول
الاخ الصديق ما نوت بول الذى صال وجال فى ميادين وملاعب امريكا فى مجال الباسكت بول وقد كان هذا الرجل ما نوت شهما وكريما ومعروف عنة انة يساعد كل الاخوة ولايفرق بين هذا شمالى وهذا جنوبى ولقد كان مثالا للسودانى الطيب والكريم فى امريكا من اجمل المواقف فى الحفل الذي اقيم فى منزل مانوت بول انو الاخ مانوت الكريم الشهم حجز للكل غرف في هليتون وكان هناك عدد من الاخوه من حضروا الحفل البهيج
وبدعوة خاصة من الاخ مانوت بول الى الاخوة ابراهيم عوض و سيف الدين الدسوقى والى الاخوة العازفين وربنا يطراهم بالخير والان فى امريكا
الاخوان عبدة السر عازف الايقاع المعروف والاخ جمال عازف الاكرديون المعروف والاخ محمود العكام عازف الجيتار المعروف والاخ مبارك البجاوى العازف عند الحوجة ومبدع جدا فى الطبلة وكان الخضور ظريفا وكان الغناء اظرف وكانت ليلة لاتنسى فى المنزل ذلك الفاخر منزل النجم
الدولى مانوت بول ذلك المنزل والمصمم بطريقة خاصة الى الاخ مانوت بول على ان يكون كل الابواب با ارتفاع طويل وغير عادى نسبة الى طول ذلك الفنان والنجم المبدع مانوت بول والذى يبلغ طولة حوالى 215 سنتمتر وهو اطول لاعب سلة فى امريكا ذلك الوقت والى كتابة هذة السطور
وفى هذة اللحظة من عمرى وانا اكتب اليكم هذة الاسطر ومن اجل الوفاء الى اهل الوفاء واتمى ات تصل كلماتى وتحياتى وحروفى الى الاخوة
امدالله فى عمرهم الاخوة سيف الدين الدسوقى الاخ مانوت بول وكل من ارتبط بهذة الاسطر انا احيية فى هذة الاسطر
ولكم حبى وتحياتى وشوقى الدائم
للبوست بقيه
ملحوظه - كل من كانوا فى البوست عليهم رحمه الله تعالي سبحان الله الاخوه الفنان ابراهيم والشاعر سيف الدين الدسوقي والعازفين الاخ عازف الايقاع عبده السر والاخ المرحوم عازف الاكرديون جمال عبدالقادر المشهور بودالحاجه وايضا تفي الاخ مانوت بول لاعب السله المشهور
وربنا يطول فى اعمار الاخوه مبارك البجاوي والاخ محمود العكام
مع تحيات اخوكم
مصطفي نور ودرعيه

21-04-2008, 02:58 PM
الشا عر الصديق والاخ الغالى الرائع
سيف الدين الدسوقى
اخوانى واخواتى القراء الاعزاء الاعضاء الرائعين فى المنبر العام
اليوم ايضا اكتب لكم عن احد اعلام ام درمان وهو شاعر معروف تغنى وتغزل فى ام درمان وكتب اجمل ماكتب فى غربتة فى السعودية عن ام درمان حتى ان الشاعر عندما افتحتت اذاعه الرياض فى السعودية كان الشاعر الاخ الصديق سيف الدين الدسوقي عو من اسس اذاعه الرياض فى الممكله العربيه السعوديه
عندها امر وزير الثقافة السعودى بان يعطى شاعرنا الكبير سيف الدين الدسوقى التبعيية وهي الجنسيه السعوديه كما تسمى ورفضها بسبب حبة للسودان والتعلق بتراب السودان وامدرمان
وقال لي والله وبالحرف الواحد عندما جاء البه مدير المكتب وقال له ايشر يا استاذ سيف الدين الدسوقي جاء مكتوب ملكي بان تعطي التبعييه السعوديه جزاء لما قمت به من عمل كبير وجميل فى انشاء اذاعه الرياض قال لي والله يامصطفي ضربت الطاوله التى اجلس عليها طاوله المكتب وكان سطح الطاوله مغطي بزجاج حتى انشقت الزجاجه وقلت له بالحرف الواحد انا سيف الدين الدسوقي
اغير جنسيتي السودانيه وواشيل التبعيه السعوديه انا ماعايز حاجه غير حقوقي وان اسافر الي السودان واعيش واموت فى امدرمان وكتب فى تلك الايام اجمل قصيده عن امدرمان باسم زمن الافراح الورديه وذكر الاخ الشاعر الرائع الجميل سيغ الدين الدسوقي كيفيه كانت مولد تالقصيده وقال لي بالحرف قصه القصيده كاتنت مجرد مذكرة كان يكتب فيها الشاعر سيف الدين الدسوقى وهى بمثال مذكره وداع لصديق كان معه فى السعوديه فى نفس المكتب ولكن كان الصديق فى عطلته السنويه فى لبنان وكتب اليه الشاعر سيف الدين الدسوقي مذكره وكلمات وداع وكانت فى النهايه القصيده الجمليه كتنبها لصديقه اللبناني عندما كان عائدا نهائيا الى السودان وكانت المذكرة قد صغيت لتصبح قصيدتة المشهورة امدرمان
والتى يقول فيها

كلماتى يا زمن الافراح الوردية
فى ماضى الايام القاسية المرة
كلماتى تعبر موج البحر وتصل اليك
وتحط على فرع فى حقل فؤادك بين يديك
وتقول انا اهواك
احببتك حين الحب بارضك غير مباح
ممنوع بالقانون
ممنوع يا سمراء لأن الحب هناك جنون
وانا مجنون تعرفنى كل الاشعار
يعرفنى الليل المسدل سترته
وشقاء الفن وكل نهار
لا احسن ان ابقى من غير الحب
والحب حرام فى الصحراء
وأنا يا انت ايا سمراء
احساسى لا يعرف طعم المال او البترول
الشاعر يسمع صوت الحسن
ويحسن كل فنون القول
لكن ان يحيا فى ارض جفاف
ان يصنع اعصاباً من الياف
لتكون مكان الحس على الانسان
فمحال ذلك ليس من الامكان
ولذلك حين عبرت البحر الى السودان
غنيت سعيداً كالاطفال
ونسيت حلاوة طعم المال
ورجعت اغرد بالافياء بكل مكان
وركعت اقبل امدرمان
هذى العاصمة الانثى
اهواها مذ كنت غراماً فى عينى امى وابى
وحملت الحب معى بدمى
فى رحلة هذا العمر
واحمله حتى القى ربى
كلماتى يا زمن الافراح الوردية
عبرت موج البحر لتصل اليك
لتقول انا مشتاق
لتطل قليلا فى عينيك
ولتحمل عذرى فى سفرى
فانا يا سمراء الصحراء
هذا قدرى
انا اعشق انثى عاصمة
تلك المحبوبة امدرمان
وكتب اجمل ماكتب فى ام درمان قصيدتة امدرمان تلك العاصمة الانثى والشاعر سيف الدين الدسوقى اسم ارتبط بالفنان ابراهيم عوض وكانوا اكثر من اخوان واصدقاء وهم الاثنين من ابناء حي العرب وارتبط اسم سيف الدين الدسوقى مع اسم ابراهيم عوض
الشاعر سيف الدين الد سوقى توثقت معرفتى في خلال فترة اقامته التى امتد ت شهور فى امريكا
وهى فى بلاد العم سام فى امر يكا عندما زار الولايات المتحدة الامريكية الفنان الكبير ابراهيم عوض
وكان برفقتة ومعة طوال الرحلة الى امريكا الشاعر الفذ سيف الدين الد سوقى
سيف الدين ابن الدسوقى ولد وترعررع فى حى العرب ام درمان ذلك الحى الذى انجب من الشعراء سيف الدين الدسوقى والشاعر الكبير محجوب سراج والشاعر عبد الرحمن الريح ومن الفنا ننين ابراهيم عوض والفنان احمد الجابرى وكان ذلك الحى من الاحياء المعروفة با لفن واهل الفن
فقد نشى سيف الدين فى ذلك الحى ودرس فى بعض المدراس فى امد رمان كل المراحل الد راسية وبعد الد راسة فى السودان
فقد عمل لفترة فى السودان وقد كان احد موسسى اذاعة وداى النيل
واغترب سيف الدين السوقى لفترة فى اللمملكة العربية السعودية وكان احد مؤ سيسى اذاعة الرياض الحالية
وكتب سيف الدين الدسوقى العديد والكثير من الاغانى العا طفية والوطننية وكتب با للهجة العا مية وكتب با للغة العربية الفصحى وكان من الاوائل الذين
اشتركوا فى منتدى المربد الشعرى با لعراق ولعدة مرات
وقد حكى لى انة فى مرة من المرات وفى المربد كان قد ارتجل قصيدة عصماء عن صدام حسين وفى اثناء القاء القصيدة افرغ صدام حسين من مسدسة
الذى كان يحملة كل الرصاص فى الهواء اعجابا من مقاطع القصيدة العصماء التى ارتجلت ولم تكتب على ورقة وانما كانت وليدة اللحظة
كتب الاستاذ الشاعر الكبير سيف الدين الدسوقى عدة دواوين شعرية اذكر منها
احرفى جد ائل النخيل
وحروف من دمى
وللشاعر سيف الدين الدسوقى الكثير من الاغانى المعروفة والمشهورة فى السودان ومن اغننية المشورة جدا
اغنية الفنان احمد الجابرى رسائل والتى تقول فى مطلعها
ما فى حتى رسالة واحدة بيها اصبر شوية
والوعد بينتنا انك كل يوم تكتب الى
كيف يهون والغربة حارة وانت با لخطاب تبخل على
لما اخر مرة شفتك قبل ما اودع واغادر
كنت حاسس انى خايف انى متردد وحائر
بس امل واحد بعيشوا لو رسالة تصل الى
بيها اطمئن عليكم وتنقذ الموقف شوية
وكتب ايضا ومن اجمل ماغنى ابراهيم عوض اغننية المصير والتى تقول فى مطلعها
لية بنهرب من مصيرنا نقضى ا يا منا فى عذاب
لية تقول لى انتهينا نحن فى عز الشباب
نحن فى مضينا قوة قوة تتحد الصعاب
وكتب اغلب اغانى الفنا ن الراحل محمد احمد عوض وهى اكثر كما ذكر لى من سبعة عشر اغننية من روائع الفنان المرحوم محمداحمد عوض
وكتب وحكى الى وهو زعلان جدا من اغننية تغنى بها الفنان المرحوم سيد خليفة ووهى اغننية وكما قال مفروضة ان تكون اغننية خزينة جدا ولكن
اللحن الذى لحن بها جعلها اغننية راقصة الى درجة انة قال لى وشدة ما الاغننيه بقت راقصة بقوا البنات فى الاعراس يرقصوا بيها العروسة
وهى اغننية
اودع كيف
افارق
افارق كيف
ولسه الشوق بعيش فيا
اودعكم لا ... افارقكم لا
لالا انا ما بقدر اودعكم
دموعي بتغطي عينيا
لكين اه..لكين اه
واه بتزود الالام
اودعكم لا...افارقكم لا
بتبقى عشرة الايام
اودع كيف
لو بالأيد
اعيش بينكم مدى الايام
اغني لكم
وانتو تكونوا لي الهام
ونزرع ريد
وعالم كلو حب وسلام
لكين اه...لكين اه
واه بتزود الالام
اودعكم لا...افارقكم لا
لالا ما بقدر
دموعي بتغطي عينيا
لكن اه
واه بتزود الالام
اودعكم افارقكم
بتبقى عشرة الايام
اودع...اودع كيف
اعود في موسم الامطار
زهور تضحك
وخضرة تتوج الاشجار
الاقيكم
ويصبح فينا احلى نهار
لكين اه...لكين اه
واه بتزود الالام
اودعكم لا...افارقكم لا
لا لاانا ما بقدر
دموعي بتغطي عيني
لكين اه...لكين اه
واه بتزود الالام
اودعكم لا...افارقكم لا
بتبقى عشرة الايام
اودع اودع كيف
في الآخر وداعا
اوعى تنسوني
انا المشتاق
بشيلكم جوا في عيوني
وبطراكم
عليكم الله اطروني
لكن اه...لكين اه
اه
واه بتزود الالام
اودعكم افارقكم
بتبقى عشرة الايام
والكل يعرف الاغننية ولكن اللحن قد جعل منها اغنية راقصة ووصلت الى درجة رقيص العروس
ومن القصائد الجملية جدا وهى قصيدة ام درمان العا صمة الا نثى
ولااتذكر اغلب النص ولكن اطلب من الاخوة القراء والاخوة الاعضاء ان يتحفونا ببعض اعمال الاستاذ سيف الدين الدسوق ان وجدت عندهم
ما زال الاستاذ سيف الدين الدسوقى يعيش فى مدينة ام درمان وانتقل من حى العرب الى الثورة الحارة 24 الثورة وهو يتمتع بصحة جيدة ومع اسرتة الكريمة واحفادة ومن على ا لبعد احييى الاستاذ سيف الدين صديقى وزوجتة الفا ضلة الاخت افكار واولادة فردا فردا
ملحوظه البوست كان عام 2008 وعليه رحمه الله الاخ الشاعر الجميل سيف الدين الدسوقي
مصطفي نور ودرعيه

24-04-2008, 05:05 PM
اهديكم بعض من الأبيات الشعرية التي صاغها الراحل المقيم الشريف زين العابدين الهندي الأديب والسياسي سلام
عن امدرمان وهي قصيده من اجمل ماكتب عن امدرمان

يا القلعه بي بـــدورا وجــواهر تـاجا
سلام يا أب عنجه خورك لاقـا نيــلو ونــاجا
سلام يا أب روف وودنوباوي ضــوّا ســراجـا
سلام ديم أب سعــد نــار الخــيم وجّــاجا
سلام الله أكــبر في الفـــتح دجّـــــاجا
بي سيوفا ورماحا ولي الحمـــد سجّــــاجا
بحر أبيض فتـح أبوابــا وقــت الحـــاجه
زي موسـي عـــدّي لا تعـب لا حـــاجه
كلك أدبــــاء من عشـــاق وفنــــانين
شـــالوك في عيـــونهم وصـوروك تلويـن
وشاشوبك شعر مطــبوع جزيــل ورصــين
فيهــو أم در وفيهــو الأسكــله وســـتين
* * * * *
وعازه الفي هواك نحـن الجبـــال ثـــابتين
ويا فلق الصبــاح قـــول لي نهــارك وين
ونرعـــاك في الفــؤاد بي عنـاية الحارسيـن
وياكروان كـرومه خلــيل فــرح ما بلــين
* * * * *
ويا ود الرضــي القـلــبو إنقــطع نصــين
تري العـبادي ماسـك الـــدابي بي الايــدين
وود الريـــــح الشارك عتــــيق حبلين
داك الأمى والمسّــــاح عريس أم زيـــن
مع أبو صــلاح ونـور الكهـربائي الــزيـن
وفيك الحـــاج ســرور غـني الفراق لي متين
وما عـارف المفــارق قـدمـو مـاش لي وين
ويا عـازه الفـــراق طــال بي وكـلو حـنين
، علها ترطب لك بعض هجير الغربة .

مع خالص التحايا

مصطفى نور

26-04-2008, 07:43 AM
أغنيات وقوافي ود الريح التي فتحت بوابة الفن العريض للفنان الذري ابراهيم عوض
مواصلة الى اهل الوفاء اقدم الموضوع التالى عن صديقى الفنان المرحوم ابراهيم عوض
حكايات الأغاني
«هيجتني الذكرى ..
كيف عيوني الساحرة
يا نواعم تترى
الشجون مهتاجة
والخواطر سكرى»
ثلاث اغنيات حملت عناوين مختلفة (هيجتني الذكرى) و (اسرار العيون)
و (علمتني الحب) للشاعر عبد الرحمن الريح كانت جواز المرور للفنان الذري ابراهيم عوض
للدخول الى اروقة الاذاعة السودانية ، التي كان يومها متولي عيد على قمتها ....
وقد بدأ ابراهيم عوض علاقته بود الريح من خلال وساطة اسهم فيها ابن اخت الشاعر
كما شارك في ترغيب ابراهيم عوض على عزف العود، يذكر ان اول عود اشتراه كان بمبلغ
(125) قرشا
واستمر في التدريب لوحده فكان كلما مرر اصابعه على وتر وجد نفسه قد استرخى
وفي نهاية الامر وصل الى تحديد طبقات صوته .
وعند لقائه بود الريح تم منحه جملة القصائد التي حفظها ابراهيم عوض نصا ، ثم حفظ الحانها
ليستمع اليه عبد الرحمن الريح جلسة في احدى غرف منزله ، فشجعه على المضي
في هذا الطريق مما ولد عند ابراهيم احساسا كبيرا بأنه دخل الفن من بوابته الكبرى
واستمع حضور عبد الرحمن الريح للصوت الجديد وكانوا عددا من الفنانين في مقدمتهم
رمضان حسن ، فاحتفوا به ايما احتفاء ، ليصبح ابراهيم عوض تلميذا دائم الحضور لود الريح بمنزله .
وتقدم ابراهيم الى البوابة الصعبة ، بوابة الاذاعة السودانية لتجاز قصائده لكنها ظلت حبيسة الانتظار بسبب تأخره عن
الزمن المحدد لحضوره ليتلقى درساً لن ينساه من مدير الاذاعة متولي عيد فأرجأ حضوره الى اسبوع آخر ادى فيه
الاغنيات المطلوبة ، فاجاد ، وتجلى في ايصالها لتبث يومها ، وكان ابراهيم عوض يحضر احدى مناسبات (الاعراس)
بام درمان وتحديدا في شارع الشنقيطي وتم بث الاغنيات وسط اهتمام من حوله وزغاريد النسوة فرحة بالصوت الجديد ، عاد
الى الاذاعة لينتظر مرحلة سماع رأى الجمهور من خلال الرسائل التي ترد الى المحطة وكانت النتجية ان اغلب الرسائل
التي وصلت اشادت بجودة الاداء وعمق الكلمات ورصانتها ليمنحه الجمهور شهادة النجاح التي لازال يحملها .
ومن بعدها انطلق ابراهيم عوض كمعشوق للناس ليغني اغنيات اخرى ، وينهل من فيض شعراءآخرين
الطاهر ابراهيم (ابيت الناس) و (ليه تعتذر لي) و (ملاذ افكارنا)
ثم لسيف الدين الدسوقي (المصير) و (احب مكان) و (مرة ثانية) .

مع تحياتى

مصطفي نزر ودرعيه

🌹🌹صباح القلوب الطيبة💞💞
‏هنيئاً لمن ميزه الله بقلب نقي يتعامل بفطرته وعفويته مع من حوله ..فالحياة لن تدوم ولن يبقى إلا جميل ما صنعت ..اللهم أجعل لنا ذكرى طيبة في قلوب الآخرين وأرزقنا القناعة والرضا يارب العالمين ..
اسعدالله حياتكم في الدارين
                  صلوا علي الحبيب المصطفى
                         صل الله عليه وسلم
                          🌷🌹 🌹 🌷         ‏‏
                    💮🍀💮🍀💮🍀

*قهوه ود اللاغا ...*
هذه القهوه كانت فى بدايه شارع الاسبتاليه وتواجه ركن نادى الخريجين وعلى بعد رميه حجر من اجزخانه امدرمان . ويمكن الوصول اليها من الزقاق من شارع المورده مرورا بقهوة مكى . وفى نفس الزقاق كان مطعم جعفر الذى كان ينافس مطعم صبير فى الفول . ومطعم صبير كان شمال الملجه فى السوق ويواجه قهوة السمانى سابقا التى صارت قهوة على شلوفه .
قهوة ود الاغا كانت من القهاوى المحترمه . ولا يدخلها كل الناس . والعم يوسف ود الاغا كان مهاباً ومحترماً ولونه يميل الى البياض يحب امدرمان ويحبه اهل امدرمان . وكثير من رواد نادى الخريجين كانوا يجلسون فى هذه القهوه .
جار ود الاغا فى العمل وصديقه كان الخواجه كربيت وهو ارمنى الجنسيه . وقديما كان اهل امدرمان من كل الالوان والجنسيات يجمعهم الحب والود والالفه . وله ورشه على بعد امتار من القهوه . وكربيت كان يضرب به المثل فى القوه . ويقال قوى ذى كربيت . احد اصدقائنا من حمله الاثقال كان اسمه كربيت , تشبها بكربيت . والى ان تركت امدرمان لم اعرف اسمه الحقيقى . ولقد سألت فيصل الخير بطل كمال الاجسام عن اسمه مره وكان الرد , والله بس بعرف اسمه كربيت . كان يحكى عن كربيت انه يمكن ان يرفع مكنه الهيلمان بيديه .
قهوة ود الاغا كانت تؤجر الكراسى للمناسبات . والكرسى كان يؤجر بقرش فى اليوم زائدا اجر الكارو الذى يساوى ريال او خمستاشر قرش للمشوار . والسيوفى كذلك كان يؤجر الكراسى . واسم السيوفى يكتب على ظهر الكرسى باللون الاحمر . وحرف السين يعلوه خطان متوازيان كالعاده قديما فى حرف السين . او يكتب على ظهر الكرسى ود الاغا .
بالرغم من قوة ود الاغا كان رقيقا مع اصدقائه ومعارفه واهل امدرمان . من اصدقائه وجلسائه العم محجوب عثمان والد عبد الخالق محجوب الذى عرف بالرقيق لانه كان رفيع القامه . وكان يجلس وسط هذين العملاقين وبينهم ود . كما سمعت قديما . ان ود الاغا كان يسترد المسروقات وينصر الضعفاء . وكما حكى لى الاخ الدكتور محمد محجوب عثمان . ان لصاً سطا على منزلهم . وسرق كل ذهب الاسره . وعندما علم العم ود الاغا , طلب من احد عمال المقهى أن يذهب ويحضر شيخ الحراميه . واعطاه مهله لكى يأتى باللص . ورجع شيخ الحراميه ومعه شخص ( جهامه ) ومعه كل الذهب . فصفع العم يوسف اللص الى ان طرحه ارضا . وقال له ده اخوى مافى زول تانى يجى مارى جمب حلته .
بالرغم من هذا كان العم يوسف يحب النكته والدعابه . ويجتمع الناس حوله ويستمعون الى قصصه وحكاويه التى لا تنتهى . ومن المؤلم ان هذه الاشياء لم تدون . لانه كان يعرف كل اهل امدرمان كبارهم وصغارهم , اعيانهم وبسطائهم . من القصص التى عرفناها ان القهوجى قال محتاراً للعم يوسف ان الفندق الذى يدق فيه البن قد انكسر . وكانوا قد استأجروا احد ابناء النوبه الاقوياء . ونظر العم يوسف للفندق المكسور والبن المسكوب . وقال لود النوبه فطرته ؟ وعندما كان الرد بالنفى اعطاه شلناً وقال له خش على جعفر افطر عشان تجى تهد القهوه دى فى راسنا .
اغلب زبائن القهوه كانوا مهندمين ومرتبين ويحسنون التصرف . وعندما قام احد الوافدين باطلاق بصقه كبيره فى القهوه تضايق العم يوسف وقال له ده شنو ؟ ولم يجد الوافد اى غرابه وقال مالو؟ وكان الرد . مالو كيف , انت تبزق كده واخوك ده يبزق كده ويجى واحد تانى كمان يبزق .. انحنا نعمل شنو نعوم ...؟؟؟ .
عندما اختلت الامور قليلا فى امدرمان واختلط الحابل بالنابل اوقف العم يوسف نشاط المقهى . وفى سنه 1964 عندما تركت امدرمان صار المقهى محل لبيع الادوات الكهربائيه . وفقدت امدرمان احد معالمها . كان العم يوسف ود الاغا وقهوة ود الاغا من اشهر معالم امدرمان . تحدث الناس عنها كثيرا وعرفت على نطاق كل السودان .
فى نهايه المسالمه كانت تسكن خالتى نفيسه خليل . وعلى بعد خطوات منها كان منزل كابتن اسامه يوسف عمر الاغا . الذى لعب فى السودان وصار احد نجوم فريق الزمالك المصرى .شقيقه عوض الذى عرف بعوض فرطوق . كان مدربا للكره فى الامارات فى السبعينات . واشتهر بعوض فرطوق لانه كان عندما ينطلق بالكره ينظر الى الارض . وكان المشجعون يطالبونه بان ( يعاين فوق ) . وكما فى اهزوجه الاطفال التى تقول ( يا فرطوق عاين فوق ........ ) ولا ازال اذكر اليافطه التى على باب منزلهم التى تقول منزل يوسف عمر الاغا .
كلمه الاغا هى فى الاصل كلمه ايرانيه وتعنى سيد . ولقد اخذها الاتراك والمصريون والعرب . ومن ابناء امدرمان اللذين من اسرة الاغا الفنان الجقر الذى ارتبط بآل البنا وصار يحسب كأحد آل البنا . واذا لم تخنى الذاكره فأظن ان والده كان يدير المراجيح التى فى شكل صناديق تلف بالايدى فى الاعياد والمناسبات . وكانت فى الفضاء شمال المسالمه والذى احتلته مدرسه الهجره اخيرا . عطر الله ذكرى آل الاغا فلقد كانوا ولا يزالوا احد الاسر المشهوره فى امدرمان . رحمه الله على الاموات والاحياء منهم .
التحيه
شوقى بدري