امر قبض في مواجهة سيدة الاعمال زينب النور منظمة حفل الفنانة بلقيس فتحي

10:09 PM May, 20 2022

سودانيز اون لاين
زهير ابو الزهراء-السودان
مكتبتى
رابط مختصر

سودافاكس ـ

كشفت مصادر موثوقة للسوداني الدولية عن تدوين بلاغ احتيال ضد سيدة الاعمال زينب النور طه المنظمة لحفل المغنية بلقيس فتحي الاسبوع الماضي.

واكدت المصادر ان سيدة الاعمال قامت بالاتفاق مع وفاء سليم لعمل مكياج للفنانة بلقيس مقابل ان تدفع 2500 دولار وهو ما حدث حيث تم دفع المبلغ الا ان زينب قامت بجلب شخصية اخري لعمل المكياج للفنانة بلقيس الشي الذي دفع وفاء سليم للمطالبة بأرجاع اموالها بحجه انها لن تقوم بعمل المكياج للفنانة.

ورفضت منظمة حفل الفنانة بلقيس ارجاع المبلغ لجهة ان بلقيس ستعود للخرطوم من جديد بعد 3 شهور بحسب المصادر الا ان وفاء رفضت العرض وشرعت في تدوين بلاغ احتيال واستخراج امر قبض في مواجهة سيدة الاعمال زينب النور طه منظمة حفل الفنانة الاماراتية اليمنية الجنسية بلقيس فتحي.

سلامات ابو الزهور
الخبر دا قدر ما قريته ما فهمته, يعني هي وفاء دي دفعت قروش عشان تعمل مكياج للفنانة بدل يدفعوا ليها؟ ولا الحاصل شنو

قصتنا شنو مع اليمانيه المجنسين ديل ؟!!1
ماكفايه علينا افرو الكرهانا الفيس اى صفحهصورها ناطه لينا
كانو خلاص البلد ماناقصها شى الا عينه ديل !!!!

انا برضو فى الاول ما فهمت ، واضح انو الاستاذة بتاعت المكياج دفعت عشان تعمل الميك اب لى بلقيس وتعمل لى روحا دعاية …….تكون جات واحدة دفعت اكتر والله اعلم ،……..بدل ما يدفعو ليها تدفع سبحان الله ……ياما نشوف

السلام عليكم والله ماعندي شي غير اقول انو الكلام ده كلام فارغ واهدار للمال الذي هناك ملاين فى حوجه الي هذه المبالغ وبقول لكل انثي عايشه فى الوهم بتاع المكياج وصرف الاف الجنيهات اكثر من الذي ياكل اطفالها فى بطونهم بقول لي كل بنات حواء بطلوا وهم عليكم الله وخير مكياج مجاني التقوي والعفاف والوضوء والحياء ووالله العظيم غير كده كل منتجات
ماركة المكياج ماك MAC.
...ماركة المكياج ميبيلين Maybelline.
...ماركة المكياج شانيل Channel.
...ماركة المكياج إيسينس Essence. .
..ماركة المكياج لوريال باريس L'Oreal.
...ماركة المكياج سيفورا Sephora.
...ماركة المكياج هدى بيوتي Huda Beauty.
...ماركة المكياج ديور Dior.
ده كلوا فى الزول القبيح الاصلو قبيح مابنفع والله إن الوجه القبيح لن يتحول الى جمال فرفور ولا جمال الوالي ولن يكون جَذَّاب حتى لو قدم القبيح على مقعد من ذهب وألبس أجمل الثياب، ولا يُصْلِحُ العطار ما أفسد الدهر ولا بد أن يذوب الثلج الابيض الناعم ليظهر ما تحته من حجارة ورمالٍ وزواحف ولابد ان تغسل القبيحه وجها ويظهر حفر شارع الاربعين والمورده وتلال البحر الاحمر وكل الوان الطيف من الفسخ والجلخ وغَيْرها مما لا يَسُر عشان كده ربنا عندما خلق الجمال والقبح كان هو اختيار الله وليس اختيار البشر والسمح سمح لو قام من النوم والعشوم بعشوم لو خته كل بوهيات وكريمات المهندي وسادولين والنيل وكل بوهيات العالم حتى بوهيه جوتن الالمانيه