كشفت مصادر موثوقة للسوداني الدولية عن تدوين بلاغ احتيال ضد سيدة الاعمال زينب النور طه المنظمة لحفل المغنية بلقيس فتحي الاسبوع الماضي.
واكدت المصادر ان سيدة الاعمال قامت بالاتفاق مع وفاء سليم لعمل مكياج للفنانة بلقيس مقابل ان تدفع 2500 دولار وهو ما حدث حيث تم دفع المبلغ الا ان زينب قامت بجلب شخصية اخري لعمل المكياج للفنانة بلقيس الشي الذي دفع وفاء سليم للمطالبة بأرجاع اموالها بحجه انها لن تقوم بعمل المكياج للفنانة.
ورفضت منظمة حفل الفنانة بلقيس ارجاع المبلغ لجهة ان بلقيس ستعود للخرطوم من جديد بعد 3 شهور بحسب المصادر الا ان وفاء رفضت العرض وشرعت في تدوين بلاغ احتيال واستخراج امر قبض في مواجهة سيدة الاعمال زينب النور طه منظمة حفل الفنانة الاماراتية اليمنية الجنسية بلقيس فتحي.
05-20-2022, 06:19 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
انا برضو فى الاول ما فهمت ، واضح انو الاستاذة بتاعت المكياج دفعت عشان تعمل الميك اب لى بلقيس وتعمل لى روحا دعاية …….تكون جات واحدة دفعت اكتر والله اعلم ،……..بدل ما يدفعو ليها تدفع سبحان الله ……ياما نشوف
05-20-2022, 04:02 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
السلام عليكم والله ماعندي شي غير اقول انو الكلام ده كلام فارغ واهدار للمال الذي هناك ملاين فى حوجه الي هذه المبالغ وبقول لكل انثي عايشه فى الوهم بتاع المكياج وصرف الاف الجنيهات اكثر من الذي ياكل اطفالها فى بطونهم بقول لي كل بنات حواء بطلوا وهم عليكم الله وخير مكياج مجاني التقوي والعفاف والوضوء والحياء ووالله العظيم غير كده كل منتجات ماركة المكياج ماك MAC. ...ماركة المكياج ميبيلين Maybelline. ...ماركة المكياج شانيل Channel. ...ماركة المكياج إيسينس Essence. . ..ماركة المكياج لوريال باريس L'Oreal. ...ماركة المكياج سيفورا Sephora. ...ماركة المكياج هدى بيوتي Huda Beauty. ...ماركة المكياج ديور Dior. ده كلوا فى الزول القبيح الاصلو قبيح مابنفع والله إن الوجه القبيح لن يتحول الى جمال فرفور ولا جمال الوالي ولن يكون جَذَّاب حتى لو قدم القبيح على مقعد من ذهب وألبس أجمل الثياب، ولا يُصْلِحُ العطار ما أفسد الدهر ولا بد أن يذوب الثلج الابيض الناعم ليظهر ما تحته من حجارة ورمالٍ وزواحف ولابد ان تغسل القبيحه وجها ويظهر حفر شارع الاربعين والمورده وتلال البحر الاحمر وكل الوان الطيف من الفسخ والجلخ وغَيْرها مما لا يَسُر عشان كده ربنا عندما خلق الجمال والقبح كان هو اختيار الله وليس اختيار البشر والسمح سمح لو قام من النوم والعشوم بعشوم لو خته كل بوهيات وكريمات المهندي وسادولين والنيل وكل بوهيات العالم حتى بوهيه جوتن الالمانيه
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير ابو الزهراء
محمد البشرى الخضر
Asim Ali
Amira Hussien
مصطفى نور
فيس بوك
تويتر
انستقرام
يوتيوب
بنتيريست