π يا السايق الفيات قوم بي و أخد سندة£

♧ ﺍﻟﻴﻮﻡ ﺩﺍﻙ ﻓﻲ ﺍﻟﻌﺼﻴﺮ ﻛﺎﻧﺖ ﺍﻟﻤﻄﺮﺓ ﺷﺎﻳﻠﺔ ﻭﺍﻟﺴﻤﺎﺀ ﺳﻮﺩﺍﺀ ..
ﻭﺍﻟﺠﻤﺎﻋﺔ ﺭﺍﻛﺒﻴﻦ ﺍﻟﻠﻮﺭﻱ ﻣﺎﺷﻴﻦ ﻟي فاتحة ﻓﻲ كمل نومك ، جيهة
ترعة ود المنسي ..ميجر ﺍﻟﻤﺎﻃﻮﺭﻱ ‏ ريفي أم صفقن عوراض محلية
حشرو عباس ..في جزيرة واغ الواغ.
♤ ﺍﻟﻠﻮﺭﻱ هوستن داوودي نظام الفنطاظ طاظ طراظ قدو البرميل عملوه بااظ..
ﻣﺴﺘﻒ ﺗﺐ ﺭﺟﺎﻝ ﻭﻋﻮﻳﻦ ﻭ ﻋﻮﺍﺽ ﻭﺩ ﺍﻟﺒﻨﺎ ﻤﺴﺎﻋﺪﻱ الحَلة ﺭﺍﻛﺐ مشعبط ﻓﻲ ﺍﻟﺘﻨﺪﺍ
.. ﻛﻠﺘﻮﻡ ﺑﺖ ﻣﻬﻮﻗﻨﻲ ‏ﻭ‏ ﺍﻟﻌﻤﺪﺓ ﻭﺩ ﺑﻠﻮﻟﺔ ﺭﺍﻛﺒﻴﻦ مقعدين بي ﻗﺪﺍﻡ ﻣﻊ ا التنقر اﻟﺴﻮﺍﻕ..
ﻭ ﺑﺎﻗﻲ ﺍﻟﺠﻤﺎﻋﺔ ﺭﺍﻛﺒﻴﻦ ﻭﺭﺍ 28 ﻧﻔﺮ .. ﻭﺷﺎﻟﻴﻦ ﻣﻌﺎﻫﻢ ﺷﻮﺍﻝ ﻓﺤﻢ ﻭﺗﻼﺗﺔ ﺷﻮﺍﻻﺕ
ﻋﻴﺶ فترريتة ﻭ عمبلوقين أقرنين أملحين .. ﻭﻣﺨلاية ﺳﻜﺮ ﻭﺑﻘﺠﺔ ﺷﺎﻱ
.. ﻭ ﺣﻖ ﺍﻟﻜﺸﻒ ﻓﻲ ﻛﻴﺲ.
● ﻭﻗﻮﻟ ﻛﺪي ﻳﺎ تعل اﻟﻤﻄﺮﺓ شهفوفة تخم االنفس ﺟﻮﻭﻭﻭﻭﻭﻭﻭﻭﻭ صُبِّي
.. ﻭﺍﻟبرق يشلع لامن يختف البصر ﻭ ارعد يهدر وﺍﻟﻠﻮﺭﻱ ﻓﻲ ﻃﺮﻑ ﺣﻠﺔ
ﺍﻟﻌﺰﺍﺯﺓ ﻭﺣﻞ ﻓﻲ ﺍﻟﻄﻴﻦ .. ﻭ ﺍﻟﻨﺎﺱ ﺿﺠﺖ ﻭﺍلكبسيبة ﻗﺎﻣﺖ.
● ﻋﻮﺍﺽ ‏ ﺍﻟﻤﺴﺎﻋﺪﻱ ﻗﺎﻝ ﻟﻠﺮﺟﺎﻝ ﺍﻧﺰﻟﻮﺍ ﺍﺩﻓﺮﻭﺍ . ﻭﺍﻟﺮﺟاجيل ديل ملص
و ليك البدل و االقمصان و ترسو الوجل خيرسان عجبوني الليلة جو ﻧﺰﻟﻮﺍعنة
بكرة أباهم و أمهاتم . ﻭﻫﺎﻙ ﻳﺎ ﺩﻓﺮ ﺣﺴﻴﻦ ﻭﺩ ﻣﺮﻏﻨﻲ ‏ﻭﻗﻒ ﺑﻌﻴﺪ ﺷﺎﻳﻞ ﺳﺒﺤﺘﻮ ﻓﻲ
ﻳﺪﻭ ﻭﻳﺸﻴﻞ ﻭﻳﻘﺮاﺀ ﻓﻲ ﻳﺎﺳﻴﻦ .. ﺑﺖ ﻣﻬﻮﻗﻨﻲ ﻗﺮﺍﺕ ﺍﻻﺧﻼﺹ 11 ﻣﺮﺓ الﺑِﺨَﻴﺘﺔ ﺑﺖ
ﻋﻮﺝ ﺍﻟﺪﺭﺏ ﻻﺑﺴﺔ ﻟﻴﻬﺎ ﺗﻮﺏ ﺍﺑﻮ ﻗﻴﺠﻴﺠﺔ ﺃﺯﺭﻗاﻨﻲ و مفحضتا مدلدلة ﻧﺰﻟﺖ ﻭﻗﻌﺪﺕ
يوووي ﺗﺰﻏﺮت ﻟﻠرجال ﻭ ﺗﺤﻤﺲ ﻓﻴﻬﻢ ﻓﻲ ﺷﺎﻥ ﻳﺪﻓﺮﻭﺍ ﺍﻟﻠﻮﺭﻱ تقول أريت
يا يمة الصبايين يحضرو بلاي .. و ما يحضرو عشاي(طبعن لأنهم سواحيت)
ﻭ ‏ التنقر ود ﺑﺎﺑﻜﺮ ‏ﻭﺩ ﺷلقامي ﺍﻟﺴﻮﺍﻕ ﺣﻖ ﺍﻟﻠﻮﺭﻱ ﺷعلق ﺍﻟﺒﻮﺭﻱ
بي كوزو ملان أمواس حلقة عبارة عن نداء استغاثة .
● يلا ﻭﺍﻟﻨﺎﺱ ﺍﻟﻔﻲ ﻃﺮﻑ ﺍﻟﺤﻠﺔ ﺳﻤﻌﻮﺍ ﺍﻟﺒﻮﺭﻱ ﻭﺍﻧﻜﺴﺮﻭﺍ
.. ﻭﻭﺻﻠﻮﺍ ﺑﻜﺎﻥ ﺍﻟﻠﻮﺭﻱ ﻭﺣﻼﻥ .. ﻭ ﺍﻟﻨﺎﺱ ﺳﺎﻋﺘﻴﻦ ﻳﺸﻴﻠﻮﺍ
ﻭﻳﺪﻓﺮﻭﺍ ﻓﻲ ﺍﻟﻠﻮﺭﻱ .. ﻭﺍﻟﻠﻮﺭﻱ ﻏﺎتس ﺯﻳﺎﺩﺓ ﻓﻲ ﺍﻟﻄﻴﻦ لي حلقو!!
● ﻣﺤﻤﻮﺩ ﻭﺩ ﺑﺸﺎﺭﻱ ‏ﻃﺎﻟﻊ ﻣﻦ ﺍﻟﺰﺍﻭﻳﺔ ﺑﻌﺪ ﺻﻼﺓ ﺍﻟﻤﻐﺮﺏ ﻳﻨﻀﻢ ﻣﻊ
‏ﻋﻠﻲ ﻭﺩ ﺍللغبش: ﻫﺎ ﺯﻭﻝ ﺍﻧﺖ ﺍﻟﻠﻴﻠﺔ ﻣﺎﻻ ﺍﻟﺰﺍﻭﻳﺔ ﺩﻱ ﻓﺎﺿﻴﺔ ﻛﺪي..ﺍﻟﺼﻼﺓ
ﺻﻒ ﻭﺍﺣﺪ ﺑﺲ!! ﺍﻟﻨﺎﺱ دي طفشت ﻣﺸﺖ ﻭﻳﻦ!؟ ﺍﻟﻠﻴﻠﺔ ﺍﻟﺤﺎﺻﻞ ﺷﻨﻮ؟! ﻭﺩ
اللغبش قللو ﺍﻓففا ﻋﻠﻴﻚ ﻳﺎ ﻭﺩ ﺑﺸﺎﺭﻱ ﺇت ﻇﻨﻴت ﻣﺎك ﺟﺎﻳﺐ ﺧﺒﺮ !!.ﻟﻮﺭﻱ ﻭﺩ
ﺍﻟﺨﺰﻳﻦ ‏ﺟﺎﻱ ﻣﻦ ‏ﺍﻟﻌُﻘﺪﺓ ‏ﺷﺎيللو ﺟﻤﺎﻋﺔ ﻣﺎﺷﻴﻦ ﻳﺸﻴﻠﻮلم ﻓﺎﺗﺤﺔ ﻓﻲ جيهة ﺍﻟﻤﺎﻃﻮﺭﻱ
‏ ﻭﻫﺴﻊ ﺍﻟﻠﻮﺭﻱ ﻭﺣﻼﻥ ﻓﻲ ﻃﺮﻑ ﺣﻠﺘﻨﺎ! ﻭﺩ ﺑﺸﺎﺭﻱ ﻗﺎﻝ ﻟﻴﻬﻮ ﺑﻲ ﺯﻋﻞ شديد ..
ﺍﻋﺪﻡ ﻋﺎﻓﻴﺘﻲ ﻣﺎ ﺳﻤﻌﺖ .. ﻧﺎﻥ و ﻟﻲ ﺷﻨﻮ ﻣﺎﻓﻲ ﺯﻭلن حدثني؟! ﺍﻫﺎ ﻳﻼ ﺑﺴﺮﺍﻉ
ﺑﺴﺮﺍﻉ ﻧﻤﺸﻲ ﻋﻠﻰ ﺟﻤﺎﻋﺔ ﺍﻟﻠﻮﺭﻱ .. ﻭﺩ ﺑﺸﺎﺭﻱ ﻣﻌﺎﻫﻮ ‏ ﺣﻤﻴﺪﺓ ‏ ﻭليد ﺑﺘﻮ ‏ﺑﻨﻮﻧﺔ
دريفينن كدي ملحلح ﻭ ﻧﺠَﻴِّﺾ بلحيل ﻋﻤﺮﻭ11 ﺳﻨﺔ .. ﻗﺎﻝ ﻟﻴﻬﻮ ﻳﺎ ﺍﻟﻔﺎﻟﺢ ﺍﺟﺮﻱ
ﺍﺟﺮﻱ ﺑﺴﺮﺍﻉ ﺑﺴﺮﺍﻉ ﺑﺲ ﺍﻋﻤﻞ ﺣﺴﺎﺑﻚ ﻣﺎ ﺗﻘﻊ ﻓﻲ ﺍﻟﻄﻴﻦ ﻛﻠﻢ ﺍﺧﻮﺍﻧﻚ ﻭأﻋﻤﺎﻣﻚ
ﺟﻴﺒﻮﺍ ﺍﻟﺤﻤﻴﺮ .. ﻭﻛﻠﻢ أﻣﻚ ﻭﺣﺒﻮﺑﺘﻚ ﻗﻮﻝ ﻟﻴﻬﻢ ﻭﻟﻌﻮﺍ ﺍﻟﻨﻴﺮﺍﻥ ﻋﻨﺪﻧﺎ ﺿﻴﻮﻑ
.. ﻭﺗﺤﺮﻙ ﻭﺩ ﺍﻟﺒﺸﺎﺭﻱ،متأبطاً بنبقتو ﻓﻲ صفاقو ﻭﻣﻌﺎﻫﻮ ﻭﺩ اللغبش
● ﺑﻌﺪ ﺷﻮﻳﺔ ﻭﺻﻠﻮ ﺑﻜﺎﻥ ﺍﻟﻠﻮﺭﻱ ﻭﺣﻼﻥ ﻭﺷﺎﻓﻮﺍ ﺍﻟﺮﺟﺎﻝ ﺟﻼﻟﻴﺒﻬﻢ ﻣعطنة ﻣﻮﻳﺔ
ﻭ خَمَوح طين .. ﻭ ﺍﻟﺤﺮوﻢ فوق ﺿﻬﺮ ﺍﻟﻠﻮﺭﻱ ﺑﺮﺩﺍﻧﺎﺕ يكتكتن ﻣﻦ قهبونة السقط :
ﻫﺎ ﺟﻤﺎﻋﺔ ﺍﻟﻔﺎﺗﺤﺔ ﻭﺍﻟﻨﺎﺱ شالتا ﻣﻌﺎﻮ:ﺍﻣﻴﻦ ﻫﺎ ﺟﻤﺎﻋﺔ ﺳﻼﻡ ﻋﻠﻴﻜﻢ ﺍﻥ ﺷﺎﺀ ﺍﻟﻠﻪ ﻛﻔﺎﺭﺓ و
عوافي.. ﻭ ﻗﺒﺎﻝ ﻣﺎ ﺍﻟﻨﺎﺱ ﺗﺮﺩ ﺍﻟﺴﻼﻡ .. ﻭﺩ ﺑﺸﺎﺭﻱ ﻣﺸﻰ ﻗﺪﺍﻡ ﺍﻟﻠﻮﺭﻱ ﻭﻗﺎﻝ ﻟﻠﺴﻮﺍﻕ ﻳﺎ
ﻭﺩ اللعم ﺍﻧﺰﻝ ﺍﻧﺰﻝ ﺧﻼس ﺧﻠﻮﺍ ﺍﻟﺪﺍﻫﻲ ﺩﺍ ﺍﻧﺰﻟﻮ ﻣﻄِّﺮﻭﺍ ﻣﻌﺎﻧﺎ ﻭﺑ ﻌﺪ ﺗﻘﻴﻒ ﺍﻟﻤﻄﺮﺓ ﺑﻨﺠﻴﺐ
ﺍﻟﺘﺮﻛﺘﺮ ﻭﻧﺠﺮ ﺍﻟﻠﻮﺭﻱ .. ﺍﻟﺴﻮﺍﻕ ﺍﺗﻠﻔﺖ ﻭﻋﺎﻳﻦ ﻟﻠﻌﻤﺪﺓ ﻭﺩ ﺑﻠﻮﻟﺔ .. ﺍﻟﻌﻤﺪﺓ ﻃﻮﺍﻟﻲ ﺭﺩ .. ﺃﻫﻼ
ﺃﻫﻼ ﺣﺒﺎﺏ ﺍﻷﺭﺑﺎﺏ ﺍﻧﺎ ﺍﻟﻌﻤﺪﺓ ﻭﺩ ﺑﻠﻮﻟﺔ . ﻭﺩ ﺑﺸﺎﺭﻱ ﺭﺩالو ﺍﻟﺴﻼﻡ : ﺣﺒﺎﺏ ﺍﻟﻌﻤﺪﺓ .. ﻭﺣﺒﺎﺏ
ﻧﺎﺱ ﻭﺩ ﺑﻠﻮﻟﺔ عِلا ﺣﺮّﻡ طلاق بالتلاتة ﺗﻨﺰﻟﻮ ﺗﻤﻄﺮﻭﺍ ﻋﻨﺪﻧﺎ ﻭﺧﺴﻤﺘﻚ ﺑﺎلله ﺗﻜﻠﻢ ﺟﻤﺎﻋﺘﻚ ﻳﻨﺰﻟﻮﺍ
.. ﺍﻟﺪﺍﺭ ﺩﺍﺭﻛﻢ ﻭﺍﻟﺤﻠﺔ ﺣﻠﺘﻜﻢ .. ﻭﺩ ﺑﻠﻮﻟﺔ ﻗﺎﻝ ﻟﻲ ﺑﺖ ﻣﻬﻮﻗﻨﻲ ﺍﻧﺰﻟﻲ ﻭﺍﻣﺸﻲ ﻧﺎﻏﻤﻲ ﺍﻟﺤﺮوﻢ
ﻳﻨﺰﻟﻦ ﻣﻦ ﺍﻟﻠﻮﺭﻱ .. ﻭﻣﻦ ﺑﻌﻴﺪ ﻇﻬﺮﺕ ﺍﻟﺤﻤﻴﺮ ..ﺣﻤﻴﺮ .. ﻭﺍﻟﺤﻤﻴﺮ ﺗﻬﻨﻖ .. ﻭﺍﻟﻠﻤﺒﺎﺕ ﻣﺎ
ﺗﺪﻳﻚ ﺍﻟﺪﺭﺏ .. ﻭﺩ ﺑﺸﺎﺭﻱ ﻗﺎﻝ ﻟﻠﻌﻤﺪﺓ ﻭﺩ ﺑﻠﻮﻟﺔ. ﻫﺎ ﻋﻤﺪﺓ ﻗﻮﻝ ﻟﻠﺤﺮوﻢ ﻳﺮﻛﺒﻦ ﺍﻟﺤﻤﻴﺮ
ﻓﻲ ﺷﺎﻥ ﺍﻟﺨﻤوﺞ لا عند الركب .. ﺑﻨﺨﺎﻑ ﻋﻠﻴﻬﻦ ﻣﻦ ﺍﻟﻮﻗﻌﺔ..ﻭﺍﻟﻨﺴاﻮﺍين ﻧﺰﻟﻦ
ﻭﺭﻛﺒﻦ ﺍﻟﺤﻤﻴﺮ .. ﻭﻛﻞ ﺷﺎﻓﻊ ﻣﺎﺳﻚ ﻟﻴﻬﻮ رسن ﺣﻤﺎﺭ ﻭ ﻳﺸﻴﻞ ﻭﻳﻨﻬﺮ ﻓﻲ
ﺍﻟﺤﻤﺎﺭ .. ﻭﺍﻟﺮﺟﺎﻝ ﻛﻠﻬﻢ ﺍﺗﺤﺮﻛﻮﺍ ﻣﺎﺷﻴﻦ ﻋﻠﻰ ﺧﻠﻮﺓ ﻭﺩ ﺑﺸﺎﺭﻱ ..
● ﻟﺎمن ﻭﺻﻠﻮ ﺍﻟﺨﻠﻮﺓ .. ﻃﻠﻌﺖ ﺍﻟﺒﻨﻮﻧﺔ ﻭﻣﻌﻬﺎ غﻨﺎﻭﺓ ﺑﺖ ﺣﻤﻴﺪﺍﻥ ..
ﺍﺩﺧﻠﻦ ﺍﺩﺧﻠﻦ ﺣﺒﺎﺏ ﺍﻟﻀﻴﻔﺎﻥ .. ﺍﺩﺧﻠﻦ ﻟﻲ ﺟﻮﺓ ﻣﻦ ﺍﻟﻤﻄﺮﺓ ..ﺧﺸﻦ ﻋﻠﻴﻜن ﺍلله
.. ﻭﻓﻲ ﻗﺪﺍﻡ ﺍﻟﺨﻠﻮﺓ ﺃﻭﻻﺩ ﺍﻟﻌﻤﺪﺓ ﺟﺖ ﻭﺍﻗﻔﻴﻦ باللباريق ﻟﻠﻀﻴﻮﻑ ﻓﻲ ﺷﺎﻥ يتغسلو
ﻣﻦ ﺍﻟربوب .. ﻭﺍﻟﺨﻠﻮﺓ ﻣﺎ ﺷﺎﺀ ﺍﻟﻠﻪ ﻗﻄﻴﺔ ﻋﺸﺎﺭﻳﺔ ﻛﺒﻴﻴﻴﻴﻴﻴﻴﺮﺓ ﻓﻴﻬﺎ 8 ﻋﻨﺎﻗﺮﻳﺐ ﻭ 4
ﺑﺮﻭﺵ ﺳﺒﺎتين .. ﻭﺍﻟﻨﺎﺱ ﺍﻟﻜﺒﺎﺭ ﻗﻌﺪﻭﻫﻢ ﻓﻲ ﺍﻟﻌﻨﺎﻗﺮﻳﺐ ﻭﺍﻟﺼﺒﻴﺎﻥ ﺍﺗﻮﻫﻄﻮﺍ ﻓﻲ السباتات
و ﺍﻟﺒﺮﻭﺵ ..ﻭﺷﻮﻳﺘﻴﻦ ﺍﻟﺸﺎﻱ ﻭﺍﻟﻘﻬﻮﺓ قجن .. ﻭﺍﻟﻜﺒﺎﺑﻲ ﺗﺘﻄﺎﻗﺶ .. ﺍﻣﺴﻚ ﻳﺎ ﺯﻭﻝ ﺻﻠﻲ ﻋﻠﻰ ﺍﻟﻨﺒﻲ
.. ﺍالسقط ﺷﺪﻳﺪ ﻭ ﻣﺎ ﻓﻲ ﻟﻴﻬﻮ ﻋﻼﺝ برا ﺍﻟﺸﺎهي الحار دا.. ﺍﺷﺮﺏ ﺍﺷﺮﺏ ﺁﺯﻭﻝ .. ﻭﻛﻓﺘﻴﺮﺍﺕ ﺷﺎهي
ﺍﻟﻠﺒﻦ ﻭﺍﻟﺸﺎﻱ الللحمر ﻓﻀﻦ ﺟﺖ .. ﻭﺍﻟﻌﻤﺪﺓ ﻭﺍﻗﻒ ﺣﻔﻴﺎﻥ ﻓﻲ ﺍﻟﻄﻴﻦ ﺩﺍك ﻭﺍﻭﻻﺩﻭ ﻛﻠﻬﻢ ﺣﻔﻴﺎﻧﻴﻦ ﺷﺎﻳﻠﻴﻦ
ﻛﻓﺘﻴﺮﺍﺕ ﺍﻟﺸﺎﻱ ﻭﻻﻓﻴﻦ ﻋﻠﻰ ﺍﻟﺠﻤﺎﻋﺔ .. ﻭﺩ ﺑﺸﺎﺭﻱ ﻗﺎﻝ ﻟﻠﻌﻤﺪﺓ : ﻳﺎ ﻋﻤﺪﺓ ﻗﻮﻝ ﻟﻠﺠﻤﺎﻋﺔ ﻳﻤﻠﺼﻮ ﺍﻟﺠﻼﻟﻴﺐ
ﻓﻲ ﺷﺎﻥ ﻣﺎ ﺗمسكم حمة أﻡ ﺑﺮﺩ .. ﻭ ﺍﻟﺠﻤﺎﻋﺔ ﻣﻠﺼﻮﺍ ﺍﻟﺠﻼﻟﻴﺐ ﻭﻗﻌﺪﻭﺍ ﺑﺎﻟﻌﺮﺍﺭﻳﻖ سااه ..ﻭجنيات ‏ﺍﻟﻌﻤﺪﺓ
‏ ﺷﺎﻟﻮﺍ ﺍﻟﺠﻼﻟﻴﺐ ﻭﺟﺮﻱ ﻭﺩﻭﻫﻢ ﻟﻠﺤﺮﻳﻢ ﻓﻲ ﺷﺎﻥ ﻳﻐﺴﻠﻮﻫﻢ .. ﻭﺑﻲ ﻫﻨﺎﻙ ﺑﻨﻮﻧﺔ ﻭﺍﻗﻔﺔ ﻓﻲ ﺍﻟﺘﻜﻞ ﺗﻮﺟﻪ ﻓﻲ
ﺍﻟﺒﻨﺎﺕ .. ﺍﻟﻠﻘﻤﺔ ﺩﻱ ﻣﺎ ﺧﻠﻮﻫﺎ ﺗﻜﺮﺩﻡ ﺻﻮطنها.. ﺯﻳﺪﻭﺍ ﺍﻟﺪﻗﻴﻖ ﺷﻮﻳﺔ .. ﻳﺎ ﺧﺎﺩﻡ ﺍﻟﻠﻪ ﻣﻼﺣﻚ ﺩﺍ ﻣﺎ ﺗﺰﻳﺪﻱ
ﻟﻴﻬﻮ ﻓﻨﺠﺎﻥ ﻭﻳﻜﺔ ﺗﺎني ﻓﻲ ﺷﺎﻥ يتلاﻳﻖ سمح .. ﻳﺎ ﺍﻟﺴﺮﺓ ﻋﻠﻴﻚ ﺍﻟﻠﻪ ضوقي ﺍﻟﻤلحات ديل ﻭﻛﺒﻲ ﻓﻴﻬﻦ
ﺷﻄﺔ ﻭﻣﻠﺢ .. ﻳﺎ ﺑﺪﺭﻳﺔ ﺍﻣﺸﻲ ﻟﻲ ﻧﺎﺱ ﻓﻄﻴﻦ ﺑﺖ ﺍﻟﻔﻜﻲ ﺟﻴﺒﻲ ﻣﻨﻬﻦ ﺍﻟﻄُّﺒﺎﻗﺔ .. ﻭﻛﺎﻥ ﻋﻨﺪﻫﻢ
ﺻﺤﺎﻧﺔ ﺑﺎﺷﺮﻱ ﺟﻴﺒﻬﻦ ﻣﻌﺎﻙ ﻣﻊ ﺑﻨﺎﺕ ﺍﻟﺘﺎﻳﺔ ﻭﺑﻨﺎﺕ ﻓﻄﻴﻦ . ﻭﻓﻲ ﺍﻗﻞ ﻣﻦ ﺳﺎﻋﺔ ﻃﻠﻌﺖ
ﺍﻟﺼﻮﺍﻧﻲ .. ﺃﻗﺪﺍﺡ ﻟﻘﻤﺔ ﺑﻲ ‏ ﺗﻘﻠﻴﺔ ‏ﻭ ﻣﻼَّﺣات ﻓﻴﻬﺎ ﺷﻄﺔ ﻭ أتي.. ﻭﺍﻟﻨﺎﺱ أﻛﻠﻮﺍ شبعو
تب ﻻﻣﻦ ﻏﻠﺒﺘﻬﻢ ﺍﻟﻘﻮﻣﺔ .. ﻭ ﺷﺮﺑﻮﺍ ﺍﻟﺸواهي ﺗﺎﻧﻲ ﻭ ﻣﻌﺎهن اللقيمات و ﺍﻟﻘﻬﻮﺓ.
● ﻭأﺫﺍﻥ ﺍﻟﻌﺸﺎﺀ ﺃﺫﻥ .. ﻭﺷﻮﻳﺘﻴﻦ ﻛﺪي ﺃﻱ ﺯﻭﻝ ﻣﺸﻰ ﺍﻟﺰﺍﻭﻳﺔ ﻣﻦ ﺍﻟﻨﺎﺱ ﺍﻟﻜﺒﺎﺭ
ﺳﻤﻊ ﺧﺒﺮ ‏ ﺍﻟﻠﻮﺭﻱ ﺍﻟﻮﺣﻼﻥ ﺟﺎ ﺷﺎﻳﻞ ﻣﻌﺎﻫﻮ ﺻﻴﻨﻴﺔ ﻋﺸﺎﺀ .. ﻭﺍﻟﻔﻮﺍﻧﻴﺲ ﺗﺘﻄﺎﻗﺶ
.. ﻛﻞ ﺯﻭﻝ ﺷﺎﻳﻞ ﺻﻴﻨيتو ﻭﻓﺎﻧﻮﺳﻮ ﻓﻲ ﻳﺪﻭ ﺟﺎﻳﻴﻦ ﻟﻲ ﺣﻮﺵ ﻣﺤﻤﻮﺩ ﻭﺩ ﺑﺸﺎﺭﻱ ..
ﺣﺴﺐ ﺍﻟﺮﺳﻮﻝ ﻭﺩ ﺑﺸﺎﺭﻱ ﻗﺎﻝ ﻟﻲ ﻣﺤﻤﻮﺩ ﺗﻌﺎﻝ ﻳﺎ ﺍﺧﻮﻱ ﺑﺪﻭﺭﻙ ﻓﻲ شورة برانا ﺭﺍﺱ
.. ﻭﻃﻠﻌﻮﺍ ﻭﻗﻔﻮﺍ ﺑﺮﺓ ﻓﻲ ﺍﻟﺮﺍﻛﻮﺑﺔ ﻭﺍﻟﻤﻄﺮﺓ ﻟﺴﻪ ﺻﺎﺑﺔ .. ﺣﺴﺐ ﺍﻟﺮﺳﻮﻝ ﻗﺎﻝ ﻟﻲ ﻣﺤﻤﻮﺩ ،
ﺍﻧﺎ ﺯﻋﻼﻥ ﻣﻨﻚ بلحيل .. تحين ﻣﺎ ﺗﺮﺳﻞ ﻟﻲ شويفع ساي ﺗﻘﻮللي نحنا مضيفين؟!
ﺩﻱ ﻋﻤﻠﺔ ﺗﻌﻤﻼ ﻳﺎﺧﻮﻱ .. ﻫﺴﻊ ﻛﺪﻱ أرح ﻧﻮﺯﻉ ﺍﻟﻨﺎﺱ ﺩﻳﻞ ﻟﻠﻨﻮﻡ ﺑﻴﻦ ﺧﻠﻮﺗﻲ
ﻭﺧﻠﻮﺗﻚ ..ﻓﻲ ﺷﺎﻥ ﻳﺎﺧﺪﻭﺍ ﺭﺍﺣﺘﻬﻢ .. ﻣﺤﻤﻮﺩ ﻗﺎﻝ ﻟﻴﻬﻮ ﺧﻴﺮ ﺗﺐ .. ﻋﻼ
ﺑﺪﻭﺭﻙ ﺗﺴﻮﻕ ﺍﻟﺘﺮﺍﻛﺘﺮ ﻭﻣﻌﺎﻛﻢ ﺣﻤﻴﺪﺍﻥ ﻭﺍﻟﺴﻮﺍﻕ ﺗﻤﺸﻮﺍ ﺗﻄﻠﻌﻮﺍ
ﺍﻟﻠﻮﺭﻱ ﻣﻦ ﺍﻟﻮﺣﻞ ﻭﺗﻮﻗﻔﻮﻩ ﻫﻨﺎ ﻗﺪﺍﻡ ﺍﻟﺨﻠﻮﺓ .. ﻭﺍﻟﺼﺒﺎﺡ رباح

( *قصة طويلة من الزمن الجميل تعلمنا قيمنا السودانية
السمحة والتي نحن في أمس الحاجة لهذه الوقفة لانو حالنا
حال اللوري الوحلان محتاج جهد الجميع .