|
Re: السودان ده لازم يحكموا شخص يكون بصلي و بشر (Re: Kabar)
|
Quote: ول ابا يحى قباني..حبابك يا صديقي ورمضان مبارك ، تحية لك وللصديقات والأصدقاء ، الحضور هنا ، والمتابعة.. وبعد ، يقولون في الأثر الجميل (بعد العشا ، مافي اختشا..!!) حكوتين ، فيما يتعلق بالموضوع هنا.. بعض اساتذتنا الجميلين ، ممن نلنا علوم فلسفة القانون علي ايديهم ، يذهب بان القانون ما بيقدر عليهو الإ زول/ة شرامي/ة..!! والحكمة ، لمن تكون شرامي أو شرامية ، فهذا حقل يمنحك براح تتعامل مع كل فئات المجتمع ، سواءا فساد بتاع.. White collar او ناس قريعتي راحت ساكت..! كنا مرة يا يحى ، نناقش قضية قتل.. Homicide محامي الإتهام (طبعا قبل عنطزة ما يسمى بالنيابة العامة في امسودان عليها السلام) قام قدم شاهد اتهام..والشاهد قدم شهادة مرتبة وواضحة للغاية.. قام محامي الدفاع ، اخد فرصة مناقشة الشاهد.. Cross-examination وتووشك خش شمال ، وقال للمحكمة: يجب ألأ تعتد المحكمة بشهادة هذا الشاهد..! المحكمة قالت ليهو: لماذا؟ سعادة محامي الدفاع قال: الشاهد سكورجي ، ومشهور بذلك..وبالتالي يجب ألأ تعتد المحكمة بشهادته (طبعا دي اسمها المصداقية أو اخلاق الشاهد العامة..!..الكلام ده زمان يا عمك لمن كان في تقاليد سودانية محترمة ومعتبرة).. في المرحلة الأخيرة.. Re-examination محامي الإتهام ركز فيما يخدم قضيته.. المحكمة ، رفضت دفع محامي الدفاع ، واخذت في الإعتبار شهادة الشاهد المطعون في شهادته بسبب انه سكرجي ساكت ، وقالت ان الشهادة متماسكة وتشكل بينة مقبولة وفق القانون..! في هذه النقطة ، قال لنا استاذنا الفاضل (الله يطراهو بالخير أينما كان وكيفما كان) ، شرحا للمفارقة ، : من عادات المجتمع السوداني ، ان بعض الناس ممكن تسهر وتسكر في مساء الخميس من كل اسبوع ، وفي يوم الجمعة يغتسلون ويذهبون الى اداء صلاة الجمعه في الجوامع..!..فهل هذا يفقدهم المصداقية؟ Witness credibility تحياتي
كبر |
صديقي الجميل و الكاتب الانيق محمد النور كبر ..
بركه الشفناك طيب يا صديقي .. و زمن ياخي منقطع .. و مقصرين بالتبادي ..
ياهو ده السودان كما وصفته ..
تذكرت قصة كنت حكيتها هنا في المنبر عنوانها ميز الموظفين كتبت ما يلي:
ميز الموظفين ______________
زمان في السودان كل مصلحة حكومية عندها فرع في جميع مدن السودان ...وكل فرع بيتبعه بيت للموظفين او ميز كما كان يسمي ...
احد الاخوان الله يطراهو بالخير كان مفتش ضرائب في كوستي في السبعينات ... وكان عزابي ...فساكن هو وكل الشباب الموظفين في مصلحة الضرائب في الميز ...
المن الخرطوم ...المن مدني ...المن الفاشر ... المهم كلهم عايشين في ذلك الميز وبرامجهم معروفة ...
كشاتين ...والذى منه ...
المهم في نهاية فترة خدمة اخوي ... كان العرف انو المفتش الجديد يجي ...وتكون فترة تسليم و تسلم شهر علي الاقل ...
وبما انو المفتش الجديد عزابي قام نزل مع المجموعة في الميز ...وصل كوستي يوم الأربعاء بالليل ...والجماعة منتظرنه ...قاشين حوشهم
مفرشين سرايرهم ... وراشين الضفرة ... وراجين زولنا ... المهم وصل ..وكان رجل سكوت ...قالو ليهو داك دولابك ..وهداك سريرك ...
صاحبنا جاي تعبان رقد نام طوالي ...
صبحو الخميس ماشين علي المكتب ... قال هو تعبان من السفرية فحيرتاح الخميس و يبدأ العمل من يوم السبت ...
جماعتنا مقلقين داير يعرفو مويتو شنو ... وصلو البيت الساعة 2:30 صاحبنا راااقد في سريرو ...
المهم سوطك سوطك عملو الغدا صاحبنا ما مد يده بالمساعده ..لكن قعد اكل و فات سريره تاني رقد ...
اها بعد شراب الشاي قالو ليهو ...يا استاذ الليلة في كورة حارة جدا بين الوطن و الرابطة ...تمشي معانا ... ؟
قال لا شكرا والله انا ما عندى قضية مع الكورة دي ...
رجعوا من الكوره ... لقوهو رااقد في سريرو ... قال ليهو والله الليلة في فلم عالمي في السينما تمشي معانا ؟
قال لا شكرا ...والله انا ما عندي قضية مع السينما دي ...
رجعوا الشباب بعد السينما شدوا حلتهم ( ما الدنيا خميس ) ..ودفرو اخونا قالو ليهو ما تشوف لينا لو الراجل ده بيفضل العرقي ولا نجيب ليهو شرى ؟.
أخوي قام سألو قال ليهو كيف شرابك ؟
قال لا والله ... انا ما عندي اي قضية مع الخمرة دي ...
شدو تربيزتهم ... وقالو ليهو وست ولا حريق ؟
قال والله انا ماعندي قضية مع الكشاتين دي ..!!!
لما بقت الساعة 10 قالو ليهو ياخي في شابات ظريفات كده بجو يتونسوا معانا ... تحب نكلمهم يجيبوا ليك واحده زيادة ...
قال لا والله انا ما عندي قضية مع الأشياء دي ...
اها جماعتنا قالو بسسسس ...صاحبنا أظنو مولانا... لا كشتينه لا كاس لا سينما لا كورة ... بس ياهو مولّانا ...
قامو يوم الجمعة من بدري ...غسلو جلاليبهم وكوو عممهم ...
و مشو لي صاحبنا قال ليهو اجهز عشان نمشي صلاة الجمعة من بدري ونقعد في الصفوف الأمامية ...
صاحبنا في اتكايتو الفي سريرو قال ليهم ...لا والله انا ما عندي اي قضية مع الصلاة دي !!!
الجماعة اتلفتوا علي اخوي مخلوعين ...
يضحك اخونا قاليهم ...
انا نقلوني ...لكن الزول الجابو ليكم ده اظنه ( شيطان ما بني آدم ) ...حلو ( قضيتكم ) معاهو بي طريقتكم ...!!!! ______________________________________________________________________ الحياة كانت بسيطة و جميلة يا ناس ...
|
|
|
|
|
|
|
العنوان |
الكاتب |
Date |
السودان ده لازم يحكموا شخص يكون بصلي و بشرب ويسكي | يحي قباني | 04-13-22, 04:57 PM |
Re: تعّرف على شخصية أعضاء المنبر .. و اقرأ ما ك� | يحي قباني | 04-13-22, 06:02 PM |
Re: تعّرف على شخصية أعضاء المنبر .. و اقرأ ما ك� | osama elkhawad | 04-13-22, 06:19 PM |
Re: تعّرف على شخصية أعضاء المنبر .. و اقرأ ما ك� | يحي قباني | 04-14-22, 00:11 AM |
السودان ده لازم يحكموا شخص يكون بصلي و بشرب ويسكي | يحي قباني | 04-14-22, 09:26 PM |
Re: السودان ده لازم يحكموا شخص يكون بصلي و بشر | Amira Hussien | 04-14-22, 09:30 PM |
Re: السودان ده لازم يحكموا شخص يكون بصلي و بشر | علي عبدالوهاب عثمان | 04-14-22, 11:54 PM |
Re: السودان ده لازم يحكموا شخص يكون بصلي و بشر | adil amin | 04-15-22, 04:36 AM |
Re: السودان ده لازم يحكموا شخص يكون بصلي و بشر | يحي قباني | 04-15-22, 06:48 AM |
Re: السودان ده لازم يحكموا شخص يكون بصلي و بشر | adil amin | 04-15-22, 08:10 AM |
Re: السودان ده لازم يحكموا شخص يكون بصلي و بشر | يحي قباني | 04-15-22, 11:03 AM |
Re: السودان ده لازم يحكموا شخص يكون بصلي و بشر | يحي قباني | 04-15-22, 04:51 PM |
Re: السودان ده لازم يحكموا شخص يكون بصلي و بشر | adil amin | 04-16-22, 03:24 AM |
Re: السودان ده لازم يحكموا شخص يكون بصلي و بشر | أبوذر بابكر | 04-15-22, 05:02 PM |
Re: السودان ده لازم يحكموا شخص يكون بصلي و بشر | أبوذر بابكر | 04-15-22, 05:04 PM |
Re: السودان ده لازم يحكموا شخص يكون بصلي و بشر | يحي قباني | 04-15-22, 09:48 PM |
Re: السودان ده لازم يحكموا شخص يكون بصلي و بشر | أبوذر بابكر | 04-15-22, 10:19 PM |
Re: السودان ده لازم يحكموا شخص يكون بصلي و بشر | يحي قباني | 04-16-22, 05:26 AM |
Re: السودان ده لازم يحكموا شخص يكون بصلي و بشر | adil amin | 04-16-22, 07:35 AM |
Re: السودان ده لازم يحكموا شخص يكون بصلي و بشر | يحي قباني | 04-16-22, 08:04 AM |
Re: السودان ده لازم يحكموا شخص يكون بصلي و بشر | adil amin | 04-16-22, 02:04 PM |
Re: السودان ده لازم يحكموا شخص يكون بصلي و بشر | Kabar | 04-16-22, 09:24 AM |
Re: السودان ده لازم يحكموا شخص يكون بصلي و بشر | يحي قباني | 04-16-22, 04:03 PM |
|
|
|