π الصقر إن وقع .. كتر البتابت عيب√

πتأويلات عصرية واقعية لفوازير سودانية√
س1 كبشي كبر فوق البيت؛ لا بعتو انكسيت لا ضبحتو تعشيت ؟!
ج ¶ : شمة بترولنا المرق .. و من زامااااونك اتبخر زي فسوة ديك!!

س2- حبوبتي من شدتا و لضتا شايلة جدي في رببتا ؟
ج ¶ :شعبنا الأبي وصلابة شكيمته الخرافية ل(هؤلاء).

س3- دخل القش وما قال كش؟
ج ¶ : إسرائيل في أجوائنا، حيث {الدفاع بالنظر}.

س4- قاعدة في ديواننا و تاكل في مصراننا ؟
ج ¶ : دي العمالة الأجنبية في بلد جيعان زينا!!

س5- عندي طبيق مليان نبيق ؟
ج ¶ : مرتبات الموظفين في بلدي يا حبوب!!

س6- كطع البحر برا عضم ضهر .
ج ¶: قبول أولاد المصارين البيض في كليات
{الطب الوراثي} و الوظائف المحكورة لهم سلفا!!

س7- مية و مية، ما يملن الصينية؟
ج ¶ : رغيف العيش في ثوبه القديم المتجدد.

س8- كان شالوه ما بتنشال و كان خلو سكن الديار!؟
ج ¶: { طبعن دا بديهي ، ما داير درس عصر لا دليل و لا برهان}!!

س9- بارك في الواطة و يعارك في السما ؟
ج ¶ :مليونيات شبابنا المغدور وكتين خراج الروح!!

س10- شطة و مطة والشافا كلو نطا ؟
ج ¶: كل ميزانية ترذلون، منذالتعويم، خسوسن بعد الانقلاب !!

كسسرة
[} طيب تعال نزيدك في القصيد بيت: سمعت آجنا بي قولة"جدي طويل ، و ما بلحق الكعكول"؟!
¶ الجواب: زمان قالو: الدلو ؛ واحدين قالو: الدرب؛ عشان منبطح فوق الواطة ما برفع رويسو. علا نا
لقيت لها حلن تاني عجيب: تحين دا مو لسان عمك العاجز المخلوع؛ يوم كان يلعلع ىالطلاقات سااكت
برا مروة لامن قبضوه تربسوه في گوبر؛و لا إت رايك شنو؟!!