Quote: ارجع ليك ل ٥٠ سنه وممكن تزيدالمكان سوق الحديبه الذي تعرفه انت ولايعرفه الكثير من نواحي ناس سودانيز |
∆ 50 سنة دي يا بشير، ولا «رجعت لعيوني النهار»
و الغريبة زي الغول أب نومتن سنة وقومتن سنة ،لكن
كلما تنبعث من مرقدك و تمرق مقلع تجي تتاوق في قبري
المندثر.فباخ أنا بشكرك كتير على كدا لأني بشم فيك بوخة
البن الحبشي ترسل خيوطها عبر مداخن مقهى عم حسن مع نسايم شرق الله البارد؛ وعصير الليمون في حلة عمنا الصديق
ود الزبير و ليحان التلج عايمة فيها متل «سفينة التايتنك » ؛
و نكهة زريعة الأنجيرا فايحة من طباقة ناس حبوبة غناوة
و بجاي لقيمات بت الزيدابي و بيهناك بنبون بصل وعنطج
جدي و د الأصيل. إذن قرب تعال نطبع ليك قبلة الحياة.
¶ و القلوب شواهد أمبارح في لمة مع أخونا المهل جعلي نجضابي في سيرة أهلي مشايخة الشقيلة أبو الحسن:
عمنا أب رأي, عماد صديق الزبير،، كمال حاج ياسين دالي،
الحنتوبي عصام فكي العوض، الشريف العوض، محمد
العوض دالي، و حتى عادل مختار و المرحوم عبد
المنعم الأرباب؛ و ما ننسى أساتذتنا محي الدين
عبد الله البوني و شرف الدين الباقر.