Post: #1
Title: نحن ما نزال نعيش في زريبة التاريخ “نعيش في خيال دولة الهوية” لنفكر في ميثاق لدولة المواطنة!
Author: محمد جمال الدين
Date: 01-31-2022, 02:46 AM
01:46 AM January, 31 2022 سودانيز اون لاين
محمد جمال الدين-
مكتبتى
رابط مختصر
نحن ما نزال نعيش في زريبة التاريخ “نعيش في خيال دولة الهوية”!
وهنا تصور موجز لتطور الدولة في تاريخ البشرية:
1- دولة الهوية (دولة الماضي) وهي: 1- دولة العرق الواحد 2- المذهب الديني الواحد 3- التاريخ الواحد 4- الأسرة الواحدة الحاكمة تتضمن الفرد الواحد الحاكم. ففي التاريخ (دولة الهوية)
مستحيل أن يعيش عرقان في نفس المكان والزمان ويتمتعان بذات الحقوق والواجبات ولا دينان ناهيك عن تعدد ديني ولا تاريخان ولا أسرتان حاكمتان..
ذلك من أسباب خراب كرمة وخراب نبتة وخراب مروي وخراب سوبا والخرابات الأخرى في تاريخ البشرية قاطبة.. وما يزال الماضي يعيش بين ظهرانينا.
2- دولة المواطنة (دولة الحاضر): دولة الحقوق والواجبات المتساوية لجميع البشر فوق الرقعة الجغرافية بغض النظر عن العرق والدين والتاريخ والإيدلوجيا وكل الاختلافات الممكنة.
وبعد هذه الدولة تميز مواطنيها ايجابا على مواطني الدول الأخرى وتكسب لهم (مادياً ومعنوياً) على حساب الآخرين من كانوا. بما ان المواطن وحدة سياسية وإقتصادية في الحيز الجغرافي المحدد. وهذه الدولة خطوة كبيرة في تطور نظم السياسة في تاريخ البشرية وهي أفضل "فورميلا" حتى الآن على ما بها من قصور.
3- دولة الإنسانية (دولة المستقبل اي الدولة المشروع) وهي دولة إلغاء الحدود والجغرافيا وجوازات السفر أي هي دولة ما بعد المواطنة: دولة الإنسانية..
دولة حقوق الإنسان الكاملة وحقوق الحيوان وحقوق الطبيعة (الطبيعة = النبات والأرض وطبقة الأوزون “مثال”).
ملاحظة: نحن ما نزال نعيش خيال دولة الهوية أي اننا متأخرون عن البشرية في عوالمها الأخرى بعدة قرون.. ولذا يكثر الحديث بيننا عن "الهوية".
ونشهد هذه الأيام تفتيشاً محموماً عن جذر يجمع الناس تحت مظلة واحدة مثل "الأفريقانية والزنوجة والكوشية والسودانوية و العروبة”
وهذا طبعا خطا لان المفترض اننا منوعون شديد التنوع وعلينا فقط ان نجد فورميلا لادارة تنوعنا لا الغائه باي حجة كانت لان ببساطة هذا ارتداد في سلم الحضارة.
وما ذلك إلا من خيال دولة الهوية، دولة التاريخ دولة الماضي، الدولة المنقرضة وهي الدولة السائدة في مخيال جل شعوب أفريقيا والشرق الأوسط ليس السودان فحسب.
ولنا ان رضينا بهذا التصور أن نفكر معاً في صيغة للعيش السلمي المشترك تقوم على الوعي العلمي بالذات الجماعية وبالبيئة الطبيعية المحيطة بنا..
اي السعي إلى إنجاز الوعي بالمصلحة المشتركة والمصير المشترك والإحساس بالتحديات المشتركة وإذن الإحترام المشترك في الجغرافيا المتوافق عليها أي كانت وبغض النظر عن تنوع هويات الناس..
وعندها فقط نستطيع أن نتلمس طريقنا دستوريا وفي الوعي الشعبي في سبيل دولة المواطنة.. دعك الآن من دولة الإنسانية فهي مشوار أطول!.
---
دي مذكرة خاصة لشغلي اليومين دي "في نقد مخيال الهوية".. بس قلت اشركها البعض منكم لعلي استنير ببعض رؤاكم مقدما.
ومن ضمنه كشف العقل/الفعل العنصري ولكونه مبررا للارتداد من الطرف الاخر على وزن "مركز وهامش" ومرة ثانية عامل ارتكاس كلي!.
|
Post: #2
Title: Re: نحن ما نزال نعيش في زريبة التاريخ “نعيش ف�
Author: محمد جمال الدين
Date: 01-31-2022, 02:46 AM
Parent: #1
لنفكر في ميثاق لدولة المواطنة!
|
Post: #3
Title: Re: نحن ما نزال نعيش في زريبة التاريخ “نعيش ف�
Author: AMNA MUKHTAR
Date: 02-02-2022, 03:46 AM
Parent: #1
دولة المواطنة ..هذه ..صار يدعو لها حاليا المجنسين الأحباش والإريتريين تحديدا..
وهؤلاء خطرهم أكبر من بقية المجنسين الذين تجنسوا في عهد الإنقاذ..
لأن الأحباش يعبثون تزويرا بتاريخ السودان ..فؤلاء يريدون أن يأسسوا لأبنائهم وطن بديل في السودان الهملة دا ..والآن بعدما تمكنوا بدعم منظمات اللجوء والبنوك الإسلامية والمؤتمر الوطني والمنظات الوهابية التي كانت تنشط في شرق السودان.. الآن عايزين يمكنوا لأنفسهم سياسيا( ما يسمى بمسار الشرق )..
وتاريخيا عبر إنتحال تاريخ البجا وتاريخ كوش وسوبا وسنار.
فاحذروا من هذا الطرح يا محمد جمال ورفاقه.
هوية السودان هي السودانية وذلك منذ التاريخ القديم ..فمعظم مسميات السودان عبر العصور تعني نفس المعنى.
سمعت أن واحد إريتري مجنس عرض عليك تمويل بحثك بتاع السودان عبر العصور يا محمد ..فهل هذا صحيح؟
أعمل حسابك، ديل خدعوا واحدة خواجية عندها برنامج تلفزيوني خلوها إدعت إنه السودان الشمالي كله بيتكلم لغة حبشية .
مشروعك تاريخ السودان عبر العصور معرض للإختراق من قبل هؤلاء..وبعضهم يخدم أجندة الصهيوماسونية..وإدعاءاتها التاريخية بتاعة ( أرضك يا إسرائيل من الفرات الى النيل)..
كلامي دا ممكن هسه تشوفه خارج بارم ..لكن بعد شوية حا تشوف دلائل عليهو ..زي ما شفتها بوضوح..بل وتتعرض لتهديدات كما تعرضت لها .
|
Post: #4
Title: Re: نحن ما نزال نعيش في زريبة التاريخ “نعيش ف�
Author: أبوبكر عباس
Date: 02-02-2022, 05:33 AM
Parent: #3
تحياتي المفكر الكبير،
يا جمال، مع الفقر الشديد دا وكثرة السكان بدول شرق أفريقيا دي وقلة الموارد وقلة العلم،
هل في إمكانية تقوم دولة مواطنة؟
مرات قاعد أفكر في انو الاستقرار السياسي الموجود في أوربا -غير الدول الكبرى- سببو المساعدات الاقتصادية الألمانية والعلم.
صعب تقوم دولة مع هذا الفقر
|
Post: #5
Title: Re: نحن ما نزال نعيش في زريبة التاريخ “نعيش ف�
Author: نعمات عماد
Date: 02-02-2022, 06:32 AM
Parent: #4
| Quote: كلامي دا ممكن هسه تشوفه خارج بارم ..لكن بعد شوية حا تشوف دلائل عليهو ..زي ما شفتها بوضوح..بل وتتعرض لتهديدات كما تعرضت لها |
كلام خطير و لكنه غير مستغرب في ظل دولة الجنجوبد القتلة.
تحياتي أ.محمد جمال و أ.آمنة و الضيوف.
|
Post: #6
Title: Re: نحن ما نزال نعيش في زريبة التاريخ “نعيش ف�
Author: AMNA MUKHTAR
Date: 02-02-2022, 05:27 PM
Parent: #1
والله هددوني يا نعمات وهددوا غيري من الباحثين السودانيبن في التاريخ.
وكتبوا لي أكثر من مرة ( حا ندفعك الثمن غالي ) !!
دا كله لأني تصديت لتزويرهم لتاريخ البجا بل وتاريخ السودان كله.
وقالوا لي الآن عندنا ١٢ كتاب تاريخ في مطابع الخرطوم والقاهرة😅
وهم ينادون حاليا ( بدولة المواطنة) ..يعني أي لاجئ تجنس بفوضى الرقم الوطني..
مفترض نقول عليهو مواطن سوداني..بل وكمان تاريخنا السوداني بتاعه وطلعوا السودانيين كلهم أجانب وافدين!!
وكمان واحد إريتري إسمه )
(آدم نوس )..يكتب مقالات تاريخية ويزيلها بإسم الباحث التاريخي خالد محمد خير
ودخل له إبنه وسأله السؤال دا ..ولم يرد :
Quote: ادام نوس
ما الغرض من توقيع منشوراتك بي اسم خالد محمد خير حامد؟ الذي ليس له يوزر
|
|
Post: #7
Title: Re: نحن ما نزال نعيش في زريبة التاريخ “نعيش ف�
Author: محمد جمال الدين
Date: 02-02-2022, 09:36 PM
Parent: #6
مرحب وسعادة بيك بت مختار
Quote: فاحذروا من هذا الطرح يا محمد جمال ورفاقه.
هوية السودان هي السودانية وذلك منذ التاريخ القديم ..فمعظم مسميات السودان عبر العصور تعني نفس المعنى.
|
بجيك لدولة المواطنة برواقة.. تلك قضية غاية الاهمية
اما الكلام السمعتيه
| Quote: سمعت أن واحد إريتري مجنس عرض عليك تمويل بحثك بتاع السودان عبر العصور يا محمد ..فهل هذا صحيح؟ |
ايوة حصلت محاولات عدة مرات .. بس نحن نرفض حتى الكلام في الموضوع وبلوك.. بجيك برضو لقدام للموضوع دا وشرح وامثلة.. فعلا مرات في حاجات مريبة!
تحيات ليك وكل الصحاب وحتى عودة برواقة
|
Post: #8
Title: Re: نحن ما نزال نعيش في زريبة التاريخ “نعيش ف�
Author: محمد جمال الدين
Date: 02-03-2022, 04:31 AM
Parent: #7
اثمن المداخلات القيمة في البوست دا.. ما ناسي.. خلوه فوق
شكرا للعناية
|
Post: #9
Title: Re: نحن ما نزال نعيش في زريبة التاريخ “نعيش ف�
Author: نعمات عماد
Date: 02-03-2022, 09:47 AM
Parent: #8
العزيزة آمنة إنتبهي و خذي حذرك ،هولاء عصابة لن تتورع عن إلحاق الاذى.
يبدو إن الهدف أكبر من الإستيلاء على الموانئ.
و مع إن حاميها حراميها لكن الخيار الأول أن تبلغي عن من يهددونك.
أثق في قدرة أهل الشرق على حماية أرضهم و تاريخهم بسبل مشروعة
و بوقوف كل الشعب ضد تفتيت الشرق
Quote: والله هددوني يا نعمات وهددوا غيري من الباحثين السودانيبن في التاريخ.
وكتبوا لي أكثر من مرة ( حا ندفعك الثمن غالي ) !!
دا كله لأني تصديت لتزويرهم لتاريخ البجا بل وتاريخ السودان كله.
وقالوا لي الآن عندنا ١٢ كتاب تاريخ في مطابع الخرطوم والقاهرة😅
وهم ينادون حاليا ( بدولة المواطنة) ..يعني أي لاجئ تجنس بفوضى الرقم الوطني..
مفترض نقول عليهو مواطن سوداني..بل وكمان تاريخنا السوداني بتاعه وطلعوا السودانيين كلهم أجانب وافدين!!
وكمان واحد إريتري إسمه )
(آدم نوس )..يكتب مقالات تاريخية ويزيلها بإسم الباحث التاريخي خالد محمد خير
ودخل له إبنه وسأله السؤال دا ..ولم يرد : |
|
Post: #10
Title: Re: نحن ما نزال نعيش في زريبة التاريخ “نعيش ف�
Author: محمد جمال الدين
Date: 02-03-2022, 09:46 PM
Parent: #9
آذنو لي تاني من جديد أكون للحظة مع آمنة مختار للأهمية
| Quote: كلامي دا ممكن هسه تشوفه خارج بارم ..لكن بعد شوية حا تشوف دلائل عليهو ..زي ما شفتها بوضوح..بل وتتعرض لتهديدات كما تعرضت لها |
طبعا مستحيل أفهمك كلامك زي ما بتقولي وهو من مبدأ الشك عندك.. لا ابداً .. أفهمك وأفهم حدة الصراع الأقليمي وإستقطابات الجماعات الحدودية على الأرض والموارد
أعني تحديداً الإنتماءات المتلبسة الإثنية فهي في غاية الخطورة وأكثر الناس عنها غافلون للأسف.. هذه الإنتماءات العابرة للحدود هي العامل الخطير في زعزعة الأمن والإستقرار في السودان في ماضيه وراهنه وربما مستقبله.. والتجربة مثالة أمامنا لمن شاء التأمل!.
وهي تحدث من جهة الغرب (دارفور) المقابلة للتكتل الفراكفوني ومن جهة الشرق (أثيوبيا وأرتيريا) ومن جهة الشمال (مصر) ولو بشكل أقل حدة في تقديري نسبة لأن عوامل التداخل والصراع مكشوفة سلفاً
عكس البقية التي يلف معظمها الغموض والحراك في الظلال غير المرئية.
ولهذا السبب هناك نخب في الأقليم عينها على السودان وهو يحتضر(في أمانيهم) وتريد أن تجد المبررات الأخلاقية والتاريخية للإستيلاء على أكبر قدر من اراضي السودان وموارده بإعتبار
أننا كلنا كوش يوماً ما أو وداي أو السودان التركي المصري أو نحن كلنا زنوج ولو نحن مواطني دولة أخرى.. والحجج كثيرة وتعضد بالتداخل اللغوي والعرقي وذكريات
التاريخ القديم.. وهنا تلوى كل أعناق الحقائق أي كانت.. وعليه تتم محاولات دؤوبة لشراء أو إبتزاز أو تعطيل أو تهديد المشتغلين في حقول الآركولوجيا والآنثروبولوجيا والتاريخ
كي تتجير أبحاثهم وأقوالهم وآرائهم لتمرير أجندة محددة وذلك من الخطورة بمكان إن لم ننتبه له كما أننا في نفس الوقت وجب أن لا ننأى عن حيادية البحث العلمي مهما كانت الأسباب.
هذه مقدمة ضرورية عشان أحكي بالبلدي كدا لقدام ماذا حدث معي من تجربة ومع بعض المشتغلين في مشروع السودان200 كما قالت آمنة مختار من محاولات إختراق وشراء وتعطيل من جماعات مشبوهة عابرة للحدود ومن أحزاب ومن سوء فهم ومن الدولة نفسها!.
برجع ليكم في حديث واضح وصريح في الحتة دي.. فصبراً جميلا.. وأي سؤال مقدماً مرحب بيه وح نكون في أقصى درجات الوضوح والصراحة
|
Post: #11
Title: Re: نحن ما نزال نعيش في زريبة التاريخ “نعيش ف�
Author: محمد جمال الدين
Date: 02-03-2022, 10:11 PM
Parent: #10
يتبع المداخلة السباقة (أعني أعلاه تجربة ماثلة).
وشئ مهم جداً أن النداء بإستمساكنا بدولة المواطنة هو الترياق لنا في تنوعنا في ذاتنا وللذين يقولون او عندهم حقا او في التصور (لا يهم) جذور تاريخية في السودان أو القبائل الحدودية. فدولة المواطنة تعني:
دولة الحقوق والواجبات المتساوية لجميع البشر فوق الرقعة الجغرافية بغض النظر عن العرق والدين والتاريخ والإيديولوجيا وكل الاختلافات الممكنة لمواطني البلاد المحددة ولا يشمل جيرانهم من الشعوب الأخرى مهما كانت تداخلاتهم العرقية والثقافية والتاريخية وهذا هو الحال عند كل دول الأمم المتحدة فوق كوكب الارض في هذا الزمان.. فالسودان ليس استثناء. انت مهما كان عندك عرق مشترك مع جماعة سودانية راهنة أو حتى أخوك أو أختك الشقيقة مباشرة تسكن السودان كمواطنة وفق الدستور السوداني
بما أنك أنت مواطن دولة أخرى لا يحق لك إدعاء أنك سوداني عشان في زول قريبك يسكن السودان ناهيك عن قبيلة مشتركة وتاريخ.. المواطنة حالة قانونية بحتة ويحددها الدستور لا قرابات الدم والتاريخ المشترك والممالك المشتركة في التاريخ.
بعد دراسة تداخلات الإثنيات والحضارات التاريخية مهمة للتثاقف ولسلام الشعوب وللوعي العلمي بالتاريخ وللسياحة ليس إلا. . لكن قضية المواطنة شئ آخر وحالة قانونية بحتة كما أسلفنا!.
سأشرح أفضل لقدام وبالتفصيل بعد إذنكم ومن ضمنه كيف تنشأ الدولة وكيف تكون دولة مواطنة لا دولة هوية
|
Post: #13
Title: Re: نحن ما نزال نعيش في زريبة التاريخ “نعيش ف�
Author: Bashasha
Date: 02-09-2022, 08:13 AM
Parent: #12
اولا، انتا محظوظ لاني مفحط أو ماجاي تاني قريب.
اتنين بتقول كلام غاية في الغرابة في العجب، فوق لي اصرارك علي تقديم تصورات مسبقة مستوحاة من مرجعية وعي الاسترقاق الحالي، كتاريخ للسودان بي اريحية جد تموخل أو دون ادني المام، شغل اسقاط لي تخرصات المركزية الاوربية!!
من ذلك كلامك العجيب الغريب عن مااسميتو "دولة العرق الواحد" ثم دولة "المواطنة"!
معليش، واضح انك لاتفقه شئ اطلاقا عن تاريخ اجدادك، أو كل البتسوي فيهو هنا، هو انك تمارس اسقاط لي طريقة تفكير إنسان الثقافة الارية، مستعمريك مستعبديك كمستلب والسلام!
ياهذا، دعك من اجدادنا أو طريقة تفكيرم قبل عشرات آلاف السنين، الي اليوم الي الان حتي إحنا ورغم انف قرون الاحتلال والاسترقاق الثقافي، في لاوعينا ماعندنا الي اليوم حاجة اسمها "وطن" ولا "وطنية" ولا "قومية" ياهذا، وكنتيجة بجونا من نواحي الدنيا الاخرين أو عادي يكوشو علي بلدانا ليضحو هم رب البيت، ونحنو الضيوف، كما في نموذج جنوب افريقيا، اوقبلها كمت الاصبحت "مصر" وهكذا!!
لهذا ما كان عندنا مفهوم "مواطن" في مقابل "ايلين" نعم Alien بالفهم الاري، لأننا وكامهات واباء للبشرية وكصوفية بالسليقة ماعندنا هوس زي ده، اطلاقا ياهذا، فبطل اسقاط!!
حولا ولا قوة ياخي!!
قال هوية قال!!
هوية شنو ياهذا؟
بي صحك؟
قال دين قال!
ياهذا لاوجود لي مفهوم دين في ارثنا، حتي كمجرد لفظ/مفردة في لسانا الي اليوم، تقول لي دين واديان؟
بعدين هو اله واحد احد ماالهة زي مافاهم بالفهم المادي الاري لما اسموه دين واديان ياهذا!
غايتو بتقول في كلام، حولا ولاقوة!!
عشان كده قنا آفة السودان هم "متعلميه"حسب الوهم، اي مستعبدي العرب والخواجات ، وكنتيجة ده حالنا!
لهذا كنوذ ارثنا الحضاري المعتق بمثلو فعلا لاقول من يسمون زورا "اميين" لهم المجد!
|
Post: #14
Title: Re: نحن ما نزال نعيش في زريبة التاريخ “نعيش ف�
Author: محمد جمال الدين
Date: 02-11-2022, 10:43 PM
Parent: #13
معليش غبت شوية من هنا.. بجيكم لقدام.. ظروف.. تحية واحترام وشكرا للعناية
|
Post: #15
Title: Re: نحن ما نزال نعيش في زريبة التاريخ “نعيش ف�
Author: عبداللطيف حسن علي
Date: 02-11-2022, 11:19 PM
Parent: #14
شخصيا مافهمت لاجمال لابشاشا عايزين يقولوا شنو !!
اليست الهوية هي الوحدة في التنوع
لم نتقابل افراد من قوميات سودانية مختلفة ونتناقش بلغة
مشتركة ونسمع بوجدان واحد لااغانينا المتنوعة وحكاوينا
المتنوعة تراثيا ، نجد ان هويتنا واحدة ، تنوع ثقافي لوجدان واحد
والتاريخ النضالي الواحد والجغرافيا الواحدة المسماة سودان
هناك تنوع اقتصادي وتنوع في المبادلات الاقتصادية وتنوع لغوي
وتنوع تراث وكل ذلك لم يمنع الشعور بالهوية السزدانية وبخاصة
الذين هاجروا وشعروا بقوة الرابطة نحو الوطن والوجدان الواحد
رغم تعدد مجري وديان هذا الوجدان التي تصب في مجري رئيسي
لايمكن تجاوزه حتي للجنوبيون الذين انفصلوا بسبب الصراع السياسي
وغياب دولة المؤسسات الديمقراطية -العلمانية في اطار متداخل مع دولة
المواطنة، يجب الا تكون المواطنة تمييز لمركز رئيسي بثقافته السائدة
عائقا في وجه المساواة في الحقوق والواجبات ويجب وقف انتاج ثقافة
المركز المسيطر بتغيير في البننية التحتية تدريجيا وفق خطة طويلة الامد
تشمل حقول الانتاج الثقافي والديني والتعليمي ، حينها سيتغير نمط حياة كاملة
وقبل ان نصحو من ذلك الحلم الجميل علينا مواجهة دولة الاحتلال الحالية
|
Post: #16
Title: Re: نحن ما نزال نعيش في زريبة التاريخ “نعيش ف�
Author: محمد جمال الدين
Date: 02-13-2022, 09:39 PM
Parent: #15
لو لقيت زمن استاذنا عبد اللطيف وكل من يهتم.. ربما تجدون الرد مفصلا هنا:
رسالة إلى السلفيين الجدد الكوشيين.. حوار حول دولة المواطنة.. سلسلة حلقات!
https://sudaneseonline.com/board/510/msg/1644172605.html
|
Post: #17
Title: Re: نحن ما نزال نعيش في زريبة التاريخ “نعيش ف�
Author: محمد جمال الدين
Date: 02-19-2022, 03:07 AM
Parent: #16
مداخلات قيمة هنا.. لنواصل .. وكمان انا بجيكم من جديد بما عندي.. تحية وشكرا للمساهمة والعناية
|
Post: #18
Title: Re: نحن ما نزال نعيش في زريبة التاريخ “نعيش ف�
Author: محمد جمال الدين
Date: 03-03-2022, 05:54 AM
Parent: #17
هنا من جديد
|
Post: #19
Title: Re: نحن ما نزال نعيش في زريبة التاريخ “نعيش ف�
Author: AMNA MUKHTAR
Date: 03-04-2022, 07:37 PM
Parent: #1
Quote: ولهذا السبب هناك نخب في الأقليم عينها على السودان وهو يحتضر(في أمانيهم) وتريد أن تجد المبررات الأخلاقية والتاريخية للإستيلاء على أكبر قدر من اراضي السودان وموارده بإعتبار
أننا كلنا كوش يوماً ما أو وداي أو السودان التركي المصري أو نحن كلنا زنوج ولو نحن مواطني دولة أخرى.. والحجج كثيرة وتعضد بالتداخل اللغوي والعرقي وذكريات
التاريخ القديم.. وهنا تلوى كل أعناق الحقائق أي كانت.. وعليه تتم محاولات دؤوبة لشراء أو إبتزاز أو تعطيل أو تهديد المشتغلين في حقول الآركولوجيا والآنثروبولوجيا والتاريخ
كي تتجير أبحاثهم وأقوالهم وآرائهم لتمرير أجندة محددة وذلك من الخطورة بمكان إن لم ننتبه له كما أننا في نفس الوقت وجب أن لا ننأى عن حيادية البحث العلمي مهما كانت الأسباب. |
كدا إنت فاهم الحاصل يا محمد وإطمأنيت على مشروعك.
حقيقي السودان مخترق من كل الجهات..وكالة من غير بواب.
....
العزيزة نعمات.
معظم المزوراتية هؤلاء لاجئين إريتريين وحبش في أوروبا ودول إسكندافيا والخليج.
والفي السودان إخترقوا قروبات التاريخ السودانية بأسماء حركية.
تحياتي لكم جميعا.
|
Post: #20
Title: Re: نحن ما نزال نعيش في زريبة التاريخ “نعيش ف�
Author: محمد جمال الدين
Date: 03-07-2022, 00:15 AM
Parent: #19
نعم العزيزة الصبورة المثابرة امنة.. يا لك من حصيفة واصيلة ونبيلة
Quote: كدا إنت فاهم الحاصل يا محمد وإطمأنيت على مشروعك.
حقيقي السودان مخترق من كل الجهات..وكالة من غير بواب. |
انا برضو فهمتك وفكرتك والخلفية بعد ان اطلعت على الحقايق العارية.. معليش ما كنت عارف زي ناس كتيرين لسا!
|
Post: #21
Title: Re: نحن ما نزال نعيش في زريبة التاريخ “نعيش ف�
Author: محمد جمال الدين
Date: 04-14-2022, 01:12 AM
Parent: #20
قصة التسجيل العنصري هذه الايام اظنها تؤكد لنا اننا ما زلنا حقا نعيش في زيبة التاريخ!
|
Post: #22
Title: Re: نحن ما نزال نعيش في زريبة التاريخ “نعيش ف�
Author: محمد جمال الدين
Date: 07-19-2022, 05:48 PM
Parent: #21
نشوف الحل شنو مع سيطرة القبيلة على المشهد السياسي!
|
Post: #24
Title: Re: نحن ما نزال نعيش في زريبة التاريخ “نعيش ف�
Author: محمد جمال الدين
Date: 09-22-2023, 02:51 AM
Parent: #23
وهذا البوست مقدمة ضرورية لبوست محاولة النظر في الحل الدائم للأزمة حسب هذا التصور (رابطه في المداخلة السابقة)
|
|