اليوم مباراة منتخب السودان ومنتخب الجزائر بالدوحة

08:48 AM December, 01 2021

سودانيز اون لاين
Osman Musa-
مكتبتى
رابط مختصر

قلوبنا مع المنتخب السوداني .

هلا عثمان
امس حفل الافتتاح كان مبهر
المبارة بعد نصف ساعة
اي الواحدة ظهرا بتوقيت
الدوحة طبعا جميع المباريات
تقام بنفس المواقت بتاعت كاس
العالم قطر 2022
مهمة منتخبنا صعبة
لكن غير مستحيلة

يا بدرالدين سلام
عندي احساس انو المنتخب السوداني يطق الجزائر قون في الدقيقة 20 من الشوط الأول.
واحتمال تنتهي بالتعادل .
الجمهور السوداني في قطر هو اللاعب رقم 12 .
وبعدين منتخبنا ما ساهل .
انشاءالله نطقطق ليكم الشقيقة الجزائر او التعادل.

حتى الان 3/0 لصالح الجزائر الشوط الاول

الهدف الرابع للجزائر
في او دقيقة من الشوط
التانى الله يستر من هزيمة
تكون فضيحة المنتخبات المشاركة

الأخ النورس
سلام
احباط جد

السياسة والإقتصاد والصناعة والزراعة
والكهرباء والبنية التحتية الشاملة(طرق
مباني وصرف صحي وشبكات طاشه خلقه)
مضافا اليها الرياضة ...
الخبراء السودانيون وإدمان الفشل داخل بلدهم ...

الأخ صلاح الزبير
سلام
إحباط شديد .
زعلني اللاعب الكان بحاور نص الميدان ويجليها.
لعيبة فترانين منتهين.
احتمال يا صلاح من كتمة البمبان في الأيام الفاتت واحتمال من الاقاشي المضروب
الحكاية محتاجة تحقيق . بعد الانتهاء من التحقيق في قضية فض الاعتصام.

ياخي لعيبة تحس بيهم فترانين واجسامهم مكسرة،
لو ركزوا في متابعة المليونيات وأسلوب الثوار في الكر والفر،
ما كان اللاعب فارس نطط بالطريقة دي،

عشان كدا دايما بنقول نحنا احسن نعتذر عن المشاركات الدولية،
نبطل ع الاقل نبقى حصالة المجموعة للمشاركين،

قال الشغيل قال

مالكم كيف تحكون
المنتخب السودانى
بلعب في ستادات
كاس العالم قبل منتخبات
كاس العالم والفوز قسمة ونصيب
شخصيا في مباراتنا مع لبنات بكون
جالس في مدرجات الجماهير اللبنانية
وعثمان موسى عارف السبب

يا بدر الدين
سلام
بتاعت الشقيقة لبنان متين .

الأخ بدر
الوقوف بجانب المنتخب اللبناني الشقيق واجب وطني.
تحت تحت عمك علي عبدالوهاب زاتو مع اللعبة الحلوة.

الأخ سامر
سلام
مشكلة محتاجة وقفة طويلة يا سامر .

Quote: والفوز قسمة ونصيب

بدر سلام..
قسمه ونصيب دي شنو؟
لو ضربك نيزك وانت خالط نقول قسمتك ، لو ماشي في التلتوار وانحرفت شاحنه ولحّقتك أمات طه نقول نصيبك، لو إنقلب فيك تانكر مجاري
وبقيت خبير استراتيجي تجينا في القنوات الفضائيه نقول قدر. لكن الكوره والألعاب الرياضيه جميعها تحتاج إعداد وتخطيط ولياقه وتدريب
وعمل جماعي، وطبعا نحن في أي عمل جماعي معروفين.
-

عثمان موسى كيفك..
عاين،
لم أشاهد الماتش بالطبع لأسباب معروفة لكن أقترح على الفريغ الغومي أن يضم ليهو (كفاءات) وأن يكون تحت تدريب هجو ويعملوا معسكر
موز. بخلاف كده البيان ما حايطلع..
بعدين ياخ حارم وصلي مالك؟

والله يا استاذ محمد المرتضى
طبعا الاتصال في السودان كان قاطع.
وهسع انا تعبان جاري بين تركيا وامريكا شغال .
الاهل بخير .
والبمبان راقد .

يامولانا محمد المرتضى
القسمة والنصيب خشم بيوت
هسى البرهان وحميدتى اخوان
والتوم هجو و الاستراتجين
وعييييك على قول بشاشة مش قسمة
نصيب وكونى في مباراتنا مع المنتخب
حا اجلس مع الجمهور اللبنانى مش قسمة
ونصيب ياخى منتخبنا يلعب في ملاعب كاس
العالم قبل البرازيل والمانيا وفرنسا وايطاليا
وبريطانيا تانى دايرين شنو انتصار اكبر من كدا

Quote: شخصيا في مباراتنا مع لبنات بكون جالس في مدرجات الجماهير اللبنانية وعثمان موسى عارف السبب

حبيبنا الجميل الامير
صدقني انت زول رائع
تعرف تخلق الجو من العدم
دي مداخلة خليتنا ننسى هزيمة السودان

يا سلام تعرف تجمل كل قبيح

والحبيب عثمان .. أنا من عشاق بوستاته
واصلوا حفظكم الله

ناس جميلين

يا جماعة منتخبنا مضروب ملاريا .
والله الملاريا دي اكعب من الكورونا

ياعلى عبدالوهاب
اخونا عثمان قال أسباب
الهزيمة ان منتخبنا ضارباهو
الملاريا وانا كمحلل استراتيجى
اختلف معه بل ان هناك مؤامرة
على منتخبنا يلعبوهو الساعة
واحدة ظهرا وكمان في ملعب
مكندش على اتحاد الكرة تقديم
شكوة رسمية للفيفا

الاحباب الجميلين
أول مرة اسمع ملعب مكندش
يا سلام على قطر
دولة تخطت زميلاتها بسنين ضوئية

الاقتتاح كان أجمل

تحياتي عثمان والامير الاحباب الكرام

واصلوا البوست

ياعثمان
يابرنى المنتخب اللبانى
امس جهجه منتخب مصر
المصرين جابو قون واحد وضربة جزاء

يا بدرالدين
ياخ قون المصريين كان قون مسيخ زاتو .

ياعثمان
قون المصرين مش زعل الخلاسيات
الفينقيات لاسمح ولاحاجة

يا سلام الاحباب عثمان
صدقني ناس رائعين
ايقظتم فينا روح الشباب

واصلوا

بوست جميل

يا استاذ علي عبدالوهاب
بدرالدين قال لاعب المنتخب المصري الجاب القون كان سارق.
وقال الحكم كان متحامل على المنتخب اللبناني الشقيق.

Quote: يا استاذ علي عبدالوهاب بدرالدين قال لاعب المنتخب المصري الجاب القون كان سارق. وقال الحكم كان متحامل على المنتخب اللبناني الشقيق.

حبينا الجميل عثمان
يبدو أن الامير لديه تواصل مع كاميرات نقل مباراة
رغم ازدحام مدرج المصريين
ولكن الكاميرا كانت مع مدرج لبنان

تحياتي الحبيب عثمان

ياعثمان
اتوقع البوست القادم لاخونا
على عبدالوهاب بعوان منتخب
لبنان يلعب مع منتخبنا....
في قصة تحكى واحد بتاع طين
بتاع طين دى تترجمها انت لعلى عبدالوهاب
المهم زولنا كان داخل مداعى لتشجيع للولد الحريف
وحشد كل اصحابو يجو يشوفو لعب الولد المهم
يوم المبارة جو كل اصحابو لمشاهدة الولد اللعاب
الولد اول كره استلمها شاتها اوت قام قبل على اصحابو
وقال لهم شايفين الاوت دا جميل كيف هههه

الاحباب عثمان والامير بدرالدين
فنان سوداني اسمه دسيس يريد تعويض (حق الملكة الفكرية ) من اللجنة المنظمة للدورة العربية
100 مليون دولار

متى ظهر هذا الفنان والاغنية اسمها (كبسا كبسا )
أول مرة اسمع بهذا الفنان والاغنية

Quote: تداول رواد وسائل التواصل الاجتماعي بالسودان خبرا عن اعتزام شاعر الثورة السودانية “دسيس مان” بتكليف مكتب محاماة خليجي لمقاضاة اللجنة المنظمة لكأس العرب 2021م المقامة حاليا بالعاصمة القطرية الدوحة. وذلك بسبب التعدي على حقوق الملكية الفكرية، واستخدام اللجنة المنظمة للبطولة لإحدى اغنياته الشهيرة، في حفل الافتتاح، دون الرجوع إليه. وعلى حسب مقربين من الشاعر فإن دسيس مان يطالب بمبلغ 100 مليون دولار تعويضا عن قصيدته (كبسا كبسا).

يا استاذ علي
سلام
الجزائر مسكوها في انها هي بلد المليون شهيد
اها دايرة تجيب فينا مليون قون.