|
|
|
 Re: اليوم مباراة منتخب السودان ومنتخب الجزائ (Re: Salah Zubeir)
|
الأخ صلاح الزبير
سلام
إحباط شديد .
زعلني اللاعب الكان بحاور نص الميدان ويجليها.
لعيبة فترانين منتهين.
احتمال يا صلاح من كتمة البمبان في الأيام الفاتت واحتمال من الاقاشي المضروب
الحكاية محتاجة تحقيق . بعد الانتهاء من التحقيق في قضية فض الاعتصام.
| |
  
|
|
|
|
|
|
|
|
Re: اليوم مباراة منتخب السودان ومنتخب الجزائ (Re: Osman Musa)
|
ياخي لعيبة تحس بيهم فترانين واجسامهم مكسرة،
لو ركزوا في متابعة المليونيات وأسلوب الثوار في الكر والفر،
ما كان اللاعب فارس نطط بالطريقة دي،
عشان كدا دايما بنقول نحنا احسن نعتذر عن المشاركات الدولية،
نبطل ع الاقل نبقى حصالة المجموعة للمشاركين،
قال الشغيل قال
| |
|
|
|
|
|
|
|
|
|
Re: اليوم مباراة منتخب السودان ومنتخب الجزائ (Re: Osman Musa)
|
بدر سلام..
قسمه ونصيب دي شنو؟
لو ضربك نيزك وانت خالط نقول قسمتك ، لو ماشي في التلتوار وانحرفت شاحنه ولحّقتك أمات طه نقول نصيبك، لو إنقلب فيك تانكر مجاري
وبقيت خبير استراتيجي تجينا في القنوات الفضائيه نقول قدر. لكن الكوره والألعاب الرياضيه جميعها تحتاج إعداد وتخطيط ولياقه وتدريب
وعمل جماعي، وطبعا نحن في أي عمل جماعي معروفين.
-
عثمان موسى كيفك..
عاين،
لم أشاهد الماتش بالطبع لأسباب معروفة لكن أقترح على الفريغ الغومي أن يضم ليهو (كفاءات) وأن يكون تحت تدريب هجو ويعملوا معسكر
موز. بخلاف كده البيان ما حايطلع..
بعدين ياخ حارم وصلي مالك؟
| |
|
|
|
|
|
|
|
|
|
Re: اليوم مباراة منتخب السودان ومنتخب الجزائ (Re: محمد المرتضى حامد)
|
يامولانا محمد المرتضى
القسمة والنصيب خشم بيوت
هسى البرهان وحميدتى اخوان
والتوم هجو و الاستراتجين
وعييييك على قول بشاشة مش قسمة
نصيب وكونى في مباراتنا مع المنتخب
حا اجلس مع الجمهور اللبنانى مش قسمة
ونصيب ياخى منتخبنا يلعب في ملاعب كاس
العالم قبل البرازيل والمانيا وفرنسا وايطاليا
وبريطانيا تانى دايرين شنو انتصار اكبر من كدا
| |
|
|
|
|
|
|
|
|
|
Re: اليوم مباراة منتخب السودان ومنتخب الجزائ (Re: بدر الدين الأمير)
|
Quote: شخصيا في مباراتنا مع لبنات بكون
جالس في مدرجات الجماهير اللبنانية
وعثمان موسى عارف السبب |
حبيبنا الجميل الامير
صدقني انت زول رائع
تعرف تخلق الجو من العدم
دي مداخلة خليتنا ننسى هزيمة السودان
يا سلام تعرف تجمل كل قبيح
والحبيب عثمان .. أنا من عشاق بوستاته
واصلوا حفظكم الله
ناس جميلين
| |
|
|
|
|
|
|
|
|
|
Re: اليوم مباراة منتخب السودان ومنتخب الجزائ (Re: Osman Musa)
|
Quote: يا استاذ علي عبدالوهاب
بدرالدين قال لاعب المنتخب المصري الجاب القون كان سارق.
وقال الحكم كان متحامل على المنتخب اللبناني الشقيق. |
حبينا الجميل عثمان
يبدو أن الامير لديه تواصل مع كاميرات نقل مباراة
رغم ازدحام مدرج المصريين
ولكن الكاميرا كانت مع مدرج لبنان
تحياتي الحبيب عثمان
| |
|
|
|
|
|
|
|
|
|
Re: اليوم مباراة منتخب السودان ومنتخب الجزائ (Re: علي عبدالوهاب عثمان)
|
ياعثمان
اتوقع البوست القادم لاخونا
على عبدالوهاب بعوان منتخب
لبنان يلعب مع منتخبنا....
في قصة تحكى واحد بتاع طين
بتاع طين دى تترجمها انت لعلى عبدالوهاب
المهم زولنا كان داخل مداعى لتشجيع للولد الحريف
وحشد كل اصحابو يجو يشوفو لعب الولد المهم
يوم المبارة جو كل اصحابو لمشاهدة الولد اللعاب
الولد اول كره استلمها شاتها اوت قام قبل على اصحابو
وقال لهم شايفين الاوت دا جميل كيف هههه
| |
|
|
|
|
|
|
|
|
|
Re: اليوم مباراة منتخب السودان ومنتخب الجزائ (Re: بدر الدين الأمير)
|
الاحباب عثمان والامير بدرالدين
فنان سوداني اسمه دسيس يريد تعويض (حق الملكة الفكرية ) من اللجنة المنظمة للدورة العربية
100 مليون دولار
متى ظهر هذا الفنان والاغنية اسمها (كبسا كبسا )
أول مرة اسمع بهذا الفنان والاغنية
Quote: تداول رواد وسائل التواصل الاجتماعي بالسودان خبرا عن
اعتزام شاعر الثورة السودانية “دسيس مان” بتكليف مكتب محاماة خليجي لمقاضاة
اللجنة المنظمة لكأس العرب 2021م المقامة حاليا بالعاصمة القطرية الدوحة.
وذلك بسبب التعدي على حقوق الملكية الفكرية، واستخدام اللجنة المنظمة للبطولة
لإحدى اغنياته الشهيرة، في حفل الافتتاح، دون الرجوع إليه. وعلى حسب مقربين
من الشاعر فإن دسيس مان يطالب بمبلغ 100 مليون دولار تعويضا عن قصيدته (كبسا كبسا).
|
| |
|
|
|
|
|
|
| |
Osman Musa
بدر الدين الأمير
النورس الحزين
Salah Zubeir
سامر دوشه
محمد المرتضى حامد
علي عبدالوهاب عثمان
فيس بوك
تويتر
انستقرام
يوتيوب
بنتيريست