لو سمحت. عنتر زاتو حيجي يشجع وتاني يرجع لكتابة المعلقات.
Post: #2 Title: Re: هل تسمح قطر بحضور مشجعات برازيليات زي ديل Author: الشيخ سيد أحمد Date: 11-27-2021, 07:27 PM Parent: #1
حياك الله حبيبنا "عثمان" تعرف يا عثمان في كل كؤوس العالم الحضرتها لازالت مشجعة واحده عالقة بالأذهان. كانت برازيلية - تخيل شخصية واحده تكون متذكرها من دون كل المشجعات. كانت حاجة "بقاقة" زي مابقولو - سمحة سماحة الككو. زعلت ليها شديد - ويمكن إلى الآن زعلان ليها- لأنو الأرجنتين هزمتهم بهدف واحد سجلو "كلاويدو كانيجا" بتمريرة من الساحر "مارادونا"- حاول شوف المباراة كاس العالم سنة 1990 ولاحظ بعد الهدف المخرج ح يجيب منو. يبقى اذا مشجعاتك بنفس مستوى جمال تلك المشجعة الفاتنة - يبقى عندهم حق يحضروا.
Post: #20 Title: Re: هل تسمح قطر بحضور مشجعات برازيليات زي ديل Author: Osman Musa Date: 11-29-2021, 05:05 AM Parent: #2
يا الشيخ الفنادق حتمتلي بالمشجعين والمشجعات
Post: #21 Title: Re: هل تسمح قطر بحضور مشجعات برازيليات زي ديل Author: Osman Musa Date: 11-29-2021, 06:09 PM Parent: #2
كمية من صور المشجعات البرازيليات من زمانات مختلفة .
Post: #3 Title: Re: هل تسمح قطر بحضور مشجعات برازيليات زي ديل Author: Osman Musa Date: 11-27-2021, 07:30 PM Parent: #1
طالما قامت في جزيرة العرب زي دي ملمة. اكيد عمكم عنتر ما حيفوت دي الهيصة البديعة. وحيشجع منتخب البرازيل . وحيردد مع المشجعات .
منتخب البرازيل مدجج كره الكماة نزاله لا ممعنٍ هرباً ولا مستسلم .
Post: #4 Title: Re: هل تسمح قطر بحضور مشجعات برازيليات زي ديل Author: الشيخ سيد أحمد Date: 11-27-2021, 07:45 PM Parent: #3
يا عثمان. المخرج جابها ليك مرتين: المرة الأولى في الدقيقة 3 و الثانية 16 - لابسة طاقية "كاب" أبيض اللون. المرة التانية في الدقيقة 5 والثانية 12.
Post: #5 Title: Re: هل تسمح قطر بحضور مشجعات برازيليات زي ديل Author: Osman Musa Date: 11-28-2021, 01:59 AM Parent: #4
نعم يا اخ الشيخ بعد التحية. حقت الدقيقة 16 كانت لابسة طاقية اسمر اللونا. ههههههه. واحد يا الشيخ كان خجلان يقو الحقيقة في داك الجمال . بس كان كل ما تجي صورة مشجعة. يهيج ويقول شوف الاستاد دا ياخ إمكانيات. بس يمسك في كلمة إمكانيات دي .
Post: #6 Title: Re: هل تسمح قطر بحضور مشجعات برازيليات زي ديل Author: ترهاقا Date: 11-28-2021, 02:53 AM Parent: #5
أرمي بياضك يا أستاذ عثمان عشان نشوفن،
Post: #7 Title: Re: هل تسمح قطر بحضور مشجعات برازيليات زي ديل Author: Osman Musa Date: 11-28-2021, 05:54 AM Parent: #6
الموسيقار الكبير ترهاقا سلام تابعت بروفايلك. حزنت للبنت البتنضرب من الهمج وهي بتطالب بحقها في الحرية. وتذكرت الحرية في استاد ريودي جانيرو والمدرجات المليانة بالفراشات. زي ما بقول استاذنا بشاشا السودان في سباق حمير طويل. .. الصور في الدرب.
Post: #8 Title: Re: هل تسمح قطر بحضور مشجعات برازيليات زي ديل Author: خضر الطيب Date: 11-28-2021, 06:26 AM Parent: #7
سلام يا عثمان يا فنان في موقعها أمس نشرت الفيفا تحذير للقنوات الناقلة لكأس العالم بعدم التركيز على الجمهور (المزز)
Post: #9 Title: Re: هل تسمح قطر بحضور مشجعات برازيليات زي ديل Author: Osman Musa Date: 11-28-2021, 06:46 AM Parent: #8
سلامات الأخ الفنان خضر ليه ؟ الفيفا دي أصبح ريسها حميدتي ؟ الصورة المنقولة أصبحت هي البتحرك كل شي. الصورة تقوم الحروبات وتحرك اقتصاد البلدان. بعدين في قنوات ليها شنة ورنة. قنوات قوية ويمكنها ان تمسح بالفيفا الواطة ويمكنها المساهمة في نجاح المونديال وافشالو. صدقني الحبيبة قطر موعودة بمولد عجيب. عان جاي حضر ليك جرادل وتعال نبيع كركدي في المدرجات. الكركدي الأصلي علينا جاي . بس حاول جيب كتاب تعلم اللغة البرتغالية والاسبانية في سبعة ايام .
Post: #10 Title: Re: هل تسمح قطر بحضور مشجعات برازيليات زي ديل Author: MOHAMMED ELSHEIKH Date: 11-28-2021, 07:48 AM Parent: #9
Quote: زعلت ليها شديد - ويمكن إلى الآن زعلان ليها- لأنو الأرجنتين هزمتهم بهدف واحد سجلو "كلاويدو كانيجا" بتمريرة من الساحر "مارادونا"- حاول شوف المباراة كاس العالم سنة 1990
أيام هذه المباراة كان المعتقلين بكوبر يتابعون كاس العالم ولديهم برنامج تنبوءات بنتائج المباريات عليها جوائز مثل بكت برنجي عطر , كتاب وووو الخ
كل الناس كانت بتدي النتيجة للبرازيل وكان هناك شخص واحد الذي تنبأ بالنتيجة وحاز على باكيت البرنجي لشخصه فقط ومنذ ذلك الوقت لم تبارح هذه المباراة مخيليتي واسبب في نيلي الجائزة اني كنت مشجع ومازلت للارجنتين ومعجب بماردونا اعجابا يفوق التصور
Post: #11 Title: Re: هل تسمح قطر بحضور مشجعات برازيليات زي ديل Author: Osman Musa Date: 11-28-2021, 09:52 AM Parent: #10
استاذ محمد الشيخ سلام وكل كأس عالم وانت اكثر صحة . يا سلام على الفلتة مارادونا . الآن مرت سنة على رحيل النجم . الرجل كان فاكهة الملاعب. اكيد حتجي قطر تشاهد وتشجع . . خليك قريب
Post: #12 Title: Re: هل تسمح قطر بحضور مشجعات برازيليات زي ديل Author: الشيخ سيد أحمد Date: 11-28-2021, 10:19 AM Parent: #11
محمد الشيخ حياك الله باشمهندس.
Quote: أيام هذه المباراة كان المعتقلين بكوبر يتابعون كاس العالم ولديهم برنامج تنبوءات بنتائج المباريات عليها جوائز مثل بكت برنجي عطر , كتاب وووو الخ
Quote:
ومنذ ذلك الوقت لم تبارح هذه المباراة مخيليتي واسبب في نيلي الجائزة
لأول مرة أعرف أنك كنت معتقل سياسي يا باشمهندس. ده الفهمتو من المقتبسين ديل.
كدي بالله أكد لي فهمي ده - أو أنفيه.
كسرة: بعودة لمباراة البرازيل والأرجنتين- رايك شنو يا باشمهندس في القون و "المشجعة" هههههههه
Post: #13 Title: Re: هل تسمح قطر بحضور مشجعات برازيليات زي ديل Author: الشيخ سيد أحمد Date: 11-28-2021, 10:22 AM Parent: #12
Quote: نعم يا اخ علاء
علاء منو يا عثمان؟؟
Quote: واحد يا علاء كان خجلان يقو الحقيقة في داك الجمال .
والغريبة لسه مصر على إسم "علاء".ههههههههههه
تحياتي عثمان
Post: #14 Title: Re: هل تسمح قطر بحضور مشجعات برازيليات زي ديل Author: Osman Musa Date: 11-28-2021, 11:01 AM Parent: #13
اخي الكريم الشيخ ليك القومة يا اخ الشيخ . هي لكن انت تجيب صورة الدقيقة 16 والقون ودايرني اكتب صاح ؟ معليش . زهايمر مشجعين . تحاتي
Post: #15 Title: Re: هل تسمح قطر بحضور مشجعات برازيليات زي ديل Author: أحمد محمد عمر Date: 11-28-2021, 11:15 AM Parent: #14
أيام الجامعة طالعين من الداخلية بي بص الكلاكلة شرق، البص استعدل بي لفة الشجرة وهدن عشان يشيل ركاب فإذا بحورية مرسلة من الجنان توصل وصية وترجع فوق واقفة بعيد من الزحمة .. انا علقت وخشمي فاتح متيرين يدخل الفار كنت قايلني فقدت حاسة السمع لأنه بقى مافي صوت لكن لاحقاً انتبهت لإنه الناس كلها متبكمة أول من أفاق من الصدمة البنتين الراكبات في المقعد القدامي، بقن يضحكن ويقرقرن بي صوت عالي: يا هناية عليك الله شوفي الناس ديل مشروقين كيف صلحت رقبتي باتجاه البص خفت أكون أنا المقصود، اتلفت حواليني فإذا بالبص كله بس عساكر جيش في البيادة وقالوا ليهم يمين انظر شباب، شفع صغار، عجائز، نسوان، كلهم كلهم بالسواق بي ضحك البنتين طالب شرامي عجبته الشمشرة فقام قال الناس دي مالها كلها بتعاين بي اتجاه واحد كدة؟ عمك قدام ضحك وقال ليه في حادث شباب وراء ردوا ليه لاااااكن هو مااا حادث قااااااتل ياخ اتحرك البص، الناس القدام بقوا خجلانين، لكن نحن الوراء كاسرين رقبتنا لحدي ما اختفت من النظر صانين لحدي ما قربنا للسوق العربي سألت زميلي الراكب جمبي : هو الموقف دة فعلاً حصل ولا أنا بتخيل لي ساي البنات قبلن علي وبقن يضحكن تاني رد لي هو الموقف حصل لكن البت ما حصلت، نحن الشارع دة راكبينه تلاتة سنين ما حصل لاقانا زي الشفته دة، وبعدين دي واقفة بعيد ما شغالة بالمواصلات ولا معاها زول، أنا متأككككد إنها جنية ما يؤكد زعمه إنه البت ما جابوها في نشرة الأخبار ولم تشاهد مرة أخرى في أي ناحية
Post: #18 Title: Re: هل تسمح قطر بحضور مشجعات برازيليات زي ديل Author: Osman Musa Date: 11-28-2021, 04:16 PM Parent: #15
الأخ أحمد م عمر سلام الحمد لله انو البص هدن . انت عارف لو ما البص هدن . ولو انت من الزمن داك كنت مسجل في سودانيز كان بكرى أبوبكر سود ليك المنبر. عليك الله تاني خلي بالك. هسع شوف صاحبك الشيخ مخلي بالو كيف .
Post: #16 Title: Re: هل تسمح قطر بحضور مشجعات برازيليات زي ديل Author: Osman Musa Date: 11-28-2021, 01:26 PM Parent: #14
يا الشيخ تتذكر زولة الدقيقة 3 اسمها منو ؟
Post: #17 Title: Re: هل تسمح قطر بحضور مشجعات برازيليات زي ديل Author: الشيخ سيد أحمد Date: 11-28-2021, 02:15 PM Parent: #16
Quote: واقفة بعيد من الزحمة .. انا علقت وخشمي فاتح متيرين
هههههههههههه
مبالغة يا أحمد- للدرجة دي؟؟ يعني ممكن تكون أجمل من المشجهة الجبتها ليكم هنا في البوست. CC: حبيبنا "جمال ودالقوز". القوز - الرميلة- اللامباب- الديم "باشدار" كل هذه المناطق ممكن تكون طلعت منها زولتك يا أحمد.
Quote: يا الشيخ تتذكر زولة الدقيقة 3 اسمها منو ؟
ياها نفسها يا عثمان. الدقيقة 3 والدقيقة 16 - الفرق انها ىالمرة التانية من غير "طاقية- كاب". لكن إسمها منو دي صعبة شديد ههههههه. ممكن نسميها الزولة الخلت باشمهندس محمد الشيخ يبكي :)
Post: #19 Title: Re: هل تسمح قطر بحضور مشجعات برازيليات زي ديل Author: Osman Musa Date: 11-28-2021, 09:37 PM Parent: #17
الأخ الشيخ سلام ضروري رسل لي رقم الوتسب تبعك. عشان اوريك صورة البرازيلية البتلعب بالبيضة والحجر.
Post: #22 Title: Re: هل تسمح قطر بحضور مشجعات برازيليات زي ديل Author: Osman Musa Date: 11-30-2021, 08:00 PM Parent: #6
الأخ ترهاقا بعد التحية . الان المشجعات والمشجعين كل تفكيرهم اسعار الفنادق في الدولة والمناطق السعوديه والاماكن القريبة
Post: #23 Title: Re: هل تسمح قطر بحضور مشجعات برازيليات زي ديل Author: Osama Siddig Date: 12-01-2021, 08:42 AM Parent: #22
يا عثمان ما حا نعرف نجاوب علي سؤالك إلا نشوف "زي ديل" أول :) ..
Post: #24 Title: Re: هل تسمح قطر بحضور مشجعات برازيليات زي ديل Author: Osman Musa Date: 12-02-2021, 08:23 AM Parent: #23
اخونا الكريم استاذ اسامة سلام يازول انت وين ليك زمن ؟ الزي ديل جايات.
Post: #25 Title: Re: هل تسمح قطر بحضور مشجعات برازيليات زي ديل Author: Osama Siddig Date: 12-02-2021, 08:39 AM Parent: #24
الحبيب عثمان
موجود لكن موجوع من الحاصل في البلد الأيام الفاتت ، شباب زي الورد يروح ضحية طمع جلاكين السياسة و العسكر. مناظر الشباب الاستشهدوا تفطر القلب و الله. أهو الزول بيحاول يضحك غصبا عنو.
تحياتي يا حبيب.
Post: #26 Title: Re: هل تسمح قطر بحضور مشجعات برازيليات زي ديل Author: Osman Musa Date: 12-02-2021, 12:06 PM Parent: #25
الأخ استاذ اسامة كلنا بنحاول نضحك من شدة الاحباط الجوانا . الماتوا يوم 17 اكتر من البموتوا في الحروبات. لهم جميعا الرحمة