|
كتب الكاتب الفاتح جبرا المتوفرة بمعرض الدوحة
|
|
 Re: هل تسمح قطر بحضور مشجعات برازيليات زي ديل (Re: Osman Musa)
|
حياك الله حبيبنا "عثمان"
تعرف يا عثمان في كل كؤوس العالم الحضرتها
لازالت مشجعة واحده عالقة بالأذهان.
كانت برازيلية - تخيل شخصية واحده تكون متذكرها
من دون كل المشجعات.
كانت حاجة "بقاقة" زي مابقولو - سمحة سماحة الككو.
زعلت ليها شديد - ويمكن إلى الآن زعلان ليها- لأنو
الأرجنتين هزمتهم بهدف واحد سجلو "كلاويدو كانيجا" بتمريرة
من الساحر "مارادونا"- حاول شوف المباراة كاس العالم سنة 1990
ولاحظ بعد الهدف المخرج ح يجيب منو.
يبقى اذا مشجعاتك بنفس مستوى جمال تلك المشجعة الفاتنة - يبقى عندهم حق
يحضروا.
| |
 
|
|
|
|
|
|
|
|
Re: هل تسمح قطر بحضور مشجعات برازيليات زي ديل (Re: ترهاقا)
|
الموسيقار الكبير ترهاقا
سلام
تابعت بروفايلك. حزنت للبنت البتنضرب من الهمج وهي بتطالب بحقها في الحرية.
وتذكرت الحرية في استاد ريودي جانيرو والمدرجات المليانة بالفراشات.
زي ما بقول استاذنا بشاشا السودان في سباق حمير طويل.
..
الصور في الدرب.
| |
|
|
|
|
|
|
|
|
Re: هل تسمح قطر بحضور مشجعات برازيليات زي ديل (Re: خضر الطيب)
|
سلامات الأخ الفنان خضر
ليه ؟
الفيفا دي أصبح ريسها حميدتي ؟
الصورة المنقولة أصبحت هي البتحرك كل شي.
الصورة تقوم الحروبات وتحرك اقتصاد البلدان.
بعدين في قنوات ليها شنة ورنة. قنوات قوية ويمكنها ان تمسح
بالفيفا الواطة ويمكنها المساهمة في نجاح المونديال وافشالو.
صدقني الحبيبة قطر موعودة بمولد عجيب.
عان جاي حضر ليك جرادل وتعال نبيع كركدي في المدرجات.
الكركدي الأصلي علينا جاي .
بس حاول جيب كتاب تعلم اللغة البرتغالية والاسبانية في سبعة ايام .
| |
|
|
|
|
|
|
|
|
|
Re: هل تسمح قطر بحضور مشجعات برازيليات زي ديل (Re: Osman Musa)
|
Quote: زعلت ليها شديد - ويمكن إلى الآن زعلان ليها- لأنو
الأرجنتين هزمتهم بهدف واحد سجلو "كلاويدو كانيجا" بتمريرة
من الساحر "مارادونا"- حاول شوف المباراة كاس العالم سنة 1990 |
أيام هذه المباراة كان المعتقلين بكوبر يتابعون كاس العالم ولديهم برنامج تنبوءات بنتائج المباريات عليها جوائز مثل بكت برنجي
عطر , كتاب وووو الخ
كل الناس كانت بتدي النتيجة للبرازيل
وكان هناك شخص واحد الذي تنبأ بالنتيجة وحاز على باكيت البرنجي لشخصه فقط
ومنذ ذلك الوقت لم تبارح هذه المباراة مخيليتي واسبب في نيلي الجائزة اني كنت مشجع ومازلت للارجنتين ومعجب بماردونا اعجابا يفوق التصور
| |
|
|
|
|
|
|
|
|
|
Re: هل تسمح قطر بحضور مشجعات برازيليات زي ديل (Re: Osman Musa)
|
محمد الشيخ
حياك الله باشمهندس.
Quote: أيام هذه المباراة كان المعتقلين بكوبر يتابعون
كاس العالم ولديهم برنامج تنبوءات بنتائج المباريات عليها جوائز مثل بكت برنجي
عطر , كتاب وووو الخ
|
Quote:
ومنذ ذلك الوقت لم تبارح هذه المباراة مخيليتي واسبب في نيلي الجائزة |
لأول مرة أعرف أنك كنت معتقل سياسي يا باشمهندس.
ده الفهمتو من المقتبسين ديل.
كدي بالله أكد لي فهمي ده - أو أنفيه.
كسرة: بعودة لمباراة البرازيل والأرجنتين- رايك شنو يا باشمهندس في القون و "المشجعة" هههههههه
| |
|
|
|
|
|
|
|
|
|
Re: هل تسمح قطر بحضور مشجعات برازيليات زي ديل (Re: Osman Musa)
|
أيام الجامعة طالعين من الداخلية بي بص الكلاكلة شرق، البص استعدل بي لفة الشجرة وهدن عشان يشيل ركاب فإذا بحورية مرسلة من الجنان توصل وصية وترجع فوق
واقفة بعيد من الزحمة .. انا علقت وخشمي فاتح متيرين يدخل الفار
كنت قايلني فقدت حاسة السمع لأنه بقى مافي صوت لكن لاحقاً انتبهت لإنه الناس كلها متبكمة
أول من أفاق من الصدمة البنتين الراكبات في المقعد القدامي، بقن يضحكن ويقرقرن بي صوت عالي: يا هناية عليك الله شوفي الناس ديل مشروقين كيف
صلحت رقبتي باتجاه البص خفت أكون أنا المقصود، اتلفت حواليني فإذا بالبص كله بس عساكر جيش في البيادة وقالوا ليهم يمين انظر
شباب، شفع صغار، عجائز، نسوان، كلهم كلهم بالسواق
بي ضحك البنتين طالب شرامي عجبته الشمشرة فقام قال الناس دي مالها كلها بتعاين بي اتجاه واحد كدة؟
عمك قدام ضحك وقال ليه في حادث
شباب وراء ردوا ليه لاااااكن هو مااا حادث قااااااتل ياخ
اتحرك البص، الناس القدام بقوا خجلانين، لكن نحن الوراء كاسرين رقبتنا لحدي ما اختفت من النظر
صانين لحدي ما قربنا للسوق العربي سألت زميلي الراكب جمبي : هو الموقف دة فعلاً حصل ولا أنا بتخيل لي ساي
البنات قبلن علي وبقن يضحكن تاني
رد لي هو الموقف حصل لكن البت ما حصلت، نحن الشارع دة راكبينه تلاتة سنين ما حصل لاقانا زي الشفته دة، وبعدين دي واقفة بعيد ما شغالة بالمواصلات ولا معاها زول، أنا متأككككد إنها جنية
ما يؤكد زعمه إنه البت ما جابوها في نشرة الأخبار ولم تشاهد مرة أخرى في أي ناحية
| |
|
|
|
|
|
|
|
|
|
Re: هل تسمح قطر بحضور مشجعات برازيليات زي ديل (Re: Osman Musa)
|
| Quote: واقفة بعيد من الزحمة .. انا علقت وخشمي فاتح متيرين |
هههههههههههه
مبالغة يا أحمد- للدرجة دي؟؟
يعني ممكن تكون أجمل من المشجهة الجبتها ليكم هنا في البوست.
CC: حبيبنا "جمال ودالقوز".
القوز - الرميلة- اللامباب- الديم "باشدار" كل هذه المناطق ممكن تكون طلعت منها زولتك يا أحمد.
| Quote: يا الشيخ تتذكر زولة الدقيقة 3 اسمها منو ؟ |
ياها نفسها يا عثمان.
الدقيقة 3 والدقيقة 16 - الفرق انها ىالمرة التانية من غير "طاقية- كاب".
لكن إسمها منو دي صعبة شديد ههههههه.
ممكن نسميها الزولة الخلت باشمهندس محمد الشيخ يبكي :)
| |
|
|
|
|
|
|
| |
Osman Musa
الشيخ سيد أحمد
ترهاقا
خضر الطيب
MOHAMMED ELSHEIKH
Osama Siddig
فيس بوك
تويتر
انستقرام
يوتيوب
بنتيريست