Post: #2
Title: Re: قمّة الملل والقرف ...
Author: معاوية المدير
Date: 11-10-2021, 06:57 AM
Parent: #1
بصراحة موضوع السودان دا بقى ممل جداً، أي وآحد عمليهو لآيف لا يخلو من
السخف والكلام الممجوج، ؤ مليون مليونية يجتمع فيها كل من هب ودب لتنفض
بالدعوة لمليونية أخرى لا تسمن ولا تغني من جوع، ثم مجتمع دولي يدين ويشجب
وأمريكا باركة في محلها ؤ تهدد وجوغة من المأجورين يسبحون بحمدها، ؤ تنظير من
منظراطية يطلو علينا من تلفزيونات العالم من غرفهم في الفنادق أو شققهم الفارهة
يضرطون ثم يفسون والحال في حالو🤔.
معاوية المدير...
|
Post: #3
Title: Re: قمّة الملل والقرف ...
Author: معاوية المدير
Date: 11-10-2021, 06:58 AM
Parent: #2
يلآ نشوفكم، ماشي الشغل ...
|
Post: #4
Title: Re: قمّة الملل والقرف ...
Author: معاوية المدير
Date: 11-10-2021, 01:37 PM
Parent: #3
بكل أسف الذين رضو شراكة العسكر بحجة حقن دماء
الشباب هم نفسهم اليوم يدفعونهم للخروج ضد
العسكر، كأنما عسكر اليوم لا يقتلون !!!...
|
Post: #5
Title: Re: قمّة الملل والقرف ...
Author: HAIDER ALZAIN
Date: 11-10-2021, 01:46 PM
Parent: #4
بقى جنك شغل التقول القنديل الله يرحمه..!تعرف الزول دا ..
قالوا لواء وقيادي في الحركة الشعبية ..!
ثم مشتاقين ياخ .. يا اظهر علينا يا تعال سوق جقود دا من كهوف اليمن كان يضربه هواء كندا وراسه يستعدل
|
Post: #6
Title: Re: قمّة الملل والقرف ...
Author: معاوية المدير
Date: 11-10-2021, 03:03 PM
Parent: #5
Quote: ثم مشتاقين ياخ .. يا اظهر علينا يا تعال سوق جقود
دا من كهوف اليمن كان يضربه هواء كندا وراسه يستعدل |
سلامات يا الزين ود الزين .
يأخ الشوق بحور . أول حاجة أخرتو منو القمل حتي بعد دآك
ننظر في أمرو . إستعصت علينا الكتابة يا حيدر يبدو إنو
دخلنا المابيداوا .
الصورة ما ظاهرة !!!...
|
Post: #7
Title: Re: قمّة الملل والقرف ...
Author: هدى ميرغنى
Date: 11-10-2021, 05:09 PM
Parent: #6
سلام للجميع-
تحياتى أخ معاوية المدير
ضد الإحباط الما بيداوى …
برجع ليك بكلام كثييير أشرح وجهة نظرى
|
Post: #8
Title: Re: قمّة الملل والقرف ...
Author: ABUHUSSEIN
Date: 11-10-2021, 10:32 PM
Parent: #7
شوف يا اصلع
انا عن نفسي متفائل جدا
السبب
بعاين للشباب و النساء اللي في الشارع
ناس حلوين و فاهمين و بحبو البلد بي صورة ما عادية
ناس واعين و عارفين عدوهم كويس و عارفين كيف يتعاملو معاه
مبدعين في اساليب نضالهم
تقعد تباري لي اللايفات و الخبراء الاستراتيجيين بجيك ضغط و سكري إحباط و مرض حامد و كوليرا و كوفيد ٢١ كمان ....
شوف التفائل في عيون الاطفال اللي طلعو في المظاهرات
شوف اجتهاد الشباب و هم بترسو
شوف شجاعة بناتنا السمحات و هن بواجهن عساكر السجم بي اسلحتهم
ياخ ناس السودان ديل سمحين شديد مشكلتك عيونك المعمشات ديل ...
|
Post: #9
Title: Re: قمّة الملل والقرف ...
Author: هدى ميرغنى
Date: 11-11-2021, 04:02 AM
Parent: #8
سلام للجميع-
جيت أكتب لأنى خايفة إنه أى زول سودانى خارج العسكر والكيزان ولوردات الحرب وأشباههم ما يصاب بيأس.
لقيت الأخ ABUHUSSEIN كتب نفس الفكرة بتاعتى (بطريقة أكثر خوة).
أها يا أخ ود المدير الراجينا كثير وأتمنى المستقبل يكون أفضل للأجيال الجاية|
|
Post: #10
Title: Re: قمّة الملل والقرف ...
Author: Hamid Elsawi
Date: 11-11-2021, 06:06 AM
Parent: #9
معاوية يا خوي .... الديمقراطية طريقها طويل
محفوف بي مخاطر... العدو ما ح يستسلم بي سهولة
زي الغول عندو ستين ألف روح ... أي روح يأس و احباط
بحاول يفكها فينا و في الثوار عشان يقلل همتهم ...
و بيتسلل من الحيطة القصيرة .... الناس ال نفسهم قصير
هم من يركز عليهم العدو عشان يبث اليأس ....
محمد المكي ابراهيم قال
سندق الصخر
حتى يخرج الصخر لنا زرعاً وخضرا
ونرود والمجد
حتى يحفظ الدهر لنا إسماً وذكرى...
اها ... البدقو الصخر ديل ما بعرفوا اليأس
ابو حسين قال ليك عيونك معمشات ...اها خم و صر
|
Post: #11
Title: Re: قمّة الملل والقرف ...
Author: Hamid Elsawi
Date: 11-11-2021, 06:16 AM
Parent: #10
بعدين يا أبو حسين مرض حامد الدخلو مع السكري و الضعط و
الكوليرا و كوفيد شنو ... (شتارتك عينه) .
مرض حامد ده تشبيه لي حالة او ظاهرة اجتماعية ارتبطت
بي شخص اسمو (حامد) تطير عيشتو.
و دي أمراض عضويه.
هسه العيونو معمشات منو فيكم
يا بركة شيخ حامد اب عصا.... مرض حامد يلم فيكم انتو الاتنين
عاملين عيونكم المعمشات دي
|
Post: #12
Title: Re: قمّة الملل والقرف ...
Author: بدر الدين الأمير
Date: 11-11-2021, 06:39 AM
Parent: #11
ياود المدير
زى ماقال مصطفى سيد احمد
ان ا صبر اصبر حتى امتلانا صبرا
وماحن زمان التساقط فياخى حاشاك
الإحباط
|
Post: #13
Title: Re: قمّة الملل والقرف ...
Author: Yasir Elsharif
Date: 11-11-2021, 11:24 AM
Parent: #12
حبيبنا ود المدير
مرحبتين حبابك يا زول
عندي ليك مقال جميل عساه يخرجك من حالة الملل والقرف. شوف بالله جلبير الأشقر دا، مع أنو ما سوداني، لكن المسألة واقعة ليهو بصورة عجيبة.
بعد الانقلاب الأرعن: السودان إلى أين؟ بقلم جلبير الأشقربعد الانقلاب الأرعن: السودان إلى أين؟ بقلم جلبير الأشقر
|
Post: #14
Title: Re: قمّة الملل والقرف ...
Author: محمد حيدر المشرف
Date: 11-11-2021, 12:32 PM
Parent: #1
ده صراع النفس الطويل والملاحم الثورية المستمرة يا صديقي.
وفي هذا المقام غنى ثنائي العاصمة "نحنا في بداية طريقنا, ليه تقول لي مستحيل"
دي يادوبها مناظر الثورة, ويادوب داخلين على الثورة.. ننجزها أولا قبل ان تبدأ الثورة العميقة ..
الثورة العميقة دي انت والعجايز القدرك لن تدركوا خواتيمها
الوليدات الصغار زينا انا وجلال وحيدر الزين احتمال ندرك واحتمال لا :)
|
Post: #15
Title: Re: قمّة الملل والقرف ...
Author: جلالدونا
Date: 11-11-2021, 01:04 PM
Parent: #14
الزول ده يظهر سقط براري كندا جمّد احاسيسو
أمّا المشاعر راحت مع الشعر
و كلامو بقا طربقة ساكت و ان مرقت جملة واحدة فهمتها
ياها بتاعت اللوايفة بس
|
Post: #16
Title: Re: قمّة الملل والقرف ...
Author: معاوية المدير
Date: 11-11-2021, 03:09 PM
Parent: #15
Quote: سلام للجميع-
تحياتى أخ معاوية المدير
ضد الإحباط الما بيداوى …
برجع ليك بكلام كثييير أشرح وجهة نظرى |
سلآمات يا هدى.
يا ألف مرحبا بيك في دار بكري العامرة ...
|
Post: #17
Title: Re: قمّة الملل والقرف ...
Author: معاوية المدير
Date: 11-11-2021, 04:26 PM
Parent: #16
Quote: شوف يا اصلع
انا عن نفسي متفائل جدا
السبب
بعاين للشباب و النساء اللي في الشارع
ناس حلوين و فاهمين و بحبو البلد بي صورة ما عادية
ناس واعين و عارفين عدوهم كويس و عارفين كيف يتعاملو معاه
مبدعين في اساليب نضالهم
تقعد تباري لي اللايفات و الخبراء الاستراتيجيين بجيك ضغط و سكري إحباط و مرض حامد و كوليرا و كوفيد ٢١ كمان ....
شوف التفائل في عيون الاطفال اللي طلعو في المظاهرات
شوف اجتهاد الشباب و هم بترسو
شوف شجاعة بناتنا السمحات و هن بواجهن عساكر السجم بي اسلحتهم
ياخ ناس السودان ديل سمحين شديد مشكلتك عيونك المعمشات ديل ... |
يا سلام عليك يأخ، والله تستأهل برنجية و أدخل الله النار من لا
يوافقك علي كلامك السمح دا .
أصلها كِدا يا عزيزي يزرعوها السمحين ؤ يحصدوها الشينين !!!...
|
Post: #18
Title: Re: قمّة الملل والقرف ...
Author: معاوية المدير
Date: 11-12-2021, 04:01 AM
Parent: #17
| Quote: أها يا أخ ود المدير الراجينا كثير وأتمنى المستقبل يكون أفضل للأجيال الجاية| |
نأمل ذلك، ونرجوه من الله سبحانه وتعالى .
أبقى وأصلي يا هدى ؤ شوية شوية بتأخدي علي المنبر وأهلو ...
|
Post: #19
Title: Re: قمّة الملل والقرف ...
Author: معاوية المدير
Date: 11-12-2021, 04:07 AM
Parent: #18
Quote:
معاوية يا خوي .... الديمقراطية طريقها طويل
محفوف بي مخاطر... العدو ما ح يستسلم بي سهولة
زي الغول عندو ستين ألف روح ... أي روح يأس و احباط
بحاول يفكها فينا و في الثوار عشان يقلل همتهم ...
و بيتسلل من الحيطة القصيرة .... الناس ال نفسهم قصير
هم من يركز عليهم العدو عشان يبث اليأس ....
محمد المكي ابراهيم قال
سندق الصخر
حتى يخرج الصخر لنا زرعاً وخضرا
ونرود والمجد
حتى يحفظ الدهر لنا إسماً وذكرى...
اها ... البدقو الصخر ديل ما بعرفوا اليأس
ابو حسين قال ليك عيونك معمشات ...اها خم و صر |
حامد يا حبيب لو بقت علي الديمقراطية هيّنة، سأوضح في بوست
آخر إن شاء الله، أبو حسين الفارة طلع بي العالي، ثم وقد هان من
بالت عليه الثعالب ...
|
Post: #20
Title: Re: قمّة الملل والقرف ...
Author: أبوبكر عباس
Date: 11-12-2021, 06:05 AM
Parent: #19
ما عارف الناس بكونوا كتبوا ليك شنو،
لكن وحات الله، عندي ليك حاجة تمرقك من الملل وتندم على كل حياتك السابقة؛
تشرب السجارة الأمريكية والحمد لله من قبل ومن بعد بقت قانونية،
يا أخي، ورب المجرات، بهجة بهجة زي تكون بتتونس مع ساندرا بلوك أيام شبابها وقاعدين في مسطبة في الشارع وهي لابسة رداء وفردة سفنجتها مقلوبة في الواطة،
تقوم انت من البهجة تمشي تشتري من بتاع العربية المدفورة اتنين داندرمة الطويلة واحدة بنفسجية وواحدة حمرا
لما تصل ساندرا تقول ليها؛ دايرة ياتو لون
تقول ليك أي واحدة
وانت السجارة تكون ربطتت معاك تقول ليها
لازم تختاري
تقول ليك أي واحدة من الاتنين وتردد أي واحدة من الاتنين الاتنين
تقوم انت كعبقري تمشي تجيب واحدة تالتة صفرا
وتجيها تقول ليها أها بقن تلاتة لازم تختاري
تقول ليك سمح أديني الخضرا
تقول ليها ودي أطلعها ليك من راسي كيف؟
تقوم هي تضحك لحدي ما عيونها الصغار ديك يختفن نهائي
تقوم انت تصحى من النوم تلقى روحك بكندا والتلج بتاع النفسيات داك محاوط الدنيا
تسب دين لعبد العال ساتي وناس الري وناس الموية
|
Post: #21
Title: Re: قمّة الملل والقرف ...
Author: صديق مهدى على
Date: 11-12-2021, 07:54 AM
Parent: #20
يا برهان
دا شعب عال
ما بنطلع
مهو صيدا سهل
ضبع
دا سبع
دا مرا ما بتبلع
احسن يا برهان تنقرع
دا تربية جدود ما عدوها
اكل ضلع
دا تربية اصل وفرع
احسن يا برهان تنقرع
دا صاحب ثروة وسلاح
وضرع وزرع
دا تربى على الكتاب والسنة
والشرع
ما بنتبه لكلام ود المدير
الزى دخان النطع
جدو صلاة الوتر والشفع
ما عندو علاقة بالفجر
كان طلع
خلوهو كدى فى كندا
يمرح ويرتع
|
Post: #22
Title: Re: قمّة الملل والقرف ...
Author: معاوية المدير
Date: 11-12-2021, 02:57 PM
Parent: #21
Quote: ياود المدير
زى ماقال مصطفى سيد احمد
ان ا صبر اصبر حتى امتلانا صبرا
وماحن زمان التساقط فياخى حاشاك
الإحباط |
يا ود اللمير الصبر مقدور عليهو، العوجة الناس تصبر ثم
تثور وتضرب العسكر ؤ يجو يمسكوها ناس جُضام يفرطو
فيها، ؤ تفضل الساقية مدوِرة ...
|
Post: #23
Title: Re: قمّة الملل والقرف ...
Author: بسمات الشيخ
Date: 11-12-2021, 03:21 PM
Parent: #22
يا ود حلتنا
نحن بنشوف في نهاية هذا النفق المظلم نور يشع من بعيد ...
وفي النهاية لا يصح الا الصحيح...
البرهان واعوانه وحميدتي ومليشياته الجنجويدية مصيرهم في النهاية مزبلة التاريخ..
....وللصبر حدود ...بس انت اصبر شوية وحتشوف الاجمل ....
شعب السودان لا يمكن ان ينكسر ابدا ...
|
Post: #24
Title: Re: قمّة الملل والقرف ...
Author: معاوية المدير
Date: 11-13-2021, 04:06 PM
Parent: #23
Quote:
حبيبنا ود المدير
مرحبتين حبابك يا زول
عندي ليك مقال جميل عساه يخرجك من حالة الملل والقرف. شوف بالله جلبير الأشقر
دا، مع أنو ما سوداني، لكن المسألة واقعة ليهو بصورة عجيبة. |
أُستاذ ياسر عساك بخير ؟.
| Quote: إغراق البلاد في فيضان من الدماء يضع مصيرها الوجودي على كفّ عفريت. |
نسأل الله السلامة، لكن يبدو أنّ هذا ما سيحدث، وسيظهر العفريت
يومها في ثوب المنقذ ...
|
Post: #25
Title: Re: قمّة الملل والقرف ...
Author: معاوية المدير
Date: 11-14-2021, 03:35 PM
Parent: #24
Quote: ده صراع النفس الطويل والملاحم الثورية المستمرة يا صديقي.
وفي هذا المقام غنى ثنائي العاصمة "نحنا في بداية طريقنا, ليه تقول لي مستحيل"
دي يادوبها مناظر الثورة, ويادوب داخلين على الثورة.. ننجزها أولا قبل ان تبدأ الثورة العميقة ..
الثورة العميقة دي انت والعجايز القدرك لن تدركوا خواتيمها
الوليدات الصغار زينا انا وجلال وحيدر الزين احتمال ندرك واحتمال لا :) |
حلآلآلآلآلآلآلآلآطكم يا الوِليدات، الوآحد ما قادر يتخيّل حيضر ؤ جلالدونا بالدايبر،
أصلو، عموماً نقول معاكم ؤ مع ثنائي العاصمة معايا معايا بالدرب الطويل ...
|
Post: #26
Title: Re: قمّة الملل والقرف ...
Author: معاوية المدير
Date: 11-14-2021, 03:37 PM
Parent: #25
Quote: الزول ده يظهر سقط براري كندا جمّد احاسيسو
أمّا المشاعر راحت مع الشعر
و كلامو بقا طربقة ساكت و ان مرقت جملة واحدة فهمتها
ياها بتاعت اللوايفة بس |
أبقى راجل أطلع برا الحوش ...
|
Post: #27
Title: Re: قمّة الملل والقرف ...
Author: Ahmed Yassin
Date: 11-14-2021, 03:52 PM
Parent: #26
اهلين ودالمدير
هل سياتي يوم نطلع فيهو من الاحباط والمرض والقرف
البقى علينا دا؟
المهم الاحداث ابدت للشعب ما كان خافيا
|
Post: #28
Title: Re: قمّة الملل والقرف ...
Author: اْسامة اْباّرو
Date: 11-14-2021, 04:01 PM
Parent: #26
| Quote: بقى راجل أطلع برا الحوش |
معاوية آآخوى
الفوف بيتاقا ، بس كعب النزيل..
ناس جلال ديل إن وصلت 20f بأجزولون 🤣
فى الأيام العصيبة دى زيفة الشارع اخف وطأة
من تضربك سخافات توم موز ، ولزوجة فكى جبرين..
ابقى دافى..
|
Post: #29
Title: Re: قمّة الملل والقرف ...
Author: معاوية المدير
Date: 11-14-2021, 05:31 PM
Parent: #28
Quote: ما عارف الناس بكونوا كتبوا ليك شنو،
لكن وحات الله، عندي ليك حاجة تمرقك من الملل وتندم على كل حياتك السابقة؛
تشرب السجارة الأمريكية والحمد لله من قبل ومن بعد بقت قانونية،
يا أخي، ورب المجرات، بهجة بهجة زي تكون بتتونس مع ساندرا بلوك أيام شبابها وقاعدين في مسطبة في الشارع وهي لابسة رداء وفردة سفنجتها مقلوبة في الواطة،
تقوم انت من البهجة تمشي تشتري من بتاع العربية المدفورة اتنين داندرمة الطويلة واحدة بنفسجية وواحدة حمرا
لما تصل ساندرا تقول ليها؛ دايرة ياتو لون
تقول ليك أي واحدة
وانت السجارة تكون ربطتت معاك تقول ليها
لازم تختاري
تقول ليك أي واحدة من الاتنين وتردد أي واحدة من الاتنين الاتنين
تقوم انت كعبقري تمشي تجيب واحدة تالتة صفرا
وتجيها تقول ليها أها بقن تلاتة لازم تختاري
تقول ليك سمح أديني الخضرا
تقول ليها ودي أطلعها ليك من راسي كيف؟
تقوم هي تضحك لحدي ما عيونها الصغار ديك يختفن نهائي
تقوم انت تصحى من النوم تلقى روحك بكندا والتلج بتاع النفسيات داك محاوط الدنيا
تسب دين لعبد العال ساتي وناس الري وناس الموية |
هههههههههههههه،
يا بكور مشتاقين يأخ .
بالله دكاكين اللخدر بِقن أكتر من دكاكين السڤن إلڤن، قبل كم يوم شغال، أها زي الساعة وآحدة صباحاً
جُوعت لقيت لي محل يبدو عليهو إنو بتاع خضارات قلت بسسس دا أحسن حاجة الوآحد يغير من اللحوم
والجداد، دخلت لقيت ليك المحل نضيف يلمع ؤ فيهو حاجات زي حاجات حِصص الكيميا الزمان ناس
الدورق المخروطي وأصحابو، نسيت أساميهم يأخ. قلت للراجل دأير سندوتش، قال لي ما عندنا حاجة
تتاكل غير دي، ؤ وراني حاجة زي خرا البقر، قمت سعلتو المحل دا بتاع شنو ؟، قال لي بتاع مرجوانا !!!،
أنا أخوك، قتلو علي الحرآم أنا اللون اللخدر دا في الجرجير مكجِنو لكن مع ساندرا بتاعت الباظ دي
علي الطلآق كُليقة كاملة أبخبِخا ...
|
Post: #30
Title: Re: قمّة الملل والقرف ...
Author: معاوية المدير
Date: 11-14-2021, 05:36 PM
Parent: #29
Quote: يا برهان
دا شعب عال
ما بنطلع
مهو صيدا سهل
ضبع
دا سبع
دا مرا ما بتبلع
احسن يا برهان تنقرع
دا تربية جدود ما عدوها
اكل ضلع
دا تربية اصل وفرع
احسن يا برهان تنقرع
دا صاحب ثروة وسلاح
وضرع وزرع
دا تربى على الكتاب والسنة
والشرع
ما بنتبه لكلام ود المدير
الزى دخان النطع
جدو صلاة الوتر والشفع
ما عندو علاقة بالفجر
كان طلع
خلوهو كدى فى كندا
يمرح ويرتع |
يا صديق يأخ سيبنا من شِعرك الضارب دا،
زي شِعر التُنّة مرت بليل بلة البلآل شليل ...
|
Post: #31
Title: Re: قمّة الملل والقرف ...
Author: اخلاص عبدالرحمن المشرف
Date: 11-14-2021, 06:53 PM
Parent: #30
مسكت البوست من تحت لفوق
اقرأ واقول ده بكون فلان ، ده ياهو
المهم ح افكر اقرأ زي الانجليزي
وارجع اكلمك يا ود المدير
قال زهج !!!!انت شفت حاجة
|
Post: #32
Title: Re: قمّة الملل والقرف ...
Author: أبوبكر عباس
Date: 11-14-2021, 07:26 PM
Parent: #31
انت يا ود المدير، مشوطن زينا
عليك الله، جربها
والله، ما بتندم
أقفل الواتساب نهائي
أو أطلع من كل المجموعات
الفيسبوك شوف بس صفحة دينا خالد وتيسير عووضة
ما ترد على رقم ما بتعرفو
كل يوم صلي العشاء بدري
وأضرب السجارة
|
Post: #33
Title: Re: قمّة الملل والقرف ...
Author: Arif Nashed
Date: 11-14-2021, 09:08 PM
Parent: #32
ود المدير انزيك
أين تم عقد القمة 😂😂
|
Post: #34
Title: Re: قمّة الملل والقرف ...
Author: معاوية المدير
Date: 11-15-2021, 01:50 PM
Parent: #33
Quote: يا ود حلتنا
نحن بنشوف في نهاية هذا النفق المظلم نور يشع من بعيد ...
وفي النهاية لا يصح الا الصحيح...
القاتل البرهان واعوانه والقاتل حميدتي ومليشياته الجنجويدية مصيرهم في النهاية مزبلة التاريخ..
....وللصبر حدود ...بس انت اصبر شوية وحتشوف الاجمل ....
شعب السودان لا يمكن ان ينكسر ابدا ... |
بنتنا بسمات كيفِنّك ؟.
تااااني النفق والنور !!!، الناس ديّل من اللول قنالكم لا تتصالحوا معاهم
قلتو بيكتلونا وحينها كتلونا والآن بيكتلو فينا، والمرّة دي كتل فوق رأي
الناس ديّل ماليين إيدُن ؤ متروك لهم الحبل علي الغارب، والله يستر .
بكل أسف يا بسمات مستقبل أجمل مافِ، كلامي دا مؤسف لكنه حقيقة ...
|
Post: #35
Title: Re: قمّة الملل والقرف ...
Author: معاوية المدير
Date: 11-15-2021, 02:12 PM
Parent: #34
Quote: اهلين ودالمدير
هل سياتي يوم نطلع فيهو من الاحباط والمرض والقرف
البقى علينا دا؟
المهم الاحداث ابدت للشعب ما كان خافيا |
هلآ بكرواننا المسيقار أبو حميد .
أبشرك الوضع ماشي لأسوأ، ولم يكن هنالك شي خافي حتي تبديه
الأيام الأمر كان وآضح كالشمس في كبد السماء، لكن التنازلآت
وإشراك العسكر في الحكم وتفريخ قادة دلآقين هو السبب في
كل الحصل ...
|
Post: #36
Title: Re: قمّة الملل والقرف ...
Author: معاوية المدير
Date: 11-16-2021, 02:05 PM
Parent: #35
Quote: معاوية آآخوى
الفوف بيتاقا ، بس كعب النزيل..
ناس جلال ديل إن وصلت 20f بأجزولون 🤣
فى الأيام العصيبة دى زيفة الشارع اخف وطأة
من تضربك سخافات توم موز ، ولزوجة فكى جبرين..
ابقى دافى.. |
سلامات يا أبارو، والله مشتاقين .
بالنسبة لي أنا ضيف ليها تقالة دم فِلآن ووعوده الكاذبة
ؤ ضلو الميّت ...
|
Post: #37
Title: Re: قمّة الملل والقرف ...
Author: معاوية المدير
Date: 11-16-2021, 02:17 PM
Parent: #36
Quote:
مسكت البوست من تحت لفوق
اقرأ واقول ده بكون فلان ، ده ياهو
المهم ح افكر اقرأ زي الانجليزي
وارجع اكلمك يا ود المدير
قال زهج !!!!انت شفت حاجة |
سلامات يا دكتورة إخلاس .
زمان عندنا مجموعة من أهلنا الفات فيهُن الفوآت جو أتبرا يأشرو للحج،
في الزمن دآك ممكن الزول يأشر من أتبرا للحج، عندنا قريبنا ساخر جداً،
قال ديل ماشين وين ؟، قالولو الحج، قال والله الحج السنة دي محمول
بالحيل، دحين يا إخلاس السودان دا محمول بالحيل، غايتو جِنِس هكر !!!.
ضحكني مصطلح فِلآن، تاني حا إستعملو لتخفيف حِدة كوفيد 27 ...
|
Post: #38
Title: Re: قمّة الملل والقرف ...
Author: معاوية المدير
Date: 11-16-2021, 02:28 PM
Parent: #37
Quote: ود المدير انزيك
أين تم عقد القمة 😂😂 |
هلا ؤ شوقنا بحور ما ليها قيف .
في البلد المحمول بالحيل السودان ...
|
Post: #39
Title: Re: قمّة الملل والقرف ...
Author: معاوية المدير
Date: 11-16-2021, 03:01 PM
Parent: #38
Quote:
انت يا ود المدير، مشوطن زينا
عليك الله، جربها
والله، ما بتندم
أقفل الواتساب نهائي
أو أطلع من كل المجموعات
الفيسبوك شوف بس صفحة دينا خالد وتيسير عووضة
ما ترد على رقم ما بتعرفو
كل يوم صلي العشاء بدري
وأضرب السجارة |
عشان أبقى زي دا
|
Post: #40
Title: Re: قمّة الملل والقرف ...
Author: HAIDER ALZAIN
Date: 11-17-2021, 08:38 AM
Parent: #39
Quote: لكن مع ساندرا بتاعت الباظ دي
علي الطلآق كُليقة كاملة أبخبِخا ... |
علي الطلاق وقت انت آخر فرمتتة ليك من زمن ساندرا باص البلوبيرد صبرصة ما تشفطها .. :) :)
يارجل .. لا حولااااا ..افلام الجمهورية زمن حيدر حنين بيواسي الصفوف ..
المهم اوعععععك منها المستنير داير يضيعك .
بنصحك بالعرس .. تجديد وحيوية وصبغة ونشاط وبرنامج ومباهاة للأمم :)
الصورة للواء خلاء اسمه عادل الشيخ
جاء في الجزيرة باعتباره قيادي في كوم من كيمان الحركة الشعبية ..
برجع ارفعها تاني
|
Post: #41
Title: Re: قمّة الملل والقرف ...
Author: معاوية المدير
Date: 11-20-2021, 01:43 PM
Parent: #40
Quote: علي الطلاق وقت انت آخر فرمتتة ليك من زمن ساندرا باص البلوبيرد صبرصة ما تشفطها .. :) :)
يارجل .. لا حولااااا ..افلام الجمهورية زمن حيدر حنين بيواسي الصفوف ..
المهم اوعععععك منها المستنير داير يضيعك .
بنصحك بالعرس .. تجديد وحيوية وصبغة ونشاط وبرنامج ومباهاة للأمم :)
الصورة للواء خلاء اسمه عادل الشيخ
جاء في الجزيرة باعتباره قيادي في كوم من كيمان الحركة الشعبية ..
برجع ارفعها تاني |
عازمك الشهر الجاي عقدي ووعك تجيني إيد ورا ؤ إيد
قدآم، تعال بعدلك ؤ جيب معاك صندوك أبو تمرة ...
|
|