|
|
 Re: جعفر حسين يفحم عساكر السيادي ويلقم الفلول (Re: محمد البشرى الخضر)
|
عارف يا منتصر
عندي زميلي في الشغل كان بسوق بوكس أبوهو في خلا الشمالية من عمره ستة سنوات. تلقاهو قاعد في طرف المقعد ويتشابى للفرامل
الزول دة من شدة ما سواق عادي ممكن يكون بذاكر لي امتحان من كتاب وهو سايق في زحمة الطريق الدائري .. والله صحي
لمن يجي يركن العربية الناس دي كلها بتتفرج فيه، لا بهدن لا بعاين لا بقيس مسافات، بس زي شغل الأفلام داك بنفس السرعة توووش يجيبها ليك في الننننص.
أها الشقي مع حرفنته دي - ولا يمكن بسبب الحرفنة دي ذاتها - كل اسبوعين تلاتة بعمل حادث
أنا طبعاً اتعلمت السواقة كبير والزمن داك كنت "أربعة" زي ما قال الكتاب :)
اليوم داك عربيته في التشليح كايسين ليها اسبيرات، طالعة من حادث كالعادة. وانا موصله بي عربيتي. فجأة ومن دون مقدمات قال لي هنا
ما عارفه كان متوقعني أعمل شنو لكن حكيت فرامل وطلعت من الظلط بقوة، قام كورك فيني
ياخي انت أربعة ما عندك أي علاقة بالسواقة، العربية دي بتكسرها والله، عليك الله اتعلم قبل تعمل ليك مصيبة
وقفت ليك العربية وربعت ليك يدي في الدركسون وقبلت عليه بي حركة سينمائية :) وقلت ليه:
عارف يا أبو الشباب؟ الفي التشليح دي عربيتك ما عربيتي، الساكنة في الصناعية عربيتك أنا عربيتي ما بتشوف الصناعية إلا لغيار الزيت، الملفه خالي من الحوادث أنا، وانت الكل يومين عامل حادث
قعد يضحك قال لي إن السواقة باللسان والفصاحة بتفوز بالفورمولا انت، غايتو حنك السجل الخالي وبتاع دة لو قلتو لي بالتلفون وانا ما شايف سواقتك عادي بتغش بيه 
كل ما أشوف جعفر حسن بتذكر الموقف دة. علي الحلال لو أداء الحكومة كان بمستوى فصاحة جعفر كان تلقى الألمان واقفين في صفوف اللوتري للسودان
|
|
 
|
|
|
|
|
| العنوان |
الكاتب |
Date |
| جعفر حسن يفحم عساكر السيادي ويلقم الفلول | طلحة عبدالله | 10-10-21, 12:57 PM |
| Re: جعفر حسين يفحم عساكر السيادي ويلقم الفلول | منتصر عبد الباسط | 10-10-21, 01:37 PM |
| Re: جعفر حسين يفحم عساكر السيادي ويلقم الفلول | محمد البشرى الخضر | 10-10-21, 02:58 PM |
| Re: جعفر حسين يفحم عساكر السيادي ويلقم الفلول | أحمد محمد عمر | 10-10-21, 03:58 PM |
| Re: جعفر حسين يفحم عساكر السيادي ويلقم الفلول | طلحة عبدالله | 10-10-21, 04:20 PM |
| Re: جعفر حسين يفحم عساكر السيادي ويلقم الفلول | طلحة عبدالله | 10-11-21, 05:30 AM |
| Re: جعفر حسين يفحم عساكر السيادي ويلقم الفلول | طلحة عبدالله | 10-12-21, 05:38 AM |
| Re: جعفر حسين يفحم عساكر السيادي ويلقم الفلول | usama Babiker | 10-12-21, 06:49 PM |
| Re: جعفر حسين يفحم عساكر السيادي ويلقم الفلول | Nasir Ahmed Elmustafa | 10-12-21, 08:01 PM |
| Re: جعفر حسين يفحم عساكر السيادي ويلقم الفلول | طلحة عبدالله | 10-13-21, 06:00 AM |
| Re: جعفر حسين يفحم عساكر السيادي ويلقم الفلول | عمر التاج | 10-13-21, 07:20 AM |
| Re: جعفر حسين يفحم عساكر السيادي ويلقم الفلول | طلحة عبدالله | 10-13-21, 08:36 AM |
| Re: جعفر حسين يفحم عساكر السيادي ويلقم الفلول | طلحة عبدالله | 10-13-21, 08:42 AM |
|
| |
فيس بوك
تويتر
انستقرام
يوتيوب
بنتيريست