Post: #1
Title: مشروع مبادرة (science monitor) للصحافة العلمية
Author: Asim Ali
Date: 10-02-2021, 08:36 PM
07:36 PM October, 02 2021 سودانيز اون لاين
Asim Ali-
مكتبتى
رابط مختصر
مشروع مبادره (science monitor) للصحافه العلميه محاوله لنشر تجربه الصحافه العلميه فى السودان باعتبارها صنف من صنوف الصحافه الجاده المسئوله القائمه على موثوقيه ماتقدم حتى الاختلافات فى وجهات النظر حول قضيه بعينها تكون قائمه على اسس علميه لامكان للاهواء والانطباعات فيها.
المشروع فى طور التحضير واستقطاب الكوادر- الراغبين فى التطوع والمؤمنين بالمشروع - فى اطلاق المنصه وبشكل خاص الشباب وسنحكى ماحدثو يحدث فى مواجهة التجربه
الصحافه العلميه الصحافه العلميه
.
نواصل
|
Post: #2
Title: Re: مشروع مبادرة (science monitor) للصحافة العلمية
Author: Asim Ali
Date: 10-02-2021, 10:31 PM
Parent: #1
رساله المنصه تكتمل عبر تصور يمر بمراحل ثلاثه.يسبقها جميعا مرحله تكوين فريق عمل من المتطوعين وتدريبهم تدريب اولى عبر برنامج تدريب ذاتى يمكن المتقدم من التعرف الى امكانياته ونقاط الضعف القوه لديه حتى يعمل سد الثغرات وتعزيز نقاط القوة والبرنامج الاولى على ثلاثه مراحل ايضا يتم بعدها تكوين فريق العمل حسب تقييم الامكانات والخبرات للمتقدمين من كتاب ومحررين وتقنيين مهمتهم اعداد المواد المسموعه والمرئيه واعمال الغرافيك ضافه الى مسئول علاقات عامه
|
Post: #3
Title: Re: مشروع مبادرة (science monitor) للصحافة العلمية
Author: Asim Ali
Date: 10-03-2021, 01:02 AM
Parent: #2
خلال المرحله الحاليه (المرحله صفر) ربما كانت بكل مافيها سابقا ولاحقا قدمت لى درس مفيد وتاكيد لبعض الشواهد والمشاهد
.
نواصل انشاءالله
|
Post: #4
Title: Re: مشروع مبادرة (science monitor) للصحافة العلمية
Author: Asim Ali
Date: 10-03-2021, 09:14 PM
Parent: #3
طبعا واجهت مشكله متطوعين لتاسيس المبادره (ربما تكون فتح مسار مهنى جديد /اضافى لهم) ومن حول اعرفهم واعرف امكاناتهم واولويات اهتمامتهم.
طرحت اعلان لمطوعين عبر الوسائط للعمل فى المبادره مع اسئله ضمنيا الاجابه عليها تعنى رغبه المتقدم وفهمو لمعنى المبادره فى المقام الاول.
طبعا القصه لمت اشكال والوان تكشفت الحقيقه فى المحادثه الاولى (الانترفيو)
-ناس مقدمين الواحد بس لقى اعلان (رغم انو باللغه الانجليزيه)وجاوب وكيفما كان ورسل سيره ذاتيه بعضها لاتحوى اى شىء
-متقدمي من لغه الاعلان والاسم قدمو كيفما كان رغم درجتهم العلميه اقلها بكالريوس-بل كثيرين عندهم شهادات كورساات من موضه الايام القاده الشباب كميه كورسات تنميه القدرات اضافه للبعض عندو كورسات مهنيه فى مجال الاخصص- لكن بعضهم عينو على منظمه وقورش ودولارات وهلجرا رغم انو جاوب على الاسئله مما يعنى انو فاهم الموضوع شنو. بل البعض عايش فى حاله احساس بالذات اكتر من اللازم وداير يتواصلو معاهو بالطريقه البيختارها هو
بعضهم داخل فى الموضوع منظره ووجاهه ومامتوقع انو شغل فيهو مسئوليه وقرايه.
-المشكله الاكبرانو اكميه كبيرهربما قرابه 90% ماادر يميز بين التحرير فى الدوريات العلميه المحكمه والتحرير الصحفى ولا فاهم انو فى حاجه اسمها صحافه علميه رغم انو بيقرا مجلات علميه ضمن دائره الصحافه العلميه. والكارثه انهم درجات علميه دكتوراه وماجستير فى الغالب والسيره الذاتيه سمينه لكن مجرد الحوار والمحادثه تكشف انو واقع شهادات كورسات وماعارف شنو مجرد ورق عشان تطول السيره الذاتيه.
-الدزء الاخطر منقدمين برضو اتكشف من الحوار ومرواغتهم ومحاوله الاستدراج لمعرفه ماوراء المبادره وتفاصيلها الدقيقه كانها جريمه بل بعضهم يحاول حتى يعرف معلومات شخصيه لاعلاقه لها بالهمل فى اطار جر الحديث ليكون ونسه .ديل وبعباره اوضح كوادر كتائب الكترونيه والغريب انهم من الشباب العامل فى الخليج وديل شكلهم دايرين يجمعو معلومات ويخترقو المبادره وبعد داك النوع دا غير انو يفرغ العمل من مضمونو وقد يهدد استمرار العمل
.
اهم ما اتضح انو الشباب عايز الشغل البارد من مجهود بدنى او ذهنى وتعبقرايه وتركيز انما شغل من غير تعب .
كيف عرفت ؟
نواصل
|
Post: #5
Title: Re: مشروع مبادرة (science monitor) للصحافة العلمية
Author: Asim Ali
Date: 10-03-2021, 09:50 PM
Parent: #4
طبعا بعد المحادثه الاولى غالبا اجد انو المتقدم محتاج خلفيه عن العمل الصحفى والصحافه العمليه تحديدا.
طبعا بوضح الخطوات المطلوبه اولااحدد للمتقدم خطوات ثلاثه اولها انجاز كورس اونلاين عن الصحافه الرقميه وبعدها اديهو رابط كتيب عن الصحافه العلميه ثم اعداد ماده صحفيه (كععمل تجريبى لتقييم الامكانات ومدى الاستفاده من ما تقدم من مطلوبات) .وهنا بوضح للمتقدم انو بعد الانضمام لفريق العمل حيكون فى تدريب فى شكل مجموعات لدراسه كورس الصحافه العلميه المعدمن قبل اتحاد الصحفيين العلميين.
هنا الناس الزوغان والاستهبال يحصل ناس ماتظهر وبعضهم يقول مشغول شويه .
والبيقول مستمر فى الكورس رغم انو الكورس ساعتين او ساعتين ونص على اسوء الاحوال.
والمماطله فى ارسال شهاده اكمال الكورس.
المهم اكتشفت انو رغم انو المطلوبات رغم انها مطلوبات خفيفه ممكن انجازها عبر الموبايل فى يومين اوتلاته بالكتير (فى الحقيقه زول جادى خمسه ساعات يقدر ينجز الكورس ويقرا الكتيب جلسه واحده).
لكن حتى عامل احترام الزمن والالتزتم مفقود ناهيك عن انو انت داير تبنى قدرات فى المجال دا.
شىء اصابنى بالحزن لانو دا مانوع شغل حار زول يغادر فيهو العاصمه ويمشى يشتغل بتخصصو فى بلاد السودان الواسعه -اضغف الايمان منطقتو واهلو- بل شغل كل مايتطلبو جهازموبايل او كمبيوتر وحتى الحجمالمسخدم من النت اقل من القليل لارسال ماده او المحادثه حول تعديلات او خلافو
شىء يبعث على الحزن والاحباط
لكن الاحباط انشاءالله ماطريقنا
.
نواصل
|
Post: #6
Title: Re: مشروع مبادرة (science monitor) للصحافة العلمية
Author: Asim Ali
Date: 10-03-2021, 10:32 PM
Parent: #5
ضمن المتقدمين جنسيات محتلفه من افريقيا وخارج افريقيا درجات علميه محترمه وخبره جيده وفهم جيد وراقى
اصبح مفترق طرق اما تجاوز فكره خصوصيه المبادره للسودان
او ادارة المبادره كمنصه رقميه غير مقيده بخصوصيه جغرافيه
|
Post: #7
Title: Re: مشروع مبادرة (science monitor) للصحافة العلمية
Author: Asim Ali
Date: 12-24-2021, 10:01 AM
Parent: #6
لسه موجود اصرار انو لازم التجربه تقوم فى السودان
لكن للاسف لايوجد وعى بطبيعة المجال ولا بضرورة المبادرة كاداة تنمية ونهضلة وتغيير
https://www.linkedin.com/posts/aasimali_hiring-sudan-bahri-activity-6880067963832066048-pMvl4https://www.linkedin.com/posts/aasimali_hiring-sudan-bahri-activity-6880067963832066048-pMvl4
|
|