Post: #1
Title: القدال --- المبتدا واصل الحكايه
Author: أبوذر بابكر
Date: 07-11-2021, 07:49 PM
06:49 PM July, 11 2021 سودانيز اون لاين
أبوذر بابكر-
مكتبتى
رابط مختصر
مقام التبجيل
حلقة المحبة ودفق الاجلال
لا رثاء
فالرثاء ميراث الميتين
والقدال لا ولم ولن يموت
إنما هو المديح
|
Post: #2
Title: Re: القدال --- المبتدا واصل الحكايه
Author: أبوذر بابكر
Date: 07-11-2021, 07:50 PM
Parent: #1
المبتدا واصل الحكايه
كان ياما يكون وياما كان
بلد اتولد بعد السمايه
ريد انعطن فيهو الحنان
نيلنا النبع من الدوايه
وحبرك البسقي المكان
المبتدأ واصل الحكايه
عمتة الضهري اب سحابن شال
فرح طين البحر
وندى الجروف
برق ضحك القمر
طعم الحروف
وزي ضو الغناوي السمحه فينا
وفدعة البت الرتينه
زي عرضة الولد البهز قدال
مطر القصيد الكابي عينه
مونة السنين الراقده سترة حال
شان ترقص حليوه وتنتني
وتدي البلد شبال
والمبتدا واصل الحكايه
"في الفؤاد ترعاك العنايه"
يا قدال
يااااااا قدال
همك خواتيم النهايه
ريدك وحيد ما بنقسم
ريدك فعل
ريدك ضمير ما بنهزم
ريدك حرف
ريدك اسم
ريدك عمرنا وما كفاك
ولامن تفوت
يحرد فرحنا وبي قفاك
يختا الدرب
يزعل يموت
يحرد يلون ليل صفاك
وجع الفراق تعب السفر
الريشه أصبع غنيتك
واللوحة تتحدى السكوت
والمعنى شهقات الوتر
حلم البشر
لون الشدر
الدمعة في عين الكلام اتوهطت
وعسل اللسان اصبح حجر
واه يا بلد
حلمك مبحلق فى الشمس
شايل نهاراتك سؤال
حسك مصنقع من أمس
ينده تساويف المحال
ويا قدال
الليله شايفنك هناك
لابس الضيا
بهرج حقيقتك
وإنكسف حد الخيال
ويا قدال
يا طالع الأكوان
جيب لينا معاك وصال
يربط يكفينا
يا حارس الأحزان
خلى الحزن ينشال
من همنا الفينا
أملا المخالى أمان
وطنك بشاره وفال
عرج على الحبان
وحليوه ترقص وتنتشي
وتدى البلد شبال
يا طالع الأكون
|
Post: #3
Title: Re: القدال --- المبتدا واصل الحكايه
Author: أبوذر بابكر
Date: 07-13-2021, 05:36 PM
Parent: #1
القدال
متربعا وهو يبتسم
في ربى سماءه الثامنة
|
Post: #4
Title: Re: القدال --- المبتدا واصل الحكايه
Author: محمد محمد قاضي
Date: 07-13-2021, 06:14 PM
Parent: #1
يا سلام يا أبا ذر ------ يا سلام
الرسمة أعلاه بريشة عماد عبد الله
كان إنسان بسيط وولوف حد الدهشة
لك المغفرة والرحمة وعالي الجنان يا قدال
|
Post: #5
Title: Re: القدال --- المبتدا واصل الحكايه
Author: أبوذر بابكر
Date: 07-14-2021, 03:57 PM
Parent: #4
شكرا يا قاضي
علي حضور القدال
رفقة صاحبنا البديع عماد
وشكرا علي تزيين وتجميل الفجة بالمعنى
|
Post: #6
Title: Re: القدال --- المبتدا واصل الحكايه
Author: شقرور
Date: 07-14-2021, 08:50 PM
Parent: #5
خمسين سنة
وايدينا في طول مدهن
خمسين سنة
لا فترنا من مد اليدين
لا صدمة جاتك يا رحم
يا يمة عرسك كان دلاليك الهنا
يا يمة عرسك كان قبل كمين سنة
امس القريب قوتيلي جايني الوحم
ربيتي كم
اسبيتي كم
عمرتي في هالارض كم
رحطك قطيع يا يمة من مجدت جناك في الارض
والليلة يادوبك بكر
ومترجيك
يجيني الجاكي في دمي
وغنايا علي الكضب والصح وبت امي
وغناين لا ببضع فيك ولا للضيم
غناي بيديك
ولا بخبر معاك نمي
————————
أغمض عينيه ومضى …لنرى فى العتمة وجهه
|
Post: #7
Title: Re: القدال --- المبتدا واصل الحكايه
Author: أبوذر بابكر
Date: 07-15-2021, 10:34 AM
Parent: #6
تحياتي يا شقرور
سنين طويلة ما شفناك
عساك طيب ياخ
ومشكور علي الدفق القدالي السمح
|
|