للمعلوميـــــــــــــــــــــــــــــــة

02:20 AM June, 29 2021

سودانيز اون لاين
Abureesh-أمريكا
مكتبتى
رابط مختصر

نحن ننتقد الحكومة وإحياناً بشــدة.. ولكن فى كل الأحوال نعمل قدر جهدنا لتثبيتها وليس إسقاطها. ذلك لأنها لم تكن خطوة للأمام بل
كانت قفزة للأمام.. ولكن لو أنها ضاقت بضريبة الحرية.. واعتقدت أنها قارورة يمكن أن تنكسر من النقد والمساءلة فلتذهب الى من حيث أتت.

دا كلام كويس لكين هل الحكومة بتسمع كلامنا
عشان الزميلات والزملاء الافاضل ما يصرفوا لسعادتكم مئات الاطنان من البركاوي
كن دقيق في ما تري في موضع الحكومة الانتقالية بعضهم يري أنها فاشلة في ناس قالوا
حمدوك زول عسكر وأخرون يرون في حمدوك بقراطي بامتياز وافندي دولي ساي
بالله اشرح لينا ووضح ايه انت كدا

استاذ زهير لسة ماسك البركاوى.. فكها ياخ امش خفيف
عارف اطفال الحيوانات كلها حتى الإنسان.. حتى السخل ينطط ليه وهو فرحان بدون سبب
عشان ما يمسكوا اى حاجة سالبة حصلت ليهم.. تحرروا فسعدوا.
شوف الغزال الأسد جارى وراها وهى تسابق الموت.. أول ما تنجو والخطر يزول تلقاها طوالى قبلت على القش تأكل.. لكن شوف نحن البشر. لو شفنا أسد
بس شوف ساكت تلقانا اسبوع مقلقين خايفين. هههههه..

فى رأيى الموضوع هو ما انه حمدوك عسكر واللا كشافة. ولكن الرؤيا العامة.. الحالة الاجتماعية فى زمن الإنقاذ وهسى..
طبعا كون الآن افضل لا يتناطح حولها عنزان. لكن هذا لا يعنى نترك ليهم الحبل على الغارب.. تذكرهم
انهم مالين خانات شاغرة حتى الإنتخابات فقط .. وحمدوك لولا تأمين الجيش للدولة لما استطاع عمل أى شيئ..
هو عنده خبرة فى الشؤون المالية ولكنه لا يستطيع تحريك الشارع.. Mobilization
فى خط الثورة لان هذه تتطلب قيادة حقيقية والاختلاط والعمل وسط الشعب. فهو لا يملك هده
الميزات القيادية ولا يملك السلاح.. ولو كانت عنده ميزة القيادة لما احتاج للخارج لتمويل اى مشروع. شوف زناوى لما
البنك الدولى رفض تمويل السد حرك وأشعل الروح الوطنية للشعب الاثيوبى فتبرعوا من كل الداخل والخارج..
ما قال نحن محاصرين عشان كدا ما قادرين. نعمل شئ
With that said
الصيغة الحالية للحكم مناسبة فى هذه المرحلة ويجب ان يبقى حمدوك وبقية الهمباتة

تصحيح أعلاه:

للشعب الإثيوبى

Quote: الصيغة الحالية للحكم مناسبة فى هذه المرحلة ويجب ان يبقى حمدوك وبقية الهمباتة

كلمة همباته بتكون زعلانه منك يا ابريش ...
بقاء حمدوك مهم ...