نحن ننتقد الحكومة وإحياناً بشــدة.. ولكن فى كل الأحوال نعمل قدر جهدنا لتثبيتها وليس إسقاطها. ذلك لأنها لم تكن خطوة للأمام بل كانت قفزة للأمام.. ولكن لو أنها ضاقت بضريبة الحرية.. واعتقدت أنها قارورة يمكن أن تنكسر من النقد والمساءلة فلتذهب الى من حيث أتت.
06-30-2021, 02:37 AM
زهير عثمان حمد زهير عثمان حمد
تاريخ التسجيل: 08-07-2006
مجموع المشاركات: 8273
دا كلام كويس لكين هل الحكومة بتسمع كلامنا عشان الزميلات والزملاء الافاضل ما يصرفوا لسعادتكم مئات الاطنان من البركاوي كن دقيق في ما تري في موضع الحكومة الانتقالية بعضهم يري أنها فاشلة في ناس قالوا حمدوك زول عسكر وأخرون يرون في حمدوك بقراطي بامتياز وافندي دولي ساي بالله اشرح لينا ووضح ايه انت كدا
06-30-2021, 04:32 AM
Abureesh Abureesh
تاريخ التسجيل: 09-22-2003
مجموع المشاركات: 30182
استاذ زهير لسة ماسك البركاوى.. فكها ياخ امش خفيف عارف اطفال الحيوانات كلها حتى الإنسان.. حتى السخل ينطط ليه وهو فرحان بدون سبب عشان ما يمسكوا اى حاجة سالبة حصلت ليهم.. تحرروا فسعدوا. شوف الغزال الأسد جارى وراها وهى تسابق الموت.. أول ما تنجو والخطر يزول تلقاها طوالى قبلت على القش تأكل.. لكن شوف نحن البشر. لو شفنا أسد بس شوف ساكت تلقانا اسبوع مقلقين خايفين. هههههه..
فى رأيى الموضوع هو ما انه حمدوك عسكر واللا كشافة. ولكن الرؤيا العامة.. الحالة الاجتماعية فى زمن الإنقاذ وهسى.. طبعا كون الآن افضل لا يتناطح حولها عنزان. لكن هذا لا يعنى نترك ليهم الحبل على الغارب.. تذكرهم انهم مالين خانات شاغرة حتى الإنتخابات فقط .. وحمدوك لولا تأمين الجيش للدولة لما استطاع عمل أى شيئ.. هو عنده خبرة فى الشؤون المالية ولكنه لا يستطيع تحريك الشارع.. Mobilization فى خط الثورة لان هذه تتطلب قيادة حقيقية والاختلاط والعمل وسط الشعب. فهو لا يملك هده الميزات القيادية ولا يملك السلاح.. ولو كانت عنده ميزة القيادة لما احتاج للخارج لتمويل اى مشروع. شوف زناوى لما البنك الدولى رفض تمويل السد حرك وأشعل الروح الوطنية للشعب الاثيوبى فتبرعوا من كل الداخل والخارج.. ما قال نحن محاصرين عشان كدا ما قادرين. نعمل شئ With that said الصيغة الحالية للحكم مناسبة فى هذه المرحلة ويجب ان يبقى حمدوك وبقية الهمباتة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abureesh
زهير عثمان حمد
محمد حمزة الحسين
فيس بوك
تويتر
انستقرام
يوتيوب
بنتيريست