|
Re: الإنفلات الأمني في شوارع العاصمة الخرطوم (Re: Asim Ali)
|
مع الأسف الموضوع بقى شفع ورباطة الشفع ديل صغار الموضوع عندهم لعب بس أي عربية يفلقوها وخلاص تتريس الشوارع دة زمان لمنع دخول عربات الشرطة ما المواطنين هسة مفترض قوات الشرطة تشيل أي ترس في الشارع ومفروض عديل يعملوا رقم طوارئ أي مواطن شاف ترس يبلغ فيه المواطن العندو اعتراض يعمل اعتصام في أي ميدان وإن شاء الله في مجلس الوزراء ذاتو، لكن الحاصل اليومين دي هرج وفوضى ياخي في شوارع مقفلينها رباطة يتلموا في العربية تدفع عشان تدخل الحلة
والي الخرطوم ولجنته الأمنية فشلوا للمرة المليون لكن البقنعهم يفسحوا المجال لغيرهم منو!
| |
|
|
|
|
|
|
Re: الإنفلات الأمني في شوارع العاصمة الخرطوم (Re: أحمد محمد عمر)
|
بوليس شنو يا اجمد ؟ انا بشوف فى الشارع الكاكى الشين بتاع الجنجويد وناس الامن (اغلبهم فى مواتر) اكتر من مابشوف كاكى البوليس المفروض هو الاساس فى التواجد فى الشارع كان راكب او راجل اللهم غايتو الا احيانا ناس السوارى بليل بحس بيهم حايمين فى الاحياء المجاوره ليهم فى بحرى . تمشى مبنى شرطه النفط وتامين التعدين ومعارف شنو قريب من الاستشارات الصناعيه تلقا البوليس كلو مردوم هناك وياريتو لو بفايده والحكومه تشكى من التهريب ....الخ . سياسه تبدو مقصوده انو الشارع يكون مكشوف من غير حمايه
| |
|
|
|
|
|
|
Re: الإنفلات الأمني في شوارع العاصمة الخرطوم (Re: أحمد محمد عمر)
|
Quote: هسة مفترض قوات الشرطة تشيل أي ترس في الشارع ومفروض عديل يعملوا رقم طوارئ أي مواطن شاف ترس يبلغ فيه |
الترس إكتسب قدسية في حمايته للمتطاهرين ودعم الثورة السلمية التي أسقطتت نظام الإنقاذ. الفرق هو أن الترس أيام الثورة كان الغرض منه حماية تجمعات المتظاهرين السلمية. الترس الآن ليس معه أي تجمع جماهيري، خمسة او ست أشخاص يقومون ببناء الترس الذي لا يعبر إلا عن حالة من الفوضى. الشرطة متربصة وتبرر عدم تدخلها في حفظ النظام ومنع الجريمة بأنه قد سبق وتمت إدانتها في المرات التي تداخلت فيها في صدام مع المتظاهرين، وربما أن الشرطة تنتظر الآن بعض القرارات الحكومية والرأي العام المطالب لها بجفظ النظام لإطلاق يدها عنفاً وبطشاً وفي كل الأحوال لن تقوم الشرطة بأداء دورها بشكل كافي ودون إفراط في إستخدام العنف.
| |
|
|
|
|
|
|
Re: الإنفلات الأمني في شوارع العاصمة الخرطوم (Re: Hafiz Bashir)
|
يبقى الحل في يد لجان المقاومة نفسها إصدار بيانات بتعطيل استخدام المتاريس لعدم الحاجة لها ولاستغلالها بواسطة المفسدين
المشكلة إنه الحكومة فوتت على نفسها فرصة احتواء لجان المقاومة وتبنيها بصورة رسمية على غرار اللجان الشعبية زمان يعني ناس لجان المقاومة والتغيير يكونوا معروفين ومحددين عند المحلية والتعامل يكون معاهم مباشر وبكدة الناس بتضمن تمثيل الشارع في اتخاذ القرار لكن اهملوهم تماماً ناسين إنهم القوة الحقيقية على الشارع كان هم كان البمثلو أدوارهم ودة سبب إنفصال الحكومة عن الشارع
| |
|
|
|
|
|
|
Re: الإنفلات الأمني في شوارع العاصمة الخرطوم (Re: Yasir Elsharif)
|
يادوووب صحيتو لألاعيب الكيزان؟! الفوضي ما بدت هسع ولا تدخل ومؤمرات الكيزان بدت هسع دي بدت من يوم 13 ابريل 2019 باستمرار اعتصام القيادة مرورا بفضه ثم تتريس شوارع الخرطوم في الساعات وصباح اليوم الذي أعقب فض الأعتصام وحتي يوم مظاهرة 30 يونيو 2019 وما تلاها من أعمال فوضوية كلها كانت بتخطيط مخابرات الكيزان ونشطائهم والغريبة كانت بمباركة قحت وتجمع المهببين هسع عايزين يتبرو منها زي الأطفال. أحزاب مهببة وسبب البلاء وتعاسة الشعب
| |
|
|
|
|
|
|
Re: الإنفلات الأمني في شوارع العاصمة الخرطوم (Re: walid taha)
|
Quote: دفع عدد كبير جدا من منسوبي الشرطة السودانية ضباط وافراد مذكرة لوزير الداخلية تحتوي علي مطالب رات انه يجب تحقيقها وأعطت مهلة للسيد الوزير حتي التاسع والعشرون من يونيو ٢٠٢١ الجاري لتحقيقها ولوحت بالاضراب الكامل عن العمل في ٣٠ من نفس الشهر أذا لم تتحقق هذه المطالب وكانت المطالب المدفوعة لطاولة وزارة الداخلية هي:- ١/ ضمان الحماية القانونية الكاملة لفرد الشرطة ومنحه الحصانة حتي يتم التعامل مع التفلتات الامنية في الشارع ٢/ فك تجميد قبول الاستقالات بما يسمح للشرطي حرية ترك المهنة بعد تقديم استقالة ٣/ تعديل المرتبات بالزيادة بما يتماشي مع الوضع الاقتصادي والغلاء المعيشي تلاتة مطالب حقيقية تتزامن مع الحراك الجمااهيري لاسقاط حكومة حمدوك حتي الثلاثين من يونيو ووعدت الشرطة بتنفيذ إضراب كامل عن العمل في حالة عدم تنفيذ مطالبها |
منقول من بوست حيدر الزين الشرطة السودانية تلوح بالإضراب
المطلب الأول هوا تماماً ما قصدته، أن الشرطة سوف تتساهل مع المتفلتين والمجرمين لتنتشر الجريمة وينعدم الأمن حتى تضطر الحكومة لتقديم تنازلات ومنح أفراد الشرطة حصانة وبعدها تبدأ الشرطة في التنكيل بالمواطن.
| |
|
|
|
|
|
|
|