|
Re: الدراسة في أمريكا.. هام جدا (Re: خضر الطيب)
|
خدرنا ياح ان شاء الله اكون زول مفيد ايوا ا ياخ الانجليز محافظين الاميركان اي حاجة ببتذلوها بسبب الجشع والبزنس عارف هسه ديون الطلبة وصلت لقريب تريليونين ومتوقعين انها تنفجر وتسبب كارثة اكبر من التمويل العقاري استاذتي بتاعة الاجتماع في جروج ميسون قالت لي إنها مشت بريطانيا حضرت وجات الجشع دا هو الحا يودر امريكا بسبب عدم العدالة الاجتماعية الفقراء ما بلقوا طريقة يدرسوا ولو درسوا ما بلقوا طريقة يشتغلوا سستم تافه ياخي المساجين بس أكتر من عدد سكان دول والسبب السجون قطاع خاص تصدق! ابى عافية يا زول يا راقي ولي قدام
Quote: في بريطانيا يا دكتور الأنقليز في حاجتين ما بلعبو فيها التعليم و الصحة , عدد الجامعات و الكليات اكتر من عدد البشر بالنسبة للصحة ما ذي عندكم في امريكا تدفع و تأمين و غيرو تتعالج مجاناً و فحص شامل سنوي لكل فرد و مجاناً اما اصحاب الامراض المزمنة فحص كل ستة أشهر في السنوات الأخيرة اي دواء لو انت شغال ب 4 جنيه استيرلنج و لو ما شغال الدواء مجاناً بالنسبة للتعليم كما هو معروف قوي جداً و ما بجاملو نهائي قبل ما اجي البلد دي كنت محتاج لكورس متخصص في فرع معين من شغلنا لقيت الكورس في ما نشيستر و تبعد عن مدينتي 40 دقيقة بالسرعة المعتمدة 70 ميل في الساعة تقريباً ناس مكتب العمل قالوا لي ممكن نوفر ليك سكن في الجامعة طيلة فترة الكورس او ندفع ليك تزاكر القطر يومياً في الذهاب و الإياب و قيمة وجبة الفطور و الغداء بتساوي ليها 50 جنيه استيرلنج حقيقة كانوا حريصين جداً نفس الفهم بتاع خدعة الجامعات و ضياع الزمن وصل للأنقليز في السنوات الأخيرة حوالي 2006 -2007 لما حصل الانهيار الاقتصادي العالمي طبعاً الدراسة في بريطانيا اجبارية لحدي سن ال 16 و بمشو الشباب ديل بشتغلو عمال ممكن دخلو يكون اعلى من خريج الجامعة تقول ليهو واصل يقول ليك اواصل عشان أصل لشنو؟ في الماجستير سجلنا انحنا 18 كلهم انقليز انا الوحيد الأجنبي لما خلصنا و في المناقشة كنا 8 فقط الباقين كلهم اتسربو عموماً منطقة غرب يوركشاير هي منطقة كبيرة و غالبية السكان عمال ديل كانوا اجدادهم عمال مناجم الفحم و النسيج |
|
|
|
|
|
|
|
العنوان |
الكاتب |
Date |
الدراسة في أمريكا.. هام جدا | عبد المنعم شيخ ادريس | 06-01-21, 02:55 AM |
Re: الدراسة في أمريكا.. هام جدا | زهير عثمان حمد | 06-01-21, 09:27 AM |
Re: الدراسة في أمريكا.. هام جدا | Zakaria Fadel | 06-01-21, 11:04 AM |
Re: الدراسة في أمريكا.. هام جدا | خضر الطيب | 06-01-21, 01:14 PM |
Re: الدراسة في أمريكا.. هام جدا | خضر الطيب | 06-01-21, 01:33 PM |
Re: الدراسة في أمريكا.. هام جدا | محمد حمزة الحسين | 06-01-21, 03:40 PM |
Re: الدراسة في أمريكا.. هام جدا | عبد المنعم شيخ ادريس | 06-04-21, 01:43 PM |
Re: الدراسة في أمريكا.. هام جدا | امتثال عبدالله | 06-01-21, 02:11 PM |
Re: الدراسة في أمريكا.. هام جدا | خضر الطيب | 06-01-21, 10:27 PM |
Re: الدراسة في أمريكا.. هام جدا | عبد المنعم شيخ ادريس | 06-02-21, 02:39 AM |
Re: الدراسة في أمريكا.. هام جدا | عبد المنعم شيخ ادريس | 06-02-21, 02:47 AM |
Re: الدراسة في أمريكا.. هام جدا | عبد المنعم شيخ ادريس | 06-02-21, 02:37 AM |
Re: الدراسة في أمريكا.. هام جدا | عبد المنعم شيخ ادريس | 06-02-21, 02:35 AM |
Re: الدراسة في أمريكا.. هام جدا | خضر الطيب | 06-04-21, 06:50 PM |
Re: الدراسة في أمريكا.. هام جدا | عبد المنعم شيخ ادريس | 06-05-21, 08:09 PM |
|
|
|