صور من الباوقة جنة الله في السودان

03:44 PM May, 30 2021

سودانيز اون لاين
Osman Musa-
مكتبتى
رابط مختصر

بالمناسبة المستثمرين في مجال الموالح.
في العالم لو شافوا الباوقة ما كان حال
السودان بكون زي دا الحال .
هاكم التفاح دا .

Quote: صور من الباوقة جنة الله في السودان

ابو عفان
يعجبني فيك دأبك المستمر في فتح بوستات مدعومة بالصور
و انك ما بتنزل و لا صورة توحد الله ..🙂

https://top4top.io/





https://top4top.io/





https://top4top.io/


تحية المحبة والتقدير لأبناء عمومتنا في دارجعل من جم.
تحياتي عثمان موسى.

يا (عثمان) ياخي رجعتنا لي زمنآ زين بالحيل.
ايام الطورية والكونشبر والتقنت -يا سلام ياخ.

https://top4top.io/




https://top4top.io/

Quote: و انك ما بتنزل و لا صورة توحد الله ..🙂

زمان كان بنزل الصور
اتزكر لاعبة التنس اسمها منو
المهم فجاة قرر انو ما ينزل ولا صورة ما عارف الفهم شنو

سلام اخونا عثمان موسي
صور سمحة
بس يا اخونا الشيخ سيد احمد
ناس الباوقة ديل
انقرياب - العبداللاب وما أظن نسبة الجعليين فيهم كبيرة -
والانقرياب وسكان الباوقة اقرب للشوايقة تجمعهم الطريقة الختمية وخلقت بينهم تمازج وتصاهر كبير - ووالدة السيد علي الميرغني من الانقرياب وقد وضعته في جزيرة مساوي بارض الشايقية

Quote: بس يا اخونا الشيخ سيد احمد ناس الباوقة ديل انقرياب - العبداللاب وما أظن نسبة الجعليين فيهم كبيرة - والانقرياب وسكان الباوقة اقرب للشوايقة تجمعهم الطريقة الختمية وخلقت بينهم تمازج وتصاهر كبير - ووالدة السيد علي الميرغني من الانقرياب وقد وضعته في جزيرة مساوي بارض الشايقية

حياك الله اخونا كمال عباس
أول مرة أعرف معلومة انو الباوقة اكثرها من عندنا وليس من ولاد عمنا الجعليين :)
معناها ناس عبدالله ادريس وعثمان موسى يجهزوا لينا حقنا في التمر والبرتكان:)
لكن معلومة انو السيد علي الميرغني من مساوي عندي علم بيها تب.
لكن يا كمال برضو مامشينا بعيد في النسب.

Quote: صور سمحة

ادينا حق النشر يا كمال- الخيل تجقلب والشكر لي (عثمان موسى:)

كسرة اخيرة: الباوقة فعلآ منطقة جميلة جدآ.

ايوة يا الشيخ هم اعني اغلبهم /انقرياب - عبد اللاب
ما جعليين
وتجمعهم مع الشايقيةً. الطريقة الختمية والتصاهر والنسبً وبعض الملامح الثقافية -
والبعض يعتبر جنائن الباوقة. تابوني مقارنة ب ياباني القرير ونوري !
والشايقية متحكريين . عندهم سبعة عموديات في مناطق الجعليين التاريخية - ولكن معظمهم اكتسب ثقافة المتطقة والبطان والغنا الحماسي ولهجة المنطقة وبقو شايقية بالاسم ساي

الشيخ سيدأحمد .. سلام
الباوقة أكيد جميلة و فيها خير كتير
لك الصور النزلتها مثل الصور التالية .. ليست من الباوقة

مثلا هذه:





و هذه صور من جبل مرة - دارفور:

الباوقة, سحر, وجمال, ومصير مجهول ... توجد صور ...الباوقة, سحر, وجمال, ومصير مجهول ... توجد صور ...

سلآم عثمان وضيوفك الكرآم .
جلبت لك هذا الرآبط لمزيد من المعلومات ...

سلام محمد سليمان غايتو جنس حسادتن عليكم يالغرابة 😂 ما تخلونا نتجدع شوية هسي كمان كان طلعت لينا الباوقة اللذيذ تفاحها ما فيها تفاح تكون قصرت معانا

عندي بوست عن اباوقة مليء بالصور من عام 2009م ما عرفت اجيبو كيف

الباوقة فيها كل قبائل السودان تقريبا من جعليين وبجا ونوبة وحسانية وشايقية ولكن تسيطر عليها العبدلاب ( الانقرياب )ولا إحساس بأي نوع من القبلية .

السيد علي رضي الله عنه ولد بمساوي ولكن امه من جزيرة ارتولي التابعة لريفي الباوقة

الأخ المهندس محمد الشيخ
سلام
الخليط والتنوع الجميل من القبائل المنصهر في باوقتنا هو سبب
التنوع الزراعي الناجح في الباوقة.
يعني تلاقي الشايقي جلب البركاوي والمحسي جلب القنديل والحساني السعية
والجعلي الفاصوليا و الفوراوي الكركدي والمنصوري الحمص و الانقريابي اليوسفندي.
ومعاوية المدير فتح ليهم اللوتري .

الأخ منتصر
سلام
جد يا دوبك عيون العالم اتفتحت على الزراعة في السودان
عليك الله لو مره جيت السودان تعال اخد ليك قدلة في بورصة الليمون.
في مجلة الشعبي امدرمان.
نظرة واحدة يا منتصر تاخدك الهاشمية وتعرض .
بس مافي إدارة تجلب أسواق للصادر والإنتاج يروح بين جهل الحكومة
وطمع السماسرة .

قريبنا ود المدير
سلامات
رسل لي رقم الوتسب ضروري عشان أرسل ليك صور اليوسفي الجديد .
الناس اتعلمت. ياخ طلعوا جنس شتول تمور ما تتخيل .
..
مشكور على الصور .
مدهشة صورة حيطة جالوص جنينة النخيل.
لوحة عجيبة .
الحيطة دي بتكون عمرها اكتر من 150 سنة .
شوف الوقوف و التحدي .
طبعا أهل المنطقة خلاف انهم هم أهل حضارة
زراعية عمرها سبعة ألف سنة . برضو هم أهل
هندسة معمار . عمروا الاهرامات والقصور شرق وغرب
النيل . واعلنوها مدنية قبل سبعة ألف سنة .
تحية مربعة لترابلة وتربالات الباوقة.

الأخ المهندس محمد سليمان
سلام
ياخ كمان جبل مره ديك جنات براها.
جنات الينابيع المدهشة.
جبل مره ممكن يدخل في عجايب الدنيا .
جبل مره كنز .
جبل مره محتاجة مطار سوداني ضخم مجهز و مفتوح للسياحة .

أخونا الفنان جعفر
سلام
ومشكور على انك طقيتليك مشوار لزيارتنا في بوست الباوقة الجنة.
قلت نسيتها؟
معقولة؟
معقولة ماريا شاريبوفا يتتنسي؟
ياخ ديك روح اللعبة ودمها.
نسيت الجبون الأبيض؟
يا شفت؟
جبون ماركة زهايمر.
..
صور تفاح الباوقة جاياك في الدرب.

أخونا الشيخ
سلامات يا نجدة.
سلامات يازول يا بسط .
لو جابتك الصدفة الباوقة تعال ساكت.
لا محتاج اسبرين لا محتاج AMIDOL
تعال ساكت . ياخ من البنطون بيضربك اريج اليوسفي ال500mg
وتنبل ليك قراصة خمسة لينيا بالتقلية والبصل الأحمر مع صحن كرارة
تقيف أنبوبة.
يا سلام على الباوقة البركة .

الأخ قبة
سلام .
تقول شنو يا اخوي في المسكنة ؟
نحنا ناس ضهاري قلبتنا حرفة التوثيق كلوكلو .
ومرت أيام العمر كلها ساكت .
تخيل انك تقعد مع عبدالعزيز المقالح في صنعاء
ومع مظفر النواب في مانهاتن ومع منوت بول في حضور
هاشم بدر الدين .
ومع بيل كلينتون في تدشين كتابو في مكتبة 23 استريت
ومع دينزل واشنطن في تصوير فيلم ( ذا ترينق دي )
ومع البت الملالة اليشاء كيز.
وكتير وكتير وتمرق من مولد الصور والتوثيقات دي كلها بدون حمص .
..
على كل حال حارسل صور جناين الباوقة في وتساب ود المدير
طبعا يا قبة قالوا التمور الفي الباوقة هي نفس تمور الجنة.
ودخلتك لبنطون الباوقة تضربك الكلونيا بعد داك تتاكد انك وين . ههههههه

تحياتي عثمان موسى و رواد البوست

أول مرة في حياتي اسمع بقبيلة (انقرياب)...قبل 5 سنوات تقريبا ..
كنا في مكتب صديق اسمه سيد عباس (هو الان استاذ بجامعة عجمان) ,,,وهو دفعة دكتور القراي باقتصاد الخرطوم
كان سيد عباس شديد الافتخار ب (جعليته ) و بما انني محسي فقد كان يمكنني التعرف (فقط) على الشوايقة ( من عرب الشمالية كما كنا نسميهم).
كان حضورا ايضا عمر القراي وقتها ...وهو ايضا من من نهر النيل
وعندما هممت انا بالانصراف ...قلت لهما ...اسمحوا لي بالانصراف قبل ان يطردني الجعلي (ده)...
فقال لي القراي ضاحكا..من هو الجعلي...أتقصد سيد .؟ ...ياخي ده انقريابي..واهلنا بيقولوا ..اكان لاقاك دابي و انقريابي...أقتل الانقريابي ..وخلي الدابي

مع خالص الاعتذار لكل انقريابي من القراء

أخونا كمال عباس
سلامات
نعم الباوقة تجانس عجيب .
الناس انتصروا فيها مشكلين لوحة بديعة من الأنساب .
ودا سبب الجمال الفيها .
ولليوسفي طعم يختلف .

Quote: ...ياخي ده انقريابي..واهلنا بيقولوا ..اكان لاقاك دابي و انقريابي...أقتل الانقريابي ..وخلي الدابي

هههههههه،

يا زكريا يأخ أُخُد رآحتك،
يتهموننا بأننا أشرار وأشرّ من الدابي، لكن معاذ الله ذلك ما جرى .
الإنقرياب عبدلآب ...

ونعود للزمان ماقبل انضمام ود المدير للمنبر واشراقات المسافر عن الباوقة

https://sudaneseonline.com/board/160/msg/1210321237.html

Quote: ايوة يا الشيخ هم اعني اغلبهم /انقرياب - عبد اللاب ما جعليين وتجمعهم مع الشايقيةً. الطريقة الختمية والتصاهر والنسبً وبعض الملامح الثقافية - والبعض يعتبر جنائن الباوقة. تابوني مقارنة ب ياباني القرير ونوري ! والشايقية متحكريين . عندهم سبعة عموديات في مناطق الجعليين التاريخية - ولكن معظمهم اكتسب ثقافة المتطقة والبطان والغنا الحماسي ولهجة المنطقة وبقو شايقية بالاسم ساي

شكرآ كمال عباس- معلومات فعلآ جديدة علينا.
صحيح نحن ماعندنا قضية مع البطان- لكن يا كمال في منطقة (الحقاب) او (الجبل) شرق (نوري) في قبايل ساكنه هناك
اتخيل لي هسه عندهم ثقافة البطان- ماعارفهم حسانية ولا بطن من بطون الشايقية.
بعدين يا كمال الحسانية ديل تبع منو - جعليين - كواهلة- ماعارفهم شايتين على وين(مع تحياتنا واحترامنا الكبير ليهم)


محمد سليمان-سلام
مشكور على تصحيح المعلومة.
لكن بالله شفت صورة الزول الماشي جنب (الجدول) ولابس (سروال وعراقي)- ياخي ده نقلنا لي زمنا سمح بالحيل.
ما تستبعد يكون بيغني في (خداري:)

عثمان موسى يا حبوب
يازول انا عندي غرام عجيب مع الريف والزراعة والترابلة.

بعدين تعبتو معانا تاني-( كمال ) قال عندنا معاكم (عود راجل) يعني بنيجيكم ونشيل حقنا في التمر والبرتكان :)

تصدق يا عثمان -صورة الزول الماشي جنب الجدول ده بتحكي قصة اول فصولها (طز في الإغتراب:)
ياخي السودان سمح- الله يسامح الكان السبب.
شكل البوست ده ح يكون بوست (الربع).

معاوية المدير يا حبيب- عليك الله نزل لينا الصور - وركز لينا على الجناين والجداول-وكمان اذا جبت لينا صورة زول
شايل طوريتو وشغال يفتح في المويه عشان يسقي زراعتو تكون ماقصرت معانا تب.

كسرة: يا باشمهندس (محمد الشيخ) عندكم (طرابيل) او إهرامات في الباوقة؟؟
كدي حاولو ادونا فكرة اكتر- واذا في صور تكونو كملتو لينا اللوحة.

سلام يا زيكو

Quote: تحياتي عثمان موسى و رواد البوستكان سيد عباس شديد الافتخار ب (جعليته ) و بما انني محسي فقد كان يمكنني التعرف (فقط) على الشوايقة ( من عرب الشمالية كما كنا نسميهم).ن هو الجعلي...أتقصد سيد .؟ ...ياخي ده انقريابي..واهلنا بيقولوا ..اكان لاقاك دابي و انقريابي...أقتل الانقريابي ..وخلي الدابي

ههههه صحيح يا زيكو- والمثل يقال كذلك للشايقي:)

هذه الصورة أعتقد من فتوار ...



أما هذه الصورة للبركة أمام المُشرع التي منعت ود الشيخ من دخول البانطون من وحي البوست المرفق





أما هذه الصورة للحسن حمزة أخووي صاقعة النجم في مزرعته وهو ما زال مزارع مقيم بها ...

كان مفروض كل السودان يكون كدا وأجمل
من كدا
لولا فترة حكم الإنجليز السجمو أم أهل
وسط السودان وعلموهو كيف يكون رأس
مركب بالمقلوب وعلموهو الفلهمة العورا
وظلت المدارس توطن هذا الوهم
وإن وجد الشجر في وسط السودان فهو شجر النيم
ودقن الباشا والمسكيتوالعشر
وعملو مشروع الجزيرة الوهم التنموي

كتب الأخ الشيخ
......

Quote: كتب الأخ الشيخ ...... شكرآ كمال عباس- معلومات فعلآ جديدة علينا. صحيح نحن ماعندنا قضية مع البطان- لكن يا كمال في منطقة (الحقاب) او (الجبل) شرق (نوري) في قبايل ساكنه هناك اتخيل لي هسه عندهم ثقافة البطان- ماعارفهم حسانية ولا بطن من بطون الشايقية. بعدين يا كمال الحسانية ديل تبع منو - جعليين - كواهلة- ماعارفهم شايتين على وين(مع تحياتنا واحترامنا الكبير ليهم) .........

.........
هم كواهلة ولكنهم إنفردو بإسمهم الخاص (حسانية) ولم يعودو يعرفون أنفسهم بالإنتساب للكواهلة
بعض سكن شمال كردفان ولكن مركز ثقلهم فيقع في النيل الأبيض ـ هنا أنصار
ـ ناس ـشلعي وهباني ـ وينتمي المرحوم عمر نور الدائم لهم
-وسكنو في مناطق الجعليين والعبابدة والميرفاب
- أما حسانية مروي ـ فهم أصلا ناس خلا هجرو مراعيهم بسبب العطش وكانوا يعودون
لخلاهم في الخريف إلي أن إستقروا نهائيا بالمنطقة وإغتنو الأغنام والأبل وكانو
يعملون كعمال بالأجرة في المزارع ـ
والان إمتلكو ـ المزارع وأكتسبو ثقافة المنطقة ـ وتزاوجو وتصاهرو بها
وأصبحو شوايقة ثقافة وإنتماء وحينما يهاجر أولادهم للخليج أو الخرطوم
يصنفون كشوايقة ويرتبطون بمكونات المنطقة الأخري بالمهجر ولايجمعهم جامع
بحسانية كردفان ـالنيل الأبيض أو نهر النيل
-ـ ويتندر بعض كبار الشايقية ـ عليهم ـ بالقول بأنهم نهم وفي بدايات قدومهم للمنطقة كانو
يطلقون علي رمضان شهر الشايقية !
ـ ظاهرة البُطان
كانت سائدة في مناطق الشايقية ـ عرضة وجلد ثم إنحصرت في الحفلات لفاصل واحدة ـ عرضة " كان تمارس فيه ظاهرة الجلد ولكنها إنحسرت ـ كما الشلوخ
وأصبحت تعامل عند البعض كنوع من العوارة

تمام يا كمال.

طيب وانت ماشي من (اب دوم) تطلع لي فوق
جهة الخلا-الواحة الوحيدة الموجوده في الحنة دي اسمها (الغزالة)- برضو فيها قبايل
او قبيلة ساكنه هناك- الناس ديل يا كمال ما بتشوفهم الا في منطقة (الغزالة) او في (سوق تنقاسي).
بينزلوا جهة البحر بس يوم الثلاثاء يوم (سوق تنقاسي).
برضو مامعروف تابعين لي وين.

وبعدين يا كمال- يعني القبايل الموجوده في الباوقة هي بس القبايل المتداخلة - ولا الكلام ده على
كل المنطقة بما فيها فتوار لغاية حدود جبل أم علي وكبوشية.

لأنو الكلام ده ممكن يشير الى انو الشايقية هم من نزحوا نحو الشمال وتركوا ولاد عمهم الجعليين يقيمون في المنطقة
بينما بقي بعضهم ولم يرحل مع اهله الشايقية.

Quote: تعال ساكت . ياخ من البنطون بيضربك اريج اليوسفي ال500mg وتنبل ليك قراصة خمسة لينيا بالتقلية والبصل الأحمر مع صحن كرارة تقيف أنبوبة. يا سلام على الباوقة البركة .

هههههههه
يا سلام يا عثمان.
اها صحن البصل ده لازم تمصر فيهو ليمونة Fresh- وتكون (متفرجخ) في الواطه:)
وبعد تشبع تب- تمشي على الجدول تخت يدك بس في الجدول وتيار الموية يغسل ليك ايدك.
ولازم يكون في عنقريب هبابي -لزوم الشاي والقيلولة- ياخي دي اجواء تخليك في قمة السعادة.

شكرآ (عثمان)على الرحلة العجيبة دي.

يا ودالمدير و ودالشيخ اصحو يا ناس - سمعونا نضمكم.

سلام أخ الشيخ...
...

Quote: ..... يا كمال- يعني القبايل الموجوده في الباوقة هي بس القبايل المتداخلة - ولا الكلام ده على كل المنطقة بما فيها فتوار لغاية حدود جبل أم علي وكبوشية. لأنو الكلام ده ممكن يشير الى انو الشايقية هم من نزحوا نحو الشمال وتركوا ولاد عمهم الجعليين يقيمون في المنطقة بينما بقي بعضهم ولم يرحل مع اهله الشايقية.

........
الباوقة عمودها القري هو الإنقرياب ولكن يوجد طيف متعدد من القبائل
بالنسبة للشايقية نطاقهم التاريخي هو منطقتهم الحالية ـ وهجرتهم لمناطق الجعليين تمت في آواخر عهد الفونج وليس بعد الفتح التركي كما يروج البعض
-فقد عبر زعيم السوراب ـ عكود ود سلفاب ـ جد العكوداب الصحراء ومعه عشيرته وهاجرو لمناطق حجر العسل وود الحبشي وود حامد الخ وعمروها وتبعتهم فروع الشايقية
الأخري ـ وهاجر بعضهم للجزيرة ـ فداسي وودسلفاب ثم الحلفايا وشمبات
ـ تواصل النزوح أثناء الحكم التركي ... وجة الأكبر للهجرةبعد وصول خط السكة حديد لكريمة
في مطلع القرن الماضي ـ هاجرو لكسلا وبورتسودان والقضارف ومدن الجزيرةوبابنوسة وأم روابة والفاشر وطبعا الخرطوم
راجع هذه المادة وهي مفيدة في عمومياتها ولكنها تحتاج لتحقيق وتدقيق أكثر
...

Quote: - و ا لشايقية هي أحد أكبر القبائل في السودان. الشايقية هم أبناء شايق بن حميدان الجعلي، الذي انجب عشرة أولاد هم : سوار ( جد السواراب ) حوش ( جد الحوشاب) عون ( جد العونية ) محمد شلوف ( جد الشلوفاب) احمد باعوض ( جد الباعوضاب) سالم او هاكيت ( جد ام سالم بالزومة ) قريش ( جد العامراب) نافع ( جد النافعاب ) مريس ( جد المريساب) كدنقا ( جد الكدنقاب) وقد تفرع منهم عدة بطون من بينها الحنكاب والعدلاناب والعمراب . وكان منهم بيوت الملك وهي متفرع من جد واحد من الكدنقا اسمه صالح وامه بنت امير الفونج الذي كان اسمه عيسى وكان مقر حكمه في بلدة كجبي ولم ينجب عيسى المذكور نسلا فورث الامارة من بعده صهره صالح وبعد وفاة صالح انقسمت بلاد الشايقية الى ملوكها الملك جاويش او ( شاويش) , والعمراب او ( العماراب ) واشهر ملوكها الملك احمد وهي ممالك حنك وكجبى ومروي وعمرى او امري وقامت مملكة الشايقية اولا على اطلال مملكة نبتة القديمة وامتدت من الشلال الرابع الى ابي دوم قشابي وكان مركزها مروي وإلى شمالها ممالك الدفار ودنقلا والخندق وارقو. وتقع دار الشايقية بين امري والدبة على شاطئ النيل وتذكر روايتهم انه كان لشايق اثنا عشر ابنا وحضروا لمروي في القرن العاشر وكانت البلاد مأهولة بالنوبة الذين كان لهم ملك نافذ واراد اولاد شايق ان يكون لهم ملك فلم يمنعهم ملك النوبة واقطعهم ارضا زراعية ووقع اختيارهم على كدنقا اكبرهم سنا فنادوا به ملكا ونهج نهجا قويما في تعاون مع النوبة واتخذ عاصمته كجبى بين مروي والتتي شيد بها قصرا وتوفي ودفن بكجبي , له من الاولاد صلاح وصالح وعيسى وفرح وفرج واصلح كدنقا ما بين اخوانه واخيهم سوار وجاء به من ارقو لمروي واشتهر من السواراب الشيخ عكود والشيخ احمد الهدى ومحمد بك سليمان. وتذكر روايتهم ان شايق تزوج بامرأة عربية رزق منها اول اولاده سالم وتوفيت امه فتزوج شايق ابنة عمه فرزق منها بولديه حوش وعون وقيل نافع وشلوف , وفي طريقه للسودان حوالي القرن الخامس الهجري اقام ببلدة توماس بمركز الدار وتزوج بأمرأة هناك رزق منها ابنه كدنقا وكان ذكياً طالباً للعلم فهاجر ابوه واخوته ونزلوا بكورتي وكان هناك من بقايا النوبة في صنم او البركل والزومة والكرو فصار شايق يتودد اليهم حتى صار ملكا عليهم ولما قوي تطلعت نفسه الى التوسع فسار بجيش الى دارفور ولكن قوة الفور جعلته يتراجع ويعقد حلفا تجاريا مع ملكهم ويتزوج احد كريماته التي ولدت ابنه سوار نسبة للسوار الذي اعطاه شايق لها لتجعله في يد ابنه ان كان ولدا وتوفي شايق في كورتي بعد عودته وقام الصراع بين ابنائه بعد وفاته ونادوا بسالم للزعامة لأنه اكبرهم ولما اسئ انصرف عنهم وسار الى الحج عن طريق مصر وفي الطريق صادف اخوه كدنقا متجها الى كورتي فأقنعه بالرجوع معه لتسوية الامر مع اخويه حوش وعون فرفض وكان لكدنقا جماعة من توماس انضم اليهم بعض النوبة سكان مروي وقامت بين كدنقا و اخويه حوش وعون حرب في بلدة الدبشية بين كورتي وأم بكول وفاز كدنقا ونودي به ملكا على الشايقية الا انه تنازل لابنه محمد الذي كان عادلا وهو جد الحكناب , الذين استمر الملك فيهم الى ايام الاتراك واخرهم الملك صبير , اما كدنقا فذهب يبحث عن اخيه سوار في دارفور واحضره الى كورتي مما اغضب اخويه حوش وعون ثم باعاه واسترجعه كدنقا وهذ ا تفسير العداء بين السواراب واخوانهم العونية والحوشاب ولذلك فضلوا ان يسكنوا البادية بعيدا عن مناطق ابناء عمهم الشايقية

https://www.marefa.org/%D8%A7%D9%84%D8%B4%D8%A7%D9%8A%D9%82%D9%8A%D8%A9

Quote: بالنسبة للشايقية نطاقهم التاريخي هو منطقتهم الحالية ـ وهجرتهم لمناطق الجعليين تمت في آواخر عهد الفونج وليس بعد الفتح التركي كما يروج البعض -فقد عبر زعيم السوراب ـ عكود ود سلفاب ـ جد العكوداب الصحراء ومعه عشيرته وهاجرو لمناطق حجر العسل وود الحبشي وود حامد الخ وعمروها وتبعتهم فروع الشايقية الأخري ـ وهاجر بعضهم للجزيرة ـ فداسي وودسلفاب ثم الحلفايا وشمبات ـ تواصل النزوح أثناء الحكم التركي ... وجة الأكبر للهجرةبعد وصول خط السكة حديد لكريمة في مطلع القرن الماضي ـ هاجرو لكسلا وبورتسودان والقضارف ومدن الجزيرةوبابنوسة وأم روابة والفاشر وطبعا الخرطوم راجع هذه المادة وهي مفيدة في عمومياتها ولكنها تحتاج لتحقيق وتدقيق أكثر

معنى الكلام ده يا كمال انو نحن الهاجرنا عليهم.
غايتو جنس سلبطة - وا شماتة ابلة ظاظا فينا:)
يقال انو الدويحية برضو شايقية يا كمال- غايتو اظنو اهلنا ديل اكتر ناس هاجرو في السودان.

بالمناسبة يا كمال- في (دويم ود حاج) في زول مدفون فيها إسمو (شايق).والحقيقة ما عارف اذا كان ده هو جدنا المقصود ولا مش هو.بعدين حتى مضاربنا الشايقية فيها (زوارة- وجزء من الرباطاب)وانت متجه على جهة امري تحديدآ بتلقى (الزوارة).ولمن تقطع بالشرق جهة كريمة وانت ماشي على (جرف ود شيخ) على (الكاسنجر)اتخيل لي هناك برضو في قبايل من غير الشايقية.لكن بيتكلمو نفس لهجة الشايقية.

يا عثمان معليش ياخي- اتكالبنا على بوستك عن الباوقة-:)
لكن الحقيقة (كمال) فتح لينا نفاج معرفة جدير بالحديث عنه.

سلام كمال عكود ود سلفاب ده جدي السوراب عموماً والعكوداب أكتر شوايقة انتشروا في السودان وإختلطوا بالقبائل الأخرى وسوار ود شايق والدته من دارفور

Quote: سلام كمال عكود ود سلفاب ده جدي السوراب عموماً والعكوداب أكتر شوايقة انتشروا في السودان وإختلطوا بالقبائل الأخرى وسوار ود شايق والدته من دارفور

حياك الله منتصر.

انا اتخيل لي (السواراب) في مناطق (الكرو والأراك والدهاسيرا ) ما اظن عندهم دخول على
الضفة التانية للنهر- واظن دخولهم بي هنا (بطون) بس لكن ما اظنهم جو واستوطنوا بي هنا.
حتى لو ملاحظ كلمة (سورج) ما بتلقاها الا في المناطق الذكرتها ليك.

يا كمال -كدي بالله اذا عندك معلومة ابسطها لينا عن المناطق التابعة لي كل واحد.
بعدين برضو في (بدير) ما مذكور يا كمال- يقال انو بدير واحد من الأبناء.

من اغرب القرى في السودان قرية فتوار التي لايعرف الكثير من شبابها الى اي القبائل ينتمون
وبفضل الله ثم بفضل ان القرية لحم راس من ناحية قبلية اختفت هذه النغمة فهي تتكون من انقرياب( الصقورة) وهم اقلية ثم جعافرة وهم الشوافعة الذين اتى جدهم
من جنوب مصر ولهم فروع ببربر والدويم وانا منهم وثم العبابسة ويقال انهم رباطاب والتكاوين والحسيناب والبخيتاب ويقال انهم جعليين وهناك شوية دناقلة وشوية حسانية
واخرين لايعرفون لنفسهم قبيلة فصارت فتوار هي قبيلتهم وجهة انتمائهم حيث يقول الواحد انا فتاوري وذلك لذوبان الروح القبلية نتيجة للمصاهرة

التي حدثت بين كل هذه القبائل قل الافخاذ وحتى ماكتبت هنا لن يحوي قبائل الفتاورة فقد اكون لا اعرف الكثيرين الى اين ينتمون!
واتحدى اي ا كان يقول لك فتوار تابعة لاي قبيلة .
هي مثال انصهرت فيه كل قبائل المنطقة ففقدت ولحسن الحظ اي هوية قبلية

Quote: الباوقة.. أرض النخيل والخضرة اليانعة 13 سبتمبر، 20150 فيسبوك تويتر الخرطوم – نسيبة محجوب وجدت قرى ومدن سودانية كثيرة حظها من الغناء السوداني، وكان للباوقة نصيب الأسد لمن سنحت لهم الفرصة بزيارتها والارتشاف من مائها العذب والاستنشاق من هوائها النقي، تغنياً بجمالها الذي سحر أعين المطربين، كل يريد رسم تلك اللوحة التي تجمع النيل بالنخيل الذي يتمايل طرباً على الألحان التي تعزفها أمواج البحر. صدح الفنان ود البادية بمقولته الشهيرة “من جناين الباوقة طرحة ومن مريدي السمحة لمحة”، والمتتبع لسيرتها يجد أن الزراعة شكلت عنصراً أساسياً في نهضتها، بقي ولا يزال اللون الأخضر يزيدها رونقاً وجمالاً. أرض الباجة وفي السياق، أشار العم عمر المكي أحد أبناء المنطقة، إلى أن تاريخها يرجع إلى مملكة علوة النوبية التي تمتد من دنقلا العجوز وحتى الأبواب أي البجراوية جنوباً، لذا يعد الفونج النوبيون من أوائل السكان الذي حلوا بالمنطقة، الذي يؤكده وجود الكنائس وبقايا الآثار التي ترجع إلى ذاك العصر الغابر. وأضاف: في السابق عرفت (بالباجة) التي تعني الأرض المسطحة حتى حرفت إلى الباوقة، والتي تقع شمال مدينة بربر من الضفة الغربية للنهر. مجموعات متفرقة وتابع سُميّت بـ (باوقة حمد والأمين) وهما أبناء إدريس بن عبدالله جماع الشهير بـ(الانقر) المنتمي للعبدلاب، باعتبار أن لهم السبق في اللجوء إليها. وأضاف: لم يقف الحد عند أبناء جماع بل توالت القبائل نزوحاً بحثاً عن الماء والكلاء، حيث اقتاد (ابخير) القادم من أرض الجعليين فرع المسلماب، والذي استوطن في الجهة الجنوبية من المنطقة وعرف أحفاده بـ (التكاوين)، رغم تمددهم مع مجموعة الانقرياب، إلا أنها احتضنت عدداً من المجموعات الأخرى كالرباطاب والشوايقة والحسانية وغيرهم، لتُكوِّن أحياءً منها على سبيل المثال (واوسي، والتكاوين، والعمارة، والجرانيس والحواشات)، ولا تزال مكان ترحيب لكل من يلجأ إليها. وأوضح العم عمر أن عدد سكانها بلغ أربعين ألف مواطن، مُشكِّلين سوداناً مصغراً من جل المجموعات الثقافية في محيطها على الشريط النيلي. نخيل وموالح ولفت إلى أن العام 2017 يعلن اكتمال قرن من الزمان على إنشاء مشروع الباوقة الزراعي، الذي بدا العمل فيه عام (1917) وافتتح رسمياً في العام (1918) في عهد الحكم الإنجليزي. وأضاف أن المشروع شكل إضافة حقيقية في تنمية وازدهار المنطقة، حيث بلغ عدد الحواشات آنذاك (116) حواشة بمساحة عشرة أفدنة للحواشة الواحده، وكانت تمثل زراعة القمح والفول بجانب القطن محاصيل رئيسية في بداية الأمر، إلى أن تمت بستنة المشروع في أوائل الأربعينيات عندما بدأ التفكير في زراعة البلح، وجاء إنشاء وحدة البساتين لدراسة وتجربة الشتول قبل غرسها في الحواشات، التي يتم جلبها من بعض المشاريع التي تعتمد على زراعة النخيل خاصة منطقة الرباطاب، فضلاً على ازدياد المساحة المزروعة التي بلغت (4500) فدان، ووجدت زراعة الموالح كالمانجو والبرتقال والقريب فروت بجانب الأعلاف اهتماماً كبيراً لدى المزارعين. إدارة أهلية وأشار عمر المكي إلى الدور الكبير الذي تلعبه الإدارات الأهلية في حفظ الأمن والاستقرار آنذاك، حيث تمتعت المنطقة لفترة ليست بالقصيرة تحت إشراف وحكم العمد والمشايخ، وحكم إبراهيم أحمد حمزة عمدة (الانقرياب) الجهة الشمالية، عثمان محمد عثمان (التكاوين) الجهة الجنوبية وما جاورها من الأحياء، إلى أن أصدر المشير جعفر نميري قراراً بإيقاف الإدارات الأهلية وتشكيل المحليات، حينها انتقل الحكم من الإدارات الأهلية إلى المحليات. وتابع: عند تقليص المحليات نتيجة لفك ضائقة الموارد تم تحويلها من محلية ريفي الباوقة إلى وحدة إدارية، وجعلت منطقة العمارة مقراً لها باعتبار أنها تقع في وسط المنطقة، وبها كل المرافق الحكومية المهمة، بجانب السوق الكبير الذي نقل إليها مؤاخراً من منطقة الباوقة شمال. العقل السليم في الجسم السليم وقال عمر المكي إن تنوير العقل والفكر واخراجه من ظلمات الجهل إلى نور العلم أساس للنهضة والتنمية، لذا شهد العام (1936) تشييد أول مدرسة بالقطاع بعد أن كان يتلقى الأهالى التعليم في الخلاوى لمعرفة أمور دينهم بجانب تعلم القراءة والكتابة. وتابع: تخرَّج في تلك المدرسة التي أطلق عليها (المدرسة الجنوبية) عدد كبير، منهم على سبيل المثال لا الحصر: عبد الفتاح حسن سعيد وعلي جاويش والنور عبد الله زروق. وأضاف: بمرور الوقت وانتشار ثورة التعليم أصبحت لكل حي مدرستان، إحداهما للبنين وأخرى للبنات بمرحلة الأساس، وفي العام (1989) تم إنشاء مدرسة الباوقة الثانوية للبنات أول مدرسة في القطاع. وقال: لا تقل الصحة أهمية من التعليم، فالعقل السليم في الجسم السليم، في عام (1971) تم وضع حجر الأساس إيذاناً لتشييد المستشفى الذي تم افتتاحه (1975)، وكانت الفائدة العظمى في إنفاذ مشروع كهربة المشاريع الزراعية التي حلت بركتها على القطاعين الزراعي والسكاني، فضلاً على أنها الأولى توشحاً باكتشاف الذهب (بوادي الصنقير)، حيث كان التعدين أهلياً، إلى أن تم تقنينه بواسطة الشركات التي بلغ عددها أربع شركات. كفر ووتر ويواصل عمر حديثه قائلاً: جاء تكوين اتحاد كرة القدم متأخراً في العام (1990)، رغم أن العام (1954) شهد تأسيس نادي المخازن كأول نادي لكرة القدم بالباوقة، بجانب أن هناك أحياءً بها أكثر من ناديين تبعته في هذا المجال، فضلاً على أن بعضاً منها وجد نصيب المشاركة في دوري السودان للأندية، حيث أبدى العم عمر تأسفه على تراجع العمل الثقافي بالمنطقة وغياب الليالي الثقافية التي كانت تقام على مسارح الأندية والمدارس. ولفت إلى أن هناك عدداً من الفرق والفنانين تغنوا في تلك الليالي من بينهم الفنان صلاح بن البادية وأبوداود وإبراهيم اللحو وملك الطمنبور النعام آدم وعيسى بروي. وأردف: كان للفنان الراحل عبدالكريم الحوري الذي ذاع صيته في الستينيات دور في نقل غناء المنطقة إلى معظم أنحاء السودان بمشاركاته الخارجية، فضلاً على أنه أول من أدخل آلة الطمنبور بالباوقة، بجانب مشاركاته في تلك الليالي. وقال إن الفنان عبد الواحد مديني الشهير بـ (عبد الواحد الباوقة) خلف لخير سلف في نقله لأشعار أبناء المنطقة إلى خارج محيطها اليوم التالي

منقول من الراكوبة.

كتب الأخ منتصر العكودابي))
سلام كمال عكود ود سلفاب ده جدي السوراب عموماً والعكوداب أكتر شوايقة انتشروا في السودان وإختلطوا بالقبائل الأخرى وسوار ود شايق والدته من دارفور))

0 وكتب الأخ الشيخ.....معنى الكلام ده يا كمال انو نحن الهاجرنا عليهم.غايتو جنس سلبطة - وا شماتة ابلة ظاظا فينا:)السوراب مركزهم مناطق القرير ولكنهم إنتشرو شرقا وغربا في المنطقة)))..

.... والعكوداب مركزهم قوزهندي بالقرير - بالمناسبة هجرة عكود ومحاولة فرض سيطرته علي معظم الإقليم الشمالي كانت بالغزو والسيف ومنطق القوة والقهر ـ الراجل كان فارس وقائد وحينما مات خلفه الشيخ الأزيرق ... وبالمناسبة مهيرة بت عبود من السوراب--والسوراب في فرع منهم إختار حياة البداوة والرعي ـ يعني بقو عرب

العمدة سورج سورابي يالشيخ ـ في سوراب بالضفة الشرقية ريفي كريمة
أواصل

سلام كمال فعلاً لكن في القرير أعتقد إنهم في قوز قرافي وزي ما قلت في منهم البواليد وسلوة وحتى في الجزيرة في ودسلفاب ومنهم الراحل مصطفى سيدأحمد وكثير من السوراب مسكو عمد من بارا وحتى عند الجعليين لأنهم انتشروا وتزاوجوا مع غالبية القبائل تقريباً حتى منهم فرع أولاد فوراوي

لا يامنتصر
العكوداب مركزهم قوز هندي
وقوز قرافي دا مركز القرافاب -وهم شايقية "بالتجنس " والنسب. والثقافة هم. أصلا من جزيرة لبب تزوج جدهم من السوراب. وجدك عكود جاب فقهاء من لبب عشان يعلموا الناس القراية والكتابة وتحفيظ القران - وجاب خبراء سواقي وفني مراكب وحداديد لعمل السيوف والأدوات الحربية
وبالمناسبة في رواية بتقول انو السوراب. أصلا من الضفة الشرقية مع "العونية ناس العوني " وعكود عبر النيل في آطار صراعه مع بطون الشايقية الاخري واستقر بالكري -كري القرير - مؤقتا الي انتقلت عشيرته الي منطقة قوز هندي الحالية - اخر معاركه كانت بقوز ام شديرة وقتل فيه ودفن بمقابر ود شلال بالكري - بينما مقابر العكوداب الان. تسمي بتور القوز -بقوز هندي ويشاطرهم القرقاب نفس المقبرة

الأخ محمد حمزة
سلام
ياخ دي صور بديعة.
وبالمناسبة فتوار دي تستحق تصوير فيلم عنها.
وفتوار ريف زراعي غير مكتشف للعالم .
فتوار تستحق الاهتمام .
تحياتي

اليوم الباوقة تستغيث

السيول أتت على احياء التكاوين والجرانيس

اللهم الطف بعبادك

تحية لكل الاخوة و شكر خاص للحبيب عثمان علي جلب كل هذا الكم الهائل من الجمال.

و للأخ الشيخ سيد أحمد ، وردت في معرض مشاركاتك كلمة "كونشبر" ليتك تنورنا ماذا تعني الكلمة؟

كنت سمعتها من قبل في مقطع اغنية لمصطفي سيد أحمد و لكني لم أنتبه:
"كونشبر طورية منجل ، سبحة فانوسا مدردح ، قلتي بيهن لي زمانك ، يا زمان الآهة حدك ، لا تطا الوردة الصبية"

شكرا لكم جميعا علي هذا الجمال...

يا سلام

ما يحتاج

تحياتي

باشمهندس أسامه صديق
سلام وتحايا

Quote: و للأخ الشيخ سيد أحمد ، وردت في معرض مشاركاتك كلمة "كونشبر" ليتك تنورنا ماذا تعني الكلمة؟ كنت سمعتها من قبل في مقطع اغنية لمصطفي سيد أحمد و لكني لم أنتبه: "كونشبر طورية منجل ، سبحة فانوسا مدردح ، قلتي بيهن لي زمانك ، يا زمان الآهة حدك ، لا تطا الوردة الصبية"

أثناء عملية ري الزراعة- يكون (التربال) متابعة لعملية الري- التنظيم الهندسي للرقعة الزراعية يكون شكلها عبارة عن (أحواض)
وكل حوض مقترن بالآخر- لكن كل هذه الأحواض تسقى من (جدول) واحد- أحيانآ تحتاج الى (جلب) تراب جاف بغرض تثبيت (اللبقة) وهي
كتلة تمنع تدفق الماء أو تحجزه بغرض توجيهه لجهة معينه (حوض من الأحواض) - الأداة التي تنقل بها التراب الجاف في الغالب عبارة عن
(قفة) مهترئة للغاية بلغ بها الإهتراء مبلغآ كبيرآ - هذه القفة المهترئة هي (الكونشبر).
أتمنى يكون وضح ليك المعنى يا باشمهندس.

في قول (حميد) "كونشبر طورية منجل" هذه الأدوات الثلاث تكون مصاحبة للتربال في عملية الري- وتبدأ بالمنجل الذي يزيل الأعشاب
الجافة قبل عملية الري- ليأتي دور الطورية في فتح مجال للمياه ما بين الجدول والأحواض الزراعية - ثم يأتي دور (الكونشبر) في توفير
التراب الجاف.

تحياتي.

فوق