لجنة التمكين ... و فصل اساتذة الجامعات

12:25 PM May, 24 2021

سودانيز اون لاين
Zakaria Fadel-Al-Ain UAE
مكتبتى
رابط مختصر

قامت لجنة التمكين (بالتعليم العالي) بفصل اساتذة من الجامعات....

أثنان منهما اثار قرار الفصل بحقهما ضجة في بعض وسائط التواصل الاجتماعي

الاول هو دكتور يحى عبد الله ( أظنه عضو بالبورد)....
الثاني (أعرفه جيدا) هو دكتور أحمد ابراهيم سيد أحمد....

سلامات زكريا
كويس انك تعرف دكتور أحمد ابراهيم لأني سألت عدة مرات وفي أماكن مختلفة سؤال لم اجد له إجابة, وإن شاء الله تكون عندك
هل شغل الدكتور اي منصب دستوري؟ ناس وزير, معتمد, والي .. أو ما شابه؟

تحياتي ود البشرى....

شغل الرجل منصب مدير جامعة تقنية صغيرة (منتدبا من جامعة السودان )....

هل تعتقد ان مناوي ...شغل منصبا سياسيا زمن الانقاذ يا محمد؟

قامت الانقاذ بتشريد العديد من اساتذة الجامعات في بداية التسعينات
وهو أمر لاقى استهجانا كبيرا في اوساط الاساتذة
كان تبرير الانقاذ وقتها انها لم تقم بفصل خصومها.....بل قامت بفصل الناشطين من خصومها...ولم يشفع لها ذلك التبرير

نزل قرار الانقاذ بفرمان النظام الديكتاتوري السائد وقتها


جاءت لجنة التمكين بفرمان سلام - حرية - عدالة
بعض الناس يطلب ممن ظلم (بضم الظاء) باللجوء للقانون....
يبقى السؤال ...لماذا يقع الظلم ابتداءا ؟

https://top4top.io/

تحياتي زكريا.

خالص التحايا أخي الشيخ

هذا ما نخشاه ...أن يكون الامر فيه (بعض من حسد او كراهية)

Quote: شغل الرجل منصب مدير جامعة تقنية صغيرة (منتدبا من جامعة السودان )....

سألتك لأني قريت صورة من خطاب فصله وفيها اشارة لقرار لجنة ازالة التمكين بتفعيل المادة في قانون الخدمة المدنية التي تمنع استمرار الموظف الذي شغل منصبا دستوريا في وظيفته, طالما الرجل لم يشغل منصب دستوري و كان فقط مندبا فا موضوعه واصح و سيكسب الاستئناف أو التقاضي للدائة الخاصة التي انشاتها القضائية

أما بالنسبة للدكتور يحى كما فهمت من البوستر الجابه الشيخ أنه شغل منصب وزير فموضوعه لا خطا فيه وبالمناسبة لم تفصله لجنة الازالة بقدر ما فصلته لوائح الخدمة المدنية التي لم تطبق عليه في حينها.

لجنة التمكين (بالتعليم العالي)....
لاذت بالصمت التام عندما تم تعيين مدير جامعة الجزيرة الحالي في منصبه
رغم علمها التام بوجود من هو أحق..و أكفأ .. و أجدر منه بالمنصب...
ورغم قيامه بفعل لم يسبقه عليه احد في عالم التعليم العالي المحلي و الدولي
فعل جعل من جامعة الجزيرة أضحوكة بين الجامعات....

ولكنها (تنتفض) ...في وجه دكتور يحي ..و دكتور أحمد ابراهيم رغم كفاءتهما و التي شهد بها الجميع...

هل تعلم يا ود البشرى ..أن أحمد أبراهيم كان خصما للاتجاه الاسلامي بجامعة الجزيرة؟؟؟
وقد كان منتميا لرابطة الطلاب المستقلين

قيام النظم الديكتاتورية بفصل اساتذة الجامعات...تكرر في السودان

قام بها اليسار في 25 مايو 1969 .....ولم يسلم من القرار وقتها اساتذة في مكانة عبدالله الطيب ...و عمر حسن جحا

وكذلك قامت بها الانقاذ...

يبقى السؤال...لماذا يقوم نظام مدني ...بهذا العمل؟؟؟؟

لم تكن الجامعات بقعة سياسية حتى (تفرض) عليها الانقاذ عملية التمكين

التمكين الذي حدث وقت الانقاذ ..كان فسادا ...لأن مواصفات الاستاذ الجامعي واضحة و محددة
التعليم العالي لم يكن بحاجة لازالة تمكين...بقدر ما كان محتاجا ...لازالة فساد

Quote: لم تكن الجامعات بقعة سياسية حتى (تفرض) عليها الانقاذ عملية التمكين

الجبهة الاسلامية لم تترك حجرا الا وقلبته وسيسته
الفساد وصل علي ادني قاع ممكن من كل مفاصل الدولة
ماذا يعني شخص مؤهل اكاديميا لمدير جامعة ، لانه لم يتبقي غيره للمقارنة بعد فصل وتشريد الكفاءات
المعادلة والعلاج صعب ويحتاج وقت طويل حتي لا يختلط ازالة الفساد باحقاق الحق

Quote: هل تعلم يا ود البشرى ..أن أحمد أبراهيم كان خصما للاتجاه الاسلامي بجامعة الجزيرة؟؟؟ وقد كان منتميا لرابطة الطلاب المستقلين

إذن ممتاز كدا! لجنة ازالة التمكين طبقت مادة في لائحة الخدمة المدنية بشكل عادل على الجميع سواء كانوا اسلاميين أم لا!
يبقى فقط الجزء الثاني من العدالة وهو حق المراجعة و الاستئناف طالما انت متأكد من عدم انطباق الحالة عليه (شغل منصب دستوري)

د. أبو القاسم قور معاهم في نفس القائمة

موش حقه نطالب بإعادته برضو؟

لكن يا زكريا ومعذرة على الخروج عن موضوع البوست حقيقة ثار لي تساؤل! هل الجامعات الجكومية تعتبر اجهزة خدمة مدنية تنطبق عليها لائحة الخدمة المدنية!
طيب إن كان الامر كذلك لم لا تلتزم الحكومة برواتب العاملين فيها اسوة ببقية اجهزة الخدمة المدنية و تقول المالية للتعليم العالي ان تدفع "مساهمة" في الرواتب وعلى الجامعات اكمال المخصص من مواردها؟ منطق غريب مش كدا

Quote: أما بالنسبة للدكتور يحى كما فهمت من البوستر الجابه الشيخ أنه شغل منصب وزير

شغل منصب وزير الاتصالات عدة سنوات وبعده شغل منصب مدير عام الهيئة القومية للإتصالات من 2014 لحدي نهاية 2018

Quote: لم لا تلتزم الحكومة برواتب العاملين فيها اسوة ببقية اجهزة الخدمة المدنية و تقول المالية للتعليم العالي ان تدفع "مساهمة" في الرواتب وعلى الجامعات اكمال المخصص من مواردها؟

داك كان تصريح اهوج ساي أيام هبة المطوفشة لكن البند الأول مرتبات في التعليم العالي بجي من وزارة المالية وفي بنود إنشاءات وحاجات تانية برضو بتجي من المالية حتى بعد داك يتم استغلال الموارد في بقية المنصرفات

كدا مفهومة, شكرا يا أحدهم :)

يا وجدي ومناع خجلنا لكم

الخجل من شنو يا إخلاص؟
ناس كانوا شغالين مع الانقاذ 30 سنة
لو ما كانوا جزء من التمكين فهم مساندين فيه كونهم كانوا على رأس الهرم الإداري
سمعتي ليك بي زول ما كوز ولا موالي بتعين في سوداتل ولا الاتصالات؟

you can't have it both ways

اساتذة الجامعات ما زي اي موظف
بمنطقك ده كل اساتذة جامعة الخرطوم
نفنشهم
زمان ظباط نصر عملوا حاجة زي دي
وكذلك بعثي العراق ، ده خطأ

Quote: يا وجدي ومناع خجلنا لكم

تخجلي ليهم ليه يا دكتورة! عشان اصدروا قرار بتطبيق مادة موجودة في لائحة لخدمة المدنية وكان معطلنها الكيزان!

ياتو مادة التي تجيز فصل موظف لشبهة انتماء

كنت قبل ساعة اشاهد فيديو المفصول بسكن
جنب جبال كرري ، اولاده صغار وبيت مهدم .
الخدمة المدنية لا تدار بالشبهات

كيفن ما زي أي موظف يا إخلاص؟
الفرق شنو يعني؟
البميز الاستاذ الجامعي عن الطبيب عن المحامي عن المهندس شنو؟
ما سمعتي بمدير جامعة النيلين الدعا لقتل المتظاهرين؟
ناس الإنقاذ ديل كلهم اساتذة جامعات بالمناسبة من نافع وابراهيم احمد عمر والترابي لحدي الجابو درجات عالية بإمتحانات المجاهدين وهم قاعدين في نص الخرطوم

Quote: لشبهة انتماء

موش شبهة! لو كوز عديل ومعين بطريقة سليمة مافي زول يصلو
ناس لجنة التمكين بفتشوا في طريقة التعيين نفسها هل تمت عبر لجنة الاختيار بإجراءات سليمة ولا تعيين كيزان

برضو خطأ
في الجامعات الكفاءات ممكن تعين بقرار

قرار فردي يعني؟
دة مافي
في لجنة تعيينات يرأسها مدير الجامعة وعندها لجان معاينات ترفع توصياتها وبعد داك المدير يرفع التوصية النهائية لمجلس الأمناء

مدير الجامعة ممكن
لجنة الاساتذة العمداء
هو مدير

لجنة ازالة التمكين تمثل معضلة حقيقية
الخدمة المدنية تحتاج حرص شديد
لمصلحة العمل .

ما فهمت كلامك
لكن لو الموضوع (تعيين) لازم الاسم يترفع بالسيرك الرسمي بعد استيفاء المتطلبات للتعليم العالي ومن ثم يتم اعتماده في وزارة المالية وإلا ما حيجيهو مرتب
التعاقدات الخاصة المؤقتة ممكن يسري عليها كلامك دة .. ما محتاجة لجان تعيين
الاستاذ يؤدي واجبه ويصرفوا ليه مستحقاته من مال التسيير أو الموارد الذاتية. وكدة تنتهي علاقته بالجامعة يعني لا عندو تأمين لا معاش ولا أي مستحقات تانية

Quote: ياتو مادة التي تجيز فصل موظف لشبهة انتماء

هل انا قلت شبهة انتماء؟ كدي يا دكتورة قولي لائحة الخدمة المدنية السودانية ح تلقيها صفحة PDF نزليها و ابحثي عن المادة 145!

يا احدهم وقت اصلك فاضي و السريفرات راننغ :)، كدي نزلها لينا سكرين شوط عشان ننتهي من الغلاط دا!

ههههههه لا لا هي ما قاصدة كلامك
بتتكلم عن الفيديو الحضرته

سلام عليكم
اذا كان المقصود يحى عبدالله وزير الاتصالات الاسبق ومدير هيئه الاتصالات لاحقا اخر ايام الانقاذ .
نذكر الناس انو الزول دا وهو مسئول هيئه الاتصالات ايامها (ايام الثوره) وورود احتمالات قطع الانترنت وحسب ماورد فى الاخبار وقتها لو تذكرو تم اعتقالو من جهه امنيه بعد ماتردد عن رفضو طلب بقطع الانترنت وبعد ما غاب مع المجموعه لفتره عاد بعد ساعات فى حال سيئه ويبدو ان تعرض لمعامله سيئه حسب الخبر المنفزل وقتها
من حهه تانيه اغتبر دكتور يحى استاذى فقد درسنا على ايدوالالكترونيات الرقميه (عملى ونظرى) ونحنا خريجين فى منتصف التسعينات -واذكر اكان شغال معانا اخر معملى قبل ساعات من سفرو بريطانيا لدراسه الماجستير واعتقد تفوق وقتها وحصل على الدكتوراه ايضا-وكان وقتها م .ت لكن كان مسئول عن قسم الكمبيوتر فى علوم ج السودان وكان يعمل تقريبا 12 ساعه فى اليوم لقله الاساتذه وميل من توفر للعمل الخاص (كان المدير بروف عزالدين محمد عثمان - مختص كمبيوتر برضو )
دكتور يحى ان كان كوز ولا لا .لكن على المستوى الانسانى والمهنى شخص ممتاز ومخترم ودا لمسناهو رغم انو كنا ندرس فى قسم اخر فى الكليه ووما درسنا غير كورس الرقميه الا ان اكاديميا ربما يكون اقدر على تقديره بشكل اوفى طلابه فى التخصص وذهابه يعتبر فقد لنموذج من الاساتذه مفروض ان يكون معيار للاستاذ فى زمننا دا عشان يتطور التعليم العالى

Quote: وحسب ماورد فى الاخبار وقتها لو تذكرو تم اعتقالو من جهه امنيه بعد ماتردد عن رفضو طلب بقطع الانترنت وبعد ما غاب مع المجموعه لفتره عاد بعد ساعات فى حال سيئه ويبدو ان تعرض لمعامله سيئه حسب الخبر المنفزل وقتها

ما حصل
مجرد شائعات تم إطلاقها في ذلك الوقت ونفاها بي نفسه في قروبات الأساتذة وحتى للصحف وقال بالحرف الواحد إنه مافي زول طلب منه قطع خدمة الانترنت

Quote: واعتقد تفوق وقتها وحصل على الدكتوراه

برضو ما صاح
الدكتوراة حضرها متأخر في الألفينات في جامعة السودان

Quote: كان مسئول عن قسم الكمبيوتر فى علوم ج السودان

الفترة البتتكلم عنها دي كان قسم الحاسوب تابع لكلية العلوم ورئيسه أمير عبد الفتاح

Quote: وكان يعمل تقريبا 12 ساعه فى اليوم لقله الاساتذه

أصلاً هو بيدرس 3 مواد فقط شبكات ونظم تشغل ولغة تجميع وديل كلهن بتدرسن لي تالتة ورابعة فقط فما ممكن يكون شغال 12 ساعة .. كان دوامه عادي زيه وزي باقي الأساتذة



___________
نعم هو زول شراح شديد وحاضر النكتة ومحاضرته ممتعة. يمكن عشان كدة الناس البتحب طريقة تدريسه ما قادرين يستوعبوا شغله الإداري خارج القاعة

الاخ زكريا وضيوفو
الاستاذ الثالث المامذكور فى الخبر هو

Quote: (كان المدير بروف عزالدين محمد عثمان - مختص كمبيوتر برضو )

وبرضو بروف عزالدين وهو مدير جامعه اتعاملنا معاهو-فى الجمعيه الاكاديمه للقسم- فى مشكله تخص القسم والمناهج وامور تانيه كان شخص محترم ومتفهم لطرحنا رغم حاله من الاندفاع صاحبت مطالبنا اكتشفت شخصيا عمق موقفو من قضيتنا رغم انو مافهمناهو وقتها.
عزالدين محمد عثمان فى عهدو الجامعه اتنظم فيها توزيع القاعات بعد ما كان انت شغال يجيك استاذ -من كليه تانيه -يقول القاعه دى حقتى وفى عهدو حصلت نقلات نوعيه فى الجامعه اسست لتطوير الجامعه وتوسعها الحالى
رغم انو الجامعه موصوفه انها جامعه كيزان لكن عهد بروف عزالدين كان نقطه تحول ونقله للجامعه
.----
----
احمد محمد عمر
.
يعنى انت جاى جرى بقلمك الاحمر عشان تغلط كلامى عن فتره تدريسو فى ج السودان
القسم وقتها مر عليهو كم استاذ وكانو فى رئاستو رغم انهم م ت ومامحتاج بعد سنوات تغالطنى انو ماكن رئيس قسم او يعمل 12 ساعه فى اليوم لنقص الكادر وهو شىء عاصرناه كطلاب فى الكليه عن قرب
واحيانا كان لايتوفر لينا فى باقى اقسام الكليه اساتذه لتدريسنا كورس الكمبيوتر (الا متاخر) لانو اغلب الاساتذه بيكونو متعاونين
اظاك بتتكلم عن فتره مختلفه عن الفتره البتكلم عنها
----------
الموضوع التانى بتاع ايم الثوره ذكرت انو حسب ما ورد فى الاخبار
موضوع الدكتوراهه برضو قدمت عباره اعتقد لانى ماكنت متاكد من المعلومه
----------
فى النهايه دكتور يحى استاذ محترم ومتمكن ومحبوب من طلابو
المشكله شنو
عشان كوز ؟
رغم كرهى للكيزان لكن زى دكتور يحى يجبرك على احترامو كاستاذ واعتقد عارف نماذج الكيزان سواء اساتذه دامعات او حتى فى دواوين اخرى وماعندهم شىء غير انهم منتمين للاجهزه الامنيه .
.
نحنا ماكتلنا واخرنا فى البلد دى غير انو السياسه مسيطره على هقلنا فى كل شىء

Quote: قريت صورة من خطاب فصله وفيها اشارة لقرار لجنة ازالة التمكين بتفعيل المادة في قانون الخدمة المدنية التي تمنع استمرار الموظف الذي شغل منصبا دستوريا في وظيفته

يا ود البشرى الكلمة الوردت في الخطاب هل هي تفعيل أم تطبيق؟
لأنها بتختلف وبتفرق كتير.

البروفيسور أحمد محمد الحسن عمل كوزير للتعليم العالي لمدة 5 شهور في عام 1971.
أسس معهد الأمراض المتوطنة في جامعة الخرطوم في نهاية الثمانينات.
له أكثر من 180 بخث منشور بعد عام 1971 عن أمراض اللشمانيا والبلهارسيا والملاريا.

Quote: داك كان تصريح اهوج ساي أيام هبة المطوفشة لكن البند الأول مرتبات في التعليم العالي بجي من وزارة المالية وفي بنود إنشاءات وحاجات تانية برضو بتجي من المالية حتى بعد داك يتم استغلال الموارد في بقية المنصرفات

غلط
وزاره الماليه بسبب هبه قالت انو بتقدم مال دعم مش مرتبات (ماملتزمه بيها)
مال الدعم من الماليه يغطى نسبه من المرتبات والباقى تكملو الجامعات من مواردها
فى جامعات بتصرف المرتبات ناقصه لانو مواردها ضعيفه وبعضها بياخد زمن ويصرف متاخر جدا لغايه مايكملو المرتبات

يا عاصم البند الأول مرتبات بالكامل بيجي من وزارة المالية
البجي من الموارد المكافآت زي قروش التصحيح والامتحانات واللجان
هبة ديك مطوفشة ساكت

يا احمد انا ما حاغالط ساى
حاتواصل من ناس اللجنه واعرف الملخص واجيبو هنا
وزيره التعليم هسى مع ازمه كورونا سمحت باستثناءات بالامتحانات
والمعاينات والتسجيل عشان الجامعات صناديقها ماتفضى وتحصل مشكله تكمله المرتبات وهى ماقادره تعمل شىء مع الماليه
خاك البوست دا لغايه ممؤقتا
قطاع التعليم العالى - عيد بدون مرتباتقطاع التعليم العالى - عيد بدون مرتبات

Quote: كنت قبل ساعة اشاهد فيديو المفصول بسكن جنب جبال كرري ، اولاده صغار وبيت مهدم .

أين الحرية والسلام والعدالة في الكلام اعلاه؟
اولاده صغار وبيته مهدم ومع ذلك يفصل؟


ان كانت هنالك لائحة تجيز فصل أساتذة الجامعات لتوليهم مناصب دستورية فهي لائحة عرجاء ينبغي تغييرها فورا
الثورة معول بناء وليس معول هدم, كما ان الازمة ليست في الموظفين او الاشخاص, انما الازمة في النظام الذي يدير المؤسسات والذي بموجبه تم تعيين الكثيرين دون وجه حق,
معاقبة الأشخاص لا يحل مشكلة الخدمة المدنية, انما الحل يكمن في تغيير قوانين الخدمة المدنية وتفعيلها
انا ضد فصل وتشريد أي موظف حتى لو كان كوزا أو لم يتحصل على الوظيفة بحق, يبقى في منصبه ما دام اداؤه مرضيا

وظيفة الحكومة الانتقالية هي خلق الوظائف الجديدة وليس تشريد الموظفين

Quote: أو لم يتحصل على الوظيفة بحق, يبقى في منصبه ما دام اداؤه مرضيا

دي أغرب وجهة نظر تلاقيني
نجيب زول جايب 41% في الشهادة وندخله طب الخرطوم ونقول إذا نجح خلاص يواصل عادي وحريقة في الجايب 90 وهو شال مقعدها في الكلية وخلاهو لافي
طيب التمكين كيفنه لو ما كان تعيين الموظفين بغير حق!!!

يا عاصم أنا فاهم كلامك البتقول فيه دة
وقلت ليك دي عمايل هبة المطوفشة وتصريحاتها الهوجاء
أنسى فترة هبة واللجنة واسأل أي إداري في التعليم العالي عنده علاقة بالمرتبات قبل ظهور الكارثة هبة حيأكد ليك مسؤولية المالية عن المرتبات

سيف لجنة ازالة التمكين طال رقاب الكثيرين
السؤال الحائر هو كيف تم ملء شواغر الوظائف التي خلفتها اللجنة؟
هل اعلنت تلك الوظائف في لجنة الاختيار أو صحيفة الدولة ليتنافس عليها أبناء الشعب السوداني,
ام تم ملئها عن طريق (قحت) بنفس طريقة النظام البائد؟

Quote: دي أغرب وجهة نظر تلاقيني نجيب زول جايب 41% في الشهادة وندخله طب الخرطوم ونقول إذا نجح خلاص يواصل عادي وحريقة في الجايب 90 وهو شال مقعدها في الكلية وخلاهو لافي

ان كان اداؤه مرضيا يبقى في وظيفته

كل الموظفين مسؤولية الدولة
الدولة توظف ولا تشرد
اي موظف تم فصله من عمله ينبغي أن يصرف له بدل بطالة الى ان يتحصل على وظيفة جديدة

بالمناسبه الاساتذه الداخلين المجال غير مؤهليم (بالدرجه المطلوبه او تقدير التخرج) او كامنجيه ديل قاعدين بل وكمان عاملين فيها ثورجيه وطالعين فى الكفر وما فى زول هبشهم رغم انهم اول ناس (by default) لجنه التمكن تشيهم فى البدايه وبعدين تقعد تفتش بين العلماء المؤهلين وليهم اسهامات وابحاث

Quote: ان كان اداؤه مرضيا يبقى في وظيفته

اتعين بالحلال ولا بالحرام؟
الوظيفة حقته دي كانت فاضية ساكت ومافي زول دايرها؟ ولا كانوا في ناس محتاجينها وهو سطا عليها عشان انقاذي؟
الخريجين حايمين ما لاقين وظائف والكيزان بتعينوا قبل يتخرجوا ذاتو وتقول لي لو أداؤهم كويس نخليهم؟
والعطالة الحايمين بسببهم؟؟!! حريقة فيهم!

بالمناسبة يا عاصم في حركة بتعملها أغلبية الجامعات ممكن تلخبط فهم الناس في موضوع المرتبات
شيك المالية بتأخر كتير .. بل مرات ممكن يتأخر زيادة من 20 يوم
المعالجة للموضوع دة كانت إنه الجامعة من مواردها تجنب مرتب شهر تصرف بيه المرتب في موعده وتنتظر شيك المالية تغطي بيه بعد يجي بي راحته

بالمناسبه يا احمد الحركه دى كانت بتحصل لينا قبل كم سنه بشكل مستمر ونصرف مرات يوم 15 فى وقت جامعه زى جامعه السودان كانت بتصرف منسوبيها فى موغد ثابت من غير تاخير من مواردها

يبدو أن الأمور تداخلت قليلا
احمد ابراهيم لم يتول منصبا سياسيا
ويحى قدمته مؤهلاته للمنصب في وزارة استحدثتها الانقاذ
وزارة الاتصالات وزارة لم تكن موجودة
مناصبها فنية بحتة و يحى لم يجلب ليؤدي عملا سياسيا
بل أرادوا شخصا ( عالما) ليقودها
يبقى السؤال هل هناك ( شبهة) فساد في التعيين؟
لأن الشخصين لم يجلبا بغرض ( التمكين)
بل لانهما يملكان المؤهلات المناسبة لهذين المنصبين
هل هناك أحق منهما؟ ربما

شكراً نصر الدين عشر
مفروض الدولة مسئولة عن الجميع

Quote: بالمناسبه الاساتذه الداخلين المجال غير مؤهليم (بالدرجه المطلوبه او تقدير التخرج)

البتتكلم عنهم ديل ما عينوهم بمخالفة اللائحة
الموضوع كان زي تخزين اللعيبة في الأندية الصغرى لما يكون مافي خانة في النادي الكبير العاوزهم
الجامعات الطرفية العملتها الحكومة وما قدرت توفر ليها كادر كان فيها مشكلة كبيرة شديد بتهدد استمراريتها لأنه الأساتذة المؤهلين ما بمشوا ليها
قاموا عملوا (قانون استثناء) يسمح للجامعات الطرفية دي بإستثناء أساتذة من شرط الدرجة بسبب الحوجة الماسة
بعدوا سنة في الجامعة وبتم تسجيل اسمهم في التعليم العالي كأساتذة
السنة البعديها بطلبوا نقل للجامعات الخرطومية، وبما إنه وظيفتهم موجودة في التعليم العالي ومسجلين كهيئة تدريس بتم اعتمادهم

القانون دة أصلاً لو اتعمل لسد الحوجة كان بتم تضمين بند يحصر الاستثناء دة على الجامعة وبإنه المعين بالاستثناء لا يحق له العمل بوظيفته الحالية في جامعة أخرى
لكن هو في النهاية تلاعب ساي وهم عارفين كدة

الاستثناء فى التعيين بقرار من الوزير دا كان بيحصل حتى فى جامعات كبيره فى الخرطوم انا اعرف منهم زملاء بل وعاصرنا بعض فى مرحله الدراسه واعرفهم جيدا
ديل هسى بقو سرطان فى جسم التعليم العالى

خلاصة الموضوع العواسه دي ما بتعشي الجهال ناهيك تبني دولة سيادة قانون محترمة ...

دا تشفي وفش غباين والبفش غبينته اليوم بخرب مدينته غداً ...

ما تقول لي الكيزان فعلوا وتركوا لانو انت جااي للتغير ما جاااي تعمل البعملوه الكيزان خطوه بخطوه ولو دخلوا جحر ضب خرب لدخلتموه قبلهم ...

في مقوله في صدر البوست دا خلو بالكم منها ان الكيزان فصلوا وشردوا الناشطين ضدهم وإلا ما وجدنا أم هزاع تجوعر في بنك السودان بعد 11 ابريل ،
ومحمد عصمت يتضرع في نواحي المصارف :انه خرج من السجن وبيوت الأشباح ...
وأخرين أنتم تعلمونهم ونحن نعلمهم ...

لا مكتوب تفعيل ولا تطبيق يا مولانا في نص الخطاب مكتوب - في ما معناه- بالاشارة لقرار لجنة ازالة التمكين بالرقم كذا بفصل كل من شغل منصبا دستوريا حسب لوائح الخدمة المدنية... إلخ!

فا حقو الناس تركز هنا على حقيقتين:
اللجنة لم تفصل المذكورين لأنهم كيزان! هم حسب لوائخ الخدمة المدنية مفروض من لحظة توليهم المنصب تنهى خدمتهم! مسألة تميزهم من عدمها او انتمائهم السياسي لا محل لها هنا! لائحة خدمة مدنية تسري على الجميع الشاطر و التعبان، الكوز و الانسان على حد سواء
الثاني ان كل قرارات لجنة الازالة او اللجان الفرعية قالة للنقض و حق التقاضي ضدها مكفول فلا يجب مقارنتها بالصالح العام الكان ايام الكيزان

Quote: أم هزاع تجوعر

انت زول ما محترم

Quote: لأن الشخصين لم يجلبا بغرض ( التمكين)

لو ما كوز ولا عندك واسطة كيزانية ما بتتعين في أي حاجة عندها علاقة بوزارة الاتصالات لو نططت
اتحداك تلقى زول خلال التلاتين سنة الفاتو ديل اتعين في الوزارة ولا الهيئة ولا سوداني بإنه دخل امتحان في لجنة الاختيار وعمل معاينة عادلة
البقول ليك كدة أعرفه كضاب لأنه أنا شاهد بي نفسي على إعلان وظيفة في سوداتل الناس تتطاقش في التقديم، عندنا صاحبنا كوز لقى الجماعة جارين يكملوا في أوراقهم قال ليهم والله ما تتعبوا العقودات جابوها لينا في بيوتنا أنا عقدي مضيته أمس وامتحاناتكم البتتجاروا ليها دي ولا عارف مكانها وين ذاتو
وفعلاً دة الحصل .. حبايبي ديل تعبوا روحهم وفي النهاية تم استبعادهم كلهم والكوز البتكلم عنه هسة إداري كبير في سوداتل

بمناسبه من تقلد منصب دستورى
فى وزيره فى عهد البشير وكانت رئيسه حزب اعتقد اتحادى واستاذه جامعه دى طالها القرار دا ؟؟؟

اخي أحمد
منصبي مدير جامعة و وزير اتصالات لا يتم التعيين لهما بمعاينات
وفي الجامعات كان هناك عمداء و أساتذة كانوا يناصبون الإنقاذ العداء
منهم مدير جامعة الجزيرة الحالي
نعم إذا وجد الكوز ( المؤهل) كانت الإنقاذ تفضله على غيره
ولا أظن أن كل الكيزان ( المؤهلين ) كانوا بعدد الوظائف المتاحة


اخي ود البشرى
هذين الشخصين لم يفصلا من هذه الوظائف ( العليا)
بل فصلا من الوظيفة الأساسية
( استاذ جامعي)
وهو اسلوب ( كانت تمارسه النظم الشمولية)
هما الان بلا وظيفة في السودان

يا زكريا أنا ما قلت ليك هو اتعين بدون معاينات
وإنما زمنه الوزير كانوا الموظفين بتعينوا بدون معاينات

Quote: لو ما كوز ولا عندك واسطة كيزانية ما بتتعين في أي حاجة عندها علاقة بوزارة الاتصالات لو نططت اتحداك تلقى زول خلال التلاتين سنة الفاتو ديل اتعين في الوزارة ولا الهيئة ولا سوداني بإنه دخل امتحان في لجنة الاختيار وعمل معاينة عادلة البقول ليك كدة أعرفه كضاب لأنه أنا شاهد بي نفسي على إعلان وظيفة في سوداتل الناس تتطاقش في التقديم، عندنا صاحبنا كوز لقى الجماعة جارين يكملوا في أوراقهم قال ليهم والله ما تتعبوا العقودات جابوها لينا في بيوتنا أنا عقدي مضيته أمس وامتحاناتكم البتتجاروا ليها دي ولا عارف مكانها وين ذاتو وفعلاً دة الحصل .. حبايبي ديل تعبوا روحهم وفي النهاية تم استبعادهم كلهم والكوز البتكلم عنه هسة إداري كبير في سوداتل

هل بالمنطق أعلاه نقوم بفصل كل الموظفين في سوداني والهيئة القومية للاتصالات؟
حتى وان كان ادائهم مرضيا؟
حتى وان كانوا مؤهلين لشغل الوظائف؟

في العام ٢٠١٠ تعينت كمساعد تدريس بإحدى الكليات الطرفية
وفي جلسة صفاء كنا مجموعة من الأساتذة والموظفين وكل واحد تحدث عن واسطته في التعيين
وعندما جاء دوري قلت لهم ليس لدي واسطة, فلم يصدقني أحد
اذن نحن امام واقع معظم الموظفين في الدولة تم تعيينهم بطرق ملتوية, سواء كان عن طريق التوصية أو التزكية او الواسطة المباشرة
لمعالجة الوضع ليس بالضرورة هدم المعبد وبناء آخر
إصلاح الخدمة المدنية يبدأ من سن القوانين وتفعيلها والتأكيد على أن الموظف يعمل ٨ ساعات في اليوم وليس ٣٠ دقيقة في اليوم كما يحدث في كثير من مؤسسات الدولة

ولكن يا احمد هل هذا سبب لتفصيل من وظيفته الأساسية
استاذ جامعي؟؟!!
يكفي ان تفصله من الوزارة

ولكن ان تلحقه في وظيفته الأساسية
والتي استحقها بمؤهلاته فهذا أسلوب ديكتاتوري بامتياز
وظيفة استاذ جامعي لم ينالها بغرض ( التمكين)
وأن لم يكن يستحقها فهذا فساد... بمعنى افصله لان هناك فساد
وليس لأنك تريد إزالة تمكين

أعتذر لبعض الأخطاء الإملائية
التلفون احيانا يختار لك حروفا دون أن تنتبه لها

أنا ما قلت ليك دة سبب الفصل
دة رد على كلامك حول عدم علاقة الدستوريين بالتمكين
التمكين ما وقف طوال فترة الإنقاذ وأي شخص مسك منصب دستوري وما حاربه يعتبر مساهم فيه
ومرة تانية كلامي دة ليس الفصل الحالي
لجنة إزالة التمكين استندت على قانون آخر

اذا كان القانون يقول لك لاحقه في وظيفته الأساسية
وليس التي نالها بغرض ( التمكين)
يبقى قانونا معيبا ويجب إعادة النظر فيه

ثم اذا كان السبب هو تطبيق هذا القانون
فهناك أشخاص نالوا مناصب قيادية في زمن الإنقاذ
ولم يمسهم هذا القانون
بل ان بعضهم ارتقوا في المناصب

انا لا أقول هذا الكلام تفضيلا للأستاذ الجامعي
او انه على رأسه ريشة
بل لأننا جميعا نعلم الندرة في الاستاذ الجامعي المؤهل
يحى عبد الله تلقى تدريبا بريطانيا
و احمد ابراهيم تلقى تدريبا في الصين

وبامكانهما الخروج من السودان كما فعل الالاف قبلهما
ويبقى الخاسر هو السودان

Quote: فا حقو الناس تركز هنا على حقيقتين: اللجنة لم تفصل المذكورين لأنهم كيزان! هم حسب لوائخ الخدمة المدنية مفروض من لحظة توليهم المنصب تنهى خدمتهم! مسألة تميزهم من عدمها او انتمائهم السياسي لا محل لها هنا!

لكن يا ود البشرى إذا المسألة ما متعلقة بإنتماء سياسي وتميز الأساتذة ديل بسبب إنتمائهم السياسي، ببقى تطبيق لائحة الخدمة المدنية ما من إختصاص لجنة إزالة التمكين.
تطبيق اللائحة عمل مستمر وهو من إختصاص مدير الجامعة وإدارة مواردها البشرية.

مدير الجامعة تم تعينه من قِبل رئيس مجلس الوزراء بعد ترشيحه من وزير التعليم العالي.
ووزير التعليم العالي نفسه تم تعينه من قِيل رئيس مجلس الوزراء بعد ترشيحه من قوى الحرية والتغيير.
إذا رئيس الوزراء ووزير التعليم العالي ما قادرين يختاروا مدراء جامعات قادرين على تطبيق اللوائح والمراجعة والتقييم المستمر لأعضاء هيئة التدريس يبقى في خلل كبير في كل المنظومة.

اخي حافظ
ما أعلمه عن دكتور يحى ان ترشيحه لمنصب الاتصالات جاء بترشيح من جامعة السودان
وليس اختيارا من من لجان التمكين الانقاذية
اظنهم طلبوا من الجامعة ترشيحا فنيا

اما احمد إبراهيم
اختياره لقيادة الكلية التقنية نبع من انه
خريج بكالوريوس تقني و تدريبه تم في جامعة تقنية في الصين
احمد اعرفه جيدا جدا وهو ابعد ما يكون عن الكيزان

ما أصر عليه هو
ان يحى ترك الوزارة
احمد ترك الكلية التقنية
كلاهما عادا للوظيفة الأساسية بجامعة السودان
فلماذا الإصرار على اللحاق بهما في الجامعة؟!

ترشيح من جامعة السودان كيف؟
وهل الوزارة تتبع لجامعة السودان عشان ترشح ليها وزير !
وليه ما جامعة التقانة ولا الأهلية مثلاً ؟

هل الترشيح جاء بسبب إنه الجامعة كان على رأسها الكوز بروف عز الدين محمد عثمان ولا في أسباب مهنية تانية أنا ما عارفها؟

عشان نعرف بنتكلم عن شنو



يشير الخطاب لقرار لجنة ازالة التمكين بالرقم. 519. الوارد ادناه من صفحة اللجنة على الفيس بوك



القرار يقول جميع الدستوريين ولم يحدد كوز ولا انسان

و القرار دا مستند اساسا على شنو؟ الاجابة حسب قانون الخدمة المدنية ٢٠٠٧ الفصل ١١ البند (ح) التي تقرأ:


يبقى الناس ما تغالط ساي وتسبب من راسها اسباب انهاء خدمة المذكورين! الاسئلة عن دستوريين سابقين او حاليين وهل تم فصلهم من الخدمة تطبيقا للمادة اعلاه اسئلة موضوعية توجه للجان الفرعية في مؤسساتهم عن عدم التزامها بقرار اللجنة الرئيسة! لكن حتى يتم ذلك و الناس تلقى الاجابة من اللجان المعنية لا يؤثر هذا على القرار الصادر بفصل المذكورين
الحاجة الوحيدة المفروض تثار هي هل فعلا تولوا مناصب دستورية تضعهم تحت المادة ام لا، واحد منهم نعم ذكر انه تولى الوزارة اما الثاني حتى اللحظة لم اقرأ سوى تأكيد زكريا انه لم يتول اي منصب دستوري

شخصيا لا أعلم أن كان منصب مدير كلية تقنية دستوري ام لا

السؤال هو يا ود البشرى
لماذا الخيار و الفقوس
كيف يتم اختيار مناوي و عقار وهما اللذان شغلا مناصب دستورية واضحة
واذا كانت الإجابة أنهما الان يشغلان مناصب دستورية
تبقى روح القانون هلامية
اما إذا أخذنا بالتاريخ
فهناك العديد من أساتذة الجامعات تولوا مناصب دستوري
وعندما تغير النظام السياسي الذي قام بتعيينهم رجعوا لجامعاتهم
اذكر منهم بروفسور عبد الله احمد عبد الله
بروفسور احمد عبد الرحمن العاقب ( بتاع هندسة الخرطوم)
وربما يكون هناك غيرهم

مبلغ علمي يا احمد هو ما ذكره دكتور يحى نفسه
وهو انه قد تم اخطاره بواسطة الجامعة انه قد تم ترشيحه لذاك المنصب
الوزارة نفسها منذ أن أنشأت كان يقودها أشخاص عرفوا بعلاقتنا الوطيدة بتقنية الحاسوب و الشبكات
ولذا اعتقد ان يحى ظن ان ترشيحه تم لعلاقته بهذا العلم

اما عدم اتساع نطاق الترشيح ليشمل جامعات أخرى
شخصيا لا أعلم الحقيقة ولكن يمكنني ( التنظير)

سلام زكريا

Quote: كلاهما عادا للوظيفة الأساسية بجامعة السودان فلماذا الإصرار على اللحاق بهما في الجامعة؟!

اطلعت على لائحة الخدمة المدنية ونصوصها فيها ضعف بائن وفيها كثير من النواقص.
هنالك مادتان متعلقات بإنهاء خدمة الأستاذ دكتور يحى وشغله للوظيفة حالياً
المادة الأولى هي المادة 144 من اللائحة ونصها كالآتي:

Quote: المادة 144 تنتهي خدمة العامل الذي يتم إختياره لشغل منصب دستوري من تاريخ إختياره لشغل المنصب وتحسب له خدمته المعاشية على أساس الدرجة الأعلى في الخدمة المدنية.

والواضح أن الغرض من المادة هو منع الجمع بين المنصب الدستوري والوظيفة في الخدمة المدنية منعاً للتعارض وتضارب المصالح.
لذلك فالأستاذ الذي عمل كوزير كان من الأصح إنهاء خدمته عندما تقلد منصب دستوري.
ولا أدري إن كان ذلك قد تم في ذلك الزمان أم لا.

المادة الثانية هي المادة 23 المتعلقة بإعادة التعيين وتنص على الأتي:

Quote: المادة 23: إعادة التعيين (1) مع مراعاة أحكام المادة 22 يجوز إعادة تعيين العامل بنفس أجر درجته السابقة وعند حصوله على مؤهل أعلى او خبرة ينظر في تحديد أجر او درجة أعلى وفق حوجة الوحدة لخدماته واستيفائه لشروط التعيين. (2) لا يجوز إعادة من فصل من الخدمة بموجب قرار لجنة محاسبة إلا بعد مضي سنة من تاريخ قرار الفصل على أن يكون ذلك بقرار من رئيس الوحدة. (3) لا يجوز إعادة أي عامل إنتهت خدمته بالإستقالة إلا بعد مضي ستة أشهر من تاريخ إنتهاء الخدمة.

فالمادة أجازت إعادة التعيين ولم تذكر الإختيار للمنصب الدستوري كإستثناء يمنع إعادة التعيين.
كان من الممكن لجامعة السودان فصل الأستاذ حين إختياره لشغل منصب وزير الإتصالات ثم إعادة تعينه بعد تركه للمنصب.
إذا لم تتبع جامعة السودان إجراء إنهاء خدمته وإعادة تعينه فإن شغله للوظيفة حالياً فيه خطأ إجرائي وليس عدم إستحقاق للوظيفة.

بالنسبة للأستاذ احمد إبراهيم
فإنا لم استطع أن استنتج على أي مادة استند قرار لجنة إوالة التمكين، فالوظيفة التي تولاها ليست منصب دستوري ويمكن أن يكون قد ذهب إليها كإنتداب او إعارة.

Quote: الوزارة نفسها منذ أن أنشأت كان يقودها أشخاص عرفوا بعلاقتنا الوطيدة بتقنية الحاسوب و الشبكات

ابراهيم الميرغني علاقته بالحاسوب والشبكات شنو؟

مافي منصب اسمه (مدير كلية تقنية) في عميد كلية ووكيل كلية لكن مدير دي مافي
عميد منصب أكاديمي ما دستوري شوفوا زولكم استوزر وين !

مشكور يا ود البشرى على توضيح أن الفصل جاء بقرار من مدير الجامعة بناءاً على قرار لجنة إوالة التمكين (519) القاضي بفصل جميع الذين تقلدوا مناصب دستورية.

بقى أن أقول أن قرار لجنة إزالة التمكين 519 والمنشور على صفحة لجنة إزالة التمكين ومحاربة الفساد واسترداد الأموال- السودان بالفيسبوك المقتبسة في مداخلتك قرار لا يستند على لائحة الخدمة المدنية.
فلائحة الخدمة المدنية قد حددت وقت إنهاء الخدمة لمن تقلد منصب دستوري في السابق.
واللائحة لم تمنع إعادة تعيين من تم إنهاء خدمته بسبب تقلده لمنصب دستوري للعمل في وظيفته السابقة.

لو أن جامعة السودان كانت قد قامت بإنهاء خدمة الأساتذة المذكورين عند تعينهم في مناصب دستورية ثم أنها أعادت تعينهم بعد أن تركوا المناصب الدستورية.
فلا يحق لها فصلهم من وظائفهم الحالية والتي تم إعادتهم إليها وفقاً للائحة الخدمة المدنية بسبب أنهم تقلدوا وظائف دستورية في السابق.

يا مولانا اولا مسألة اعادة التعيين دي تنفع كحل للاشكالية! لكن لابد اولا ان تطبق اللائحة وان كانت لم تطبق في وقتها فما في مشكلة في تطبيقها متأخرة، في مادة في نفس اللائحة. بتتكلم عن من تحاوز السن القانونية ولم يتقاعد في الوقت الصحيح اذا تم اكتشاف المسألة دي متأخرة يتم الفصل من الخدمة مع عدم احتساب الفترة القضاها بعد التاريخ المفروض لتقاعده ضمن سنوات الخدمة، شكله المواد و التعديلات بتوضع لعلاج حالات معينة
المهم، خلينا من اعادة التعيين اسي في هل الفصل صحيح ام لا، زي ما قلت اعلاه في حالة الدكتور حسن الفيصل هل تولى منصب دستوري ام لا، عمادة كلية خاصة دي لايمكن اعتبارها منضب دستوري
النقطة التانية يا مولانا ليه قلت قرار اللجنة لا يستند على لائحة الخدمة المدنية؟ نعم القرار لم يذكرها نصا لكن لو راجعت الفيديو بتاع المؤتمر صحفي الأخير ح تلقى المتحدث ذكر النقطة دي مع تلاوة القرار انهم استندوا على قانون الخدمة المدنية الوضعوه هم زاتهم - يعني الكيزان- وطبقوه بانتقائية.

لا أدري شيئا عن الشخص الذي ذكرته اخي أحمد
ولذا دعني اصحح عبارتي
معظم الذين قادوا الوزارة كانت لهم علاقة بتقنية الحاسوب و الشبكات

هناك مدير لمعهد و هناك مدير لكلية تقنية
اذا كانت هذه الأجسام لا تتبع لجسم اكبر
معهد الكليات التكنولوجية قبل أن يصبح جامعة السودان
كان له مدير

زولنا الذي تقصده يا أحمد لم يتول وزارة
ولا منصب سياسي
هو رجل اكاديمي كل حياته منذ أن اكمل الثانوي كانت داخل اروقة مؤسسات أكاديمية

أظن أن كلمة مدير و التي استخدمت هي عبارة عن ترجمة
للمصطلح Vice-chancellor
و لا أجزم بذلك و لا صحة الترجمة

Quote: تنتهي خدمة العامل الذي يتم إختياره لشغل منصب دستوري من تاريخ إختياره لشغل المنصب وتحسب له خدمته المعاشية على أساس الدرجة الأعلى في الخدمة المدنية.

حتى لو كان خلال فتره شغلو المنصب الدستورى فى اجازه بدون مرتب ؟
--------------------------
القرار دا اذا استهدف الاشخاص المذكورين من ج السودان
طيب الدستوريين فى الجامعات التانيه ؟

يا حافظ لم يتم فصل ولا إعادة تعيين وكانوا محتفظين بمناصبهم عادي

يا زكريا الكليات التقنية تم تجميعها منذ بداية الألفينات في جسم واحد سمي هيئة التعليم التقني ثم أصبح لاحقاً المجلس القومي للتعليم التقني والتقاني ومؤخراً أصبح جامعة السودان التقانية
ومنذ أنشائه تم اعتماد منصب العميد للكليات بدلاً عن مدير معهد التلمذة الصناعية مثلاً قبل تعميده كلية تقنية
تم الاحتفاظ بمناصب مدرس ومدرس أول ومدرب في الكليات التقنية لمن وجدوا بالمعاهد والمدارس الصناعية قبل تحويلها لكليات تقنية لكن لا وجود لمنصب مدير في الهيكل الوظيفي

فى البوست دا انا شايف تحامل غير مبرر على لجنة ازالة التمكين .
الناس ديل طبقو القانون وفصلوا بعض اساتذة الجامعات على المتضرر اللجوء الى المحكمة .

الناس ديل شايفين شغلهم صاح .

ما في اي مشكلة
اذا احمد ابراهيم كان عميدا لهذه الكلية

ما اوردته هنا أن الرجل تول إدارة كلية تقنية لم تتبع لجامعة
واختياره تم لمؤهلاته و ليس تطبيقا للتمكين
وأعتقد أن إدارة جامعة السودان رأت في ذلك المنصب شئ من ( الدستورية)
فكان قرار الفصل
ولكن التاريخ و حاجة السودان (تقول) ان هذا القرار خاطئ

لا .. المنصب غير دستوري ولا يمكن لإدارة السودان أن ترى فيه شئ من الدستورية
ما أحاول قوله من البداية أنكم تبحثون في المكان الخطأ
عمادة كلية تقنية ليس لها أي علاقة بالقرار
يجب البحث عن السبب الحقيقي للقرار

نحن لا نبحث يا احمد
الرجل منذ تخرجه عين مساعد تدريس بجامعة الجزيرة
ابتعث للصين
عاد استاذا بجامعة الجزيرة
انتقل لجامعة السودان
عين VC لجامعة او كلية تقنية
رجع لجامعة السودان بعد الثورة
فصلته جامعة السودان هذا الشهر

هذا هو تاريخ الرجل

Quote: عين VC لجامعة او كلية تقنية

لا لا دقيقة دقيقة
في فرق كبير بين الحاجتين ديل
عميد كلية تقنية دة منصب أكاديمي عادي
لكن مدير جامعة دة بتم التعيين ليه من قبل رئيس الجمهورية أو رئيس الوزراء
هنا الفرق شاسع

الجامعة أو الكلية التقنية البتتكلم عنها دي اسمها شنو؟

فاتني ان اقول بأنه قضى زمنا طويلا بجامعة السودان
إلى أن أصبح عميدا لكلية الهندسة بإحدى الأجنحة ( لا أدري ايهما)
وقتها انقطعت صلتي به للبعد الجغرافي

ستصرخون يا زكرية السجم

مجرد الابتعاث للخارج يدخلهما في دائرة الكوزنة

لجنة ازالة التمكين دائما تضرب في المكان المناسب

دي ما شفتها في وقتها يا زكريا، معذرة

Quote: السؤال هو يا ود البشرى لماذا الخيار و الفقوس كيف يتم اختيار مناوي و عقار وهما اللذان شغلا مناصب دستورية واضحة واذا كانت الإجابة أنهما الان يشغلان مناصب دستورية تبقى روح القانون هلامية اما إذا أخذنا بالتاريخ فهناك العديد من أساتذة الجامعات تولوا مناصب دستوري وعندما تغير النظام السياسي الذي قام بتعيينهم رجعوا لجامعاتهم اذكر منهم بروفسور عبد الله احمد عبد الله بروفسور احمد عبد الرحمن العاقب ( بتاع هندسة الخرطوم) وربما يكون هناك غيرهم

بالنسبة لعقار ومناوي وكونهم شغلا مناصب دستورية من قبل ما علاقة هذا الامر بلائحة الخدمة المدنية، هما ليسا موظفا خدمة مدنية حاليا لتطبق عليهما المادة المعنية!
اما الامثلة التاريخية الذكرتها فا عدا عن ان عدم قانون في حالة او حالات سابقة ليس حجة يتحجج بها من يطبق عليه حاليا، تجدر الاشارة لأن هذا القانون اجيز عام ٢٠٠٧ و الغى القانون السابق لست متأكدا ان كانت هذه المادة موجودة حينها أم لا

Quote: يا مولانا ليه قلت قرار اللجنة لا يستند على لائحة الخدمة المدنية؟

قرار لجنة التمكين قضى بإنهاء خدمة جميع الذين تقلدوا مناصب دستورية بكل مؤسسات الدولة على المستوى الاتحادي والولائي في فترات سابقة من وظائفهم الحالية في الخدمة المدنية دون النظر في الطريقة التي تم بها تعيينهم في وظائفهم الحالية. وكما سبق أن ذكرت ليس بالضرورة أن يكون شغل الوظيفة حالياً مخالف لللائحة وإن كان شاغل الوظيفة ممن من سبق أن عملوا في وظيفة دستورية.
حتقول لي قرارات لجنة إزالة التمكين قابلة للإستئناف، حأقول ليك قراراهم هذا مثل ذلك الذي يقطع ثم يحسب بعد القطع😀.

Quote: لابد اولا ان تطبق اللائحة وان كانت لم تطبق في وقتها فما في مشكلة في تطبيقها متأخرة

كما ذكرت في مداخلة سابقة أن اللائحة تنقصها كثير من التفاصيل.
اللائحة لم تذكر مدى زمني يتم خلاله إصدار قرار إنهاء خدمة من تم تعيينهم في مناصب دستورية.
في كثير من المعاملات تسقط بعض الحقوق والجزاءات بالتقادم، اللائحة لم تذكر شيئاً ذا علاقة وبالتالي فإن إصدار قرار إنهاء الخدمة يصح أن يكون في أي وقت.
ولكن ذلك عيب من عيوب اللائحة التي لم تحدد مدى زمني ولم تحدد مسئولية الوحدة ولا الموظف تجاه إنهاء خدمته.
لفت نظري خلو الوثيقة الدستورية من شرط إخلاء الطرف من الوظيفة المدنية كشرط من شرزط عضوية مجلس السيادة ومجلس الوزراء.

هنالك عدد من المشاكل المتعلقة بالتطبيق المتأخر لللائحة
اولها الإنتقائية في التطبيق. خلال الثلاثين سنة الماضية صاحبت الخدمة المدنية العديد من التجاوزات في التعينات والترقيات وفرص التدريب. لجنة إزالة التمكين إستهدفت تصحيح تجاوز واحد وتركت التجاوزات الأخرى.
مثلاً العديد من الذين أساتذة الجامعات سافروا لدول الإغتراب وتجاوزوا المدة القصوى وبالتالي تغيبوا عن العمل أكثر من 45 يوم مما يستوجب إنهاء خدمتهم، ولكن عند عودتهم من الإعتراب عادوا إلى وظائفهم. قرار لجنة ازالة التمكين فيه تحفيز لإنتقائية من خالفوا اللائحة بتقلد منصب دستوري دون غيرها من المخالفات.
ثانيها أن التطبيق المتأخر مع الهدف الضي من أجله تم تشريع المواد في اللائحة، فمثلاً المادة 144 كما يبدو أن الهدف منها منع تضارب المصلحة الوطيفية ومصلحة المنصب الدستوري وبالتالي فمثا هذا الهدف يمكن تحقيقه خلال فترة تولي المنصب الدستوري ولكن ليس بعد ذلك.
ثالثها أن التطبيق المتأخر قد يصاحبه تضارب بين تحقيق وجه العدالة في سريان اللوئح على الكل من ناحية وبين المصلحة العامة من ناحية أخرى.
فمثلاً الأستاذ الذي وجد فرصة للتدريب من خلال وظيفة تم تعينه فيها بمخالفة اللائحة، إنهاء خدمته قد يكون فيه وجه من وجوخ العدالة الجزائية بأن الإجراءات تسري على الكل وما خالف الإجراءات فهو باطل وما بني على باطل فهو باطل،
ولكنه قد يضر بالمصلحة العامة بفقدان الدولة لموظف مؤهل وتم الصرف على تأهيله من ميزانية الدولة,

المشكلة أن أغلب من ساند قرار لجنة التمكين كان منطلقهم هو عدم إستحقاق من شارك في حكومة الإنقاذ للإستفادة من الوظيفة المدنية وكأن الوظيفة المدنية هي خدمة تقدمها الدولة لمواطنيها.
والمسألة هنا تعتمد على منظورنا للوظيفة وما إذا كان التوظيف خدمة تقدمها الدولة للمواطنين أم ما إذا كانت واجب يؤديه المواطن تجاه الدولة او ما إذا كانت مصلحة متبادلة بين الموظف والدولة.

Quote: مثلاً العديد من الذين أساتذة الجامعات سافروا لدول الإغتراب وتجاوزوا المدة القصوى وبالتالي تغيبوا عن العمل أكثر من 45 يوم مما يستوجب إنهاء خدمتهم، ولكن عند عودتهم من الإعتراب عادوا إلى وظائفهم.

دة ما تقصير في القانون وإنما في التطبيق
لكن لائحة الفصل بسبب الغياب 45 يوم موجودة ولائحة الإجازة بدون مرتب 5 سنين موجودة
زمان كان بإمكانك تاخد إجازة بدون مرتب 5 سنين دقة واحدة لكن تم تعديلها وأصبحت سنة واحدة فقط يتم تجديدها سنوياً حتى تكتمل السنوات الخمسة

Quote: مجرد الابتعاث للخارج يدخلهما في دائرة الكوزنة

اقسم بالله يا منتصر أنا لفيت الوزارة دي مكتب مكتب وعدة مرات كمان شايل قبولي
والإجابة واااااحدة إنه تم إيقاف الابتعاث الخارجي، اعزل أي جامعة داخلية بنعتمد ليك المنحة
وفي هذه الأثناء زملانا الكيزان كل يومين تلاتة عاملين ليهم قعدات وداع بعد أن تم ابتعاثهم لي اوربا

Quote: Quote: عين VC لجامعة او كلية تقنية لا لا دقيقة دقيقة في فرق كبير بين الحاجتين ديل عميد كلية تقنية دة منصب أكاديمي عادي لكن مدير جامعة دة بتم التعيين ليه من قبل رئيس الجمهورية أو رئيس الوزراء هنا الفرق شاسع الجامعة أو الكلية التقنية البتتكلم عنها دي اسمها شنو؟

المداخلة دي مهمة
مدير الجامعة بتم تعيينه بقرار من رئيس الجمهورية
سمعت إنه عندو مخصصات وزير أو بتعامل كوزير أو حاجة بالشكل دة
يا ريت زول يأكد لينا المعلومة دي، موش التعيين بواسطة رئيس الجمهورية يعتبر قرار دستوري؟ وبالتالي المنصب دستوري؟
ولسة برضو منتظر إفادة زكريا عن الجامعة اللي أدارها

تحياتي أحمد
مساء الامس يبدو ان (الكوتة خلصت)..و لم استطع مواصلة النقاش...

حقيقة لا أدري اسم الجامعة أو الكلية و التي (انتدب) لها أحمد من جامعة السودان كي يديرها...
ما علمته من صديق (مشترك)..هو ان أحمد قد عين مديرا لكلية تقنية...
ولم يخالجني الشك اطلاقا في أن التعيين بني على أساس مؤهلات أحمد (التقنية)...
شخصيا أنقطع التواصل بيني و بين أحمد منذ عام 2000 عندما غادرت السودان للولايات المتحدة...

وإلى الذين يطلقون صفة ( الكوزنة نجرا ) من رأسهم...
أقول... (لا زال الرجل يكذب..ويتحري الكذب....حتى يكتب عند الله كذابا)
اطلق ما تريد من الصفات عن أي شخص...ولكن أحرص على الابتعاد عن الكذب

أحمد ابراهيم الذي عاشرته لأكثر من 7 سنوات بجامعة الجزيرة طالبا و استاذا...كان مناصرا للطلاب المستقلين بالجامعة
نعم...لم يكن (سافر) العداء تجاه تنظيم الكيزان بالجامعة..ولكنه لم يكن ابدا مناصرا لهم

وحتى إن كان منتميا للكيزان
يبقى السؤال....هل نال وظيفته التي فصل منها تحت مظلة (التمكين) ؟
أجابتي بالنفي...
هل تم تطبيق لائحة ما في حقه؟
ربما...ولكن هل طبقت هذه اللئحة على كل دستوري في جامعات اخرى
معطيات الامور تقول ان منسوبي تنظيمات (نالت صكا من حملة الصكوك) ..لم يتم المساس بهم (راي يحتمل الخطأ)

يا احمد فعلا حسب ما اعرف انو مدير الجامعه يعامل بما يعادل درجه وزير مش مخصصات بل ما هو اهم .....برتوكوليا

Quote: عميد كلية تقنية

ما عارف كليه تقنيه حكوميه ...ادونا امثله
فى كليات خاصه تنتهى باسم التقنيه زى الخرطوم التقنيه وكم واحده جهه اركويت والرياض واسم تقنيه عالبا لايعبر عن طبيعه برامجها سواء تجهيزات او نسب ساعات النظرى للعملى فى المنهج االخ يعنى عندك زى جامعه السودان تمنح بكالريوس هندسه (تقنى) ويختلف عن برنامج هندسه الخرطوم بل وختى سنوات الخبره لحامل البكالريوس التقنى الطلوبه للتعيين تكون اقل من رصيفو ببكالريوس هندسه فى جامعه اخى زى الخرطوم
-
بمنابه الابتعاث بلوحتى الدورات القصيره والكورسات بتذكر بروف فى الكليه كلمنى انو عندو فتره كل سنه يقضيها فى بريطانيا حيث حصل على الدكتوراهه ومشى لمدير الجامعه عشان يطلب اجازه والامور الماليه تذكره وكدا والمدير ماكاان كوز انما نائب المدير
قال لى نائب المدير صادف انو طالع من مكتب المديروصادفو حالس فى استقبال مكتب المدير ومان عارف موضوع سفرو دا قال قبل مايقفل الباب رجع للمدير وطلع سريعع قال لى دخلت المدير طوالى ختاها لى ورفض
.
انا شخثيا فى 2004 كان عندى فرصه حضور كورس قصير فى معامل (اوك ريدج) فى امريكا وحصلت على الفرصه بمجهود خاص لكن برضو نفس القصه
لكن ناسهم بس تسمع انو فى الصين ولا تركيا ولاباكستان او جنوب افريقيا والمنح الخارجيه كان بتتقرش فيما يبدو فى ااداره التدريب فى الوزاره وتتقسم دكاكينى بحسابات كوزى وكوزك

Quote: دة ما تقصير في القانون وإنما في التطبيق لكن لائحة الفصل بسبب الغياب 45 يوم موجودة ولائحة الإجازة بدون مرتب 5 سنين موجودة

أيوا يا أحمد محمد عمر قلنا إنتقائية في التطبيق.
المواد في الفصل السابع عشر من اللائحة كلها متعلقة بإنهاء خدمة العامل.
المادة 145 تتحدث عن إنتهاء خدمة العامل في حال تعيينه في منصب دستوري.
المادة 149 تتحجث عن إنتهاء خدمة العامل في حال تغيبه عن العمل لمدة 45 يوم.

لما تختار تطبق المادة 146 وتخلي 149 دي بتبقى إنتقائية في التطبيق.

Quote: ما عارف كليه تقنيه حكوميه ...ادونا امثله

نيالا ، المحيريبا ، كسلا ، كوستي ، القطينة ، ود مدني ، بورتسودان ، الجريف شرق ، ربك ، الفعج ، القضارف ، أم روابة ، شندي ، الدمازين ، الدلنج ، دلقوو ، الصديق أحمد البشير ، كادوقلي ، فارس ، النوبة ، الجنينة ، الفاشر ، القولد ، الأضية ، بربر ، سنجة ، الستيب ، كرنوي ، أم ضواً بان ، أمبرو ، طيبة الخواض ، اللعيت ، الضعين ، كجبار

Quote: شخصيا أنقطع التواصل بيني و بين أحمد منذ عام 2000 عندما غادرت السودان للولايات المتحدة

يعني هسة انت بتتكلم عن معرفتك بيه قبل 21 سنة؟!! باعتبار إنه خلال الـ 21 سنة دي ما اتغير ولا اتكوزن ولا هادن الكيزان زي ما كان أيامه الطالب؟!!!

Quote: كان مناصرا للطلاب المستقلين بالجامعة

في شيوعيين منظمين عديل وفي النهاية بقوا انقاذيين! عمر البشير ذاتو سمعت إنه كان بعثي

عموماً دة ما المحك ولو راجعت مداخلات محمد البشرى بتلقى النص القانوني اللي تم تطبيق القرار بيه وهو ما عندو علاقة بالكوزنة

Quote: دي بتبقى إنتقائية في التطبيق.

مافي انتقائية يا حافظ
المادة موجودة وعدم تطبيقها يدين عميد الكلية لأنه الغياب بتم اعتماده بواسطة العميد وبعديها يمشي لشؤون الموظفين
كونه العميد يختار تقدير ظروف الأساتذة أو حوجة الكلية دة مخالفة للوائح بعملها وهو عارف تبعاتها ومستعد لتحملها
لكن القرار موجود وواجب النفاذ وما فيه استثناء

الان علمت بأنه كان مديرا لجامعة السودان التقانية

ويبدو أن قرار التعيين صدر من وزارة التعليم العالي......

إذا كان تعيينك في مثل هذا المنصب تلقائيا يفصلك من وظيفتك الاساسية.....هل نتوقع من كل مدراء الجامعات الحاليين أن يفقدوا وظائفهم عندما تقوم انتخابات و تأتي حكومة ديمقراطية تقرر إحداث تغيير في الادارات ؟؟!!

صراحة لم أر في السابق مدير جامعة فقد وظيفته (بالفصل) عندما تم تغييره من الادارة

القرار يصدر من رئاسة الجمهورية بتوصية من وزارة التعليم العالي

Quote: بتوصية من وزارة التعليم العالي

بل حتى في زمن من الأزمان التعليم العالي ذاتو ما كان عندو عليها سلطة
كلية السودان التقانية هي تجميع للكليات التقنية زي ما ذكرت فوق
ذات مرة والممرات كثيرة الوزير البكاي كمال عبد اللطيف ما كانوا لاقين ليه وزارة يمسكها .. قاموا نجروا ليه وزارة اسمها تنمية الموارد البشرية وعينوهو فيها وزير
فتشوا بيجاي جاي عشان يلقوا ليه حاجة يشتغلها ما لقوا قاموا فصلوا الكليات التقنية من التعليم العالي وتبعوها للموارد البشرية .. والله صحي :)

قليل من الإرتقاء في الحوار..واحترام عقلية الطرف الاخر في النقاش لا يضير....

أتظن أنني حكمت عليه فقط من تاريخي معه...؟
أوردت معلومة انقطاعي عنه طيلة ال21 عاما الماضية حتى (أبرر) عدم وثوقي من المعلومات التي تطفح عنه حاليا....

ثق انني لست في مقام استعراض ما املكه من معلومات عن (التعليم العالي) في السودان ..وأهل التعليم العالي ...عندما كان (تعليما عاليا...بحق و حقيقة)...

ما دفعني لكتابة هذا الموضوع...هو أنني أعتقد ان الرجلين قد ظلما
وربما يكون في الامر (كيد...و سوء نية ) من البعض..
شخصيا أعلم عن عدد أكبر من الاساتذة تم فصلهم...ولكن جميعهم ..كانوا من التنظيم الحاكم السابق
لم أكتب عن فصلهم (رغم اعتراضي)..لأنهم فعلوا الامر نفسه بمخالفيهم عندما استلموا السلطة

سبق لي الكتابة عن أن اليسار عندما أمتطى (دبابات ) مايو...فعل الامر نفسه ببعض الاساتذة من جامعة الخرطوم وقتها...وبلغ العدد أكثر من 20 استاذا
لم يحتاج اليسار الى (لائحة ) لفصلهم...بل كان الهدف (أن لا تبقى الجامعة جزيرة رجعية ..وسط محيط ثوري هادر)

عندما قامت الانتفاضة ضد مايو....و زال حكمها ....رجع أحمد عبد الرحمن العاقب لكلية الهندسة (رغم انه كان وزيرا في عهد مايو)....
تقبله مجتمع الجامعة ..ولكنه لم يتقبل دكتور بهاء الدين المايوي المعروف ..وتم فصله من الجامعة...

كان مجتمع التعليم العالي وقتها قادرا على التمييز بين من مارس (تمكينا)...و بين من (قدم علما نافعا).....

في إعتقادي الشخصي ان يحى عبد الله ..و أحمد أبراهيم من فئة الذين قدموا علما نافعا في مناصبهم الدستورية ..و ليس تمكينا

هذه رؤيتي حول هذا الامر

Quote: قليل من الإرتقاء في الحوار

الغريبة أنا شايف روحي محترم جداً في البوست دة وما جنحت لغير الحقائق الموثقة
ولو ما مرتقي في الحوار كان مليت ليك البوست بالفضائح والفساد المنشور في قروبات الخرجين. لكن أحجمت عن دة عشان ما بكتب كلام ما بقدر اثبته

كدي وصف لي الحتة الشفتني فيها ما مرتقي دي
انت بي نفسك قلت معلوماتك عنه قديمة وما عارف هو اشتغل في كلية ولا جامعة؟ جبت حاجة من عندي أنا؟

كيفن مافي إنتقائية في التطبيق يا أبو حميد؟
هي الإنتقائية دي كيفنها؟
هسه نقول حمدوك ضرب لي قال لي يا حافظ تعال أمسك لينا وزارة التربية والتعليم دي ما لاقين ليها زول.
مشيت مسكت وبعد اسبوعين عملوا سلام جوبا 2 وأدوا الوزارة لعبدالواحد.
جيت راجع الجامعة ومشيت شئون الأساتذة او أياً كان اسمها وصادف لاقيتك هناك بعد رجوعك من 12 سنة إغتراب.
الموظف في شئوون الأساتذة قال لينا مافي خطاب إنهاء خدمة في ملفاتكم وارجعوا شغلكم وما تكلموا زول.
أنا وإنت الإتنين شلنا طباشيرتنا ودقشنا القاعات.
بعد شهر جاء ود البشرى (زعيم قحاتي كبير) ودار الحوار التالي بينه وبين مدير الجامعة:
ود البشرى: يا مدير الليلة دي تنهي خدمة حافظ لأنو شغلو دا مخالف لللائحة.
المدير: حافظ دا بالذات الجامعة محتاجة ليهو شديد.
ود البشرى: يا مدير نفذ الللائحة كما أنزلت وبلاش لولوة معاك.
المدير: طيب عندي ناس أحمد محمد عمر برضو شغلهم مخالف لللائحة، أنفذ فيهم اللائحة كما أنزلت؟
ود البشرى: لا لا ياخي، المادة البترفد ناس أحمد محمد عمر دي كلام في الورق ساي والمهم تقدير الظروف وحوجة الجامعة.
المدير: لكن كيف أطبق الللائحة مرة وأغض النظر عنها مرات؟ دي أنتقائية في التطبيق.
ود البشرى (🤔): ج...ك يا مدير.

التمكين للكيزان حقيقة وقد تم .هناك حالات استثنائية
كان يكون الشخص غير كوز ومؤهل او ان يكون كوز
مؤهل ، لجنة التمكين عليها مراجعة من وردت اسمائهم.

العدل اساس الملك .

يا حافظ لجنة التمكين وكل اللجان والمراجعين يستطيعوا اثبات تنصب شخص لمنصب دستوري
لكن لا أحد يستطيع الفتوى في غياب استاذ إلا رئيس القسم
في حالة المنصب الدستوري القرائن واضحة ولا تحتاج التدخل في عمل شخص والفساد واضح المعالم بعدم تطبيق اللائحة
لكن في الحالة التانية حتضطر تتجاوز مدير الجامعة والعميد ورئيس القسم وتمشي الورش والقاعات عشان تتأكد من عدم تدريسه وبعد دة ممكن يقولوا ليك بيدرس اونلاين :)

Quote: حتى لو كان خلال فتره شغلو المنصب الدستورى فى اجازه بدون مرتب ؟

الفكرة يا عاصم في إنو في تضارب مصالح بين شغل الزول في منصب دستوري وبين وظيفته في الخدمة المدنية.
يعني مثلاً ما ممكن أكون أستاذ في جامعة القرآن الكريم وفي نفس الوقت وزير للتعليم العالي، لأنو حأجير كل زوارد الوزارة لمصلحة جامعتي.
على الأقل من ناحية نظرية إخلاء الطرف من وظيفتي كاستاذ بيزيل تضارب المصلحة.

المفروض خلو الطرف من الوظيفة في الخدمة المدنية وعدم ممارسة أي عمل تجاري تكون من شروط التعيين في المنصب الدستوري.
المفروض وجود نص في الدستور او الوثيقة الدستورية يتضمن هذا الشرط.
والمفروض تكون قبل أداء القسم لتقلد المنصب الدستوري.

Quote: لكن لا أحد يستطيع الفتوى في غياب استاذ إلا رئيس القسم

أبداً يا أبو حميد
في حالة عودة الأستاذ للعمل بعد إنتهاء المدة المحددة للإجازة، يصدر خطاب بمباشرة العمل من الوحدة التي يعمل بها الأستاذ ويضاف لملف الأستاذ.
وبناء على خطاب مباشرة العمل يتم ترتيب صرف جقوق الأستاذ من رواتب وعلاوات وغيرها.
عدم وجود خطاب بمباشرة العمل يعني أن الأستاذ متغيب عن العمل.
بمعنى آخر أن عودة الأستاذ لمباشرة عمله عند إنتهاء إجازته هو الذي يحتاج لإثبات.
أما إثبات عدم عودته فلا يحتاج لمساككة في القاعات والمكاتب، نظرة واحدة لملف الأستاذ الذي لا يحتوي على خطاب مباشرة العمل ولا على أذونات صرف الراتب، كافية لإثبات غياب الأستاذ.

أنا بتكلم ليك عن الغياب 45 يوم بدون عذر

لكن حتى خطاب المباشرة بعد الإجازة لازم يوقع عليه رئيس القسم لأنه هو الوحيد الذي يستطيع تأكيد مباشرة الاستاذ للتدريس

أما المتغيب بإجازة بدون مرتب مثلاً دة بيتم فصله تلقائياً بعد تجاوز المدة ما لم تبرز وحدته ما يفيد بمباشرة عمله. يعني ما بحتاجوا يرجعوا ليها ذاتو وحتى لو تم تجاهلها مع المراجعة الدورية بتظهر
البحصل إنه العمداء تجاوزاً منهم بعملوا خطابات مباشرة وبعديها إجازة تاني لي تدريب أو ابتعاث خارجي على النفقة الخاصة مثلاً يسمح للشخص بالغياب سنة لحدي ما يوفق أوضاعه في الخارج ويجي راجع كليته. ودة تجاوز بعمله العميد وهو عارف تبعاته.
لكن قانونياً كدة في المراجعة الدورية بتم التوصية بفصل أي عامل غائب

لكن دة كلو ما عندو علاقة بلجنة إزالة التمكين
ما كل القوانين مطبقة ولا اللجنة مسؤولة عن إصلاح حال الخدمة المدنية أو متابعة المؤسسات
مسؤوليتها محددة بالتمكين وما ممكن تبطل تفعيل القوانين البتساعدها في مهمتها عشان في قوانين تانية ما مطبقة

Quote: ما كل القوانين مطبقة ولا اللجنة مسؤولة عن إصلاح حال الخدمة المدنية أو متابعة المؤسسات مسؤوليتها محددة بالتمكين وما ممكن تبطل تفعيل القوانين البتساعدها في مهمتها عشان في قوانين تانية ما مطبقة

هنا أبداً ما إختلفنا يا أبو خميد
اللجنة إنتقت مادة محددة من الللائحة وأصدرت قرارها للجامعات بتطبيق إنتقائي للمادة 145 من لائحة الخدمة المدنية.
لذلك أنا قلت في ردي على ود البشرى

Quote: قرار لجنة ازالة التمكين فيه تحفيز لإنتقائية من خالفوا اللائحة بتقلد منصب دستوري دون غيرها من المخالفات.

فأنا حصرت دور اللجنة في أنها حفزت الجامعات لتطبيق إنتقائي لللائحة.

النقطة الأهم هي أن قرار اللجنة يستهدف فئة معينة (المتمكنين) لذلك لا يمكن إسناد عدالة قرار لجنة التمكين إلى أنها طبقت اللائحة على الجميع، لأنها الزمت الجامعات بالتشدد في تطبيق اللائحة على فئة المتمكنين فقط دون الفئات الأخرى.
هذا لا يمنع تلمس وجه للعدالة في قرار اللجنة وفقاً لمعيار آخر غير معيار المساواة في تطبيق لائحة الخدمة المدنية.

أنا حتى الآن نقاشي محصور فقط في هل فصل الأساتذة وفقاً لقرار لجنة التمكين يحقق العدالة من منطلق التطبيق العادل للائحة الخدمة المدنية أم لا.

Quote: قليل من الإرتقاء في الحوار..واحترام عقلية الطرف الاخر في النقاش لا يضير....

عزيزي زكريا أوع تزعل أبدا
وشكرا
التوقيع متابع البوست

متابعين بإهتمام

في ناس رغم إنهم كُج, لكن بصراحة شايلين الكاس في النقاش :)

عقل مرتب وزومنغ إن وآوت جيد للحيثيات والوقائع.

في واحد تاني جاب كلام غير دقيق:

Quote: لو ما كوز ولا عندك واسطة كيزانية ما بتتعين في أي حاجة عندها علاقة بوزارة الاتصالات لو نططت اتحداك تلقى زول خلال التلاتين سنة الفاتو ديل اتعين في الوزارة ولا الهيئة ولا سوداني بإنه دخل امتحان في لجنة الاختيار وعمل معاينة عادلة البقول ليك كدة أعرفه كضاب لأنه أنا شاهد بي نفسي على إعلان وظيفة في سوداتل الناس تتطاقش في التقديم، عندنا صاحبنا كوز لقى الجماعة جارين يكملوا في أوراقهم قال ليهم والله ما تتعبوا العقودات جابوها لينا في بيوتنا أنا عقدي مضيته أمس وامتحاناتكم البتتجاروا ليها دي ولا عارف مكانها وين ذاتو وفعلاً دة الحصل .. حبايبي ديل تعبوا روحهم وفي النهاية تم استبعادهم كلهم والكوز البتكلم عنه هسة إداري كبير في سوداتل

التعميم ده مخل ويمكن نقضه بـ one counter example
هو لو قلت ليك في واحد دخل مع سوداتل لا كوز لا واسطة حتبلع كلامك؟ هذا الواحد بعرفو شخصيا وإشتغل مع واحدة من مؤسسات سوداتل بكفاءته. لأنو ما شات وطساب ولا كلام على التلفون.
المشار إليه إستطاع أن يأخذ المنصب بكفاءته. فدخل أو تم السماح له بالدخول في مؤسسة لسوداتل, لأنو ما لقوا ليهم زول من المحاسيب يشغل الوظيفة. إشتغل سنة لو متذكر كويس وبعد داك فكوه عكس الهوا*.
ونصحتو يتخارج من سوداتل لأنو ما عندهم أمان. كويس إنهم شاتوه بدل ما يحصل ليهو حادث. لانو زول متهور مع الكيزان وبيفلت الكلام.

زيادة: كلامك بشكل عام صحيح: نفس الزول دخل معاينة إمتحان قدرات لوظيفة أخرى وجضم الإمتحان مغمض وطلع بعد تلت ولا ربع الزمن بيضحك, والناس المعاه بتعافر: الإمتحان بالنسبة لقدراته ولا أي حاجة. وفي المعاينة التانية الزول عاين ليهو كداااا وأداه وعود هوائية. والوظيفة أدوها لواحد تاني. ما عارف الأخدها من الطلع خلاهم بيعافروا في الإمتحان, ولا من فئة كوز نازل بالبراشوت.

-------------
* ملاحظة جانبية: إطلعت برضو على الدرافت لرسالة الدكتوراة بتاعتو في الهندسة

Quote: عزيزي زكريا أوع تزعل أبدا وشكرا التوقيع متابع البوست

لا لا أنا حريص ما أزعلو كلو كلو
مؤدب شديد خلاص في الحوار :)

_____________
جيب أضانك النكلمك .. الباقين ما يسمعوا :)
وحاة الله لي 3 يوم قاعد على أمشاطي متأهب منتظر عمر التاج يفتح البوست دة
جاهز ليه جنس جهوزية :) من البداية بقول ليه الليلة نطيت حيطة بيتنا البمرقك مني شنو
ياخي لحدي الاسكرينات من الفيسبوك مجهزها عشان ألزها بالكروب لي خضر الطيب وعارفه ولا بهابي برشها طوالي


لكن برضو كدة أحسن
الموضوع مشى علمي وعملي ومعتمد على الحقائق بدون تشنج وشخصنة وأي باحث محايد عن الحقيقة بلقى فيه غرضه خاصة وإنه بقى النتيجة رقم 1 في قوقل

يا مولانا انت بتفترض سينارويهات ما حصلت وتقوم تجتهد عشان تفندها وتبين خطأها ولا كيف؟
لجنة ازالة التمكين في قرارها المكتوب قالت بالواضح كدا: انهاء خدمة جميع الدستوريين السابقين! كلام واضح وبسيط باعتبار انه بعض الوحدات الحكومية لم تطبق هذه المادة على منسوبيها لسبب أو لآخر، وتركت باقي الاجراء على لجان التمكين الفرعية او لمدراء الوحدات الحكومية! الكلام دا علاقته شنو بباقي مواد الخدمة العامة التي لم تطبق لسبب أو لآخر!

عموما ثبت أن ما تم ليس استهدافا للدكاترة المذكورين، بل هو تطبيق لقانون كونه يكون في عوار في القانون او اعتراض عليه لسب او لآخر فهذا مبحث آخر مكانه المحكمة الدستورية او المجلس التشريعي (بعد عمر طويل ان شاء الله)، مسألة عدم تطبيق القانون على اكس من الناس ينطبق عليه، كويس دي مسألة مهمة لكنها لن تعفي الدكتورين من القانون
في رأيي الحاجة المهمة التي ابحث عن اجابة لها هي ماهو المنصب الدستوري الذي شغله الدكتور؟ وهل تولي ادارة كليات تقنية يعتبر منصب دستوري!! صراحة ما قادر اقتنع بيها

يا أبو حميد عمر شنو كمان المحتاج
تحضيرات ومعسكر خارجي ؟
صاحبي دا تطقطو بعدتو البجيبا وأنت مكوع
...........
أقول ليك حاجة عمروف بفتح بوست بطقطق فيهو
روحو براهو وانت لو ( ممكن أشارك ) تناولوا المونة ..

ما إدارة كليات
إدارة جامعة
المتأكد ليك منه إنه القرار بطلع من رئيس الجمهورية
والعارفه لكن ما متأكد منه إنه مدير الجامعة يعتبر بدرجة وزير ويتم التعامل معاه بروتوكولياً على الأساس دة

ياتو جامعة؟
مدير الجامعة الحكومية بدرجة وزير دي من ناحية مخصصات مادية وكدا لكن ما اظن يعتبر منصب دستوري ليه حرس و حصانة وكدا

أي جامعة حكومية في السودان بتم تعيين مديرها بواسطة رئيس الجهورية سابقاً ورئيس الوزراء حالياً
وكذلك لا يملك وزير التعليم العالي قرار فصله .. حصرياً على رئيس الجمهورية

ما بقدر افتي في حتة دستوري دي لكن منصب مدير جامعة السودان التقانية يعتبر تكليف من رئيس الجمهورية للدكتور بعمل آخر يتبع لرئاسة الجمهورية غير عمله الحالي
هل الحالة دي ينطبق عليها القانون ولا لأ؟ دي دايرة فتوى

Quote: يا مولانا انت بتفترض سينارويهات ما حصلت وتقوم تجتهد عشان تفندها وتبين خطأها ولا كيف؟ لجنة ازالة التمكين في قرارها المكتوب قالت بالواضح كدا: انهاء خدمة جميع الدستوريين السابقين! كلام واضح وبسيط باعتبار انه بعض الوحدات الحكومية لم تطبق هذه المادة على منسوبيها لسبب أو لآخر،

😲😲😲
هسه عليك الله يا ود البشرى الأفترض سيناريو، قد يكون حصل او ما حصل، منو؟ أنا ولّ لجنة إزالة التمكين؟😲😲😲
لجنة إزالة التمكين إفترضت أن كل من يعملون بالخدمة المدنية اليوم ممن تقلدوا مناصب دستورية في السابق قد تمت إعادتهم للخدمة دون إتباع الأجراءات الصحيحة.
وعلى هذا الإفتراض جاء قرارها بإنهاء خدمة جميع الذين تقلدوا مناصب دستورية. وعليك الله يا ود البشرى ركز في كلمة جميع وكلمة بعض ال أنا لونتهم ليك بالأحمر.
وكتر خيرك في إنك قلت بعض وياريت لو لجنة التمكين كان عندها فهمك دا وهي برضها وضعت كلمة بعض دي في الإعتبار ولم تتعامل بمبدأ الخير يخص والشر يعم.

Quote: الكلام دا علاقته شنو بباقي مواد الخدمة العامة التي لم تطبق لسبب أو لآخر!

برضو يا ود البشرى لجنة التمكين هي الحشرت لائجة الخدمة المدنية في قرارها، ولو لجنة إزالة التمكين في قرارها إكتفت بالقول بأنها إستندت على قانون إزالة التمكين لسنة 2019 تعديل 2020 فقط ما كان أثرنا النقطة أبداً.
مواد أي لائحة او قانون هي مواد مترابطة مع بعضها البعض، هنالك قاسم مشترك في أن الجامعات تعيد تعيين بعض منسوبيها بعد إنهاء خدمتهم طالما أنهم ظلوا مستوفين لشروط التعيين في الوظيفة وتبرر الجامعات ذلك بسبب الحوجة وهو أمر تقره اللائحة.
فما الذي يجعل تبرير الجامعات لإعادة تعيين من تغيب عن العمل مثلاً مقبول وتبريرها لإعادة تعيين من تقلد منصب دستوري غير مقبول ومخالف للائحة؟
إعادة تعيين من تقلد منصب دستوري في وظيفته أمر تقره اللائحة وهو في ذلك مثله مثل إعادة تعيين من تم إنهاء خدمته بسبب آخر.
وإعادة تعيين من تم إنهاء خدمته لوطيفته في الجامعة أمر ممارس وله سوابق وقد ذكرت في اول مداخلة لي البروفيسور أحمد محمد الحسن كمثال. فهل يسري قرار لجنة إزالة التمكين عليه؟

Quote: عموما ثبت أن ما تم ليس استهدافا للدكاترة المذكورين

لا يوجد في القرار ما يشير إلى أن هنالك إستهداف للدكاترة الإتنين المذكورين تحديداً وفي أشخاصهم ولكن هنالك إستهداف لمن به شبه كوزنة من الخدمة العامة.
أنا ما عندي مانع شديد في إستهداف من به شبه كوزنة لكن فقط يجب اولاً أن نسن قانون يُجرِم الكوزنة ويضع لها تعريف ومعيار للحكم عليها. وبعد إدانة أي شخص بالكوزنة يمكن حرمانه من بعض الحقوق العامة مثل حرمانه من التمتع بفوائد المادة 23 من لائحة الخدمة المدنية التي تجيز إعادة التعين بعد إنهاء الحدمة.

إنت إعادة تعيين دي جبتها من وين؟
منو القال ليك ديل أعادوا تعيينهم أو حتى فصلوهم ابتداءً !

Quote: إنت إعادة تعيين دي جبتها من وين؟ منو القال ليك ديل أعادوا تعيينهم أو حتى فصلوهم ابتداءً !

إعادة تعيين جبتها من لائحة الخدمة المدنية.
سؤالك بتاع منو القال لي سؤال مقلوب لأنو الطبيعي إنك تسأل منو القال لي ناس لجنة إزالة التمكين إنو الاساتذة ديل ما فصلوهم إبتداءً ثم أعادوا تعينهم؟
الإفتراض الطبيعي أنه لا توجد محالفة للقانون او اللوائح ما لم يتم إثبات غير ذلك.
بطريقة سؤالك دي بكرة أتوقع إني أمرق من البيت الصباح متشنط يقوم يلاقيني البوليس يقول لي أقلع البنطلون دا لغاية ما تجيب الفاتورة الإشتريتو بيها عشان تثبت إنو البنطلون حقك وتحصلت عليه بطريقة مشروعة.

قال مدير إدارة الموارد البشرية عبد القادر سعيد صالح الموقع القرار

مولانا أصلو ما براه!
دي الوقفة خلي بالك وعدم الآكشن! خرمان للغلاط مولانا لدرجة بخلق حجج من راسه وينسبها لقرار اللجنة ويرد عليها!

يا شباب,

الواحد هنا بيشجع اللعبة الحلوة. رجاء بدون تحجج. أو
diving

وشكرا


لاين مان :)

يا أبو حميد دقيقة ياخي
أنا إعتراضي ما على تنفيذ جامعة السودان لقرار لجنة إزالة التمكين.
أنا أبداً ما أبديت رأي مخصص في إنهاء خدمة الأستاذين ديل على وجه الخصوص.
قد يكون إنهاء خدمتهم صحيح وقد لا يكون، الله أعلم.
أنا إعتراضي على قرار لجنة إزالة التمكين من أساسه والقاضي بإنهاء خدمة جميع الذين تقلدوا مناصب دستورية.
كلمة جميع دي هي كل المشكلة.
لو لجنة إزالة التمكين قالت مراجعة اوضاع الأساتذة الذين تقلدوا مناصب دستورية في السابق ومراجعة مطابقتها للوائح الخدمة المدنية، كان رأيي بيكون مختلف.
لكن كونها هي تقرر إنهاء خدمتهم بقرارها دون الرجوع إلى الطريقة التي أعادتهم للعمل دي هي المشكلة.

Quote: مولانا أصلو ما براه! دي الوقفة خلي بالك وعدم الآكشن! خرمان للغلاط مولانا لدرجة بخلق حجج من راسه وينسبها لقرار اللجنة ويرد عليها!

🤣🤣🤣
لا لا براي والله.
وعشان أجيك من الآخر
أنا لجنة إزالة التمكين دي قارش ملحتها
ووجهة نظري فيها إنها أفيون الثوار.
صحي هي بتفش غبينة الناس لكن بتفشها بحركات وهمية.

الحطب الكبار من الكيزان المجرمين هربوا إلى تركيا بأموالهم والقلة القليلة التي تم إعتقالها لم تتم إدانتهم حتى الآن ما عدا عمر الشير الذي أدين بجريمة لا تسوى شيئاً بالنسبة لمجمل جرائمه.
ولجنة إزالة التمكين تقابض في العويش.
ونحن فرحانين سيصرخون وسيفلعون.
الروسين الكبيرة لغاية هسه ولا واحد صرخ مافي.

Quote: لو لجنة إزالة التمكين قالت مراجعة اوضاع الأساتذة الذين تقلدوا مناصب دستورية في السابق ومراجعة مطابقتها للوائح الخدمة المدنية، كان رأيي بيكون مختلف.

بس دي مشكلتك؟
غاااااالي والطلب رخيص
أهو دة قرار اللجنة

Quote: أصدرت لجنة تفكيك نظام الثلاثين من يونيو 1989 واسترداد الأموال العامة، قرارا بإنهاء خدمة جميع الذين تقلدوا مناصب دستورية بكل مؤسسات الدولة على المستوى الاتحادي والولائي، وجاءا القرار استنادا على قانون إزالة التمكين لسنة 2019 تعديل 2020، ولائحة الخدمة المدنية القومية، ووجه القرار المؤسسات الاتحادية والولائية وضع القرار موضع التنفيذ.

Quote: أصدرت لجنة تفكيك نظام الثلاثين من يونيو 1989 واسترداد الأموال العامة، قرارا بإنهاء خدمة جميع الذين تقلدوا مناصب دستورية بكل مؤسسات الدولة على المستوى الاتحادي والولائي، وجاءا القرار استنادا على قانون إزالة التمكين لسنة 2019 تعديل 2020، ولائحة الخدمة المدنية القومية، ووجه القرار المؤسسات الاتحادية والولائية وضع القرار موضع التنفيذ.

الأحمرين ديل ما بتلايقو مع بعض يا أبو جميد.
الذين تقلدوا مناصب دستورية في السابق ديل اللائحة ما بتتعامل معاهم كجميع، اللائحة بتتعامل مع كل حالة منفردة.
لجنة إزالة التمكين قررت إنهم هم كلهم كجميع تنهى خدمتهم بجكم مادة واحدة في اللائحة. واللائحة قالت لا، أنا موادي كتيرة وكل واحد جيبوهوا لي براهو أشوف ليهو المواد المناسبة وبعد داك نشوف ننهي خدمتو ول لأ.

Quote: أنا لجنة إزالة التمكين دي قارش ملحتها

عارفك، الواحد مما يفقد المنطق ويجيك سايق رجل قشه في ايده تعرفه القصة فيها ملحة😀

أنا بالنسبة لي واضحة ومقروءة كدة: إنهاء جميع خدمات الدستوريين الذين تسري عليهم لائحة الخدمة المدنية فيما يخص الدستوريين

بحسب فهمي إنه لجنة إزالة التمكين مفروض توجه إدارات شؤون الأفراد والإدارات دي هي التقرر على من يسري القرار بالتالي لا مجال للتعيين وإلا مافي داعي لشئون الأفراد، تفصل اللجنة براها بدون الرجوع للجامعة

Quote: بحسب فهمي

إنت البوست دا دخلتو بإستعداد يسمح لك بمحاورة في مستوى عمر التاج.
عشان كدا عاذرين لياقتك وفهمك التعبانين.
😂😂😂

انت متسبب ساي
كونها وضعت ليك قانون الخدمة المدنية دي معناها سدت فرقتك الداير تدخل بيها
يعني واااااضح كدة إنه إنهاء خدمات الدستوريين مرتبط بقانونين سواء إزالة التمكين والخدمة المدنية
والتطبيق بتاعها كان سليم لأنه ترك لإدارات الموارد البشرية وما نفذته اللجنة براها
يعني انت بتفترض في سيناريو بتاع مدير موارد بشرية قرأ (جميع) دي وما كمل القرار وطوالي لخ كل الدستوريين بدون ما يعاين لما هو موجود في اللائحة
وطبعاً دة سيناريو أرأيتيني ساي ما ممكن يحصل من زول عارف اللائحة

يا إبني قرار لجنة لجنة إوالة التمكين بإنهاء خدمة جميع من تقلد منصب دستوري هو القرار المستند على لائحة الخدمة العامة.
قرار إنهاء خدمة الأستاذين الذي أصدره عبدالقادر سعيد صالح مبني على توجيهات مدير الجامعة
وتوجيهات مدير الجامعة مستندة على قرار لجنة إزالة التمكين.

Quote: مما يفقد المنطق

يا عمك إنت المنطق فقدتو قبيل من حوارك مع مدير الجامعة وبعد تفكير عميق قلت ليهو ج...ك.

خليني من فقدان منطقي أنا! لياقتك دي خلت أحدهم يألف و يبدع عديل في علم الكلام! عاين دي

Quote: سيناريو أرأيتيني

هسي دي ناس تنظير و أبوحسين بكون وقعت ليهم!

الأستاذية الجامعية ـ لاتعفي من المسؤلية الأخلاقية والإنسانية (وطبعا الجنائية وجدت )
علي كل من يتبني موقف أو يتخندق بموقع أن يتحمل مسؤلية ذلك ويسدد فواتير ذلك كاملةـ نحن هنا لنتحدت عن قضية فكرية وإنما عن إستوزار ومواقع قيادية ـ مش مجرد كوز في درجة دنيا في خدمة مدنية أو إستاذ مرحلة أساس
-كوز لم يفسد ولم يقحم فكره أو لونه السياسي في مهنته
وإنما ـ علي المستويات العليا والقيادية والوزارة
فمثلا لو كان مأمون حميدة يعمل بجامعة الخرطوم ـلوقفت مع إبعاده ـ
ولو كان حسن مكي يهرجل في إحد الجامعات لما وضعته في كفة مع حميدة
... ـ فليستأنف كل متضرر يري إنه إستهدف ـ بصورة شخصية وإن معايير
الفصل لاتتنطبق عليه ـ
ونتمني الصحة والعافية لأستاذنا فاروق محمد إبراهيم الذي لم يكتفو بفصله
بل عذبوه ـ في غياهب بيوت الأشباح .......

الكوز الزاحف الاسمو زكريا دا ماسك بيكم زمن
و عاوز يبعدكم عن قضايا مهمة
و لو جاهو الكوز العصفور عمر التاج
يبقو دراويش لاقو مداح
فشنو اكسبو زمنكم في بوستات مهمة
و يعني شنو لجنة التمكين شالو استاذين من الجامعة
حسنني انهم شالو انشتاين و افلاطون
تباً لك يا زكريا ياكوز السجم
كويس انو بكري قلل مداخلاتك
بعد شوية حيكون عندك مداخلة واحدة

لجنة ازالة التمكين يجب ان يوضع لها سقف زمني

العدل ليس امر ثانوي وهو احد شعارات الثورة
الثلاثة . لا يسمح بالظلم في زمن الثورة

Quote: سيناريو أرأيتيني

جرجير طبعا أكيد فيهو عرق من الجماعة
.جرجرة اذا كان انت عارفا أنا البحميني شنو ؟؟؟؟
غنيا عن القول أنا قبل كدا جبت سيرة الجماعة ديل في
واحد من بوستات التنظير في دين الله وسنة رسوله
وطبعا يا جرجرة أراهن بأية حاجة في أية حاجة
أنت مريت علي كلامي عن الجماعة ديل أطرش
في الزفة .. خخخخخخخخخخ
..........
عزيزي مازن سخاروف جرجير دا ما عايزنو
هنا .. خارب لينا البوست دا ساي .
.......
التعديل للإضافة والتعديل خخخخخخخخ

نقلت ودمجت خخخخخخخخ

ههههههه ياداب شفت كلامك دة

Quote: يا أبو حميد عمر شنو كمان المحتاج تحضيرات ومعسكر خارجي ؟

تحضيرات شنو كمان لي عمر التاج!
بس المرة دي بالمصاااااادفة البحتة الحادث كان جوة حلتنا

زي الفهمت من كلامك أنو محضر ليهو اقتباسات من الفيس
والذي منو عشان كدا قلت ليك تحضير ومعسكر خارجي

Quote: Quote: سيناريو أرأيتيني هسي دي ناس تنظير و أبوحسين بكون وقعت ليهم!

تنظير وأبوحسين هينين
أنا ذاتي شكيت وقلت الولد دا يكون قاعد يدرس لغات.
😂

يا حافظ صدقني جرجير دا حتى بعد مشى قوقلا
ما بكون عارفا .. دا قبل كدا قال:
رأيت قطيع البط يحلق وهو فرحان
عايز يعرف ليك الآرايتية يعنى شنو ؟
.............
ما عايزين نخرب البوست ونحرفوا عن
مسارو كما يريد هو بعد أن فقد أية حاجة هنا خخخخخخ

لجنة ازالة التمكين صارت مركز قوي

هناك معتقل ( معمر موسي ) متهم بمحاولة
اغتيال ، وقصص عجيبة ، مرة وجدي صالح
حسب روايته عاوزين يغتالو من امام منزله
ومرة من داخل اللجنة ، ثقافة الاغتيال دي
غير سودانية ولو عاوزين يغتالوا وجدي ولا مناع
ما اظن محتاجين جهاز GPS ، اللجنة دي صارت
مركز قوي ويجب تغيير وجدي صالح ومناع .

Quote: ثقافة الاغتيال دي غير سودانية

هي المحاكمات الشغالة كل يوم دي في شنو غير الاغتيال؟!!!
أبديها من محمد عبد السلام والتاية لحدي بهاء حنفي
حتى ناسهم زي علي البشير اغتالوهم قدام أولادهم

ال ذكرته ده كتل عيني عينك، معروف منو
سوى شنو ، ال لبيد ده ما حقنا

جهاز امن البشير سايق الناس ديل
المتهمين يقدموا للمحاكمة ، في ادلة
بحاكموا ، ما في او غير مكتملة يطلق
سراحهم ، الحكم بالنوايا خطأ

Quote: ال لبيد ده ما حقنا

حقنا ونص وخمسة
قرانفيل
محمد طه محمد أحمد

الاولي معروفين
الثانية دغمسة جلابة و غرابه

لب الامر اللجنة تجاوزت القانون
وفي طريقها لتكون مركز قوي ، علي حزب
الامة سحب مناع ، لا يصح ارتباط حزب
الامة بمثل هكذا ممارسات.

مناع خطر علي حزب الامة

Quote: الاولي معروفين الثانية دغمسة جلابة و غرابه

أمس الامبارح دي في تشييع الشهيد ود عكر تم طعن الترس شريف البعاتي من الخلف ولي هسة ما معروف الطعنو منو

ناس الامن الطلابي للبشير مدورينهم
ظباط الامن ، وديل الان تحت امرة القحاتة

لجان الاحياء مخترقة والكلام ده
اتقال هنا قبل كده ، في حالة سيولة امنية.

كرتي كان موجود وسمح له بالمغادرة
امن الطلاب لم يقبض علي الروؤس ، السؤال
كيف ولماذا تم هذا الامر .
تركيا تتحمل مسئولية السماح بادارة
انشطة معادية الدولة السودانية ، المطلوب
الاتصال بالجهات ذات الصلة بالحكومة التركية
وكذلك طلب القبض علي كرتي ( الذي بعد ان ضمن
أمنه الشخصي حرك مجموعات الدفاع الشعبي
والطلاب )

سلامات بروف زكريا وضيوفه ..
وقبل ان أقرأ تفاصيل البوست المهم، وبمجرد المامي بعمل لجنة التمكين وخفايا تعاملها مع المؤسسات ..
فهي مجرد لجنة سياسية مركوزة بدستور معوج..
وهي لاتعمل وفق قوانين الخدمة المدنية، ولا لوائح خدمة المؤسسات
بل تعمل وفق اهواء رجالات اللجنة ، لتصفية خصوماتهم مع مخالفيهم
ولو كانت حريصة على الحقوق والعدالة ..
ففي البلد ساحات للقضاء وميادين للفصل في مخالفات الخدمة المدنية
كلها الان تحت إدارة الحكومة الانتقالية
فلم اذن يسمح بعمل اللجان الموازية التي تضر بالحقوق والعدالة وتقدح في مهنية القضاء ؟
وكيف يسمح للجنة سياسية بأن تفصل القضاة ثم تطلب من المتضررين الاستئناف عن طريقهم
..
..
أما موضوع الأساتذة الجامعيين فهو والله عجيب وغريب..
وهذه اللجنة لاتدري ان القاضي والمحامي والسياسي الضليع والطبيب والمهندس ..
وكل كفاءات البلد .. يصنعهم هذا الأستاذ الجامعي .

هناك تسجيلات تتهم النيابة العامة
وتحديداً مولانا الحبر ( النيابة العامة )
وتتحدث عن قناصة وسلاح ، علي مناع كشف
كل ما يعرف فهناك ارواح وانفس ازهقت.

مسئولي البنيان المرصوص ، لماذا لا
يقبض عليهم ، هناك مصيبة والسبب النيابة
العامة ، لدينا شباب يتبعون للمتأسلمين لا
يتورعون عن سفك الدماء ، علي دكتور مناع
الخروج وتبيين كل ما جري ويجري

خطابات ازالة التمكين له ترويسة مختلفة، حيث في
اعلى الخطاب يتم الإشارة الى مجلس الوزراء
ثم يتبعه اسم اللجنة المغروفة، وفي ذيل الخطاب
الشخص الذي يراس اللجنة وخاتم اللجنة.
صورة الخطاب التي وردت في هذا البوست والخاص
بالدكتور احمد ابراهيم يشير الى الجامعة ثم
مذيل بالشؤون الادارية واسم مديرها.
بمعنى ربما كان سبب الرفض خاص ومتعلق بالجامعة
لاسيما ان القرار اصدره مدير الجامعة، طبعا كل
هذا بغض الطرف عن محتوى الخطاب وما ورد
فيه من تطعيمه بأسم اللجنة.
انتوا رايكم شنو