كلام محمود محمد طه عام 1969.. حد يصحى المنصورة مريم

01:52 AM May, 23 2021

سودانيز اون لاين
Abureesh-أمريكا
مكتبتى
رابط مختصر

*الأستاذ محمود محمد طه*

*النفوذ المصري*

الموقف السياسي الراهن إنتُ شايفنُّه، بالصورة دي، الحقوق الأساسية فيهُ مهدرة.. هي مهدرة في البلاد العربية بصورة أفظع مننا.. لو كان الإنسان ما عندُه إلا أن يختار بين شرَّين، أنا أفتكر نحن السودانيين محسودين على حالتنا الحاضرة.. نحن السودانيين عندنا ديمقراطية، في الدول العربية كلها مافي.. أنا أأكد لكم، أنُّه في إفريقيا كلها مافي.. هسع، وضعنا دا، كناس عندنا فرصة في الديمقراطية، هذا الوضع محسود.. وأنا أأكد لكم، محسود من المصريين، بصورة خاصة.. البلد دا، هسع، انملأ بالمصريين.. أنا أفتكر أحسن نحن نكون واضحين في المسألة دي: في نفوذ مصري كبير، والنفوذ المصري دا ماشي بتغلغُل، وأنا أعتقد أنُّه مهدوا لِهُ الناس، اللي كانوا صنايع لمصر.. كان زمان حزب الأمة هو الدعامة البتمنع النفوذ المصري.. السياسة، في حركتنا السياسية – حركتنا الوطنية لمًا البلد كان مقسوم بين إستقلاليين، واتحاديين – كانت ميول الاتحاديين بدات، الناس المن جيلنا نحن بيعرفوا الحكاية دي، من الإندماج التام مع مصر؛ إلى الوحدة؛ إلى الإتحاد؛ إلى الإستقلال.. المسائل دي اتطوّرت بالشكل دا.. كانت الدعوة إلى التاج المصري الموحد، وكان في حاجة إسمها «حزب وحدة وادي النيل».. وكانوا في الناس، اللي بقولوا أنُّ نحن بينا وبين مصر جدار، نزيل الجدار دا ليتصل الشعب المصري والشعب السوداني، ليكون في وحَدة تامة – في اندماج تام.. الاتجاهات دي كان يقابلها، من الجانب الإستقلالي، أشد النفور من المصريين، وأشد الإتهام لِهن.. والحقيقة، كانت السياسة المصرية واضحة.. في زمن الباشاوات، كانوا بيقولوا أنُّ السودان هو المجال الحيوي لمصر.. المجال الحيوي بمعنى أنُّ أراضي السودان الخصبة واسعة، ومياهه كثيرة، وسكانه قليلين وأقل مهارة من المصريين، وأنُّ عدد السكان المصريين كبير جداً، ومجاله في الأرض ضيق.. فالمجال الحيوي معناه أنُّ الهجرة المصرية من المصريين للسودان هي البتعطي الشعب المصري فرصة حيوية في إستغلال الأراضي الموجودة هنا.. وكانوا، بطبيعة الحال، بيرفضوا أن تكون حكاية السودان حكاية شعب وقطر يستقل.. الحركة الاستقلالية كانت شديدة النفور من الوضع دا.. وأنا الحاجة الأأكدها لِكن، أنُّ السودانيين كلهم – السودانيين كلهم – ما بيفرّطوا في مسألة الإستقلال دا.. كانت في قيادات، القيادات كانت منتفعة.. القيادات، البتتكلم بالصورة دي، كانوا موظفين مصريين تمامًا، وبيتلقوا أموال مصرية.. لمًا جاءت المسألة بتاعة حلايب، لو إنتُ بتتذكروا، مسألة حلايب لمًا دخلوا المصريين وغرسوا البيرق بتاعهن في قطعة من البلاد، في الشمال الشرقي فيها نزاع، عبد الله خليل كان الحاكم، عبد الله خليل أدّى أوامر بالضرب تمام إذا كان ما ينزعوا العلم بتاعهن ويتراجعوا.. واتراجعوا، فعلًا.. في المرحلة ديك، ما كان في اتحادي وإستقلالي – الشعب السوداني كله هبَّ، في غيرة شديدة، أنُّ الأرض دي لازم تكون سودانية، وأنُّ المصريين إذا اتدخلوا، في المسألة دي، يُضربوا..
 
 
 
 
 
من ندوة بعنوان « الموقف السياسي الراهن والحقوق الأساسية» بمدينة أمدرمان، 28 فبراي 1969

قارن كلام الاستاذ محمود قبل 52 سنة.. قبل أن تولد مريم..

Quote: والحقيقة، كانت السياسة المصرية واضحة.. في زمن الباشاوات، كانوا بيقولوا أنُّ السودان هو المجال الحيوي لمصر.. المجال الحيوي بمعنى أنُّ أراضي السودان الخصبة واسعة، ومياهه كثيرة، وسكانه قليلين وأقل مهارة من المصريين، وأنُّ عدد السكان المصريين كبير جداً، ومجاله في الأرض ضيق..

قارنه مع كلام الحبيبة مريم فى المؤتمر الصحفى مع أخيها الكبير.. مريم تنكرت لمبادئ وإستراتيجية حزب الأمة.. وتنكرت لإرث المهدية.. وصارت دمية يحركها المصريون. تبنت موقف الإتحاديين الذين هم أنفسهم قد تخلوا عنه كما كانوا عليه من قبل.. صارت إتحادية أكثر منهم.

فوق للمزيـد من الإطلع

مريم صادق بوق شكري

بت المشرف سلام المثل بقول الفى البر عوام دحين انت وابوالريش بدل تعدوها نقد فى السيدة الدكتورة مريم وزيرة خارجية السودان وهى تنفذ سياسة دولة احسن تمشوا تمسكوا المنصب دا انتوا الاثنين يا مزمهرين هههها

Quote: بت المشرف سلام المثل بقول الفى البر عوام دحين انت وابوالريش بدل تعدوها نقد فى السيدة الدكتورة مريم وزيرة خارجية السودان وهى تنفذ سياسة دولة احسن تمشوا تمسكوا المنصب دا انتوا الاثنين يا مزمهرين هههها

صديق مهدى
دا اللى الله قدرك عليه؟ لماذا لا تناقش موضوع البوست؟ طبعا لا تستطيع..
السيدة مريم لو ما عاوز الناس ما تنتقدها كلمها تقعد فى بيتها وما تجيها عوجة.. وزارة الخارجية ما تابعة لدار حزب الأمة.. أما لو تلاعبت بمستقبل السودان وسلامة أراضيه فأى سودانى
له الحق فى نقدها وفى إيقافها بإعتبارها خائنة للوطن ومتواطئة مع المصريين المغتصبين لأرضنــا. لا يهمنا ما كان من سلفها ما دام حادت عن السير فى طريقهم.
إخلاص مخلصـة وشجاعة ما زيك تلف وتدور حول البوست رغم أنك لا تختلف مع المحتوى (احسن الظن).. وهذا البوست أظهر الى أى مدى المخابرات المصرية متغلغة فى السودان لدرجة
أن المثقفين يجبنون حتى فى التداخل فى بوست يفضح سيطرتهم على السودان. ولا نوفرهم من النقد ولا نوفر أذنابهم وكذلك لا نوفر عملاءهم من النقد أمثال مريم.
راجع المنبر.. كنت أول وأقوى صوتا فى الترحيب بمريم حين صارت وزيرة خارجية.. ولكن حين نشطت ضد السودان وتأمرت مع أعدائه فسأكون حربا على كل عميل لدولة أجنبية.. خصوصا من كان عدوا منهم.