|
|
 Re: موقف الحزب الشيوعي السوداني من مبادرة الع (Re: مازن سخاروف)
|
شكرا يا الشريف لإيراد كلام الخطيب
كمان لو تكرمت بإيراد المقال الذي كتبه فتحي فضل تكون خدمت الحوار خدمة كويسة
المقال دا أنا فتشت عليه وما لقيته
نناقش منه شوية ونجيهو برواقة في صباح الغد إن شاء الله
مقطع من كلام الخطيب
Quote: السؤال هل المطلوب العودة الى منصة التأسيس مع ذات القوى
والمكونات التي انقلبت علي الثورة وشعاراتها؟ أم العمل على تنظيم القوى الحريصة
على استكمال الثورة وبلوغها هدفها في تأسيس دولة مدنية ديمقراطية تملك زمام
أمرها تحقق السلام والعدالة الاجتماعية وتحقق أهداف الثورة والثوار فى وطن
ناهض يملكه شعب السودان ويسع الجميع ؟*I |
نبدأ بطلب بسيط من الخطيب
أن يورد لنا من هي القوي التي إنقلبت علي شعارات الثورة
وما هي شعارات الثورة التي تم الإنقلاب عليها
Quote: على استكمال الثورة وبلوغها هدفها في تأسيس دولة مدنية ديمقراطية تملك زمام
أمرها تحقق السلام والعدالة الاجتماعية وتحقق أهداف الثورة والثوار فى وطن
ناهض يملكه شعب السودان ويسع الجميع |
الدولة المدنية الديمقراطية التي تحقق السلام والعدالة الإجتماعية
حاجة جميلة
ودا بالتقريب جوهر برنامج الحزب الشيوعي
لمرحلة الثورة الوطنية الديمقراطية
لكن يا خسارة دا ما برنامج ثورة ديمسبر السودانية
(ممكن يكون مضمن في شعارات الثورة .... ما في أي مشكلة)
الثورة كان شعارها الواضح حرية سلام وعدالة والمدنية خيار الشعب
يبقي المدنية عشان تحقق الحاجات دي كلها، الحكومة لازم توصلنا للإنتخابات بنهاية اوما لفترة الإنتقالية
يعني لازم يكون في حكومة منتخبة عشان يكون في مدنية
ممكن تجي حكومة ثورية (بإنقلاب أو ثورة ما فارقة) لكن ما حيكون في مدنية
ولا حيكون في حرية ولا سلام
أي تاكتيكات وتحركات لا تخدم هذه الغاية بتصب في مجري الثورة المضادة
أي بمعني آخر إنحراف عن شعارات الثورة ودا الخايفين منه إنتو
الإستكمال المطلوب هو إستكمال الفترة الإنتقالية وفقا للوثيقة الدستورية
اها تنتهي الفترة الإنتقالية تجو شايلين برنامج مرحلة الثورة الوطنية الديمقراطية
وتنزلوا بيهو الإنتخابات
الشعب السوداني قبل ببرنامج مرحلة الثورة الوطنية الديمقراطية
يا دار ما دخلك شر طوالي تشكلوا حكومتكم المنتخبة من الشعب
وتبدوا تنفذوا هذا البرنامج الجميل
لكن أن تدعو "الثوار" لإسقاط الحكومة لأنها فعلت ما تقولون أنها فعلت
فهو في أحسن الأحوال تطويل للفترة الإنتقالية
وفي أسوأها هوفتح صندوق باندورا
حيث تدخل الدولة السودانية في صراعات يختلط فيها حابل الحضر بوابل الريف
وقوي الحداثة مع السلفيات المسلحة بالغيب منها والمسلحة بالكلاشنكوف
عاينو للصومال وأفغانستان
في السبعينات كانو يرنون للتطبيق الإشتراكي
هسع يتقاتلون قبائل وعشائر ودواعش وسلفيات لا ندري من أي أرض نبلت
من أيام ثورة أكتوبرالسودانية في 1964--وكما هو وارد في كتاب الماركسية وقضايا الثورة السودانية--
كان هناك إلتباس في تعريف "الثورة" عند الشيوعيين
كانوا محتارين في تعريف ثورة تسقط السلطة الديكتاتورية
ثم لا تحقق العدالة الإجتماعية لأنها لا تسقط النظام القديم بكامله
فهي لا ثورة إشتراكية كالثورة البلشفية في روسيا 1917
ولا ثورة برجوازية كالثورة الفرنسية
كتاب الماركسية وقضايا الثورة السودانية يقول عن أكثوبر
"أنها فترة جديدة وليست مرحلة جديدة "
(يعني الثورات المعرفة ومعروفة بتنقل البلد من مرحلة لمرحلة مثلا من الإقطاع للبرجوازية كما في الثورة الفرنسية
ومن الرأسمالية للإشتراكية كما في الثورة البلشفية )
الثورات التي حدثت في الوطن العربي والمسماة بالربيع العربي
جهجت باكات اليساريين العرب
ما قدروا يعرفوها ولا قدروا يحللوا أسبابها
في السودان يحاول الشيوعيون الثورة علي ثورة قامت بتحالف واسع
ضم اليسار واليمين العروبيين والإفرقانيين
وضم في ما ضم بما يعرف بأحزاب الهبوط الناعم
في تحالف أتفق علي برنامج حد أدني
قطع شك ليس هو ما يتحدث عنه الخطيب
وكما قلنا مرارا ان برنامج هذه الثورة هو ما موجود في الوثيقة الدستورية
الخطيب وحزبه يعملون علي لم صفوف" الثوار" لعمل برنامج مرحلة الثورة الوطنية الديمقراطية
نقول عنه أنه برنامج كويس وبيحقق قدر عال من العدالة الإجتماعية
والتنمية
ولكن لا سبيل إلي تحقيقه إلا بعد الفوز علي السلطة في إنتخابات حرة نزيهة
غير كدا غيركم كان أشطر(غيركم دي داخلين فيها كثيرين منهم مصر الناصرية وليبيا القذافية والجزائر
واليمن الجنوبي وسوريا البعثية والعراق البعثي والصومال وأفغانستان وحتي طيب الذكر الإتحاد السوفيتي)
غير كدا أول حاجة حتغيب في دولة مثل التي تنون هي الحرية
نكتفي بهذا علي امل الإسهاب في الغد
|
|
 
|
|
|
|
|
| العنوان |
الكاتب |
Date |
| موقف الحزب الشيوعي السوداني من مبادرة العودة لمنصة التأسيس. | elsharief | 05-14-21, 08:51 PM |
| Re: موقف الحزب الشيوعي السوداني من مبادرة الع | علاء سيداحمد | 05-14-21, 09:39 PM |
| Re: موقف الحزب الشيوعي السوداني من مبادرة الع | مازن سخاروف | 05-15-21, 00:07 AM |
| Re: موقف الحزب الشيوعي السوداني من مبادرة الع | elsharief | 05-15-21, 02:20 AM |
| Re: موقف الحزب الشيوعي السوداني من مبادرة الع | elsharief | 05-15-21, 02:12 AM |
| Re: موقف الحزب الشيوعي السوداني من مبادرة الع | Abureesh | 05-15-21, 02:16 AM |
| Re: موقف الحزب الشيوعي السوداني من مبادرة الع | elsharief | 05-15-21, 02:25 AM |
| Re: موقف الحزب الشيوعي السوداني من مبادرة الع | بدر الدين الأمير | 05-15-21, 02:58 AM |
| Re: موقف الحزب الشيوعي السوداني من مبادرة الع | علاء سيداحمد | 05-15-21, 03:02 AM |
| Re: موقف الحزب الشيوعي السوداني من مبادرة الع | Elhadi | 05-15-21, 05:00 AM |
| Re: موقف الحزب الشيوعي السوداني من مبادرة الع | Abureesh | 05-15-21, 01:10 PM |
| Re: موقف الحزب الشيوعي السوداني من مبادرة الع | Nasr | 05-16-21, 08:12 PM |
| Re: موقف الحزب الشيوعي السوداني من مبادرة الع | عبد الله حسين | 05-16-21, 09:55 PM |
| Re: موقف الحزب الشيوعي السوداني من مبادرة الع | مازن سخاروف | 05-17-21, 01:20 AM |
| Re: موقف الحزب الشيوعي السوداني من مبادرة الع | mohmmed said ahmed | 05-17-21, 09:33 AM |
| Re: موقف الحزب الشيوعي السوداني من مبادرة الع | elsharief | 05-17-21, 10:47 PM |
| Re: موقف الحزب الشيوعي السوداني من مبادرة الع | Nasr | 05-18-21, 07:09 AM |
| Re: موقف الحزب الشيوعي السوداني من مبادرة الع | عبد الله حسين | 05-18-21, 05:37 PM |
| Re: موقف الحزب الشيوعي السوداني من مبادرة الع | Nasr | 05-19-21, 05:06 AM |
| Re: موقف الحزب الشيوعي السوداني من مبادرة الع | Nasr | 05-19-21, 05:15 AM |
| Re: موقف الحزب الشيوعي السوداني من مبادرة الع | عبد الله حسين | 05-20-21, 12:33 PM |
| Re: موقف الحزب الشيوعي السوداني من مبادرة الع | mohmmed said ahmed | 05-20-21, 02:54 PM |
| Re: موقف الحزب الشيوعي السوداني من مبادرة الع | Nasr | 05-21-21, 03:12 AM |
| Re: موقف الحزب الشيوعي السوداني من مبادرة الع | عبد الله حسين | 05-21-21, 09:56 PM |
| Re: موقف الحزب الشيوعي السوداني من مبادرة الع | عبد الله حسين | 05-21-21, 09:59 PM |
| Re: موقف الحزب الشيوعي السوداني من مبادرة الع | عبد الله حسين | 05-21-21, 10:04 PM |
| Re: موقف الحزب الشيوعي السوداني من مبادرة الع | Nasr | 05-22-21, 03:13 AM |
| Re: موقف الحزب الشيوعي السوداني من مبادرة الع | elsharief | 05-22-21, 09:53 PM |
| Re: موقف الحزب الشيوعي السوداني من مبادرة الع | مازن سخاروف | 05-23-21, 00:11 AM |
| Re: موقف الحزب الشيوعي السوداني من مبادرة الع | Nasr | 05-23-21, 03:26 AM |
| Re: موقف الحزب الشيوعي السوداني من مبادرة الع | عبد الله حسين | 05-23-21, 09:57 PM |
| Re: موقف الحزب الشيوعي السوداني من مبادرة الع | Nasr | 05-23-21, 10:37 PM |
|
| |
Nasr
فيس بوك
تويتر
انستقرام
يوتيوب
بنتيريست