رحلة ال١٠٥ (صور بس)

Quote: نفكر براحه منو العبقري العاوز يفشل مؤتمر فيهو جلسه لإعفاء ديون السودان : طيب عشان ما يكون لفحي سااي في حاجات حقو تكون واضحه حول الوفد والفعاليات هناك شنو في جلسه أولى يوم ١٧/٥ من ٩ صباحا :دي ح يتكلم فيها حمدوك(فيها ح يتم عرض فيديو ترويجي عن سودان ما بعد الثورة وكلمة من حمدوك حول الوضع في السودان اقتصادي وسياسي ) ووزيرالماليه الفرنسي وكذلك مسؤول صندوق النقد ومسؤول البنك الدولي وممثل للخزانه الامريكيه (عشان يوضح جديه رفع العقوبات وما يترتب عليها ) وكلمة السيد هاشم مطر رئيس اتحاد اصحاب العمل السوداني و دكتوره عابده المهدي الجلسه التانيه دي حقت البنوك فيها محافظ بنك السودان والسيد يوسف التني (بنك المال المتحد ) وكذلك ممثل لبنك فرنسي حول الوضع المصرفي والبنوك في السودان من منظور بنك السودان وبنك خاص ك بنك المال المتحد تنتهي الجلسات الساعه ١١:١٠ تبدا جلسات طاولات الحوار وهي اربعه طاولات ١-الطاقه والتعدين ٢-الزراعه ٣-البنيه التحتيه ٤-تكنولوجيا المعلومات والتحول الرقمي الجلسات دي فيها ممثلين ومتحدثين من القطاع الخاص والعام وفيها شركات أوروبيه ومستثمرين في المساء في جلسه سياديه دي فيها ماكرون وممثلين لدول نادي باريس دي جلسه نعول عليها في اعفاء اكتر من ٦٤مليا دولار الجلسات دي بحضور اكتر من ١٣٣ شركه فرنسيه و أوربي اضافة لعدد ضخم من مندوبي البنوك الفرنسيه والعالميه يوم ١٨/٥ في فعاليه تجسيد الثورة السودانية في المعهد العربي للعلوم. في باريس ده برنامج عامله ماكرون لعكس عظمة الثورة ودور الشباب فيها نرجع لقصه العدد ١٠٥ ديل مقسمين : في ٩ أنفار ديل شباب الثورة ودي فعاليه عاملها ماكرون لتجسيد الثورة وديل مدفوع ليهم من السفارة الفرنسيه وفد اصحاب العمل يحتوي ١٠ أشخاص اضافه للسيد الرئيس هاشم مطر والصادق حاج علي المنسق في ٩ أشخاص ديل المتحدثين في حلقات النقاش او طاولات الحوار ديل ٩رجال اعمال تم اختيارهم بالتوافق بين السفارة واتحاد اصحاب العمل في ٦ رجال اعمال ديل دعتهم السفارة الفرنسيه ب اعتبار ناس اصحاب بيزنيس ضخم مع فرنسا واوربا مثل محمد اسماعيل بتاع الاسكودا و ولد اسامه داوود وهاشم الدقير (طيران بدر ) وكم واحد كده ديل ٣٤ شخص اضافه لي٥ أشخاص من غرفه التجاره الأوربية ديل منظمين مع الفرنسين للحدث كده ٣٩ شخص تضيف ليهم دكتوره عابده المهدي ويوسف التني(بنك المال المتحد ) ديل ٤١ شخص وديل كلهم دافعين فنادقهم وتزاكر. طيرانهم من جيبهم الشخصي بما في ذلك المتحدثين في الموتمر(يعني وفد القطاع الخاص ماشي كله علي نفقته الخاصه وبطيران تجاري ما مع وفد الحكومه ) تخصم٤١ وفد القطاع الخاص والمتحدثين من ١٠٥اذن وفد الحكومه ٦٤ شخص (فيهم تلاته مستشارين من مكتب حمدوك و٩وزراء الهم وزراء القطاع الاقتصادي و حمدوك نفسه اضافه لمديري اكتر من ٥ هيئات) معاهم اكيد سكرتارية وحراسه وبرتوكول وخلافه ف السواقه الحاصله لي تفشيل مؤتمر باريس نفسه ببساطه لانو معروف ممكن يحصل شنو لو نجح زي ما متوقع والفرنسين لو كانو عاوزين حدث عادي كان ممكن يتعمل بالفيديو كونفيرنس بس هم عاوزين يخلقو حدث خاصه انًو في جلسه اعفاء ديون وعاوزين منها فوايد سياسيه احمد محمد سيد امين امانة شباب الاعمال اتحاد عام اصحاب العمل السوداني عضو لجان تحضير مؤتمر باريس

(عدل بواسطة عمر التاج on 05-15-2021, 01:21 PM)