|
|
 Re: الجبهة الثورية-تم الاتفاق مع النائب العام (Re: Biraima M Adam)
|
| Quote: أنت فاهم أنت بتقول في شنو؟ .. كدي وقع لينا الكلام دا بالراحة .. |
سلام بريمه
الحاصل كالاتى:
مجلس الوزراء او الدولة صادقت بعدد معين لتعيين وكلاء نيابة و صادقت علي ميزانية و جزء من الترتيبات دى انو يحجزو نسبة او عدد معين لدارفور و المنطقتين و يتم التعيين بعد اكتمال عملية السلام.
يقوم النائب العام يستنكحهم و بدأ يعين قبل توقيع اتفاق السلام و لما سألوهو, قاليهم بحتفط بالكوته المخصصة و لكن في واقع الامر حاول يغشهم, قاليهم رقم كلى اكبر من الرقم المصدق. مثلا لو الرقم المصدق 1000, هو قاليهم 1400 و حاول يعين الـ 1000 كلو قبل اتفاق السلام.
الجماعة عرفو بمصادرهم انو الرقم الحقيقى اصلا 1000 و لو هو كاوش علي اـ 1000 كلو حيدخل ليهم الدرب في المى و يقول ليهم امشو طلعو ميزانية تانية.
خلاصتو انهم قدرو يفضحو النائب العام و يوقفهو في حدو و يحتفط ليهم بالنسبة الحقيقة من الـ 1000 و ليس من الـ 1400.
الارقام طبعا كمثال و ليست الحقيقية و لكن بوريك مدى استهبال النائب العام و محاولىته الاستنكاح.
|
|
 
|
|
|
|
Mahjob Abdalla
فيس بوك
تويتر
انستقرام
يوتيوب
بنتيريست