|
|
|
 Re: تعليمنا في محنة أم ورطة! (Re: محمد التجاني عمر قش)
|
شكرا لطرحك هذا الموضوع الهام
لو شفت كمية الناس القروا جامعات وقاعدين عطالي
لو شفت كمية القروش الإندفعت فيهم
حتعيد النظر في مسألة التعليم
التعليم حق لكل الناس
لكن ما التعليم الجامعي حق لكل الناس
ولا ضروري ولا محتاجين لكل هذه الجامعات الوهمية
نعلم كل الناس القراية والكتابة
وحب المعرفة والمقدرة الدائمة علي التعلم
ونعلم الناس بعد داك بقدر ما نحتاج ليهم في سوق العمل
عاوزين ميكانيكية
نعمل معاهد فنية
عاوزين ممرضين نعمل مدارس تمريض
هل يعقل أن يكون في المستشفي 40 طبييب وعشرين ممرض؟؟؟
مع إنه مفروض يكون في 40 طبيب و 100 ممرض
قراية الجامعة الشفتها في السودان غرضها الأكبر ال show
(نوع أنا بتي دكتورة وهي ذاتها لمن تمرض بتمشي لدكتور تاني)
مش العلم في حد ذاته
الأب مما أتخرج ما مسك ليه كتاب وشابك الود أقرا أقرا
التعليم جزء متكامل من منظومة ثقافية وإجتماعية وإقتصادية
أنظر ليه علي هذا الأساس
| |
 
|
|
|
|
|
|
|
|
Re: تعليمنا في محنة أم ورطة! (Re: Nasr)
|
كلامك صاح يا أخ ناصر فيما يتعلق بالتعليم التقني والفني لأن التوجه العالمي الىن هو توفير أيدي عاملة مؤهلة ومدربة وليس فقط مجرد أكادميين لا يجيدون التعامل مع أبسط الأجهزة ولليس لديهم خبرة في أي شيئ.
التعليم المهني هو المطلوب الآن مع التديب المستمر.
| |
|
|
|
|
|
|
|
|
|
Re: تعليمنا في محنة أم ورطة! (Re: محمد التجاني عمر قش)
|
| Quote: تقسيم السنة الدراسية إلى سنتين، كل منهما ستة شهور لنصف عدد الطلاب. ثم تقسيم الطلاب إلى صباحيين ومسائيين |
التقسيم الصباحي والمسائي موجود في بعض الجامعات السودانية تحت مسمى الناضجين .. بكونوا موظفين وبيقروا بالمساء
جامعة المستقبل (كمبيوترمان) ما عندهم إجازات كبيرة .. بين السمسترين اسبوع ونهاية السنة شهر والباقي دراسة .. يعني طلبة الهندسة المقررهم 5 سنوات بتتخرجوا في 3 سنوات ونص
قبول دفعتين في نفس السنة دة ما تفكير خارج الصندوق!
إذا عاوزين التفكير خارج الصندوق يكون القبول بالفصل الدراسي وليس العام .. يعني في يكونوا في طلبة في السمستر الأول وطلبة في السمستر الثاني ودة يتطلب تغيير السيستم العقيم للقبول في التعليم العالي ويا إما يتخلوا عن الشهادة السودانية تماماً زي أغلبية الدول ويستعضوا عنها بامتحانات قدرات أو يعملوها عدة مرات في السنة .. لأنه بطريقتها الحالية دي لو جاتك ملاريا يوم امتحان الاسلامية ما بتدخل الجامعة ببساطة كدة! لا عندنا ملاحق لا بدائل .. عيان دي مشكلتك براك
| |
|
|
|
|
|
|
|
|
|
Re: تعليمنا في محنة أم ورطة! (Re: محمد التجاني عمر قش)
|
أقول ليك
إذا حكومة الثورة عندها قدرة
تعمل التعليم والصحة مجانا
ما عندها قدرة
يتخت في الدستور أن التعليم الأولي والصحة حق لكل الناس ومجانا
التعليم الجامعي
الدولة تعلم مجانا من تحتاج لهم الدولة والبلد
والباقي داير يتعلم في الخاص مرحب بيهو
لكن الدولة ما ملزمة بتشغيله
في زيارتي للسودا ن في العام الماضي
قاعدين في مزرعة في سوبا
رواعية وعمال وسيد مزرعة مهندس
الراعي يطلب أن يقرأ له المهندس الرسالة في تلفونه
في اللحظة ديك شفت لي مشكلتين كبيرتين
كيف لشاب في عشرينات عمره ما بيعرف يقرأ ويكتب ؟؟
المشكلة التانية
كيف لمهندس صرفت فيه الدولة ما صرفت لتعليمه ينتهي به الأمر مزارعا
(كونه صاحب مزرعة ما فرقت كتير لأنه دخله
ومستوي معيشتة ما أحسن كتير من العمال ومرات كتيرة بيخسر )
زي مثلا كلية الزراعة في جامعة كدا
قالوا عاملين مؤتمر عشان يناقشوا لماذا يعزف الظلاب عن دراسة الزراعة
شوف ديل بالله
قول ليهم في كم خريج زراعة عاطل؟؟؟؟
يعني أجي أقرا معاكم عشان أتخرج عاطل ؟؟؟؟
بالأحري تقفلوا الكلية دي لأنها بتخرج ناس ما بيلقوا شغل
(علي الأقل توفروا قروش لتعليم محتاجين ليه )
ولا حتي بريستيج زي خريجي الطب والهندسة
التعليم محنه كثيرة
| |
|
|
|
|
|
|
|
|
|
Re: تعليمنا في محنة أم ورطة! (Re: Nasr)
|
الآن في شمال كردفان المدارس في جميع المراحل فاتحة لكن كل الطلاب من الصف الثامن فما فوق لم يحضر أحد فقد توجهوا إلى مناطق التعدين العشوائي
وحتى بعض المدرسين وطلاب الجاكعات كلهم يبحث عن الذهب
التعليم الآن في محنة كبيرة
سألت أحد أبناء أقاربي لماذ لا تواصل تعليمك فرد علي بقوله:
ماذا حقق الذين تعلموا من قبل؟
نظرة الشباب للتعليم تغيرت
كثير منهم الآن يبحث عن المال وليس العلم أو المعرفة
التعليم بحاجة لتفكير خارج الصندوق
| |
|
|
|
|
|
|
|
|
 Re: تعليمنا في محنة أم ورطة! (Re: أحمد محمد عمر)
|
Quote:
إذا عاوزين التفكير خارج الصندوق يكون القبول بالفصل الدراسي وليس العام .. يعني في يكونوا في طلبة في السمستر الأول وطلبة في السمستر الثاني ودة يتطلب تغيير السيستم العقيم للقبول في التعليم العالي
|
با احمد القصه مش مقترح ممكن يتطبق فى اى وضع كمبيوترمان كليه خاصه وليها وضع مختلف عن الحكومى
فى الحكومى وانت من العارفين انو زى مقترحك دا محتاج قاعات ومكتبات كافيه ومتوفر فيها مراجع ومعامل برضو بسعات تستوعب عدد اساتذه يدير العمليه الاكاديمه من غير ضغط سواء بدنى او ذهنى -ناهيك عن موضوع تخلى الدوله عن الالتزام بمرتبات منسولى التعليم العالى ومسئوليه الجامعات عن تغطيه العجز فى المرتبات من مواردها الخاصه واهم الموارد رسوم الدرسه يعنى عندك قروش تقرا ماعندك تشوف موضوع تانى حتى لو كنت متفوق وبالمناسبه اغلباساتذه التخصصات الحيه وضروريه (العلوم الاساسيه والتطبيقيه ) تلقى اللواحد لافى من كليتو لى متعاون فى كليه فى جامعه تانيه او شغال برضو فى جامعه خاصه .
القضيه معقده لكن اهم شىء نبدا من انو التعليم العالى(بجميع مستوياتو من دبلوم لى فوق جامعى) اساس التنميه ووضرورى الدوله تهتم بالجامعات عشان تتحمل مسئوليه استيعاب كوادر متفوقه (مش بقروشهم ) ويتخرجو بعد دراشه برامج اكاديميه محكمه تاهلهم لسوق العمل اضافه للدور الاهم اللى هو دور الجامعات فى البحث العلمى المستجيب لمتطلبات المجمع الموده فيهو الجامعه خاصه فى بلد وى السودان واسع ومتنزع وككل منطقه ليها ثقافتها وبيئتها نمط نشاطها الاقتصادى المختلف عن باقى السودان
اذا الدوله اهتمت بالجامعات كاحد اعمده التنميه ابتداء بعد داك حلول المشاكل التانيه هينه بالاستفاده من تجارب دول مشابهه واحدثت نقله نمسك رواندا ولا غانا بعدها ممكن نضيف لمسات الخواجات
| |
|
|
|
|
|
|
| |
محمد التجاني عمر قش
Asim Ali
Nasr
فيس بوك
تويتر
انستقرام
يوتيوب
بنتيريست