الخرطوم: سودان برس أعلن جهاز تنظيم شئون السودانيين العاملين بالخارج عن الحوافز الخاصة للمغتربين والمهاجرين، في إطار القرارات الحكومية الخاصة بتوحيد سعر الصرف والسياسات المالية للحكومة السودانية.
وكشف الأستاذ مكين حامد تيراب، الأمين العام لجهاز تنظيم شؤون العاملين بالخارج، في المؤتمر الصحفي عن الحوافز الخاصة للمغتربين والمهاجرين عن 23 من الحوافز التشجيعية لجذب مدخرات المغتربين.
وأوضح أن أبرز الحوافز تتمثل في (إلغاء الضرائب والجبايات والرسوم والاستعاضة عنها برسم موحد إلى جانب تسهيلات استثمارية كبرى، إنشاء صندوق ضمان اجتماعي للمغتربين، توفر العودة الآمنة للمغرب، معالجة الاستثناءات لسيارات المغتربين، فتح حسابات بالنقد الأجنبي، إنشاء بنك المغترب للتحويل آت المالية، معالجة المشاريع المتعثرة، منح القروض الاستثمارية للمغتربين، معاملة أبناء المغتربين أسوة بالمواطنين بالداخل، حوافز شخصية للعودة النهائية، اعفاءات جمركية للعودة النهائية، دعم عملية الإسناد
03-02-2021, 05:19 PM
Abureesh
Abureesh
تاريخ التسجيل: 09-22-2003
مجموع المشاركات: 30182
Quote: معاملة أبناء المغتربين أسوة بالمواطنين بالداخل
دى ما فهمتها يا زهير.. حيعاملوهم كيف لو ما مواطنين؟!!
أما فتح حسابات بالنقد الأجنبى فموجود فى بنك الخرطوم، واظن فى كل البنوك، ولكل مواطن.. مغترب أولا..
وبالمناسبة ليه الحكومة تلف وتدور حول المغتربين من زمن الإنقاذ.. هسى الكلام لو حللته تلقاه لف ودوران عشان يشيلوا قريشاتهم.. قال الغاء الضرائب والجبايات. وفى نهاية الجملة قال وتكون رسوم موحدة.. يعنى بدل يدفعوك 10 جنيه ضرائب و10 جنيه جبايات يدفعوك 20 جنيه بإيصال واحد.. وبذلك يكونوا رفعوا عن كاهلك التعب.
يا حكومة بالله شيلى عينك من المغترب.. حددى مبلغ معين 5000 دولار لكل مغترب..مافيها ضرائب.. بعدين يجبها عربية، يجيبها طاقة شمسية، يجيبها جنريتر أو يجيبها كاش فى جيبه على كيفه.
عندهم رسوم مختلفة يا أبو الريش هسة لو مشيت تحضر دكتوراة في السودان بتلقي العايش في السودان رسومه 100 ألف جنيه والمغترب 5 ألف دولار وما بقبلو منه بالجنيه
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة