ما معنى ان يكون الانسان الله؟؟

Quote: الأخ / محمد الزبير ـ إنت سألتَ عن معنى : " وما هُم بخارجين من النار " ؟! و ذكرتَ انو المُشرِك ربنا حرَّم عليه الجنة . * دا كلام صاح ، ما فيهو شك ولا عليهو إعتراض ، و شيء طبيعي أن تُحرَم الجنة على المُشرِك . * وهل يدخل الجنة مُشرِك ؟! * مافي إنسان بيدخُل الجنة ـ و هو مُشرِك بالله ـ دا شيء بديهي . * ولو لاحظتَ مُلاحظة بسيطة في الآية " وما هُم بخارجين من النار " ـ الضمير في ـ وما هُم ـ راجع لمنو ؟! المقصود بيهو منو ؟! ـ مقصود بيهو المُشركين ـ مقصود بيهو الإنسان المُشرِك . * هل المُشركين ـ بيدخُلوا الجنة ـ في حال شركهم ؟! * ما بيدخلوا الجنة و هُم مُشركين !! * أي إنسان بيدخُل الجنة و هو مؤمن وموحّـِد الله ـ ما بيدخُل الجنة ـ مُشرِك بالله . * المُشركين بيدخلوا النار ـ يضوقوا العذاب في نار الله المُوقدة ال بتطلع على الأفئدة ـ عشان تنضّـِف قلوبهم ونفوسهم من دَنَس الذنوب ، ومن كبيرة الشِرك بالله ـ وبيخلدوا في النار ويصطلوا بيها إلى أن تنفَد حيلتهم وتنتهي شيطنتهم ، ويستيقنوا عجزهم ـ تماماً ـ عن قيامهم بأمر أنفسهم ـ ويقولوا : " لا إله إلا الله ، ولا حول ولا قوة إلا بالله وحده لا شريك له " ـ يقولوا كلمة التوحيد بلسان حالهم ويقولوها بلسان مقالهم ـ هنا بيعترفوا وبيستشعروا عجزهم ـ ظاهراً وباطِناً ، وبيدركوا ـ ذوقاً ويقيناً ـ ألا إله إلا الله ولا حول ولا قوة إلا بالله . - في المرحلة دي من حياتهم ـ بيكون وجَب في حقهم الخروج من عذاب الله في النار ، والدخول في رحمة الله في الجنة