|
|
 Re: ده حل لمشكلة الدولار المفتعلة + ما طالعين � (Re: منتصر عبد الباسط)
|
يا أحمد
Quote: لحل مشكلة الدولار
اولا ورونا من هم التجار الكبار
واعلنو انه قروشهم حلال علينا
اي مواطن يقبض تاجر عملة يقسم الأموال نص بالنص مع البنك
في ايام معدودة سيختفي تجار العملة والى الأبد. |
أول حاجة ما ممكن أصلوا تدي مواطن الحق يقبض مواطن تاني
دي ما ياها الفوضي ذاتها
لو أردنا أن نعاين لمشكلة التضخم الحادث في السودان
وأعراضة :تناقص قيمة العملة المحلية "الجنيه"
فيلزمنا أن نعاين من زوايتين
الاولي: العرض
المقصود هنا المعروض في السوق من عملات صعبة وأهمها الدولار
وكما أعلم فأن غالبه من تحويلات المغتربين ومرتبات تدفع بالعملة الصعبة
وعائد الصادر ومصادر أخري أقل أهمية
التانية: الطلب
المقصود هنا: منو في السودان داير الدولار وعشان شنو
علمنا أن الحكومة أحيانا كثيرة تحتاج للدولار لإستيراد محروقات ودواء وغيره
فبتلجأ للسوق الموازي للتزود بالعملة الصعبة
وهناك طبعا أجانب من شركات وأفراد عندهم قروش بالعملة المحلية
يسارعون في تحويلها للدولار لتهريبها
وهناك في ناس السودان عندهم قريشات بالجنيه
يسعون لإستبدالها بالدولار حفاظا علي قيمتها من التآكل بفعل التضخم
وهناك --وهذا هو الأهم -- مستوردين لبضائع للسوق المحلي يحتاجون للدولار
ليستطيعوا شراء هذه البضائع من السوق العالمي
الحتة الاخيرة دي محتاجة لشغل كتير بتاع سياسات وضبط سوق ومراقبة
نوضح شوية
في فساد وتلاعب في رخص الإستيراد في وزارة التجارة
وهدا فساد قديم قدم السودان والقائمون عليه من الحصافة بمكان
أنهم يستطيعون العيش في كل الظروف السياسية والإقتصادية
الفساد في أصله أن المستوردين يستوردون بهده العملة الصعبة المستخرجة من السوق المحلي
يستوردون سلعا كمالية لإستهلاك نخبة مترفة في السودان
وهذا بداهة علي حساب السلع الضرورية من أدوية ووقود ودقيق
ولأني مترفي السودان أثرياء للغاية (بلعوا قروش البترول ويبلعون الآن قروش الدهب)
فبدفعوا أسعارا خرافية في هذه الكماليات (كالروائح الباريسية وادوات
والكريمات بمختلف انواعها وطبعا السيارات والأثاثات الفاخرة)
وبالمقابل فإن تجار العملة بيشتروا بأسعار خرافية
دي حتة دايرة وقفة جادة
قال حافظ
| Quote: حل مشكلة الدولار يتم عن طريق زيادة الإنتاج والحد من الإستيراد وإيقاف طباعة العملة. |
وزي ما شايف إتفقت معاك في حكاية الحد من الإستيراد
أما في مسألة زيادة الإنتاج فلي نظرة أخري
عندنا إنتاج كتير من الدهب مثلا (حوالي الأربعة مليار دولار)
ولكن كما سمعنا فإن نصف هذا الإنتاج يتعرض للتهريب
وعندنا إنتاج زراعي وثروة حيوانية بكميات مقدرة
لكن لو سألت مصدري الثروة الحيوانية
هل تعيدون عائد الصادر كله للسودان؟؟؟
لما كانت الإجابة بنعم
أما عن طباعة العملة
الحكومة تستدين من البنك المركزي لتغطية إحتياجاتها كما وردت في الميزانية
وهي إحتياجات كتيرة وأكثر من طاقة الإقتصاد السوداني
أها إذا لم تخفض الحكومة الميزانيات المرصودة للأمن والجيش ومجلس الوزراء
والحكومة عموما ..... الحكومة مضطرة تستدين والبنك المركزي مضطر يطبع العملة المحلية
ويحدث التضخم
فما تعاينو في الفيل وتطعنوا في الضل
وفقا لهذة الظروف والتي جعلت تجارة العملة الصعبة عملا مربحا جدا
فلو أنك إعتقلت كل تجار العملة
حيظهروا ليك تجار تانيين
لكن كدي أقدروا علي بعض من الفساد وبعض من التهريب
فإن ذلك كفيل بمكافحة التضخم ولو جزئيا
|
|
 
|
|
|
|
|
| العنوان |
الكاتب |
Date |
 ده حل لمشكلة الدولار المفتعلة + ما طالعين مهما خربتو يا لجنة البشير الامنية .. | احمد محمد بشير | 01-28-21, 12:00 PM |
 Re: ده حل لمشكلة الدولار المفتعلة + ما طالعين � | احمد محمد بشير | 01-28-21, 12:02 PM |
| Re: ده حل لمشكلة الدولار المفتعلة + ما طالعين � | Hafiz Bashir | 01-28-21, 01:20 PM |
| Re: ده حل لمشكلة الدولار المفتعلة + ما طالعين � | منتصر عبد الباسط | 01-28-21, 04:36 PM |
| Re: ده حل لمشكلة الدولار المفتعلة + ما طالعين � | Nasr | 01-28-21, 06:29 PM |
| Re: ده حل لمشكلة الدولار المفتعلة + ما طالعين � | Hafiz Bashir | 01-28-21, 07:38 PM |
| Re: ده حل لمشكلة الدولار المفتعلة + ما طالعين � | Nasr | 01-28-21, 10:54 PM |
| Re: ده حل لمشكلة الدولار المفتعلة + ما طالعين � | علاء سيداحمد | 01-28-21, 11:40 PM |
| Re: ده حل لمشكلة الدولار المفتعلة + ما طالعين � | wedzayneb | 01-29-21, 05:30 PM |
| Re: ده حل لمشكلة الدولار المفتعلة + ما طالعين � | احمد حمودى | 01-29-21, 07:07 PM |
| Re: ده حل لمشكلة الدولار المفتعلة + ما طالعين � | wedzayneb | 01-29-21, 07:16 PM |
| Re: ده حل لمشكلة الدولار المفتعلة + ما طالعين � | Nasr | 01-30-21, 04:14 PM |
| Re: ده حل لمشكلة الدولار المفتعلة + ما طالعين � | احمد محمد بشير | 01-31-21, 11:38 AM |
| Re: ده حل لمشكلة الدولار المفتعلة + ما طالعين � | احمد محمد بشير | 02-12-21, 02:51 AM |
|
| |
Nasr
فيس بوك
تويتر
انستقرام
يوتيوب
بنتيريست