شهدت الساعات الأخيرة، ورود عدة أنباء عن وفاة شخصين في الساحل السوري، وإصابة عدد آخر من الأشخاص، بسبب تناولهم لسمكة شديدة السمّية، تعرف في المنطقة، باسم سمكة البالون، ومشهورة عالميا باسم سمكة الفوغو، وتعرف أيضا باسم سمكة الأرنب، أو سمكة المنفاخ.
وفاة جديدة في اللاذقية منذ ساعات
وفي التفاصيل، أعلنت مديرية صحة اللاذقية التابعة للنظام السوري، منذ قليل، عن وفاة طفلة، في المحافظة، جراء تناولها سمكة البالون، فجر اليوم الثلاثاء. وكشفت إدارة مستشفى حمزة نوفل، والتابع لوزارة صحة النظام، أنها استقبلت عائلة كاملة مكونة من 7 أفراد، بينهم 3 أطفال، كانوا قد تناولوا سمك البالون، وتم إخضاعهم لإسعافات فورية، فيما الطفلة التي كانت من ضمن أفراد العائلة الذين تناولوا السمكة السامة، فارقت الحياة، بعد نقلها متأثرة بإصابتها بالتسمم، إلى أحد المستشفيات الخاصة.
.. منقول
سمكة البالون
Post: #2 Title: Re: سمكة قاتلة في بلاد الشام يسمونها سمكة ال� Author: خضر الطيب Date: 01-07-2021, 05:41 AM Parent: #1
حبيبنا ود موسى كيفنك يا فنان هسي دي حاجة ياكلوها الطفسين ديل https://www.0zz0.com في واحد شاعر انا ما عارف هو منو قال يا دويم السجم جابتني ليك الحيرة ساعة الجن رقد في الحوت قبضت تامبيرا اوشئ من هذا القبيل
Post: #4 Title: Re: سمكة قاتلة في بلاد الشام يسمونها سمكة ال� Author: عزالدين عباس الفحل Date: 01-07-2021, 06:00 AM Parent: #2
الاخ الفاضل Osman Musa سلاااااااام ، سمكة البالون دي مرة شفتها ، في إحدي الإجازات في السودان ، بجوار نهر النيل ، عتد الموردة ، ام درمان ، سوق السمك ع البحر ، جوار عوضية سمك ، وأذكر انو السمكة ، كانت منتفخة زي الكورة ، حتي أنني قربت أهبشها بيدي ، وكانت حية ، لكن الحبشي الكان معاي ، حذرني من ذاك ، سبحان الله ، ،،،،،،
عزالدين عباس الفحل ابوظبي
Post: #3 Title: Re: سمكة قاتلة في بلاد الشام يسمونها سمكة ال� Author: Shaker Hamid Date: 01-07-2021, 05:49 AM Parent: #1
كثيرا ما اكلنا من سمك التامبيرا .. وعلى ما اظن اغلب كوكتيلات العشاء فى الحفلات من هذا النوع من الاسماك لخلوه من الشوك .. ولم نسمع فى السودان من مات جراء تناول وجبة من سمك التامبيرا
Post: #5 Title: Re: سمكة قاتلة في بلاد الشام يسمونها سمكة ال� Author: Osman Musa Date: 02-11-2022, 04:17 PM Parent: #3
اعملوا حسابكن في مطاعم السمك في الخرطوم التامبيرا قاعدين يخلطوها بين لحمة السمك .
Post: #6 Title: Re: سمكة قاتلة في بلاد الشام يسمونها سمكة ال� Author: بدر الدين الأمير Date: 02-11-2022, 06:08 PM Parent: #5
عثمان وضيوفه دحين مش في مريسا اسمها مريسة التامبيرا أو التامبين
Post: #7 Title: Re: سمكة قاتلة في بلاد الشام يسمونها سمكة ال� Author: Osman Musa Date: 02-11-2022, 07:20 PM Parent: #6
الأخ بدرالدين سلام المريسة أدب. والمريسة ثقافة. نعم التامبيرا اسم من الأسماء العديدة للمريسة. وبرضو بسموها البغو . والدبوبة . والدبوبة دي بكريها المريسة الهايجة ام زبد. وبرضو بقولوا ليها الدقة . وكتير .
Post: #8 Title: Re: سمكة قاتلة في بلاد الشام يسمونها سمكة ال� Author: Hafiz Bashir Date: 02-11-2022, 08:29 PM Parent: #7
في فيلم (2009) Law Abiding Citizen كلايد اتصل بداربي وخلاهو يختطف شرطي ويشيل مسدس الشرطي، لاحقاً إتضح إنه الشرطي المختطف هو كلايد نفسه متنكر في زي الشرطي. كلايد قال لداربي المسدس ممسوح بسم التيترودكسين المستخلص من كبد سمك الفوغو الكاريبي وقال ليهو "الآن السم يسري في جسمك وحيمنعك عن الحركة تماماً ولكن حيترك بقية وظائف الجهاز العصبي سليمة او بعبارة أخرى، لا تستطيع الحركة ولكنك تشعر بكل شيء . لأن السم لا يفعل شيء مطلقاً لتسكين الألم" طبعاً المعلومة الأخيرة دي ما صحيحة، والصحيح أن سم التيترودكسين يمنع النقل العصبي بين الأطراف والمخ تماماً وبالتالي فهو يشل الإنسان عن الحركة تماماً كما أنه يتسبب في خدر الأطراف ويمنع الإحساس بالألم رغم إن الإنسان بكون صاحي وواعي. والإنسان غالباً بموت بسبب شلل الحجاب الحاجز وفشل التنفس. بسبب منعه لتوصيل الألم للدماغ، في إحتمال لإستخدامه طبياً لتسكين ألم السرطان وفي أبحاث جارية للإستخدام.
لكن يا عثمان أشك في إن الفوغو هي يا ها التامبيرا حقتنا الفوغو سمكة تعيش في البحر المالح والتامبيرا دي زولة مياه عذبة ساي. وبعدين نص السمك الفرايد البناكلو في الخرطوم دا تامبيرا وفرد يوم ما سمعنا بزول إتسمم. نسيت أقول إنو الجرعة القاتلة من سم التيترودكسين بضعة مليجرامات فقط.
Post: #10 Title: Re: سمكة قاتلة في بلاد الشام يسمونها سمكة ال� Author: Osman Musa Date: 02-12-2022, 09:12 AM Parent: #8
الأخ Hafiz سلام اكيد في اختلاف بين المخلوقات البحرية والنيلية. التامبيرا حقتنا لو هبشت الزول في النهر بتنهيهو وحسب قوتها. سمعت بي زول خطير جدا في سباحة النيل . ممكن يقطع النيل بدوم ما هدومو الملفوفة في راسو تهبشها نقطة موية وهو سابح. لكن بعد القوة دي كلها طقتوا تامبيرا وغرق ومات شهيد التامبيرا.
Post: #9 Title: Re: سمكة قاتلة في بلاد الشام يسمونها سمكة ال� Author: Hassan Farah Date: 02-12-2022, 08:44 AM Parent: #1
Post: #11 Title: Re: سمكة قاتلة في بلاد الشام يسمونها سمكة ال� Author: دفع الله ود الأصيل Date: 02-12-2022, 12:50 PM Parent: #9
التامبيرة دي يا عصمان نحن بنسميها البردة عبارة عن شحنة كهربائية كامنة في جلد حوتة ناعمة يعني زي مرفعين في جلد حمل. وقد كثُر تواجدها عندنا في حوض بحر أزرق و اليعض يعزي ذلك لقيام سد النهضة ، مما أدى إلى ضحالة المياه في مجراه مما يشكل مرتعاً مثالياً خصباًلانتشار مستعمرات من التنابير ي لدرجة مرات معدية البنطون بين قراناالوادعة في الهوج والشرق ، بقت تتوقف صيفاً. الشاهد إنو ضحايا الظاهرة دي تفشت عندنا مؤخراً لدجة مثيرة لقلق الأهالي ، خسوسن وأنهم من الشباب هواة العوم وكان آخرهم ولدن لينا مات مصعوقاً أول أمس دي في قرية الشرفة الشريف بركات.
Post: #13 Title: Re: سمكة قاتلة في بلاد الشام يسمونها سمكة ال� Author: Osman Musa Date: 02-12-2022, 04:30 PM Parent: #11
أخونا ود الأصيل سلامات بدري كان عندنا خال مسمنو تمساح الدميرة كان خبرة في نشل الجنائز من النيل . وكان فارس وزول فزعة . تصدق الزول دا طقتو بردة . فكت فيه ما يعادل ال 3500 فولت . لقوهو طافح في حجرة النيل في عصر اليوم التالت. عليه الرحمة . بردتنا يا ود الأصيل عبارة امية. كهرباء تنور امبدة كلها.
Post: #12 Title: Re: سمكة قاتلة في بلاد الشام يسمونها سمكة ال� Author: بلدى يا حبوب Date: 02-12-2022, 04:00 PM Parent: #1
سمكة التامبيرا فيها فرايد رهيبه على فكرة. كل كافتريات ومطاعم الخرطوم تبيعها سمك فرايد وبعدين السمكة. الملونه الفي الصوره ده ما ذي بتاعت النيل تانبيرة. السودان لونها سماوي فيها نقوش بيضاء تحياتي
Post: #14 Title: Re: سمكة قاتلة في بلاد الشام يسمونها سمكة ال� Author: دفع الله ود الأصيل Date: 02-13-2022, 04:56 AM Parent: #12
طبعن يا عثمان ود موسى عارفني بريد ونستك بلحيل و يا ريت كان معاها غضة و قعدة جبنة في غندهار سوق الناقة، و شرطن يكونو معانا ناس ود كرموش و بشير ود التهامي ديل من تالا كمير العةضية ، غادي من كبوشية. أها بمناسبة عمنا الكلس دا الرحمة ليهوة؛ مرة الريح هاجت و الموج ماج بينا و اضطرب و المركب قالت كدي لوشت بينا لامن قلبتنا جابتنا تحتا جوة الدميرة و يلا كل زول بقى يقابض يا روحي الما بعدك روح . خبوبتن لينا نيلا لها في جناين صبي عاتي وعاجباه روحو و كنكشت في رقبتو عشان يمرقا معاه لكن الجنا انفزر و عضاها لامن فكتو. أها وكتين مرقو في القيفة فضحتو قالت: والله شرقة الموية تقول تكطع النفس علا لاكين ميها أخر من عضة ود فلان دا.
Post: #15 Title: Re: سمكة قاتلة في بلاد الشام يسمونها سمكة ال� Author: Osman Musa Date: 02-13-2022, 06:59 AM Parent: #12
اخونا بلدي يا حبوب سلام البردة النيلية حقتنا اخدت من الوان الأحجار الكريمة وشحنت من كهربة خزان الرصيرص. عشان كدي لو نقرت فيل بتجيب خبرو .
