كتب الكاتب الفاتح جبرا المتوفرة بمعرض الدوحة
|
Re: سمكة قاتلة في بلاد الشام يسمونها سمكة ال� (Re: خضر الطيب)
|
الاخ الفاضل Osman Musa سلاااااااام ، سمكة البالون دي مرة شفتها ، في إحدي الإجازات في السودان ، بجوار نهر النيل ، عتد الموردة ، ام درمان ، سوق السمك ع البحر ، جوار عوضية سمك ، وأذكر انو السمكة ، كانت منتفخة زي الكورة ، حتي أنني قربت أهبشها بيدي ، وكانت حية ، لكن الحبشي الكان معاي ، حذرني من ذاك ، سبحان الله ، ،،،،،،
عزالدين عباس الفحل ابوظبي
| |
|
|
|
|
|
|
Re: سمكة قاتلة في بلاد الشام يسمونها سمكة ال� (Re: Osman Musa)
|
في فيلم (2009) Law Abiding Citizen كلايد اتصل بداربي وخلاهو يختطف شرطي ويشيل مسدس الشرطي، لاحقاً إتضح إنه الشرطي المختطف هو كلايد نفسه متنكر في زي الشرطي. كلايد قال لداربي المسدس ممسوح بسم التيترودكسين المستخلص من كبد سمك الفوغو الكاريبي وقال ليهو "الآن السم يسري في جسمك وحيمنعك عن الحركة تماماً ولكن حيترك بقية وظائف الجهاز العصبي سليمة او بعبارة أخرى، لا تستطيع الحركة ولكنك تشعر بكل شيء . لأن السم لا يفعل شيء مطلقاً لتسكين الألم" طبعاً المعلومة الأخيرة دي ما صحيحة، والصحيح أن سم التيترودكسين يمنع النقل العصبي بين الأطراف والمخ تماماً وبالتالي فهو يشل الإنسان عن الحركة تماماً كما أنه يتسبب في خدر الأطراف ويمنع الإحساس بالألم رغم إن الإنسان بكون صاحي وواعي. والإنسان غالباً بموت بسبب شلل الحجاب الحاجز وفشل التنفس. بسبب منعه لتوصيل الألم للدماغ، في إحتمال لإستخدامه طبياً لتسكين ألم السرطان وفي أبحاث جارية للإستخدام.
لكن يا عثمان أشك في إن الفوغو هي يا ها التامبيرا حقتنا الفوغو سمكة تعيش في البحر المالح والتامبيرا دي زولة مياه عذبة ساي. وبعدين نص السمك الفرايد البناكلو في الخرطوم دا تامبيرا وفرد يوم ما سمعنا بزول إتسمم. نسيت أقول إنو الجرعة القاتلة من سم التيترودكسين بضعة مليجرامات فقط.
| |
|
|
|
|
|
|
Re: سمكة قاتلة في بلاد الشام يسمونها سمكة ال� (Re: Hafiz Bashir)
|
الأخ Hafiz سلام اكيد في اختلاف بين المخلوقات البحرية والنيلية. التامبيرا حقتنا لو هبشت الزول في النهر بتنهيهو وحسب قوتها. سمعت بي زول خطير جدا في سباحة النيل . ممكن يقطع النيل بدوم ما هدومو الملفوفة في راسو تهبشها نقطة موية وهو سابح. لكن بعد القوة دي كلها طقتوا تامبيرا وغرق ومات شهيد التامبيرا.
| |
|
|
|
|
|
|
Re: سمكة قاتلة في بلاد الشام يسمونها سمكة ال� (Re: دفع الله ود الأصيل)
|
أخونا ود الأصيل سلامات بدري كان عندنا خال مسمنو تمساح الدميرة كان خبرة في نشل الجنائز من النيل . وكان فارس وزول فزعة . تصدق الزول دا طقتو بردة . فكت فيه ما يعادل ال 3500 فولت . لقوهو طافح في حجرة النيل في عصر اليوم التالت. عليه الرحمة . بردتنا يا ود الأصيل عبارة امية. كهرباء تنور امبدة كلها.
| |
|
|
|
|
|
|
|