|
Re: ماذا أصابك يا وطن (Re: سعاد تكة)
|
Quote: أقولها ثانية بذهول ( ماذا أصابك يا وطن ) ....وقلبي عليك يا وطني سعاد تكه |
يا اختاه في الوطن
ما اصابه بما كسبت ايدينا
ونحن الظالمون للوطن المثقل بالجراح حتى لا تجد في جسده موضعا إلا ضربة سيف من عدو ورمية رمح من صديق وطعنة سكين في الظهر من بنيه وامه واخيه
| |
|
|
|
|
|
|
Re: ماذا أصابك يا وطن (Re: سعاد تكة)
|
حياك الله يا سعاد ناس راسهم فاضي وكيسهم فاضي مدورين بي السودان بي المشاريع المصرية بعد الاستقلال حاصل فارغ
الحل قدامهم وبوسطة الشعب وهم يلفو ويدورو الاقلمة والانتخابات بمرجعات الدساتير الموجودة العندو بضاعة يعرضا مش يفرضا والانتخابات الاقليمية ثم المركزية ثم الراسية البقنع البعثي والشيوعي والناصري الفاشل شنو جربناهم في مايو زمان وبي المحاصصة هسة وبرضو فاشلين مش كان احسن الهيكلة والانتخابات طوالي بعد ده ولي ينتشظرو بادين بي الكمونية الما نافعة دي
الاصلاح الشامل مواجهة الحقائق دي غياب الفدرالية الحقيقية واجهاضها بعد الاستقلال وجود السودان جامعة الدول العربية والمشاريع المصرية هسة يرجعو الاقاليم وكل اقليم ينتخب حاكم الاقليم وبرلمان الاقليم بتنتهي مشكلة السودان نهائي الدولة مؤسسات مش فلان وعلان
| |
|
|
|
|
|
|
Re: ماذا أصابك يا وطن (Re: adil amin)
|
وعليكم السلام عادل
فعلا كلامك ( العندو بضاعة يعرضا مش يفرضا ) لكن واضح هم بالصورة دي حا يفرضوها علينا فرض
والخوف من إنه يتكرر تمديد الفترة الانتقاليه مع الفصلين الباقين ( عبدالواحد والحلو ) ونكون لافين عشره سنين مع الفترة الانتقاليه لاستقرار ولا انتخابات
| |
|
|
|
|
|
|
Re: ماذا أصابك يا وطن (Re: سعاد تكة)
|
كثير من الدول حولنا أصيبت بداء الفتن والحروب والعنصرية وفساد السلطة إلا أنه بالوعي تغلبت وتعافت من تلك الأمراض إلا نحن لازلنا نعاني من الخداع والتخدير والتصريحات الفارغة لحكامنا لوملاحظين مرّ عام كامل وزيادة وبلادنا (للخلف در) والشماعة التى نعلق عليها فشلنا جاهزة وهي التركة الثقيلة للكيزان وماعارف الدولة الغريقة ولا العميقة ثم جات ثالثة الأثافي الكورونا ) لتتعطل الحياة وتغلق دور التعليم دا غير الدجل والشعوذة الماشة في إزدياد من الآخر كدة الوطن الجريح أصابته اللعنة وأكبر لعنة الآن هم من يسمون أنفسهم الحرية والتدمير ربنا يصلح الحال بس
| |
|
|
|
|
|
|
|